إلى كل من بارح صفحات سودانيات أو تكاسل
[align=justify]فكرة البوست تراودني منذ زمن، وبالرجوع إلى البوستات القديمة أرى فداحة التقصير (ممّن؟ لا أدري).
لم تكن كتابتنا في سودانيات مجرّد مفاتيح كي بورد نضربها و نغلق الجهاز بعدها، فقط. ربّما يكون الأمر كذلك وأنت حديث عهدٍ بالمنتدى. لكن أن تكتب ويتفاعل معك الآخر، ويكتب الآخر وتتفاعل أنت معه، ويستمر الأمر كذلك، ثمّ يتطوّر إلى مودّة وسبل إتّصال أخرى ولقاء البعض، يصبح الأمر أكبر من أن يكون معرفةً إسفيريّة. يصبح الأمر صداقات نشأت، لها إستحقاقات واجبة النفاذ. إلتقيت البعض من أصدقاء سودانيّات، لم أخذل والله في أحد قط، بل شكّل لي إضافة معرفيّة أفخر بها وسأظل، وأتمنّى أن لا أكون قد خذلت البعض! الآن، وسودانيات تزداد نُضجاً بعد نُضج، محاولة سد كل الثغرات الإداريّة أو التنظيميّة السابقة، فنحن نحتاج من بدأوا معنا درب الكتابة والتواصل، فما كانت سودانيات سوى "عالم من التواصل والمحبّة" وستكون كذلك إن شاء الله. لا أقول أن لا نختلف في آرائنا، فما خُلقت المنتديات لنتّفق، بل أقول: تعالوا وتعالِن لنتواصل بالمحبّة والإحترام. تعالوا وتعالِن لنسند راية المحبّة ونوكؤها بالتواصل. سأواصل في النداء عشمي أن يقرأني من عنيتهم من أحباب غابوا عنّا.[/align] |
اقتباس:
ولا شنو يا ريس |
سلام يا رأفت،
في ناس بيمسك قلمهم الكسل . . وأنا واحد منّهم بعض الأحيان، صراحة . . وأخوي أبو مناهل برضو زيّي! نادي معانا يا رأفت. |
العمدة / عكود
أصدقك القول . . في كثير من الأحيان ينتابني إحساس بالعقوق تجاه سودانيات . . ماقدمته لنا سودانيات أكبر من نرده له فيكفيها أنها عرفتنا بأحبه توطدت علاقتنا بهم إلى درجة لا يمكن تصورها فصاروا إخوة بكل أبعاد علاقة الأخوة . كلماتك هنا ياعمدة بقدر صدقها فهي نبيلة وتنم عن قلب أبيض كبير محب لسودانيات وأهلها . أنا معك قلباً وقالباً . . أعترف بالتقصير ( بالرغم من مسبباته ) ولكنها لا ترقى لمستوى أن نتوقف عن عشق سودانيات . . وأرفع معك النداء عالياً لنعيد سودانيات سيرتها الأولى . بوست (الوجيه ) طارق الحسن كان يشبه لمة العائلة بعد طول تفرق وشتات وعشم في أن تعود تلك الأيام الخوالي . . لنا عودة لنرفع النداء كل مرة . حاشية : صفة ( الوجيه ) أعلاه إقتضتها ( حنية ) البوست وما يجيش به من عاطفة . . ولكنها لاتعبر عن الواقع ( إطلاقاً ) . . لذا وجب التنويه . |
اقتباس:
سلامات . . ما أصدقك ياخي. لا أتصوّر أبداً أن تنقطع عُرى الصداقة والأخوّة، فهي متّصلة وأصيلة، لكنها تحتاج السقيا أيضاً بماء الوصال والتواصل. اقتباس:
عالياً . . وبكل عشم.[/align] |
اقتباس:
الكلام الفوق ده مهم جدّاً، فقد نعدِّد جملة من المسبّبات، لكنها تقف هشّة (جدّاً) قدّام أهميّة التواصل الإنساني مع أصدقاء وصديقات قد لا يكونوا مسبّبين. ليس من العدل أن نفارق بيت أحببناه وساكنيه، بسبب أحد أفراده. |
اقتباس:
ياعكود مالك داير من أول الصباح تلخبط مخنا:confused:هو أبو مناهل برضو أبو أماني ولا أبو أماني دا بقي زي انفلونزا الخنازير بيضرب من طرف.. احنا ياخوي زي تلفزيونات زمان لامن تفتحها لازم تصبر عليها لغاية وما تسخن وبعدين تشتغل تش..العربية ذاتا بتقوم بي واحد لغاية ما تصل لي خمسة أوفر درايف:D غايتو احنا معاك وكدي أبدا بي روحك..بالفعل مش بالنقد الذاتي:D |
[align=justify]سلام يا خواجة،
شكراً للتنبيه. الموضوع جايط راسي وزي ما قلت الحكاية شاغلاني من بدري. دحين يا خوي أعذرني في لخبطة أبوات البنات السمحات ديل، وعشان خاطرك ما حأعدّلها ولا حاجة وأبو مناهل لو عمل شخشخة أنا بعرف دواهو :D. أمّا دي: اقتباس:
تسلمً يا خواجة وليك المعزّة الفي القليب.[/align] |
[align=center]عكود...
