انا والكسور وسفر الجفا
لم استسيغ يوماً مادة الرياضيات وبدأت مفارقتي لها من الصف الثالث او الرابع لااذكر ومنذ درس الكسور العشرية ..ومنذ حينها فارقتها او قل فارقتني الرياضيات !! ,باءت كل المحاولات من صديقاتي بأن احبها واتودد اليها!! والحصيلة مزيداً من الكراهية لها !! ابذل قليل من المجهود في كل امتحان حتى احقق اضعف الايمان فوق الرسوب !!وبعض احيان رسووب فادح..!! مالنا والكسور دعونا للاشياء الكاملة مالنا والنواقص!!!! التي نغصت علي مشوار حياتي الحسابي ويطرح التساؤل نفسه ماذا استفدنا مما تعلمناه؟؟ وماذا سيستفيد ابناءنا من هذه المقررات التعليمية ؟؟ عاودني ذلك الرهاب مرة اخرى وانا ادرس ابني الذي هو في الصف الرابع الكسور (القشرية) واحاول ان اداري خيبتي من ابني في عدم الالمام باجادتها ولكنه اي ابني ما شاء الله (نجيض فيها) عكس امه الجاهلة بابسط كسر... لا تعرف بسطه من مقامه . !!! وارتجل الحل مع ابني وياتيني صوته (لا يا ماما كدا غلط..) واتشاغل عن سماع خيبتي في الكسور ويعاودني ذلك الاحساس بالكره لهذه المدعوة الكسور.. بالله عليكم لو تركوها لنا صحيحة ما كان افضل من هذه الكسور والبواقي... |
ولغرائب الصدف وبكل كرهي هذا لمادة الرياضيات ان ادرس محاسبة...والاغرب رغم رهبتي في البداية وجدت انها ارحم كثيراً مما درسناه في علم الرياضيات بل كنت جيدة في هذه المادة وصرت اعشق الارقام واتلذذ بعمليات الجمع والقسمة السريعة... شيء محير حقيقة لا بل عملت في بنك وكنت متصالحة جداً مع العمليات الحسابية بل واصبحت العلاقة بيننا حميمية!! كيف والموضوع صار فيهو (اكل عيش) وذلك يؤكد ان ما ندرسه لاعلاقة له بالتخصصات لاحقاً..بل لا نحمل منه شيئاً لحياتنا الجامعية او العملية !!!وحتى تحصيلنا للمواد تحصيل تجاري يتبخر من ذاكرتنا صباح آخر يوم للامتحان !!!! والسؤال هل هذه المقررات التي درسناها ويدرسها حالياً ابناءنا هل هي مواكبة لعصر العولمة ولعقول اصبحت منفتحة عن ذي قبل بفضل كل هذا الترف التكنولجي ام ان الامر حشو( امخاخ :(:() |
اقتباس:
|
اقتباس:
غايتو ملاحظتك مهمة .. كتير من الحشو لم نستفيد منه فى حياتنا العملية .. فلماذا لا يُترك للتخصص .. كل ما درسناه أرهقنا تماماً فى التحصيل .. (نسيناه) تماماً .. مثل اللوغرسميات والمتواليات والمعادلات والإحتمالات .. لم يستفيد منها إلا من سلك طريقها .. والأدهى والأمر أثرت على مسيرة البعض .. الذين نبغو فى مجالات أخرى .. عليك الله يا مرافى (آفو) فى الصين .. إستفدنا منو شنو :eek: |
اقتباس:
التحصيل تجاري .. التخصصات وما يتبعها من مفارقات في سوق العمل.. التأقلم مع اشياء تتنافر و ميولنا .. بورد جامع (نفساني ..تربوي .. اجتماعي .. ).. المرة الجاية متوقعين منك P&L لمغتربي الألفينات .. تحياتي |
اقتباس:
كان سؤالك دآ.. جننك عدييييييييل كدي، إتصوري خمسة سنين وقرفة، شيئ حبوب وشيئ برشامة وشيئ جنزبيل وقرفة، شيئ فكرة عن الهندسة والإقتصاد ولغة لاتينية وعترسة.. وفي الأخير!! دككين لصق العيادة ووقفة، مناولة من الرف،،، غايتهو برضهو فيها أجر المناولة وزيادة في الحسنات... تقولي ليا، محاسبة.. إن عندك زول داخل الجامعة، خليهو يحاسب من الصيدلةgooodgoood |
اقتباس:
لابد من ثورة..تعليمية دولة دولة مادة مادة :D :D لاننا نعذب في ابنائنا بحشو غير مفيد سعدنا بمرورك |
اقتباس:
شفت البي الاحمر ديل زمان عقدوني في حياتي زااتو كل انسان عندو ميول وامكانيات في التلقي ونادراً ما يكون في انسان عندو ميول لكل هذا الحشو فلماذا نصعب التحصيل على المتلقى بان لابد ان يكون شاطر في كل المواد!!! لماذا لا يكون التحصيل وقدرات الانسان ولماذا نرغم اطفالنا بحفظ اشياء غير مفيدة لهم في مستقبل ايامهم ؟؟؟ غايتو رائي انو الطفل لما يكون مبرز في مادة يجب ان ننمي ليهو موهبته حتى نستفيد منه ومن نفوقه في المادة ولا نفرض عليه ما يكره لان النتيجة ح تكون سالبة وح يكره كل المواد ويصبح التحصيل مشكلة ليهو.. (افو) دا حينها زاتو الواحد قايل الصين دي ياها بس العدة :D:D سعدنا بمرورك |
اقتباس:
والله فعلاً المدارس دي تطلب منك تحب كل المواد بل وتتفوق فيها..!!! بالله منو منا سار وحسب ميولو ..ورغبته ..؟؟ بتتخصص على حسب درجاتك وليس حسب ميولك المجموع يرميك في ياتو تخصص وياتو جامعة ودا يبقى مستقبلك ومستواك زاتو بيحددوهو ليك على ما تتلقاهو في المدرسة يبقى ما تحصل عليهو تحصيل وكم اجتهدت في حفظ ببغائي وليس نبوغ وفهم وامكن تقرأ وتشتغل في مجال لم تحببه يوماً وعندها يتحول الانسان الى آلة!! وليس طاقة مبدعة في مجال عمله والله يا زهير مغتربي الالفينات اسكت خلى الطابق مستور LLL ساااي مافي اي P :D:D خسارة نفسية وعمرية والله غالب.. شكراً على الاضافة اخ زهير.. |
اقتباس:
والغريبة اذا اساساً كنت ما حابي الشغلانة بس دخلك ليها المجموع.. وللاهل دور برضو هم البفرضوا على الطفل التخصص بناءاً على التحصيل المادي مستقبلاً وليس العلمي يعني اقرأ عشان تشتغل شغلة كويسة تريحك بعدين مادياً اما جوهر الاشياء ما مهم المهم البتقراهو في الجامعة يفتح ليك آفاق مادية ممتازة وليس معرفة ممتازة...!!!!! لكن الصيدلة حلوة ياخ الواحد واقف كدا في الدكيكين بالروب الابيض (جكس) تقيل...:D:D |
اقتباس:
عموماً كثير من ابواب مادة الرياضيات هي لحث النشئ علي التفكير فيها وتعويدهم علي ارجاع الاشياء الي اصولها او التدرج معها وصولا الي نهاياتها ..! وليس ضروريا ان يستفيد النشئ من المقررات ذاتها وانما من طريقة فهمهم لتلك المقررات ! شخصيا درست محاسبة برضو :D اذكر كان عندنا امتحان تكاليف مع الاستاذ ابو الزهور الله يرحمو .. عندي الة حاسبة سغيرة بعمل بيها التضريبات مرة مرة كدا عشان ما واثق في رأسي :D اها والله يا مرافئ بضرب 3 ضرب 2 = 5 وضربتها اكتر من خمسة مرات ومصر انها هي تساوي خمسة وفي النهاية الاجابة تتطلع غلط اراجع المسألة من الاول للنهاية الخطوات سليمة 100% بس الجواب النهائي غلط كيف؟؟ تاني اجي اضرب بالآلة الحاسبة 3 ضرب 2 = 5 :D الكويس انو المرحوم ابو الزهور بحسب درجة الامتحان بالخطوات :D تصدقي اداني حقي كاااااااامل :D دا غير انو اول امتحان في مادة المحاسبة مع الاستاذ نبيل الله يطراهو بالخير كان عن النقدية :D المسألة في شكل قصة ومنها تكون الميزان :D اخوك يشيل و يدبت :D طلع كل الميزان ديبت :D انقري ما قعدت اصيح انا رايح لي كريديت :D المدرج كلوا انفقع يضحك :D |
