الراحل مصطفى سيدأحمد (ابن منحنى النيل):
http://www.youtube.com/watch?v=TLIgTNjSp5k http://www.youtube.com/watch?v=5ySVtxUKgL4 |
الراحل عثمان حسين (ابن منحنى النيل):
http://www.youtube.com/watch?v=CR_0aJOa4Ww |
اقتباس:
القصة ما قناة كريمة الفضائية ... و البوست ذاتو ما عن قناة كريمة الفضائية و لو علقتو في الكعبة خليه في العنوان !! القصة انك تحت ستار قناة كريمة الفضائية و بين فيديوهاتك لمبدعي المنطقة بتروج لرجل قتل الناس و عذبهم و إغتصب الرجال في معتقلاتو ... تتباهى متصور معاه ... و بالباطل تشكر فيه و تسبغ عليه صفات أولياء الله الصالحين ... و لا تتورع تتحدث عن قيم العدل ... و بعد شوية تفتح بوست تحدثنا عما قال الله و قال رسوله !! دي القصة يا حبيبنا ... تغبيش رؤى الناس و تحويل الباطل حقا و الحق باطلا حتى يستوي القاتل بالمقتول ... لكن هيهات !! هيهات ... هيهات ... لا جن ... و لا سحره ... بقادرين على أن يمسحو أثره !! يتبع حتي يبتلع !! :cool: قال صلاح قوش قال !! الليلة - شهد الله - زعلان منك بالجد !! |
سلامات يااستاذ عادل وكل عام انت بخير
مع اني اصلا ما حابه اخش بوستات الغلاط والشكل وتاني ما بعيده بس استفزاني تمجيدك للرجل يازول خاف الله دا يمين بالله انا دي ولا زول تاني في عهده كنت في اولي ثانوي اقتادني رجاله الي مكاتب التحقيق ويمين بالمعبود بالحق وانا طفله في اولي ثانوي دي تم تهديدي ب اغتيال والدي لو ما حصل كذا وكذا وكذا صاح قصدو تخويفي ونجحو النصيحه لله اها قلت قوش نبي الشمال الجديد حسبي الله ونعم الوكيل |
اقتباس:
|
اقتباس:
يا امين عسوم دا يمدح فى الراجل دايرو يصدق ليهو قطعة ارض مصالح ياخوانا دى فيها حاجة:D |
اقتباس:
قال قوش قال حسبي الله ونعم الوكيل فيه وفي اذرعه المداها للبشر بالشر حسبي الله وكفي |
اقتباس:
البوست ليس بوست غلاط ولا شكل :D اما صلاح قوش فليس نبي الشمال لانه لانبي بعد النبي محمد قولي معاي صلى الله عليه وسلم وبالنسبة لاعتقالك فحمدالله على السلامة وطبعا الاعتقال والتحقيق مرهون بالحدث وهو مافعله والدك وهو مالم تحكيه ضمن قصة اعتقالك وهل تعتقدين لو كنت مواطنة في اي دولة اخرى انك لست معرضة للاعتقال والتحققيق من جهاز امن بلدك؟! وما العقاب الذي تقترحينه على صلاح قوش جراء اعتقالك؟! مودتي |
اقتباس:
احمد الله يام التيمان لدي مزرعتين واحدة في الشقيلاب بعد الكلاكلات مساحتها 18 فدان وبها بيت ومترة واخرى في وسط مدينة كريمة مساحتها9 فدان بها ايضا بيت ومترة ومسقية بي موية النيل اشتريتهم من حر مالي منذ بداية التسعينات وانا مغترب قولي ماشاء الله:) يعني بالعربي كدة لا احتاج الى صلاح قوش ليعطيني شيئا بحمدالله |
اقتباس:
ما شاء الله ...ما شاء الله برضو البحر ما بيابة الزيادة و الخور بقى خورين خاصة لو المزرعتين ديل ادوك ليهم غرض حسن و زرعتهم طماطم الكيلو بقى اربعين الف جنية و العجورة 6 الف جنية لو زرعتهم بلح عيد الاضحي على الابواب و الشاربوت تانى البلحقك منو الا نسمع بيك فى البورصة العالمية |
