منو البرجع لينا حاجاتنا
المزاج معكر .. والتركيز مجهجه .. والكلام مشاتر
داير أرجع لصفاء النفس وأتنفس من الجمال وأعود لهدوء كما كنت (بلغة العساكر) فكرت فى قصيدة مطلعا (قابل للتعديل) منو البرجع لينا حاجاتنا طبعاً لغياب الملكة الشاعرية :p مكلف بكتابتها (أولاً) حبيبنا النور يوسف .. وحرم ما ترد لى طلب .. |
والله كيتا عليك ياخواجة بالرغم من انك
مامصنفني مع الجماعة لكن بكتب فيك قصيدة ولو ماعجبتك وديها سوق ام دفسوا:p بالمناسبة هو سوق ام دفسوا دا وين |
اقتباس:
النور يوسف بعد الحرام دا ما عندو سكة، و كان إتأخر شوية أنا بردف معاك حرام و بعكلت إنو يكتب قصيدة باللغة الهيروغلوفية... يا زول مسكتني في حاجة بنت كلب...علي الدين تاني نجر حرامات و نستكتب البورد دا كلو، و الجرسة لا ينظر فيها |
غاايتو لو داير حااجاتك الفى بوتسودان برسلها ليك...:rolleyes:
لكن لو داير حاجاتك الفى المسالمه علا تشوف ناس.....:) اقول ليك حااجه.. قوم لف..looool |
اقتباس:
يقال أنه واحد سوداني عآآآآآآآآآآآتي بث مسالم،، صحبانه عندهم مشكلة مع واحد وعايزين "يكسرهو" لكن ما عندهم "الملكة"، مرة العآتي والمطلوب "كسوره" كانوا مجتمعين ومعاهم الجماعة،، واحد من الجماعة خبط العآتي دون يلاحظ وطوآلي الجماعة أشرو على المراد "كسره".... العآتي ولا كضب، خبط ليك الراجل وطرحه أرضأ.. حسي نشوف لينا شيتن يزعل الزول الرزين دآ عشان يكون في حالتك ويشعرنا:( |
اقتباس:
صديقى الكائن المنتدياتى .. عجبتنى ( اولاً ) دى :) حاسى إنها مرقتنى من خانة (اليك ) .. وجهجهت الــ ( حرم ) ديك ذاتا .. هو نحنا بلا حرم ما بتقدر نرد ليك طلب ياخ .. غايتو فكرة القصيدة مستفزة .. والفضاء بتاعا بشبه ود العالم .. يعنى ( بستعين بى صديق ) .. ـــــ ويا خالا ما صدقت .. عجبتك الحليفة دى .. يا زول الحرام الإسفيرى ده حد السايقن آوت ثم ذاتو من ود ميلاد مضروب .. شكراً يا رأفت وزى ما قلت والله الأجواء قلقة .. وفى الذاكرة تلك الأيام الأديبة .. حين كنا نرتاح على جوانب الشجن الأيمن ونغنى للوجد المعتق .. نحن شعب لا يحتفظ بالجمال كثيراً .. تحايا عطرة للأسرة .. |
بسم الله الرحمن الرحيم
لا أدرى لماذا تذكرت هذه الكلمات وأنا استعرض عنوانك المستفز ( منو البرجع لينا حاجاتنا ) الكلمات للشاعر التيجانى حاج موسى .. وسمعها الناس من النور الجيلانى كاصدق ما يكون الحزن ومن كابلى كأروع ما ترسم الرصانة لوحة باكية .. ـــــــــــــــــــــ ساعة النسمة ترتاح على هدب الدغش وتنوم ياهاجر يا آسر أنا مساهر أنا والليل ومر جفاك مساهرين نحكى للأفلاك لا كملت حكاوينا .. ولا لقينا البداوينا يا مشهيني طعم النوم وطيفك في خيالي يحوم سنين مرّت ومرو سنين براك عارف وبي أدرى وجُرحك يا غرام الروح لا طاب لا بيدور يبرا ده جُرحك مهما طوّل وغار مطبوع فيني بالفطرة وبين الذكرى والنسيان المسافة قريبه يا إنسان ـــــــــــــــــــــــــــــــــــ |
اقتباس:
|
اقتباس:
المشاركة الأصلية كتبت بواسطة رأفت ميلاد http://sudanyat.org/vb/images/buttons/viewpost.gif المزاج معكر .. والتركيز مجهجه .. والكلام مشاتر داير أرجع لصفاء النفس وأتنفس من الجمال وأعود لهدوء كما كنت (بلغة العساكر) فكرت فى قصيدة مطلعا (قابل للتعديل) منو البرجع لينا حاجاتنا طبعاً لغياب الملكة الشاعرية :p مكلف بكتابتها (أولاً) حبيبنا النور يوسف .. وحرم ما ترد لى طلب .. العكر مزاجك وجهجه التفكير لعثم لي كلامك خانك التعبير كابش فوق صديرك عاجبو التحكير مين غير ها العلوج حكمونا بالتجبير مجري النفس سدهو ودرب الرزق قفلوهو والبلد الكبير قسموهو والنيل السلسبيل حسوهو القطن إن يهمل تيبس وجمال النفس ان يقهر لا ولن يتنفس يحي عثمان مايو14/2012 الساعة 3:33 |
