اقتباس:
المشاركة الأصلية كتبت بواسطة طارق صديق كانديك http://sudanyat.org/vb/images/buttons/viewpost.gif
جرابك ما بخيب يفصد يزيد الشلخة

تكتب وتنتني كل الحروف مملخة

التالى اليمين وخاتي الكلام والشرخة

شايلنو الصبر زغبا يكوس للفرخة :)



حليل زمن الوصف والسمحة تالة إدية
والشبال خَتِف درفونة جاتا حدية
يا كانديك أخوي خليك من الدَّيّة
شوفلي أم دغم متينا ناوية الجيةlooool

اقتباس:
المشاركة الأصلية كتبت بواسطة طارق صديق كانديك http://sudanyat.org/vb/images/buttons/viewpost.gif
زاد وجعي العلي داوني ضٌقتا الجربا

الديس انبهل كتل القلوب بالضربا

والصدر الطمح توّر نفوسنا وخبا

نظراً ان ضرب ديشاً سلاحو الحربا



زاد وجعي العلي عيني المنام فارقّا
من الشال كفل بارد حشا اللترقّا
الصدر الطمح شال السمار اترقّا
من دون كير عيونو مسننات طرقّا

اقتباس:
المشاركة الأصلية كتبت بواسطة عبده سعد http://sudanyat.org/vb/images/buttons/viewpost.gif
ياسجمان تجدع فى النضيم الطاعم .
خليت القليب هبب وحالف لازم.
الليلة يصل هناك لابدا يرجع غانم.
ويلاقى أم ضمير وز الجزاير عايم.



صدق القال زمان ( المتحيل تبكّي الريشة)
تعشقو في الحسان وفينا تبدو نبيشة
قبال تصل أم ضمير خايف يصدك ديشا
ووكت الليل يجن في السر بتنعل ديشا

اقتباس:
المشاركة الأصلية كتبت بواسطة طارق صديق كانديك http://sudanyat.org/vb/images/buttons/viewpost.gif

ان حنت تقول مزن الصعيد خببانه
براقا شلع من طرفو زاد هيجانه
ياااابت الكرام كيف الدبارة معانا
في فلانة التي هلكتنا زادت ازانا ؟:D



صباح الدعاش يا صاحب..
النحلحل الديون الفاتت ونجي عليك..

اقتباس:
المشاركة الأصلية كتبت بواسطة سجمان http://sudanyat.org/vb/images/buttons/viewpost.gif
اقتباس:
المشاركة الأصلية كتبت بواسطة طارق صديق كانديك http://sudanyat.org/vb/images/buttons/viewpost.gif

ان حنت تقول مزن الصعيد خببانه
براقا شلع من طرفو زاد هيجانه
ياااابت الكرام كيف الدبارة معانا
في فلانة التي هلكتنا زادت ازانا ؟:D



صباح الدعاش يا صاحب..
النحلحل الديون الفاتت ونجي عليك..



الماك سجمان صباحاتك هنية

حلحل ديونك وانا مفنقلة عيوني متابعة حرفك ومثدارك

اقتباس:
المشاركة الأصلية كتبت بواسطة حافظ اسماعيل احمد http://sudanyat.org/vb/images/buttons/viewpost.gif
اقتباس:
المشاركة الأصلية كتبت بواسطة سارة http://sudanyat.org/vb/images/buttons/viewpost.gif
حافظ توب غطاى وسترى يوم الحوبة
شوقكم لى شقا وقاسيات صعيبة دروبة
يوم القاك بزغرد واقرع طبول النوبة
بصلى رغيبتى عشرة وذكرى باللالوبة

بعد ضلم الليل فكرت ليك اهاتف
الا ضيفا من الجدران لي ياهاتف
نساني القبيل في راسي بيهو أهاتف
ليك يا سر القلوب العيون منتظرة
انت اشيري والباقي نتمو مسرة
بوجودك كل الديار بيك مخضرة

حبابو حافظ الجانا هايش حرفو
حبابو البي حروفو باين ظرفو
شيكات النضم الليلة دوب بنصرفو
والهم والكدر بوجودو تب بنصرفو

اقتباس:
المشاركة الأصلية كتبت بواسطة elle http://sudanyat.org/vb/images/buttons/viewpost.gif
غالب وإن حكم بجلدني بي سوط بعدو
عارف ما بطيق شي في العمر من بعدو
كل من شافو قال في يومو داك يوم سعدو
أحمل من نكر لي ريدو وأخلف وعدو
‏

متاوقة خجلانة

وشوق شجاع
‏



المتلك يمين بحرسوهو ويقمبرو فوقو
يخلولو العمل والمرقة لاعن سوقو
لي شتيل المطامير صباحي ليلي بسوقو
وان شاء اللكل بعدك دهور ما نضوقو

اقتباس:
المشاركة الأصلية كتبت بواسطة عبده سعد http://sudanyat.org/vb/images/buttons/viewpost.gif
ياسجمان بتفتح طاقة سدها قاسى.
وتولع فينا نيران بجيب علينا مآسى.
نتوجع كدى مين البجينا يواسى.
وتفوت غادى تمشى زى البقيتلى ناسى.
النضم البديتو ياخوى احسن تمو.
والناس الجوك هنا دايرين معاكا ينمو.
ماتنسى الضيوف شايلين معاكا يهمو.
ولا كمان سلام نحنا الكريم حامدنو.