اقتباس:
|
اقتباس:
القال منو اعتقال مها و التحقيق معاها عندو علاقة بما فعل والدها ؟ هي قالت (( تم تهديدي ب اغتيال والدي لو ما حصل كذا وكذا وكذا )) و ده كلام واضح بيفيد تهديد طفلة بوالدها لكنو عمرو ما ممكن يفيد انها اعتقلت بسبب (( ما فعله والدها )) !! بعدين كدي نفترض انها اعتقلت بسبب (( فعل والدها)) كما تزعم ... و نفترض إنو السبب إنو والدها خالف القانون زي ما لمحت به في (( مالم تحكيه ضمن قصة اعتقالك )) ... هل يجوز أن تزر وازرة وزر أخرى يا بتاع جامعة أم القرى و تلميذ السيد سابق و زارع النيم في الأراضي المقدسة ؟!! لو كانت مها - أو غير مها - في دولة شادة حيلها ... حاكمنها ناس شادين حيلهم ... يتعرضو للاعتقال ليه و هم ما خالفو القانون ؟!! الناس الأعتقلهم و عذبهم زولك الملصوق فيه ده لم يخالفو القانون ... لم يسرقو السلطة و يدخلو الناس المعتقلات ... لم ينهبو البلد و يتقاسمو مواردها غنائم ... بينما زولك الملصوق فيه ده فعل كل هذا و أكتر ... يبقى يعتقلوهم ليه ؟! بالنسبة للعقاب المقترح ... الراجل ربنا بعاقب فيه ... حبسوه و عذبو و أهانو تماما مثل ما كان يفعل ... و لما مرق من المعتقل بقى يجي يتونس و يتصور معاك و مع نوعيتك دي : هو العذاب ده إلا في المعتقل ؟!! :rolleyes: |
اقتباس:
قوش بقى كان داير حاجة يصدقو ليه ... بقى داير مساعدة عسوم و أمثال عسوم عشان الناس تعاين ليه بدون ما يبصقو عليه !! و حتى عسوم و أمثالو - بكل قوة عينهم - ما بقدرو يبيضو ليه وشو عديل ... لازم يجيبوها باللفة في نص القناة الفضائية و كريمة و المنطقة و فيديوهات مبدعيها !! انتي قايلة البلد دي إتنفشت بالهين ؟!! |
اقتباس:
حيرتني شويه قلت يمكن ما فهمت كلامي والا ماقريتو بس اشارتك اكيد ما مقبوله الحمد لله والدي مواطن سوداني شريف عامل بسيط جدا اجاد تربيتنا وتعرض للاعتقال والسجن بسبب موقف سياسي يؤمن به لم يخالف القانون تخيل ! |
اقتباس:
|
اقتباس:
:D |
اقتباس:
أنت من جاء وحكى بأن اعتقالك قد كان في سياق قضية لوالدك! ولا يجرمنك شنآن أمين أو غيره وصيده بأن يجعلك تفهمي حديثي على غير مراده!! الاحترام مدخور لك وللوالد ...لكني لا أرى أشكالا في أن يقوم أيما أمن في أيما دولة باعتقال مواطن والتحقيق معه للوصول الى بينات تخص أمر ما! أنا أيضا تم اعتقالي في السودان وحقق معي وأظن أن الأمر قد كان بتوصية من الانتربول الدولي* وذلك لمشاركتي بالكتابة في أحد المنتديات عن تصنيع السلاح الكيميائي قبل سنوات ولا أرى في ذلك غضاضة أو مثلبة لجهاز أمن بلدي... مودتي ـــــــــــــــــــــــ *أرجح ذلك استصحابا لحيثيات تحقيق تبع ذلك معي عندما زرت أمريكا في مطار واشنطن دي سي! |
الاعلام على عمومه أصبح سلاحا لا يقل تأثيره -حتى- عن السلاح الناري...
