سلام عزيزنا أبوبكر،
ألف شكر على رفد البوست بصورة الكتاب ورابطه.
إنت زول مفيد خالص الله يديك العافية.

سلام حبيبو،
دايما مداخلاتك تريانة والمعلومة منك ما بتجي ناشفة زي شقيق الجلد في الشتاء، بترطبها بكل المرطِّبات والمرطَّبات، فتنزل حلوة في الغرغور.
بردنا في الشمالية كمان نشافو براهو (مش كده يا أبابكر؟) خاصة في المناطق العالية المكشوفة وما جنبها بيوت. إتذكرت برد داخليات القرير الأميرية ومروي الثانوية، الاتنين كانن في ربوة عالية بعيدة من البيوت. أجارك الله، تتمنى ما يضحكك زول.

لا تحرمنا من إطلالاتك.

أربعة اعشاب القضاء علي جرثومة المعدة .
1. الحلبة.
2. اوراق الزيتون.
3. جذر عرق السوس.
4. قشور الرمان .

مشكور أبو بكر على المعلومة المهمة.
صراحة أنا استفدت من البوست ده فايدة عظيمة وحيكون مرجع مهم بالنسبة لي.
ربنا يشفي جميع المرضى.

النصييييحة، الدكاترة، بخوفوا،، الزول، نبقى ناس أعشاب ، بس كان عصرت لينا على دواء، (الحيرقان):D بتكون ما قصرت

.....

متعة والله يا عمدة

سلام كانديك وليك وحشة معلومة والله!
يا خوي ما تتوهّط فوق العنقريب، مالك قاعد في الكرّاب؟ :)

دواء الحيرقان نشوفو ليك وإن شاء الله ما تحتاجلو، بس إنت ابعد من مثيراتو looool.

بس يبقالي إنت طلعت لا فوق بتلقاهو في المداخلات السابقة.

علاج الحموضة والحرقان


تتمثل طرق علاج الحموضة والحرقان بالمنزل في الآتي:

1. الموز الناضج
يعد الموز من الأطعمة الغنية بالبوتاسيوم وغير الحمضية، الأمر الذي من شأنه أن يقلل من حمض المعدة الذي قد يتسبب بتهيج المريء.

من الجدير بالذكر أن الموز غير الناضج غالبًا ما يعد أقل قلوية من الموز الناضج، وغني بالنشا وقد يكون أيضًا سببًا لارتداد الحمض لدى بعض الأشخاص، لذا احرص على اختيار الموز الناضج.

2. علكة خالية من السكر
يزيد مضغ العلكة من إفراز اللعاب، الذي يساعد بدوره في تقليل حرقة المعدة، إذ يعمل اللعاب على تسهيل عملية البلع، ويخفض من الحمض، ويمنعه من الارتداد إلى المريء.

3. مخيض اللبن
يمتلك مخيض اللبن خصائص تحد من تهيج الجهاز الهضمي الناتج عن الحموضة الشديدة، إذ يحتوي على حمض اللاكتيك (Lactic Acid) الذي يوازن حموضة المعدة ويهدئ التهيج الناجم عن إفراط إفراز المعدة للحمض.

4. الزنجبيل
يحتوي الزنجبيل على خصائص مضادة للالتهابات، التي تلعب دورًا هامًا في تقليل الضرر الناتج عن الحموضة، وتعمل على تحييد أحماض المعدة، وتساعد أيضًا في محاربة بكتيريا الملوية البوابية المسؤولة عن زيادة الحموضة والحرقان.

5. صودا الخبز
تخفف صودا الخبز التي تعرف أيضًا باسم بيكربونات الصوديوم من حرقة المعدة، نظرًا لكونها مضادًا طبيعيًا للحموضة، إذ تقوم بتحييد أحماض المعدة خلال دقائق، مما يمنحك الراحة من آلام حرقة وحموضة المعدة.

6. عصير الصبار
يعد العصير المستخرج من نبات الصبار أحد العلاجات المنزلية للحموضة المعوية، فهو يتحكم في حرقة المعدة من خلال تخفيف الالتهاب وعلاج مشكلات الجهاز الهضمي، لكن تجنب شرب الكثير منه في يوم واحد فقد يسبب لك الإسهال وآلام البطن.

وعليكم السلام يا العمدة
ياخي ده بوست مهم جداً وفي حوجة له والله .. الكحة والعشراقة مع زول الأزمة حاجة متعبة جداً وتزيد وتفاقم من الأعراض .. الأعراض دي منتشرة عندنا في الأسرة وفي جزء كبير جداً من منطقتنا الجغرافية لكن للأسف طريقة العلاج الوصفتها لينا دي ما معروفة عندهم ، عندنا قروب عائلي كبير بإذن الله أنقلها ليهم حتى تعم الفائدة وسأبدأ بنفسي والحمد لله المكونات متوفرة ومقدور عليها والعسل أصلي كمان .. شكراً يا عمدة

تجربة جديدة لنج
 

منذ صباح يوم ٣١ ديسمبر وانا اعاني من الاتي
كحة مع سخونة داخل الصدر
اكولة شديدة في الحلق
احتقان في الانف
حمى شديدة مستمرة مع برد
صداع
الم في المفاصل والعضلات
أرق شديد ( ٧٢ ساعة متواصلة بدون نوم)
استخدمت من العلاجات الاتي
سامكسون ١٠٠٠ ملجرام بالوريد
زوماكس ٥٠٠ ملجرام كبسول
مسكنات للحمى والصداع
النتيجة: مافي اي تحسن

طيب
بتي الصغيرة (ملك) الله يديها العافية جابت لي قرض جايباهو معاها من الجزيرة ايام النزوح
عملت خلطة منقوع قرض مع جنزبيل وليمون وبديت اشرب منهم من الليلة الصباح
لحدي الان كل الأعراض اختفت ومنتظر الليل يدخل عشان نشوف موضوع عدم النوم

كفارة وما تشوف شر إن شاء الله.

ملك الله يديها العافية وإن شاء الله علاجها ينفعك وتقدر تنوم مرتاح.
القرض فعلا سرو باتع وفيه الشفاء بإذن الله.
لو عاودتك القحة، لا سمح الله، انصحك بخلطة القرفة بالعسل تلقاها في أول مداخلة في البوست، بس إن شاء ما تحتاجلها.

سلام عاصم،
دي معلومة مهمة وفعلا حقو الناس تنتبه ليها،
أما الملاية القديمة، فلا غنىً عنها وفوايدها كتيرة برضو :).

بوست مفيد جدا وشحمان...
ودا تسجيل حضور.. لحدي ما أجمع الفي راسي

حبابك أشرف السر،
في البال كوارع موناليزا بمعيتك وكانديك.
الكوارع دي برضك، غير إنها بترم العضم، فيها فوايد جمة لخشونة المفاصل والركب لإحتوائها على مادة الكولاجين، لكن لا ينصح بها لمرضى القاوت.

(يساعد الكولاجين في الكوارع على حماية الركبة والغضاريف من المشاكل الناتجة عن الوزن الزائد، تقليل الاحتكاك في الركبة، والالم والالتهابات التي تصاب بها، فضلا عن فعاليتها في تعويض نقص السوائل التي تحافظ على ليونة حركة الركبتين والكوعين في الجسم.)
-منقول-