سلااام كتار ياخى والله فعلا اقلاام و وجوه كثيره جدا اختفت مره واحده و ما داير اقول كعادتنا نحن كسودانيين دايما نتحسر على الزمن المضى بل اتمنى و اضم صوتى لصوتك و لصوت كل الاخوان الذين تداخلوا هنا ان يعود كل الاخوه و الاخوات الذين افتقدناهم خلال الفتره الماضيه.. تسلم يا حبيب...[/align] |
ود عثمان الحبيّب،
ليك الشوق والريدة، نعم، نفتقد الكثيرين/ات الكانوا مالين صفحات سودانيات وصفحاتنا بكل ما هو جميل. ما زالوا يعنون لنا الكثير، وسيظلّوا. فهل من عودة . . هل؟ على جنب: شوف ليك أغنية منااااسبة كدة دودِر بيها . . مع اللنك لمعتصم. :D |
[align=justify]شكراً على البوست يا عكود
عن نفسي أعترف بأني كسلان، ما تقولوا لي شايفنك يوماتي، والله البقولو ليكم في سري كتير جداً (نظام حب وكدا:))، مثلاً أنا رديت على رأفت ميلاد دا خمسمية مرة في سري وربنا ما رفع الاصبع عشان أوصل ليهو كلامي البقولو ليهو، ياخ الزول دا خلانا نتعشى بالمفروكة في الدوحة:) حقو إنتو في مجلس الإدارة تفرقوا بين الطلة والقراية والمشاركة وفتح البوستات، وتحاولو تشوفو ليكم آلية تشجعوا الأعضاء لمواصلة النقاش في بعض القضايا (فيصل سعد كان عندو مجهود واضح في المجال دا) ودي فرصة أطالب فيها بإلغاء المنتدى الاجتماعي أو أضعف الإيمان أطالب بعمل إشارة في صفحة منتدى الحوار للمواضيع الواردة فيه[/align] |
اقتباس:
أثني وبشدة . . العمدة / عكود معتصم عرفناهو بسببو بيلخبط إنت مالك ؟؟ :D:D مداخلة من أجل أن يظل النداء عالياً |
[align=center]
اقتباس:
[align=center]:D اللينك عليك يا حبيب....:) [media]http://sudaniyat.net/wadosman/uploading/ya_alrohtto.wma[/media][/align] |
[align=justify]سلام يا مولانا (طبعاً المقصود بمولانا دي كيشو يا أبو مناهل:))،
ياخي إنت من الناس البيجعلوا صفحات سودانيات جاذبة، عشان كده غيابك غير مسموح به أبداً! اقتباس:
دحين ياخوي نمسك في التشجيع لمواصلة النقاش والتفاعل في المواضيع المطروحة، ونبطّل شغل الرد بالسر ده. اقتباس:
ألف حبابك يا كيشو،[/align] |
اقتباس:
أنا بقول لك سببي! عن المنتدى الإجتماعي أرجع لتعليقي الفوق ده. تشكر يا حبيب لرفع النداء (إشتغلت مؤذّن قبل كده وللا حاجة؟:D). |
اللنك ياهو ده يا ود عثمان:
لـنك الحفظ ألف شكر على مجدوب أونسة، وإن شاء الله يسألوا علينا الغابوا ديل يا ود عثمان يا خوي. |
اقتباس:
أحمد الله إنك دخلت فى الكاتوقري بتاعة (أو تكاسل)، ومادخلت فى الكاتوقري بتاعة ( والقواعد من النساء اللاتي لا يرجون نكاحاً ;))، كان جرجيرك حِرِق ذى صاحبك بعد العملية فى النملية (طبعاً ما ح يعترف أبداً;)) |
عكود ياغالي
