اقتباس:
جيجي راقدالا فوق راياً أظن مو هيّن لا دارت الشّكُر لا الرّيد الشفيف وحنيّن عاد شِن ننضم في الدنيا ام قدود ونبيّن كان ما الناس والغرام والله عمرنا مطيّن |
اقتباس:
البن يا بنيّة بدورلو قعده مهيله فيها الريد دفيق والونسة رااقده بهيله والقهوة ام عروق ساهل سريع تشهيلا ومن جمر الوداد نسكُت نكِب ونهيلا |
اقتباس:
ما بقيسوهو بالدّب المجمّر وصافي الزول السّمح حارت معاو أوصافي ظالم قلبي مانع الوصال إنصافي ساقيني السّهاد إن جافي ولاّ مصافي |
اقتباس:
وشن همّاهو إن قلبي الرّهيف اتعوّر ؟ أو جرحي المنوسر في الغرام اتوّر ؟ الزول القبيل سارق عقلي فوقو اتسوّر فقّدني المنطق بقيت براي وادوّر |
اقتباس:
ماك البطي وفارس الحروف والنّمّـة وجيْـتَك يا الرزين والله غالية مهمّـة في وكر الشِّعِر جيتني وردودي مُسِمّـة ما بتقدر عليها أخيرلك أمِش انجمّ :D |
اقتباس:
زازيت بالنضم .. أفتح مكان الضًمة ومن سهري العلي ناجيتو كاشف الغُمة خالف الكية قال قولا كما ذي الرِمة* لـفلف للفــؤاد لـِفـليف كـمال للـعِمة ** * الشاعر الاموي (ذو الرمة) ** كمال ترباس :) |
اقتباس:
قولك في الشعر موزون يعدل الكيف مامقطوع جذور مطرا تقيل وخريف الخلاني فوق مسداري ابطي اقيف فاقد شوفة الظبية الحديثا هـفـيف * الفكا دينو نامت عينو :D |
اقتباس:
الزول في الانين وجعوا العليهو بخبرو كاسر ل الضلع كسرا يغالبو يجبرو الشال المنام وبدل صفاي بي كدرو موزون بالدهب وزنا مخالف عبرو |
اقتباس:
الحالة دي مزازاة ساي gap والله يا كانديك يا اخوي ..الشّي بدورلو أكتر من اللّبن..كدي النّشرب وأجيك :D |
ياميّ وتارق وعبده،
انا والله الشهر دا زنقة، زنقة مامرّت عليّ قبال كدا لكن بفضى ليكم وبوريكم |
خليتكن لي الله يا تماضر و مي
ماشاء الله تبارك الله ماشاء الله تبارك الله طبعاً الغيرغان كتلني عديييييييل gap لكين و اللهي انا زمان لمن كنت طويلة القامة و بكتب شعر:D حاولت أكتب مسادير و النصيحة ليك يا الله فشلتا gap المهم حسع زي البنات الفالحات تشيلن البوستي دا صُرة في خيت للويرد يا قول ناصر يوسف لانو لو المنتدى دا لا قدر الله حصل ليو شي(أوووخ تووووووف:D) لو حصل شي ، أمانة ما سجمي انا شخصياً يا شباب المسادير و عنهم طارق إتو زاتكم خليتكم لي الله gap :L:L:L أحي انا من حب المشاركة ياخ انا الحشرني هنا شنو |
اقتباس:
أجود الشِّعر أزنقـُه .. بتاع الزنقة ده بكون زيتو طالع معاك .. في رجاك يا تماضر..:cool: |
اقتباس:
أخير من الله مافي يا زوزانا :D وانا غرغرينا الرسايل حقتك قطعت قلبي عدييييييلgap ياخ ما تعملي لينا لمن كنت طويلة القامة وهناي..مالك ؟ كشّيتي هسي؟؟ أكتبي ساي ..بجي بجي بجي gap دي مالها :cool: ما نفس فكرة الأوخ توف؟؟ بس بي روج طبعاً :D فشلك ده أثبتيه هنا عشان أصدقك :D خسّمتك .. كان تكتبي .. |
اقتباس:
سوات شوقي ليك الكية ما خابرك تغيب وقدت فيني الحية شلت جوف السؤال عنك دوام يا خية عنك بطيب وبخير مافيك غمة برية |
وقت الليل برد شلعن بروق عينيها خفسن للـفـؤاد هزنوا قـام بـاريها العتمة أم سواد بي بسمتو مضويها أنفاسو المسك أنا في المنام ناديها أصبح كالغريق لي شوفتو النفس تتشابا غرزت في القليب سهمأ سنين نشابا الخلا الارض تضحك تزيد أعشابا لمعان السنون والبسمة جات خاشابا:D بالوصف العديل كل صورة ليها معاني ما بقدر أبوح بي ريدو مهما أذاني الزول المليح في طلتو الكاتلاني شال كل الفؤاد وعيونو شيتن تاني:) |
| الساعة الآن 11:30 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.