في الدنيا أم قدود مشغول مدودو راسي
ما ناسيك يمين بالنمة جيتك أواسي
أركز للردود أنا كان نقرت نحاسي
خايفك تنفزر يصعب عليكا مراسي

النضم البديتو بعرف براي كيف تمو
وللضيف البجي مراحي بهدر دمو
قعدلك القعاد أريتو جايب همو
سو لينا النضم أصلو العمر ياخ كمو

اقتباس:
المشاركة الأصلية كتبت بواسطة حمدي اب جقادو http://sudanyat.org/vb/images/buttons/viewpost.gif

بوست يشعشعك من اول الصباح

متابعين بي مزاج:D

الواحد يتقل بالليل ويجي يسوها في بوستاتنا:D:D

جق جق مشتاقين..

اقتباس:
المشاركة الأصلية كتبت بواسطة جانيت http://sudanyat.org/vb/images/buttons/viewpost.gif
اقتباس:
المشاركة الأصلية كتبت بواسطة حمدي اب جقادو http://sudanyat.org/vb/images/buttons/viewpost.gif

بوست يشعشعك من اول الصباح

متابعين بي مزاج:D

:D:D

متابعة برفقة المتشعشع :p



نعم الرفقة (الكلام موجه لي جق جق)looool

اقتباس:
المشاركة الأصلية كتبت بواسطة أحمد محمد زين حسين http://sudanyat.org/vb/images/buttons/viewpost.gif
أخونا عماد الماحي قال عمو ود فضيل في سوق شندي
شاف ليهو بنية حليوة ماسكة الموبايل وبتبكي
قام ود فضيل وصفا وقال

إن قدمت تمثّل للسحابة الراحلة
بس زادت شعر و شعور و أعين كاحلة
تروي إذا بكت كل الغفار القاحلة
و إن مال الطريف سهماً رماهو فطاحلة

عماد الماحي رد ليهو وقال

إن تاتت تحكي المزينة الماطرة
وازدت بالضمير و الروايح العاطرة
تسقي إذا بكت كل اليباب و الماطرة
و إن رفعت حاجبا ملكة و خدمها أباطرة



أحمد زين سمع الكلام ده قام قال

إن قدلـــت تحـاكــي الصافنــات الخـــيل
وزايدة علي البنات لمعة وطريفها كحيل
مقرن دمعها الفوق جِيْدَها حَاكَـى النيــل
نَبْعُو عيون مَــهَا ومجراهو خداً اسـيــل


اها يا شباب ورونا قولكم شنو



موهطة في المشي تنشل قديم متغارز
وزايدة علي البنات مكفولة صدرها بارز
دمعات العيون والدر محال يتفارز
وان نظرت سيوف في معركة بتتبارز

ياسجمان
 

اقتباس:
المشاركة الأصلية كتبت بواسطة سجمان http://sudanyat.org/vb/images/buttons/viewpost.gif
اقتباس:
المشاركة الأصلية كتبت بواسطة عبده سعد http://sudanyat.org/vb/images/buttons/viewpost.gif
ياسجمان بتفتح طاقة سدها قاسى.
وتولع فينا نيران بجيب علينا مآسى.
نتوجع كدى مين البجينا يواسى.
وتفوت غادى تمشى زى البقيتلى ناسى.
النضم البديتو ياخوى احسن تمو.
والناس الجوك هنا دايرين معاكا ينمو.
ماتنسى الضيوف شايلين معاكا يهمو.
ولا كمان سلام نحنا الكريم حامدنو.



في الدنيا أم قدود مشغول مدودو راسي
ما ناسيك يمين بالنمة جيتك أواسي
أركز للردود أنا كان نقرت نحاسي
خايفك تنفزر يصعب عليكا مراسي

النضم البديتو بعرف براي كيف تمو
وللضيف البجي مراحي بهدر دمو
قعدلك القعاد أريتو جايب همو
سو لينا النضم أصلو العمر ياخ كمو



كان فكيتو نووى نحنا تب ثابتين
خليك من نحاسك هوشة وكتر طنطين
والبنفزرو عارف ناسا حنان لينين
وجرب دق نحاسك ونحنا منتظرين

العشم القبيل ماتجيك هناية تقولك
تجرد براك ترحيب ضيوفك همك
شابك فى (فلانة) ساويلا شعرك ونمك
وبهناك الضيوف دايرين مرورك ولمك

شكراً ليك كتير ومنو البقول (سجمان)
وحرًم دم مراحك خليهو فى الشريان
جيتك سااى لينا بتبقى لينا امان
من هجرا كتير حاسنو ليهو زمان

مقبول العزر راسك يطيب وسلامتو
والزول كان عتر بتتعدل خطواتو
الضيف ياهو واحد وبراكا عارفو اياتو
ومو مديكا فرصة عجباك عديل نوناتو

اقتباس:
المشاركة الأصلية كتبت بواسطة أبو أماني http://sudanyat.org/vb/images/buttons/viewpost.gif
اقتباس:
المشاركة الأصلية كتبت بواسطة جانيت http://sudanyat.org/vb/images/buttons/viewpost.gif
اقتباس:
المشاركة الأصلية كتبت بواسطة حمدي اب جقادو http://sudanyat.org/vb/images/buttons/viewpost.gif


يا دكتورة البشوفك بلا (الهناية) يشـعشـع!
يسحرو جمالك ينضم (كوتور) .. ويلعلــــع!
الما بشوفو جمالك (مجنون) فضلو .. يطقـع
وكان لقى (الخدرا..!) يشخت كبريتو ويولـع
* * *
النمة الفوق دي كيتن فوق .. ناس كده.. خسوسا (الفي بالي وبال علوية)!



أها أنا النمة كيتاً فوقك ات:D

مو شيتاً كتبنا عقبان حبوروا يجفن
ولو وصفاً نقولو ننسا السنين إن لفّن
في ريد البعزو عموري جت ماب كفّن
واهبلو الفضل وحياتي بعد أتكفن