يسعد مساك النور أنا معجبة جدا بانتماءك ووفاءك وحدبك انت وفيصل لسودانيات ولايخالجني دوما ادنى شك في ان غيابك انت تحديدا سببه بعض المشاغل لكن أدري مافي القلب جيداحتى وان طال بيك احيانا السفر.......وأثمن دوما ياعكود مبادرتك لانتقاد نفسك انت أولا قبل ان تحمل الآخرين اي انتقاد أو لوم ....جمعتني بك تجربة مجلس الادارة وأستطيع ان أقيّم جيدا معادن الناس.... أنت منحة غالية لسودانيات وربنا يديم ظلك ياسيدي عن نفسي......أقول غياباتي كانت لدوافع مختلفة وهن تلاتة غيبات حسوما.....أثنين كنّ قسريات قهريات والاخيرة كانت بدافع غضبة حرصت ان تزول آثارها حتى أعاود الصدور:) سردت كل ذلك لاصل لرصد احساسي وانا فرد غائب في الركايب :) صدقا احكيك ياعكود ....... احساسي كان يشكّل خليطا مريعا من الاغتراب واليتم والحوجة لمحيط يشكّل انسانك ويعيد توجيه بوصلته.....المدهش في كل تلك الخلطة انه كان يشوبها يقين العودة وانتصار الحنين وهذا طبعا مايسمى سودانيات سندروم ياخالد الحاج وعكود وفيصل:D:D طبعا في البدء شكّلت علاقتي بخالد الحاج منفذا لعالم سودانيات لكن سريعا مااعتمدت على نفسي وخلقت لي عالم من التواصل والمحبة يافيصل سعد:) التجربة قد يشوبها كثير من العاطفية المؤثرة لكنها سيرة جديرة بالرصد والاستقصاء والاحتفاء بطبيعة الحال...... طبعا ياعكود ولأكون في تمام صدقي فأنا بحكم تركيبتي النفسية تعتريني المزاجية في كثير من الاحيان.....فاستطيع عقلنتها حينا وتنتصر المزاجية حينا آخر....لكن المزاجية حالة عارضة جدا ....احتفي بها لكني أعرف انها الى رحيل..... لكن اعلاه كنت اتحدث عن انقطاعات. هذا طبعا غير الظروف الموضوعية الصغيرة التي قد تجبرك على بعض الغياب... في كل الاحوال عندما تنتمي فانه لافكاك في اعتقادي.... عارفين ياشباب حكاية الانتماء دي زاتها فكرة غريبة.... الانسان بطبعه كائن اجتماعي ....لذا تجده منتميا حتى ولو كان كولون ويلسون:D ننتمي لفكرة او لحزب أو لعشيرة او لوطن او لانسان او لاله بمعنى الديانة أو لهم أو لقضية او لمهنة او.... لسودانيات ....طبعا في حالتي أنا وفي العموم نستطيع ان نقول للاسافير:D الانتماء أتى حسب علماء الاجتماع تبديدا للغربة الوجودية .....هو مهلك احيانا لكنه في كثير من سلوكياتنا مدعاة للنجاة.... أطلت كالعادة؟؟؟؟؟؟ حديث القلب هذا اردت ان اهديه للصحب الغايبين كلهم ...والى بعض الحردانين ان وجدوا والى الكسالى ايضا..... تعالو فنحن بداءنا نشق طريقنا ونحتاجكم .... مودتي التي تعرف ياعكود وسأتواجد معك ماأمكن أن سمحت لي |
يا سلااااام يا عثمان ياخي . .
ليك وحشة أيّها المطموس، وإنت واحد من المقصودين رغم دخولك في الكاتوقري بتاعتنا، الله يجيب من الكاتوقري التانية كمان (أذرعنا مفتوحة). ما تطوّل الغيبات ياخي، غياب فرد يكسّل آخرين. على جنب: بس ياخوي أظنّك بتقصد الآية دي: (وَالْقَوَاعِدُ مِنَ النِّسَاءِ اللَّاتِي لا يَرْجُونَ نِكَاحاً فَلَيْسَ عَلَيْهِنَّ جُنَاحٌ أَنْ يَضَعْنَ ثِيَابَهُنَّ غَيْرَ مُتَبَرِّجَاتٍ بِزِينَةٍ وَأَنْ يَسْتَعْفِفْنَ خَيْرٌ لَهُنَّ وَاللَّهُ سَمِيعٌ عَلِيمٌ). صدق الله العظيم. عدّلها الله يرضى عليك. |
[align=justify]لنا يا لنا يا بت جعفر . .
