الي أشتر يا صاحب الحُزن النبيل
ثم ماذا بعد هذا يا صاحبي لو بكينا خالد الحاج مليون عام لما اكتفينا وما بتغسل دموعنا حزن مكن كل الدواخل فينا ما دام مكتوب من رب العزة يا أشتر نحن رضينا فاخرج الينا نحمل عنك بعض ما تحتويه نفسك من حزن أليم يا صاحبي ... هذه الحياة علي امتداد الطريق لنا فيها محطات ... الي ان يحين موعدنا محطتنا الخالدة هنا حين التقيناكم ورزقنا الله كل هذا الود فيكم ............ فلا تحرمنا ودادك والتواصل ... ولن تجني بانفرادك حاملاً آهات ذكراك الجميلة لرجل حملنا في عالمه الجميلة وظللنا بكل الحب وجمع التضاد في السياسة والفكرة والاعتقاد يا أشتر ... تعال يا صاحب الكلمات ... تعال قول لينا عن حزنك .. وعن ليلك .. وكيف بتعيشو انت براك يا زول كفاك .. ما تسكن الألم بين مسامك وفكرتك .. ولا تجعل مذاق حياتك آهة فخالد يستحق حزنك ... ولكن الحياة تستحق ان نعيشها حتي نكمل مسيرته هو نداء العودة يا الحبيب تعال نتشارك الاحزان وبرضو نعيش تعال يا زول |
محمد مصطفي تحيّاتي..
شكراً ياصاحب.. فقد قلتَ كلَّ ما في الخاطر.. فقط لو نسمو قليلاً فوق جراحنا الكبيرة.. فقط. تحيّاتي وعزائي أشتر. |
تحياتى يامحمد,
وعبرك التحية لصديقنا أشتر.. كنا والله بالأمس فى سيرته مع سارة وعم رأفت .. فياأشتر ياصديقنا تلك سنة الحياة , فعد ياصاحبى لاذال فى النشيد بقية |
سيتعافى من حزنه ويعود أكثر املاً يا محمد
بس انتوا ما عارفنو اشتر في كل شيء....:D |
اقتباس:
وحقو براه اشتر زول براه سوف يعود حين يعود |
اقتباس:
الرشيد تحياتي يا صاحب وينك مُختفي .... فقدناك قالو لي ضاربين القرير جناين وموية وجيتو انتو بي وجوهكم السمحة واكتلمت الاية وكلنا بذات الصوت الي أشتر ,,, عود يا صاحب |
اقتباس:
كل التحايا الجيلي نعم ..... ما زال للنشيد بقية ننتظر عودته .... |
اقتباس:
مرافينا .... تحياتي وودي نأمل ان يتعافي قريباً ويعود فنحن في اشد الحوجة للجميع وأشتر فينا ذو شأن ومعني فخلينا نقول ليهو بطل شتارة ياخي وتعال كفاية كده .......... |
اقتباس:
بما انك جيت يا طارق شايل حزنك وكابا دموعك جيت تقالد حروف الناس والكلمات اكيد ارتحت .... هي نفسها علي أشتر ان يكون هنا لو ارد تضميد الجراح فلن تتوقف الحياة ... ولا هي آخر محطات الموت الي أشتر ... ارجع ياخ |
لسة ما رجع |
هو أشتر غائب !!!!
كدى اتحسس حولك يامحمد ..بتلقاهو اشتر ده طيف ياهو داك واقف وعاصر على قلبو وماسك ركائز سودانيات واقف ورافع فوق راسو الامانة التقيلة واقع بين نارين ... قلبو ...وعقلو ارادتو ...والامانة لو عليهو ماداير يفتح سودانيات عشان مايفتح نار جواهو بس مغصوب بحب الخال وحب عشمو فوقو ... اشتر للزول البعرفو ، انسان من طينة مختلفة مكوناته خلاصية ربنا يقدرو |
محمد مصطفي كيفنك ..
