يا ماريل، أنا ما قلت كلامي ساكت!
قلت التعدد الديني مربوط بشرط في الآية، إذا لم يتحقق هذا الشرط (حسب قراءتي للآية) يصبح هذا الزواج ليس ديني وإنما زواج تعارف عليه الناس (عرفي) من توارثهم للفهم الغلط للآية

انا قلت انو حالة خاصة وهى اليتيمة التحت رعايتك وانت جيت قلت اليتيمة التحت وصايتك
ما شايفا فرق انا ،كويس معاك
ثانيا نجى لكلام محمد شحرور( لو ضميت ليك يتامى بأمهم وعندك وصاية على أموالهم وخفت من عدم العدل، تزوج بأمهم وخلي الحال واحد وأصرف عليهم كأولادك)
عدم العدل فى شنو تحديدا يا بابكر؟؟وهل الزواج بامهم مثلا بخليك تعامل الايتام ديل كانهم ابناءك فقط لانك نزوجت امهم...
شوف انت اذا معاملتك كريمة ليهم ده ابدا ما مربوط بالزواج من امهم وعدموا ده مربوط بسلوكك العام فقط...

العدل بجيبو تغيير وضع المرأة (الام) بعد السكون إليها؛ تصبح حكومة تتمتع بكامل الحقوق الدستورية في المال وهي أحرص على نزع حقوق أولادها اليتامى

شروط الزواج الشرعى معروفة ودى بتكون موجودة فى حالة التعدد الا اذا كنت عايز تقول
انو فى حالة التعدد هناك شرط اضافى اذا لم يتحقق تنتفى شرعية العقد كده بكون معاك

فى حالة وفاة الاب ووجود الام الوصاية بتكون عن منو اصلا؟؟

الوصاية بالله اتكلم لى عنها بفرعيها كويس عشان نفهم كلام محمد شحرور

يا احمد، في أربعة بالمنتدى دا، بحبهم وما بحب ألاويهم خالص؛ هم: انتا، تماضر، أميرة (أمهم) وفيصل سعد، لكن كمان مرات بلقاكم في نص شكلاتي مع الفريق الخصم، وأنا غلاطي دا، زي أولادي؛ أحبّ إليّ من نفسي.

الكلام برمتو يا ماريل، تاريخي
بالتأكيد حاليا الوصاية للأم

توضيح لنقطة ليست لها علاقة بالإقتباس:
الزواج عندي مرجعيتو ممكن تكون:
- دينية
- أو إجتماعية (العرفي والبوي فريند)
- أو قانونية (زواج مدني)
وكلو بالنسبة لي شرعي

و الشيعة عندهم مذهب يجمع الاعداد مثنى و ثلاث و رباع يعنى 2+3+4=9 اعتبروا الواو اضافة و ليس خيار هذا بالاضافة الى زواج المتعة

طيب يا بابكر اذا عرفنا انو الوصاية نوعيين:
وصاية نفس
وصاية مال
نحن هنا بعرض وصاية المال وهى عند الام كما تفضلت حضرتك بكون كلام محمد شحرور

( لو ضميت ليك يتامى بأمهم وعندك وصاية على أموالهم وخفت من عدم العدل، تزوج بأمهم وخلي الحال واحد وأصرف عليهم كأولادك)

ده ما تفسير الاية....

الرجال ديل عايزين يجلطونى عليه انا مارقة من هنا

هههههههههههههه
والله يا بابكر شرحك عجبني أكثر من شروحات ماريل و أحمد طه
لكن ما عارف حكاية عندك يتيمة ؟
حسيت زي انك قاعد في قيفة البحر, شهر 8 و الدنيا دميرة
و لافيها صاح
مع الحطب البجي من الصعيد
جات يتيمة شايلها البحر و اولادها راكبين في ضهرها
زي أولاد العقرب
هي بتكورك (يا ابو مروووووه)
و انت كزول عندك مروة زايدة طوالي وقعت البحر و طلعتها و قلت الله اداني يتيمة باولادها كمان.....
اها شويتين كدا اكتشفت انو اليتيمة دي مقندلة و الطمع لعب في عبك
قمت اتزوجتها و بقيت تصرف عليها و علي اولادها و علي اولادك من قروشها....


بكور يا صاحب و الله الواحد حاسي بحرج الجموع لكن الله غالب
غايتو بالصورة دي بنقع دين الراقي ود الراقية*
-------------------
* لو ما عرفت لا الراقي لا أمه شد السلك

كدي يا حافظ شوف التعددية عند شحرور

اقتباس:
المشاركة الأصلية كتبت بواسطة زول الله http://sudanyat.org/vb/images/buttons/viewpost.gif

السبب شنو انو المرأة دائماً مكفهرة الوجه لمن تجي السيرة دي؟ - ماريل نموذجاً
والغالب الاعم انهن انفسهن سبب كبير في التعدد او تطبيقها بأخرى
طبعا للعلم ياماريل لستُ من انصار التعدد رغم اني "سوابق"
لكن استغرب من هذا الأمر الذي ترفضنه جملاً وتفصيلاً حتى لومسبب






اقول قولي هذا واستغفر الله لي..................
-------------------------------------------------------------
انت اوعك تكون مخطط تسلك درب ابوك......انتظر لمن اكلم اختى حاجة نعيمة