سلام من هنا لاااا عندك. كعادة مداخلتك . . أبداً ما بتجي نُص كُم. دايماً شافية، وافية، دسمة، تخالطها روح دعابة جميلة تنتزع الإبتسامة من بوزك وكاوية الموضوع في صرّتو. صاح طوّلتي كالعادة، لكن لا ملّيناك لا ملّينا حديثك. أكتفي هنا ببعض المقتطفات من مداخلتك -التي ضربت جرساً عالٍ عندي، يكفي مدرسة بأربعة أنهر:D- دون تعليق قد يبدو أخرق بإضافتي: اقتباس:
اقتباس:
اقتباس:
اقتباس:
اقتباس:
اقتباس:
اقتباس:
ثمّ، كوني هنا دائماً حتى لو -جنّيت- ولم أسمح. كل المودّة.[/align] |
عمدتنا وحبيبنا
شوق الشوق للشوف آخي آخر مره إتداخلت معاك كان في " صالة المغادرة":D:D مع إنها كان على عجل ، بعد داك على عجل دي إتتلحتني ، زحمة شغل ، وزحمة مرض ، وزحمة وفيات خلت الواحد يكون مداخلاتو مغتضبة ، ويكتفي ببوستات الترحيب. لكن بالرغم من كده الواحد ما بيقد بوصلة إنتماؤو للمكان ده وبالعلائق الإجتماعية البتنشأ منو وبتلقاهو يا يتاوق يا يرد سرًاً -على قول كيشو- ياخ مشتاق ليكم ، ويلعن خاشكم ، وخاش الجيش الشعبي كمان |
[align=justify]سلووووووم يا شليل (على قولة أم عَـشّي)،
ياخي الشوق ليك أرادب، وكتير ما بتذكّرك. مداخلتك مهمّة، رغم الزحمة (البركة فيكم في الوفيّات)، وإن جينا للحق، كلّنا مقصّرين، أنا ساعة أكون متكاسل بقرأ كل كلمة تُكتب في المنتدى، ودي متعة بالمناسبة، وبيجيك إحساس إنّك ما غايب من سودانيات لغاية ما تنسى إنّك ليك زي عشرميّة أسبوع كده ما بتكتب، ودي خطورتها. بعدها تجي (تتدبّى) وتتداخل في بوستات الترحيب والواجبات الإجتماعية. بعد داك ممكن تواصل عادي، ومرّات ترجع لسكونك المُخجل. دحين ياخوي حقّو ننفض غبار خيبة الغياب ونتكسي بندى التواصل. وبرضو ننادي الغائبين والغائبات. اقتباس:
اقتباس:
|
العزيز عكود أسعد الله أوقاتك تعرف الناس دي كلها ما فيها زول بارح سودانيات .. والدليل بتلقي المتواجدين مثلا تلاتين اتنين أعضاء و28 زوار .. اها ياعكود الـ 28 ديل ممكن يكون فيهم 26 أعضاء مسجلين في سودانيات .. شفت الحسبه دي كيف !!! ودليل تاني : الواحد تلقاه شهر ما دخل سودانيات أول ما يجي إسمو تلقاه جاء ناطي ليك من وين ماتعرف .. أها الكسل ده ببقي وين في الكتابه بس ... لكن مش ممكن الزول الدخل ده يسجل اسمو وبعدين يقرا العايز يقراه ويرد على العايز يرد عليه .. بكده بتلقي الناس دي كلها متواجده .. وحكاية الرد دي مرات بتكون مزاجيه .. وانت ذاتك نحن مشتاقين ليك .. لك الود .. وودعتك لي أمين الوداعه .. يغطيك وينجيك .. وما يشمت الناس فيك .. ويكفيك شر أولاد الحرام وبنات الحرام .. قول آمين |