مادة الحساب او الرياضيات ... هي دائماً تحمل الرهبة تخلصت من هذه الرهبة وانا في المتوسطة حينها .... اذ ان استاذ الرياضيات كان شاباً واكثر ألفة تقربنا منه انا وبعض الاصدقاء في ذلك الوقت تقبل هذا منا وفهم مرمانا ... تابع معنا ودرسنا فوق الحصص الرسمية تناول معنا الموضوع ببساطة .. فاصبح سهل بالنسبة لنا وهكذا فعلت ايضاً في الثانوية ... حيث كان استاذ الرياضيات صديق شخصي وحتي اننا لم نرحم استاذ مهاجر مدرس الرياضيات المشهور فرضنا نفسنا عليه حتي تم لنا الفهم ... فكانت حصيلتنا في النتيجة كم وثمانين في المائة تحياتي مرافئ |
اقتباس:
اهلاً بي آخر الموانيء والله الميزان دا لما ما يظبط يا لطييييف..:(:( وبالذات في الامتحان... قت لي سويتا ليهم كلها دبت نان ماخربت بيتم...:D:D استاذ نبيل الواحد دا. :confused:ا إنت درست في جامعة السودان ولا شنوو..؟؟؟ ياخ نبيل دا ما حكاية كدا امكن ليهو يد في اني حبيت المادة دي.. رغم ما تفضلت بيهو لكن برضو في حاجات كدا مابيستفيد منها الطالب شيء غير وجع الراس حسع عندك الاعراب دا لزوموو شنووو.؟؟؟ ما يكون فاعل ولانائب فاعل ولانائب رئيس زاتوو نحن مالنا بيهوو..؟؟ شكراً على المشاركة |
مرافي مساءك الله بالخير
انا مشكلتي كانت مع الأنجليزي والجرامر تحديدا ولمن اتخرجنا من الجامعه كانت الامتحانات كلها عبارة عن دور بي واختار من بين الاقواس وما الا ذلك يعني بالعربي كدا زول ناقش حاجه ماف وزول بقد ماف ولمن طلعنا للحياة العملية واتعاملنا مع الاجانب لقينا انه الجرامر دا ماف الا الكتب الدراسية وزول جايب خبره ماف الا اليكون شغال في مجال الترجمه وخلافه وزي القصه اللحكاها استاذ الانجليزي الماشا لندن وهو في القطر لقا بت صغيره وامها قعد جمبهم وقعد يتظارف مع البت قامت البت قالت لأمها الزول دا بتكلم زي الكتاب ؛ غايتو مناهجنا هي السبب الرئيسي في تخلفنا مودتي؛؛؛ |
اقتباس:
والله فعلا مرات الاستاذ ليهو دور كبير في حب الطالب للمادة او كراهيتها واهو انتو لقيتوا استاذ اداكم الامان من الرهبة وتفوقتوا كمان عارف والله كراهية المادة دي مشكلة مالقيت زول ما عندو مادة ماعاملة ليهو رهبة وكراهية لكن كلو كوم والرياضيات كوم الرياضيات ما الجمع والطرح الرياضيات ديك بتاعت الاحتمالات والاقواس واستبدال السين يالعدد وعييييك وجع دماغ ما منو اي فايدة . سعدت بمرورك |
الاخت مرافي تحياتنا
تعرفي انا الرياضايات عشقي الاول والحسابات انا خريج محاسبة بس ما اشتغلت بيها وظيفة بس نفعتني في شغلي التجاري تعرفي مرات يوقف معاك جنيه ويفرق معاك في الحساب ويلخبط عليك الشغل وتزهج لكن تقعد تراجع تاني فاتورة فاتورة لمن تلقى الفرق وين مرات تقعد يومين علشان تعرف الفرق وين مع انو الحين بقت في برامج حسابية تدخل هنا وهنا تطوالي تظبط معاك |
اقتباس:
اهلاً اخ طارق عثمان والله مابحب الرياضيات بتاعت المدارس ديك لكن سبحان الله احب المحاسبة جداً واحب حاجة لما يكون في فرق :D زمان لما كنا في البنك وقبل العولمة لما الشغل كان صعب شوية كان نقيل القسم كلو عشان قرش نراجع ونفتش ونزهج ومرات يومين ما يتعرف الفرق وين...!!! بس حسع البرامج والسيستمات سهلت كل شيء..بقينا نشتهي الفروقات اياما لكن (الفرق) متعة ياخ والمتعة الاكبر لما تلقاهو. تحياتي |
يا مطافي
