لا لا والله يابروف

الزول ده انت ساككتو عديييل واليوم داك هددتو التهديد الواحد ده وخليت عند الناس انطباع انك ماسك عليهو شي اخلاقي!
وفي البوست ده انت فعلا زودتها حسب وجهة نظري

المهم بس زي ماقلت ليك انو الزول ده ماعندو حقوق مدنية عشان كده انا لا اهتم :)

بس وين حقوقنا رمضان وفاتlooool

مصر على الظلم يا خلود !! لكن ...
لا بأس... على قول عسوم المعلوف من ملاسي !! :D

يا جماعة الخير السيد / قوش اعتذر عن كل ما حدث من جهاز الامن طيله فترة توليه زمام الجهاز وطلب من كل مظلوم ان يعفي عنه بل - اكثر من ذلك - ومن خلال اللقاء الذي تم في قناة الشروق ببرنامج الوجه الاخر تقديم ابن الحركة الاسلاميه - البار - عادل الباز قال قوش بانه لا يمانع ان اصبح احد ابنائه - شيوعي - عديل كده !!!!وان الشيوعيين ناس وطنيين وليس طابور خامس كما يروج البعض وان نقد لن يتكرر.

اها ياجماعة الخير تاني عايزين اكتر من كده شنو ؟؟ زول يقول الشيوعيين وطنيين وما طابور خامس موش يستحق ان يغفر له ما تقدم وما تاخر من ذنبه وان كانت قدر زبد البحر ؟؟؟ دي شهادة براءة من زول في قامة قوش ما بتتلقي بالساهل وتنم عن تصالح كبير مع النفس واحترام اكبر وتقبل للاخر - الكافر - منهم والشيوعي .
دحين يا جماعة الخير الراجل ما قصر وخرج عن المله بسبب ( نضوج ) افكاره فعليكم الله ارحموا عزيز قوم ذل .
وقوموا لصلاتكم يرحمكم الله .

سلام يا أبا مشعل و لعلك بخير ياخي و هل يكفي الاعتذار عن القتل و التعذيب و الاعتقال دونما سبب ؟!!
ياخي إذا كان الله تعالى لا يعفي حقوق الناس إن قبل توبة عبده ... فما بالك بعبيد الله المظلومين !!

ياخي هل من العقل و المنطق و الدين إنو أعتقل الاف الناس و أعذبهم ( خليك من ناس علي فضل الماتو ) و لمن يطرودوني من شغلي الوضيع ده ... أجي أقول ليهم أنا آسف و خلاص كده ؟!!
بعداك يجيكم أولاد حلتنا في ابوروف يقولو ليكم والله أمين ده عمل لينا جنس حاجات ...و خدم الحلة جنس خدمة ... و أهو ده إعتذر ... دايرين منو شنو تاني ؟!!!!!!!!!!!!!!!!!!!
قوش لو تاب و الحكومة ما عايزة تحاكمو على ما فعل لانو كان بنفذ في سياستها اللي هو جزء منها ... يقول يا اخوانا أعفو لي و الما عافي لي يجي يقتص مني !!!
يحدد يوم و يجينا في ميدان جاكسون للقصاص... و كل زول يجيب مظلمتو و يعذبو بنفس مقدار التعذيب اللي اتعرض ليه بوسطة زبانيتو ... بعداك يعتقل نفس مدة إعتقال كل زول على حده ...و بعد داك يقتل بنفس طريقة من ماتو تحت التعذيب ... بعداك طلعوه من قبرو يساعدكم تعملو محطة كريمة و قطر كريمة و مفاعل كريمة النووي و كان ما جينا ساعدناكم وقفنا معاكم.. لومونا !!
انتو يا أبا مشعل مستوسخين جراحات الناس و ما فعل قوش و زبانيته لانها ما جات في عضمتكم ... ما ضقتو طعم العذاب و لا طعم يكتلو ليك عزيز ولا يعتقلو ليك قريب ... ما حسيتو بقهر الرجال الدخلو ليهم المواد الصلبة في أدبارهم أيام التمكين و ما ادراك ما التمكين !! و حتى لو إتعرضتو لاي حاجة من دي و عفيتو ... في ناس ما عفت ولا ح تعفي !!!
و طالما عندكم access لقوش و بتتصورو معاه و تجو تدافعو عنو في المنتديات و تعملو ليه حفلات تكريم ... و مقتنعين بصدق توبتو ...و جايين تقولو للناس : الراجل إعتذر ... دايرين شنو أكتر من كده .... قولو ليه في حاجة اسمها القصاص ... خلوه يعلن للناس إنو مستعد أن يقتص منه كل مظلوم بسببو ... غير كده ... الينتظر حساب الدنيا و حساب الآخرة داك براه ...و واصلو انتو في إعادة إنتاج و تجميل وجه قوش و بيننا و بينكم من لا يظلم عنده أحد !!

شكرا ليك يا دوك على الدعم و المؤازرة .