إحصائيات المنتدى المتواجدون الآن: 26 (الأعضاء 8 والزوار 18) أكبر تواجد بالمنتدى كان: 313 بتاريخ 29-06-2007 الساعة 05:27 PM أبو خليفه, أسامة الكاشف, لنا جعفر, عابد عقيد, عثمان, walid taha, فتحي مسعد حنفي, كيشو ده في اللحظه دي تحديداً .. فتك بالعافيه ياعكود .. |
اقتباس:
الزوار ديل ممكن يكونوا أعضاء ولكنهم داخلين منقبين وكدا:)، يعني عشان تفرق بين الزائر والعضو فتش المحل الداخل مِنّو (اسأل عفاريت الكمبيوتر بوروك)[/align] |
اقتباس:
والله بند "من تكاسل" ده بننضرب بيه كلنا .. مرات بتقط تب .. لا قراية لا كتابة .. لا تشوف خلقة الكمبيوتر .. والبارح أكيد ليه أسبابه .. بالمناسبة المنتدى الإجتماعى خلوه فى محله .. الله معاه .. غايتو أنا مغادر بدون رجعة .. بدون الأيقونة الشريرة ما بتنعدل الحالة .. جيبوها ينظر ويفات .. |
[align=justify]عزيزنا أبو خليفة،
مسّاك الله بالخير والسرور . . كود:
تعرف الناس دي كلها ما فيها زول بارح سودانيات ..بس عشمنا ما بينقطع من رجوع القماري. أدلّتك وإحصائيتك ديل صحيح بينطبقوا على بعض الحالات (منّهم أنا ذاااتي مرّة مرّة)، وديل برضو مقصودين بالنداء، المتاوقة ما كفاية سواء أن عملت ساين إن وللاّ ما عملت. المهم المشاركة والتفاعل وزيادة الحيويّة، وأنا ما عايز الناس ينطبق عليهم (عجز القادرين على التمام) زي ما ضرب مثل أخونا الأستاذ المبدع النور يوسف في بوست آخر، له التحيّة. وبالمناسبة دي، بوست النور من البوستات البتابعها كلمة كلمة، لكنّي مقصّر. كان الأجدى لو تداخلت، حتى لو بكلمة. دحين ياخوي راس السوط واصلني و واصلك . . فلنركز! قِبِلنا وداعة الله وخلّيتك في أمانو.[/align] |
اقتباس:
سلام الله عليك . . ياخوي إنت حكاية النقاب القاجّة اليومين ديل شنو؟ دايرين الناس يجونا داخلين توش بلا نقاب ولا حجاب . . إن شاء الله يجوا مِتِل عثمان حمد!:confused::D التحايا ليك ولي قريبي الحِداك. |
اقتباس:
بس ياخي لنا دي مالك عليها . . زييينة وعاجبانا. اقتباس:
اقتباس:
تسلم يا رأفت.[/align] |
اقتباس:
|
اقتباس:
|
سلامــات ياعمدة ..
محاولات الإستمرار هنا ..صعبة كالبدايات وتبدو دائماً كمحاولات إختراق .. تنجح أحياناً .. وتفشل كثيراً .. كثيراً .. لا ألوم أحداً ..ولكن يبدو أن هناك سرّا يعرفه القدامي وحدهم ..(القدامي والعكليتين والمميّزين) .. يشبه هذا المكان ميز الأساتذة .. محاولات (الطلّاب) لدخوله تتطلّب حيلاً مناسبة .. التوقيع .. طالب بسودانيّات ... ______ كل سنة وإنت طيّب .. لا زالت ( البريمي) بعيدة يا صديقي .. قول الله يهوّن .. |
سلامــات ياعمدة ..