غايتو انتهيتي مننا تب نحن ناس اسكول اوف ماث ديل عارفه الرياضيات دي متعة عدييييييييل كدا بس كيف تحبها لما دخلنا الجامعة انا كنت مقبول اعدادي علوم رياضيات وديل بعد السنة الاولى يتم توزيعهم على كليات الهندسه اها انا بالذات قمت بالتحويل للاسكول وطبعا كلها رياضيات وأصل الحاسب والكمبيوتر الانت فيهو دا اصلو رياضيات عمري ما ندمته على تحويلي للاسكول بالعكس مستمتع جدا بدراستي بالرغم من إني لاقيت معارضة شديدة من الاســرة وبعض الاصدقاء والاقارب عندنا دكتور في الاسكول كان بقول لينا: انتوا خلو شغل بتاع النسوان دا "الكمبيوتر" وتعالوا اشتغلوا شغل الرجال وطبعا كان بقصد الناس تتخصص رياضيات بدل حاسوب الدكتور اسمو الدومة وكان عندو حالة نفسية كرهنا الكلية وعصرنا جنس عصر في الدنيا دي بالعودة لموضوعك يا روفي مع الاسف كثير من المناهج بعيدة عن الواقع والقاعدين ندرس فيهو دا تاريخ العلوم بس لكن في كل الحالات لما تتخرج لازم تكتسب الخبرة وتتعلم الشغل البجيب القروش اختم ليك بنكته حلوة: في واحد عندو حبوبتو سمعت انو ولدها بقرا هندسة المهم الولد لسه يا دوب في سنة تانية ويلا الحبوبة شبكتو ليك يا ولدي تعال صلح لي الراديو حقي دا والولد كل يوم اطنش الموضوع والحبوبة كل يوم يا ولد تعال صلح الراديو المهم الولد زهج من الحبوبة وقال ليها: يا حاجة عليك الله ما تجنينا لو عندك مسألة رياضيات ولا فيزياء جيبيها بحلها ليك :D تصليح ما بعرف الخلاصة ما نقرأه ليس له علاقه كبيره بما نمارسه في حياتنا العامة |
وانا أقووووووول
اتاريني مجبوده ... جبدة عدوك لكن فعلا المقررات لا علاقة لها بالحياة العامه كل بتنسي بعد ورقة الامتحان والحمد لله |
اقتباس:
وحشو عجيب جدا وانا ممن يكرهون الجغرافيا جدا كنت ودرست الطب فتبخر كل الثانوي وجزء من الجامعة ولا علاقة لشئ بشئ اللهم الا من باب الاستدراج بس عشان ما يخلوك في فراغ اكاديمي وكان ممكن يتختصروا السنين دي كلها في اقل من كدي لكن حكم الشديد علي القوي |
اقتباس:
بس اسغر منك :p |
اقتباس:
اهلاً بيك اخونا آمين بالله انت خريج اسكول اوف ماث انا آي زول شاطر في الرياضيات بشوفو زول ماعادي مخو فيهو حاجة لا كمان متخرج من اسكول اوف ماث دا انت اكيد جاري لعقلك حاجة..:D:Dاه واللم الرياضيات مع ملكة الكتابة شنوو ؟؟؟ سؤال حسع (وجع الراس :D)القريتو في المدرسة دي استفدت منو في حياتك العملية ..؟؟؟ شكراً يا مستر ماث..:D |
اقتباس:
لا لا انت ما معاي انت كويسة في الرياضيات انا امية امية في الماث...:D:D بالجنبة كدا** مشتاقين شنوو ما تعبرونا حبة...:D |
اقتباس:
اهلاً بيك عمر والله الواحد ما عارف المقررات الكتيرة دي لشنوووو...؟؟ يعني شوف في الجغرافيا دي التضاريس والمناخ والاقاليم المناخية وحشو حشو شديد اها بعد اتخرجنا التضاريس دي استفدنا منها شنو..؟؟ والجغرافيا كباقي المواد...امكن فيها معلومات مفيدة لكن انحنا قريناها ما عشان نتنور ...بس عشان ننجح فيها..!!!!!ونبخرا بعد الامتحان سيدنا عمر رضى الله عنه (اتمنى ما اكون غلطانة لو غلطانة صححوني) قال علموهم السباحة والرماية وركوب الخيل ولا واحدة من ديل في مقرراتنا التعليمية مافي رغم اهميتا !!وناس الغرب عندهم اساسية.!!! وماعندهم كل الاسبوع قراية وواجبات وشنط تكسر الضهر...:( وشوف هم وصلوا وين وانحنا وين..!!!! ياخ يوم العطلة الطالب يدوهو كمية من الواجبات وماعارفة هي عملوها عطلة لييه..؟؟ والله اتمنى كل العرب لو يعيدوا النظر في المناهج الدراسية ولو خففوا الدوز بتاعا شوية شكراً ليك على المشاركة..:D |