ولعل الاعلام المرئي يأتي في المقدمة وقد فطن اليهود الى ذلك كما يتبين في برتوكلات حكماء صهيون! فهاهو ميرودوخ اليهودي قد استثمر (كل) ثروته في الاعلام فخدم قضية قومه أيما خدمة! والثقافة والأدب والمعرفة أولى بأن يجند لها الناس الاعلام لأنها تُرّبّي الأجيال وتبذر في الناس النضج وتفضي بهم الى استلهام الايجاب في مسار ومنتهى ابصارهم ومن قبل ذلك تشكل العقول والوجدان!... لا ولن أنادي بالسعي الى أقامة قناة فضائية ان لم تتوفر المقومات لها والأرضية الصالحة لقيامها... ولعل بعض تجاربنا (السالبة) لاقامة محطات فضائية تدلل جليا على ذلك! (يتبع) |
أكيد (تشرب من الحامداب)...ياسلام ياسلام!
http://www.youtube.com/watch?v=bvvdNqP2ASU |
يا عسوم، صورتك الما خايف عليها دي، لا بتزعّل ولا شتين، وباقي لي الناس شايلة حسك فيها من باب حراق الروح الأسفيري والمكاجنة ليك ليس إلا، وقد جاء في الأثر: الما بدورك في الضلمة بحمّر ليك! إنتَ في النهاية مجرد فرد من غمار الناس صورتك مع قوش لا تضر ولا تنفع، الكلام على صور ناس تانيين موجودة في كل مكان على الأسافير وما سمعنا زول قال ليهم بغم! كدي أمشي أقرأ موضوع عمّك شوقي بدري الأخير وتعال رد للناس.
المهم "نرجع للموضوع الأساسي": قناتكم دي لو كلها غنا وشعر، بذات الطريقة القدمتها بيها هنا، فدا طرفي منها، كفاية علينا الملل القاعدين نلقاهو في النيل الأزرق ورفيقاتها بإسم الثقافة! |
اقتباس:
والله زول روحو محرقاه غيرك هنا مافي !! :D ياخي كم مرة قلنا عمك عسوم من حقو يتصور مع أي زول إن شاء الله روسبير بتاع الثورة الفرنسية داك ... قلنا الاشكالية ما في عضم الصور ... الاشكالية في استئناس زول زي صلاح قوش و تقديمو لينا في شكل بشرا سويا ...مش كده و بس ... بل ما مسؤل عن قتل الناس و تعذيبهم لانو كان مركز على الامن الخارجي و هيك حنك عاضي !! إعادة إنتاج قوش كزول حريص على اهلو و منطقتو و ناسو أشبه بمخطط كبير بتم في الواقع و الاسافير ... يعني المسألة ما عسوم و لا سودانيات ... نفس الفلم ده إشتغل في س. أونلاين و بالتأكيد بتلقاه في منتديات المنطقة و قبل فترة عاملين معاه لقاء في الشروق بعد ما انتهي لا يسعك إلا أن تصلي و تسلم عليه ... بل تم تكريم صلاح قوش في جدة ... و كان ما بخاف الكضب كان قلت ليك إنو صور عسوم معاه دي متاخده من حفلة تكريمو دي ذاتها !! تبقى القصة يا عم مبر ما قصة فرد من غمار الناس من حقو يتصور مع من يشاء !! و لا حمير لعسوم في الضلمة ... عسوم كان دايرين نحمر ليه ... سئيلي الله ما بكون عندو وش يكتب بيه هنا تاني ... غير كده إنو هذا العسوم أنا مستمتع جدا بدراستو كحالة استعصت علي فهمها ... و رغم إنو مرات ببلني و بخش لي under my skin لكن بينا ريدة كده لله في الله ... كان نكرها ما تصدقو !!! :cool: |
اقتباس:
"نرجع للموضوع الما أساسي": يا زول، تلميع ناس قوش الما قدروا عليهو ناس فاطمة أحمد أبراهيم، ووردي، والطيب صالح، وحميد، وعادل الباز، وإبراهيم إسحاق، ومحمود عبدالعزيز، ومحمد عثمان الميرغني؛ ما أظن يقدر عليهو عسوم دا. |
اقتباس:
يعني ود أصل وفصل وصورو مالية المنتديات يمكنك تبينها ياهذا ... وسيرتو أيضا يعلمها ولاد الناس والأصول وهذا يكفي... يبدو أنك لاترعوي والكل يشهد بتلميحاتك وقد مددت دونك حبل التصبار تقديرا لأحباب هنا راسلوني وواسوني وأمنوا على (تصباري) على استعداءاتك الغريبة والعجيبة! هل تستطيع أن تقول للناس ماذا أضر بك عسوم أو نال منك أو حتى أنتقص منك؟! لا حول ولا قوة الاّ بالله |
مشكور أخي مبر والعذر على تأخير الرد لانشغالي بموضوع آخر
أعلم ماتروم ياصاحب... يديك العافية ياحبيب |
اقتباس:
باذن الله سآتيك بالصور لتري العدد المهول من الحضور ممن أمّوا تكريم الرجل هنا في جدة من أهل مروي على أطلاقها وحمل صلاح قوش على الأكتف والأعناق كما يحمل العريس عرفان بما ظل يقدمه لهم وتقديرا لموقفه خلال المحاولة الأخيرة حيث وقف وتحدث بالصوت الجهير رافضا الفساد الذي استفحل في دهاليز الدولة والحزب! لعلي أعود الى كل ذلك في حينه ياعزيزي مودتي |
اقتباس:
|
اقتباس:
اقتباس:
بالله يا عسوم تعال أكد للناس دي ريدتك لي ... ياخي الحب في الله ده أسمى أنواع الحب !! :D:D |
اقتباس:
اتّا ماقلت ماحتشوفا لانها كلها غنا؟! لا بأس يامبر أأتني بما يدين صلاح قوش واعلم بأني لست ممن ينصرون ظالما على ضحية! أما خدمة صلاح قوش لأهل الدائرة التي فاز فيها فيمكنك أن تتبينه-حتى-من غير المنضوين تحت راية حزبه ومنهم حمّيد رحمه الله وغيره كثير ينتمون الى سائر أحزاب السودان الأخرى ومنهم من ليس له حزب... |
اقتباس:
ياخي أنا بهناك بكتب عن الحب في الله و إنت تجي تقول لي انك ود ناس ؟!! الما ود ناس منو ؟! :rolleyes: كلامك الاخير ده ح اعتبرو حراق روح ساي ... واصل ( تصبارك) و كان دايرني أنا ذاتي اراسلك و أواسيك مع المواسين بواسيك !! :cool: |
اقتباس:
لست أنت من يعلمني الحب في الله ياخ ولا أحتاج منك الى مراسلات شخصية ولا حتى مداخلات (ان لم تكن ذات فائدة للقراء)! أقلاها أحترم من هو أكبر منك سنا ياخ |
اقتباس:
لكن كيف تلمح إنو أنا مداخلتي غير ذات فائدة للقراء !! ياخي أنا بنشر في الوعي على إمتداد الاسافير ... أي نعم معجبيي و متابعني ما قدر معجبيك و متابعيك ... لكن برضو عندنا عندنا معجبين و متابعين بزعلو جدا لمن إنت تحط من قدري و تلمح إنو مداخلتي غير ذات فائدة للقراء ... و ما بعيد بعيد شوية يراسلوني و يواسوني بسبب كلامك ده !! :D ياخي إعتذر لي على كلامك ده بالله عشان نمشي لقدام ! |
اقتباس:
http://sudanyat.org/vb/showthread.php?t=24090&page=24 |
|
اللينكات دي استغلقت على و ما عرفتها شنو ذاتها ...بعدين ياخي مافي مهاترة ... نحن البينا عامر غصبا عنك !! :D:D
|
عذرا لكل متابع أو قارئ...
أعتذر لعدم تمكني من أكمال هذا البوست! الشكية لله |
سأتوقف عن الكتابة الى حين يأذن لي الله
|
اقتباس:
غايتو الوقفة كويسة ... تستعيد أعصابك الفالتة دي و تهدأ و تروق و تجي تعتذر لي على طردك لي ده . :) و ليك علي لحدي ما ترجع ( بالسلامة إن شاء الله ) أخلي بالي من بوستاتك زي كانها حقتي واحد !! :cool: |
|
لو كنت اؤمن بان الكيزان ومناصريهم عندهم حقوق مدنية زيهم وزي الناس، كنت قلت انو البروف زوّدها خالص :)
|
اقتباس:
عسوم حبيبنا القصة غلبتو ... قرر يقيف.... عملني سبب !! ------- عسوم يا وضئ :D ... صورة آمال دي ديل الشيوعيين دايرين يفتنو بينا ... ما عارفين إنو محبتنا في الله دي أكبر من أن تنتاشها سهامهم الصدئة !! :D:D |
| الساعة الآن 06:44 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.