...... محاولات الإستمرار هنا ..صعبة كالبدايات وتبدو دائماً كمحاولات إختراق .. تنجح أحياناً .. وتفشل كثيراً .. كثيراً .. لا ألوم أحداً ..ولكن يبدو أن هناك سرّا يعرفه القدامي وحدهم ..(القدامي والعكليتين والمميّزين) .. يشبه هذا المكان ميز الأساتذة .. محاولات (الطلّاب) لدخوله تتطلّب حيلاً مناسبة .. التوقيع .. طالب بسودانيّات ... [سلامات يادكتور.كيفك وكيف الأسرة ..انشالله تكونوا زدتو واحد:D تعرف أنا ممكن أكون صايم عن الكتابة لفترة بسيطة وبعد كدا ببدا أكتب بطريقة رماي شوقي بدري البصطاد بيهو السمك..الرماي بكون فيهو عدة سنارات في الغالب واحدة فيهم بتقبض وممكن يقبضو كلهم..أهو أنا يشوف لي كم بوست خفيف أنكش فيهو زول وأقوم أستني كم سنارة تقبض رد ولو ما قبضو برجع لحالة سبات تاني. تعرف أكتر حاجة بتخلي الزول نفسو تطلع من الكتابة انو الناس ما تشتغل بيهو ودي أنا بعالجها بأني أختار لي واحد أعمل معاه مشكلة ودا برضو ما مضمون عشان ممكن يطلع زول بارد ويدير لي خدو التاني وهنا طوالي بقوم أواصل نوم] |
عكود
انا جيت اقول ليك صرف النظر على المساكين رحمة وأكل الكروش للجوعانين لحمة |
اقتباس:
كلامك يحير .. أنت بالذات دخلتك قوية وزول مليان من نفسه .. غايتو دخلاتك فى أي مكان بتوزنه وتوزن الراس .. ودى ما فيها أى مجاملة .. لكن أنت متهم بالشح .. يعنى من فئة "من تكاسل" وبعدين ميز الأساتذة أسهل شئ دخوله قبل الكشات :D:D .. طوالى بابه متاكى ونمليته مشروطة .. هنا مافى تميز ولا عكلته .. الحاصل الجلاكين كتار ولاقين فرصتم .. ورفع معنويات شديدة .. تعرف يا طيبان بدون تحيز كده وكل زول ليه لمسته .. أنت والنور لمستكم سحرية .. بصراحة أنا متضرر من النغمة الجديدة بتاعة "الشلليات" .. فتحى مسعد ده كان أنا وهو "ون تو" بنجر لينا بوست الى ما شاء الله .. بقى هسة يتزاوغ منى هروباً من التهمه .. لأنه زول بحب الناس وبسيط فى طرحه بأريحية .. ياخ نحن شلة مفتوحة ومخترقة .. أبقى داخل وتبقى فى البحلك .. بس أحزر الشيوعيين :D:D:D |
اقتباس:
غايتو "اللافت" دى عجبتنى .. لكن مثلك ده ما دقيق .. سمعت برجعوا الرطوبة مكسراهم وفضايحم بجلاجل :D:D |
[align=justify]سلام الله عليك يا طيبان وصبّحك الله بألف خير دكتورنا العريس،
اقتباس:
أعتقد، وبرغم جفلتنا من الإتّهام ده، كلامهم فيهو كتير من الصِحّة. بس برجع بقول يا طيبان، الإستمراريّة في التداخل والمشاركة (يعني العكلتة) بتذوّب الحواجز دي. ومن جانب آخر (العضويّة القديمة) يجب الإنتباه للأعضاء الجُدد والتفاعل معهم (بل إعطاءهم الأولويّة) والناس القُدام ما ينشدهوا في بعضهم وينسوا أن هناك أشخاص إختاروا الإنضمام "لعالم التواصل والمحبّة" من دون الأسافير. اقتباس:
رايق يعجب . . ساخر يعجب. اقتباس:
على جنب: 1/- موضوع البريمي الله يهوّنو إن شاء الله. 2/- الحنّة مرقت من الضفر وللاّ لسّع.:D تحياتي يا طيبان ولا تطوّل الغيبات الله يرضى عليك . . حرفك قاع نخرملو.[/align] |
اقتباس:
وليك يا كيشو. |
[align=justify]الأحباب فتحي / رأفت،
أسمحوا لي التعليق على مداخلاتكم، المليانة خبرة، مع بعض. [ اقتباس:
ومنهم نستفيد. اقتباس:
بارك الله فيمن أهدى إلينا عيوبنا، بدل الجفلة خلّينا نتلمّس نواحي القصور. اقتباس:
اقتباس:
سلام يا خواجات.[/align] |
اقتباس:
عاد أقولِك ماني متلوّم؟ لكن يعلم الله "دائماً على بالي" تتذكّري ماركة الحلاوة دي؟ برضّيك . . عارفك قلبك أبيض، أبيض عارفو قلبك. وكلِّك حُسن نيّة. موضوع البوست قلتي فيهو شنو؟ تنادي معانا وللاّ يفتح الله! |
| الساعة الآن 08:25 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.