اقتباس:
امشي يا عجوز..:D مسمي روحك آخر الموانيء !!! دا انت من الموانيء العتيقة..:D:D |
اقتباس:
:mad: |
اقتباس:
اكرر اسفي واكرر واكرر والله ووالله ما شفت المشاركة الا بعد ختيت الوش الزعلان دا ليس من عادتي عدم الرد على المشاركات لانو الواحد بيفتكر انو البوست زي بيتو ولما يجيهو واحد لازم يقوم بواجب الضيافة تعرف عشان امكن كانت نهاية الصفحة وتاني ما رجعت للصفحة الفيها مشاركتك اكرر اسفي ووالله آآآآآآآآآسفة الى ما لانهاية..:( |
اقتباس:
هسى يعنى كلااامك دا يصرفوهو وين..؟؟ مرافى ياخى اتصلحى مع الناس و لا نقوم نلف معااك و نعمل ليك بوست فى العجاجه القايمه دى عشان نلحق السوق...:rolleyes: ياخى قصدت اقول مساء الخير...:) |
اقتباس:
اها انا زيك جني و جن الرياضيات و الكسور و البواقي و حكمة الله درست هندسه شفتي الطب اتطور كيف |
اقتباس:
فعلاً هي اللغة الانجليزية دي.. الواحد بيحتاج للمخاطبة فيها اكتر من الجرامر ونحن مشهورين باننا شاطرين في الانجليزي..عند الجنسيات التانية.. لكن خلي يلاقيك واحد اجنبي تتلبك..وتخاف من الكلام ..الواحد حس بالشيء دا لما جاء الخليج.. الزول عامل فيها مقدد الانجليزي لكن ما بيقدر يتكلم ليهو كلمتين على بعض .عايز تتكلم بي جرامر وتخاف تغلط !! واخيراً الواحد فهم انو المخاطبة البيحتاج ليها عشان يمشي امورو ماعندها علاقة بالانجليزي القرونا ليهو ولكن بالممارسة الواحد بيتقنا وعقدة اللسان تنفك!! ما قلت ليك بيقرونا ويعذبونا بي حاجات ما بنحتاج ليها ابدا ابدا لا وكمان الكمبوزيشن تقول الواحد ماشي يشتغل صحفي في النيويورك تايمز..:D لك جزيل شكري واسفين شريناك في الخط :D:D |
اقتباس:
ما سمعت يا ود عثمان لو عايز تظهر البس اصفر اها في المنتدى دا لو عايز تشتهر اعمل مشاكل والعهدة على الراوي...(انا بررررررة) قصدت اقول مساء الخير واشوفك كيف امسيت يا مساء الخيرررات كلامي دا اصرفوا من اجزخانة علاجات (الكسور:D) اضحك تضحك الدنيا معك شاكل تشاكل وحدك اللهم اجعل كلامنا خفيف عليهم في الليل البهيم دا...:D |
اقتباس:
و بنحب لون السماء و نصوم و نفطر على الهلال...:) الاجزخانات فى قاموسنا مافى..نحن ناس علاج بلدى..;) و شيخنا قاعد فى المسالمه...looool |
اقتباس:
سلااام للقدعاان القلب فيهو موية (بيضاء ) المغربي كيف...:D:D بتكرهي الرياضيات وقريتي هندسة والله صحي الطب اتطور ..:confused: لكن برضو دا بيؤكد انو البنقراهو في المدارس حاجة والفي الجامعة حاجة مختلفة تماماً...والفي الحياة العملية حاجة مختلفة خاااالس غايتو حكتو بالغة سن الرشد تحياتي |
اقتباس:
شيخك شيخ كسور ولا كجوور...:D:D بالازرق الهدار كيتن علي الاصفر..:mad: |
اقتباس:
غايتو كل ما اشوف عنوان البوست اتذكر مسرحيه سفر الجفا..:rolleyes: و اغنيه ابراهيم عوض: سيب الجفا انا قلبى داب من العذاب و العمر ضااع مع....:D يلا سوقى سواقتك و بالله ما تفتلى لينا البوست..:) |
| الساعة الآن 04:54 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.