سودانيات .. تواصل ومحبة - مرحب بالزملاء والزميلات الكرام

سودانيات .. تواصل ومحبة (http://www.sudanyat.org/vb/index.php)

- موضوعات خـــــــالـد الحـــــــــاج (http://www.sudanyat.org/vb/forumdisplay.php?f=46)

- - مرحب بالزملاء والزميلات الكرام (http://www.sudanyat.org/vb/showthread.php?t=6236)

خالد
ماب ترحبي مالك انا جيت ناطي بالشباك؟ ما جيت من اوسع ابواب سودانيات!!! يعني غير مرغوب فيني خلاص اعزل مطرود يعني... كان ماكن دايرني قولوا وحتى ان قلتوا لي مع السلامه برضي ماني فايت قاعدلكم في نص سودانيات..
تحياتي

الخال سلامات..
حمد لله علي سلامة العودة
ونقدر ما تبذله هنا وهناك
مرحب حباب سودانيات

متحكر انا هنا..

[align=center]الاعزاء عبد الله علي الحاج بابكر و mohamed hemaid :

عوداً حميداً إن شاء الله و نسعد بتواجدكم معنا. مرحبا بكم اصالة عن نفسي و نيابة عن الاخ خالد حين عودته سالما و امنياتنا له و الاسرة الكريمة عاجل الشفاء.
مودتي الصادقة.[/align]

الاخ خالد

السلام عليكم والرحمة .. لكم الشكر والتقدير واتمنى لكم التوفيق والمضى قدما نحو تقديم الافضل دائما ..

مودتي

المسافه
التحية والتقدير
اشكرك على ترحيبك.
تعرف قالوا البى يقول انا العب مع منو ده موهو فارس لكن الولد البى يقول انا المعاي منو ده هو الفارس
دحين البى يرحب بالرجال ده نيابة عنهم ده شخص مبادر وكريم وزول قداميي تب. وفارس ود فارس جزاك الله خير.. ونحن في ساحتكم دي متربعين تب وخالفين كراع فوق كراع وعاوجين الطاقيي ومحندرنها محمود قيل والخالقنا غير الله اليجي يمرقنا...

إبن عمي عبد الله
العزيز حميد
الأستاذة الفاضلة إنعام
مرحب بيكم وحبابكم ألف..
سعداء بوجودكم والله وصرتم بعضا منا ..

ويا عبد الله يا إبن عمي أنا دعيتك للكتابة هنا كيف تصير عندي غير مرغوب في وجودك؟
يا زول والله ياهو مكانك وبيتك حبابك ألف مدد رجليك.

يديكم العافية

انعام حيمورة شمسيا

وعبد الله على الحاج ..
و صوت نانسى من الخلف

ياخى البوست دا يقطع نياط الهناى ذلتو ..

ابن العم خالد الحاج
معتصم الطاهر
رمضان كريم تصوموا وتفطروا على خير واسال الله ان يتقبل صيامكم وقيامكم وان يجعلكم من عتقاء هذا الشهر. لله نفحات فاقتنموا فرصة رمضان لتجيد العهد مع الله جل شانه.

ود الحاج عندكم ابرى؟ملاح الشرموط؟ العصيده؟
عندكم كوريي مكتوب عليها رمضان كريم. نشاتكم كيف؟ قاعد تفطر بره ام جوه.. امرق صينيتك بره واحلف على الناس الماري.. ياسلام على البلد واهلها وطيبتها.قاعد تشرب موية البليلي..!!
تعرف السحور في البلد الساعه اتنين ونص يحلبوا اللبيني من الغنم في الزريبي ويعوسوا الفطير أو القراصي ويسحروا الكبار والصغار بنحنوا تحت التوب او البطانيه كان يلقونن جغيمي او لقمه . وقلبهم يدق مع دقة نوبة المسحراتي ..ويتململوا وفي النهاي يقول الوالد قوم ياولد هاك. وتنفرج اساريرهم ويغيظ اخوه الصباح انه اسحر مع ابوه.
بعدين عندكم الصدقه في الجمعه اليتيمي ..الحاره ما مرقت..يوزعوا التمر في النهار وباليل او العصير السليقي والفته بيت بيت وشارع شارع.الله يتقبل آزول.