أبو عاقله يا خوي .. شايلنّو الحزن في الجوف علي خالد ...تقل شيلنا .. لكن نسوى شنو هذا ما قاله القدر .. نبكي وتسير بنا الحياه .. تعال ..... |
اقتباس:
ياتو يوم خلّ زول في حالو !!! ما طواااااالي حاقص لينا ... الوجع .. ما نضحك لينا يومين إلا ويداهم مُصر على تسييح الفرح ومَكَنَتنا ... حتى مَكَنَتنا وصابرين !!! إنها .. المدوّرة دي ... مرات بتعصر علينا شديد ياخ !!! وفي كل مرة توقّعنا ونقوم .. ياما خبتت بينا الواطة وسرعان ما نقوم نِنْتفّض .. ماب نستعدل إلا بعد مسااااااافة تهبشك مصيبة أخرى جديرة بالاهتمام ... مرات بنكون دايرنها تمشي سرعة سرعة ... ومرات نغني ليها يا زمن وقّف شوية ... شفتا المجابدة دي كيف !!!!! غايتو زي الخلقونا مصفّحين لكن ما ضد الرصاص ... (دا كلام زول بطمّن في روحو فما تشتغل بيو كتير) ثم نقوم نعلن الحرب على الواقع ولكن !!! الزارعا الله في الحجر بتقوم ... والـ الله كاتب ليهو عمر جديد للأسف .. لا يدري بأيّ أرض يموت ... شفتها كيف ماشه بينا والبني آدمين في تِنِقّزم دا فصاحة منهم ساي !!!! شواظ يا زول تَشلْوِط ... وبعاين في ورقي ساااااكت ولسان حالي .. كاضم .. فـ قمتا (قعدتا) ليكم تحت هذا المنبر (أتجول) في دواعيس الداتا بيز لكي تمرقوْ كلو ... وأنا أرزح تحت وطأتكم أئن من الألم والوحدة والفقد الأليم ... ربما أمرق إليكم انسان قابل للانصهار مجددا في خلايكم الجنها تنقسم دي ... ياخ انا كل يوم حايم وسط اللمة دي منسي .. وبقرمش في تمرة فؤادي ولسه ما فنيت مُصاصتا تقوم تقول لي إتا وين !!!!! كان إتا أو الرشيد ... في حدقاتكم ياخ .. في جواكم .. بين خفقاتكم وعايش فيكم .. مارق ليكم وداخل في عصب الناس التحتانية نلوك الحسرة وباقي الزاد الما كفاهم وما كفّانا .. شن بنريد والحال بطّال !!! قاعد انا والله .. والله لا وراك البي اتش بي (بي أنا دا) دلاني في الوِدَي .. وِدَي غير ذي زرعن وقااااطي إلا من وسوسةٍ ولغاويس لوغريزمات كان مشيت جطها ليكم سوف تفلسعون الفلسعة الياها .. وعشان نمسك فيكم قوي لازم أقعد ابعبص تحت هذا المنتدى ... وقعت ليك الحكاية ولّ أقوم اخش ليك بنمرة صفر اجيب نفسياتك الواطة !!!! لا تنكش ياخي ولا تنبش ما يخص الذكرى للذكرى وما يخصني لا تلكزو ... ما قتا ليك ؟؟؟ مااااااا تاني قامت جقلبت وجقلبتا بت لخبتا !!!! وبت لخبتكم ... فهل ورد إلى مسامعكم .. ولّ نقوم نحلج فد مرة !!!! |
اقتباس:
واجمل طيف بنحسو يا سمراء أحر التعازي وكل التحايا |
اقتباس:
الجميلة هيفاء خالص الود والتحايا وكل الشوق بوجودكم انا ديمة طيب |
أشتر .... يا أشتر اناديلك فتُبكيني ... لساك موجوع والوجع ما زاد طريقاً زين ... شن بنسوي لو الزمن بقي شين مستفين بيك في جوانا ... في حدقاتنا ... وفي ودالعين وبيك حاسين يا زول حقك تكابس في الكواليس عشان نتوهط في قعدتنا لكنك عارف يا الحبيب براك ما بتحلي قعدتنا حقنا فيك لما نفتش في البوستات عن حاجاتك في كل صباح ده حقنا منك وحق شرعي ده الحق الفرضتو مودتنا وسماحة حرفك النديان ... وحتي لو الكلام صبح حزنان ما تديرنا من وراء الظلام ات زولاً ضؤ وحرفك نور اشتر ... اول مرة راسلتك في الخاص قلت لي ابقي عشرة علي الصلاة عرفت عمق ايمانك والايمان مصدر قوانا والدنيا ساقية ..... شوف حرفك صانع الود البيني وبينك وبينك وبين كل الناس الحبت قولك يا اشتر ... لن تبقينا الدنيا ان طال حزننا فيها ... ولا حتي لو زاد الفرح قيراط عرفت ليه بنغني للزمن وبنقول ليهو وقف شوية ... وقف شوية عشان نمتع روحنا بي لمة حبايبنا وقف شوية عشان الموت ما احكم مصايرنا وقف شوية عشان نتلاقي بي ريدنا النسجنا حرف وقف شوية عشان البينا خالص ريدة وحب ... وولف ياخ وقف وبرضو ما بقيف .. ندعي ليهو وندعي عليهو وبرضو ماشي وشايت شوتو هي الدنيا دي شنو يا أشتر ؟ تصدق يا ود ابوعاقلة نفسي اجاوب السؤال لي زمن ولسة ما مرت في الخاطر اجابة تعرف يا اشتر ... رغم اني تميت قراية ردك ما بين الدموع وكان حزنك مدادك بس ياخي برضو بركة انك بتقرانا وجيت تكتب ياخ تعال اكتب تعال ورينا شكل الكتابة في موسمها الجديد ... تعال قالدنا بي حرفك تعال ابكيهو فراق صاحبك ... تعال خلينا نبكي معاك .. تعال تلقانا ديمة حداك تعال اكتب |
اقتباس:
بس ... وحميد قال هي كلها كمها ... لو دخلت على اهلك الصوفية السؤال دا ذاتو ما بجي على بالك ... اول امبارح سألت نفسي قتا بعدين في الجنة مافي كمبيوترات ولا ماكروميديا فلاش ولحدي تاريخو غير وعدونا بالجنة ما عارفين شي ... تفتكر بعدين حنقضي اليوم الـ من الف سنة مما تعدون دا كيف ... تعاين للجوافة تقوم تقع من شدرتا .. نعاين للمنقة الفرع يجيك مايل ... نعاين للبان نلقى الفريع رويان ... المهم كلامي دا ما تشتغل بيو كتير لأنو قالو لينا لا اذن سمعت ولا خطر على بالك .. لكن والله عندي فضول غريب وتكهنات موجبة في المسألة دي ... طبعن كلامي معاك ما كلام زول ضامن جنتو لكن العشم فيهو كبير يشملنا برحمتو ... إتو بس اقعدو ادعو لروحكم ولأمواتنا جميعا بمغفرة من عندو .. الدنيا دي كببا بقت كتيرة يا ود مصطفى .. وكل يوم اولاد الحرام في ازدياد مضطرد دا غير اولاد اللزينا القاعد معاهم ديل ... فغير ناخد الساتر من حسي مافي مفر ... والـ ربنا كتبو تعيس من قولت تيت اللياكل نارو ... وبلا ديل مافي شي مغتّس حجرنا ... الحمد لله على كل حال ... الحجر لسه راسو قوي ... |
اقتباس:
اساسا الجراح دي لو ما جابت دمها ما بنشيل همها ... دي جراح ارتوازية ياخ ... لو نسيتا بتجي نابلة ليك براها في أي لحظة تكسر فيك ركبة أو تطفج فيك مخروقة ... الوجدان دا ما عندو علاقة نهائي بكنترولاتنا الفشنك دي ... قال ليك الجعلي قلع جلابيتو ووقف نص الحفلة اخد ليو كم سوط ... وبالليل خالص قبل ينوم سأل نفسو ... الكان جابرني شنو ساااي بس !!!! تقول شنو !!! لكن مافي علاقة بين قصتي القطعتها من راسي دي وبين الاحاسيس الآكتيف الـ بنمسو بيها عاااادي ... ياخ خلينا نسمو بيها وين المشكلة ... هو لو ما سمونا بيها القاعدين ليها شنو ... هو ذاتو لو ما اشتغلتا بيها تلقى روحك سموت بها ... لكن في نفس اللحظة ماب نقدر نقول ليها انسينا ... دي والله غسول الروح من درن كتير ... ياخ الأوجاع دي بتحسسك انك في .. وساري المفعول .. وزي ما بظهر ضعفنا في اضعف صورو كمان بتلقى الشهامة ذااااتا تجيك مطفرة من وين ما تعرف .. هي المسأله موش مسام نشط وعروق فيها خير ... ينشّف ريقا اللحظة المرة .. وتنتح لو (..........) اعتقد دا تفاعل طبيعي مع مستجدات الدنيا وطقس الحاجات المميز .. والـ زي الواطة دي ... ولّ شنو ؟؟؟ ( دا ما سؤال جرجرة لكن حبيت اقول العندي وامضي في الحال) |
| الساعة الآن 01:41 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.