الاحباب رأفت/ النور هكذا جاءت فمعذرة أن تطاولت عليكم لكنها... حرقة القلب الكسير رأفت : أيها المنفي في كهف الجليد هي لست حاجاتك لكنها حاجات هذا البلد الاسير إن تقاعسنا تضيع ولن تعود وأن كسرنا حاجز الخوف البليد تعود تشرق من جديد |
اقتباس:
سوق أم دفسو فى بوست الشفاتيات والشفوت بقيادة عثمان حمد :D:D أتخيل لى فى الأبيض كان ما أخاف الكضب :eek: |
اقتباس:
|
اقتباس:
عليك الله ترجع لى بتاع بورسودان كيف .. هى ذاتا وينا :( |
اقتباس:
|
اقتباس:
يا جنابو أكرمنا أنشاء نمة بأربعة بيوت .. نحلل بيها ياخ :D:D عارف الأجواء شكلها كيف بس نحاول نهزم الزمن .. باركا يباركو ليك السمح |
اقتباس:
|
بعض الطرب يا انتيمو
[rams]http://www.sudanyat.org/upload/uploads/Sm3na_com_ya_einey_ya_eieny.rm[/rams] |
اقتباس:
|
من وحي "أركلوجيا الانسان المقهور" : والله العظيم حتـــــفــــــــرج
شايفانا ماشين حتى قبال مانجي شايفانا ضُـل أرواحنا حُر شايفاني بستحلى السجن في بيت قصيدي والعجيب اليوم مــِزاج الشعر مر!! حاساني بالكلمة بتثور جواي حالة المنتشي وتفور خلايا الزهو سيل ,, غــــامر كما فعل المطر ما غريبة اليوم مــِزاج الشعر مر ؟! لقيتني في نص الطريق لقيت روحي فى نص الطريق محروقة مركب رجعتي و وقفت ما بين كفة الخوف و الخطر وقفت و الحيرة الدليل ,, ممتده حد مد البصر ياربي ليه اليوم مــَزاج الشعر مر؟ سالتني مدفونة وين ,, فتشتني ولقيتني لقيت روحي فى حزة وقفت من الحفر طلعتني ومن حولي كان الحال سقوط عااااادي عادي السقوط ,, انا ما الملاك و الوقعة من طبع البشر عااادي ,, في روحم الواقعين كتــــــــااار اليوم نصابم تم بي؟!!؟ لا ,, ما أظن ,, السقطة جوة الذات قبر انا ما أظن في يوم نصابم تم بي ما السقطة جوة الذات قبر وانا قلمي حي ,, انا قلمي حــــــــي رغم المرار الفي الحبر بيستمر انا قلمي حي ,,, رغم المرار الفي الحبر قاعد يستمر آمنة حسين _2009 (أركلوجيا الانسان المقهور) نص مسرحي لأستاذنا محمد السني دفع الله و الصديق طارق المكي |
[media]http://www.sudanyat.org/upload/uploads/Sm3na_com_ya_einey_ya_eieny.rm[/media]
|
مقص مقصوص قاص يقص... كيتن في الليمون ذاتو وأعني نجم الليل ولا الكرهبة ما عارِف:D
منو البقدر يرجع لينا حاجاتنا ويسوق لي جيهة ما معروفة شيناتنا مِنو البنكِر وكت شيدنا ثوراتنا تكسِر كل مراكب الليل شعاراتنا نربي الضو، نقسِم خيرو بيناتنا *** مِنو البقدر يرجع لينا حاجاتنا يقول للنيل تعال أهطل ببلداتنا وداعِب أرضنا الجفت محنتا بانكساراتنا وصدِق إنو فينا الخير وجنياتنا يوت ما قُمنا فات الشر محلاتنا |
اقتباس:
جميل يا حجة آمنة جميل .. لكن لسة راجيك أنتى ذاااتك أنتو حبيبنا السنى ذاتو وينو .. الناس دى بتخفس وين :confused: |
اقتباس:
|
يعنى مافى غير يحيى وبلة زول تانى داير يرجع لينا حاجاتنا :o
جيجى ياخ مستنيك |
قول واحد:cool:
[flash=http://www.youtube.com/embed/0jy1BEHXlg8]WIDTH=350 HEIGHT=400[/flash] |
اقتباس:
حبال السماء الممدود حبال الصوت وكت يرجع يجيب الخاطر المردود تعالي نشوف حروف البكاء الجواها مافي حروف تعالي نشوف تعالي نطوف علي المدن البقت اشباح علي الجوع القعد مرتاح علي الكلمة البقت في الجوف تفتش سكة الافراح تعالي نشوف منو البقدر منو البقدر يخاصم طفلة صبحت هازلة فوق مد الاسي الحرٌاق يا غنوتنا ما تفوتي يا كلمتنا ما تموتي فتشي فوق ضمير الكلمة عن وتراً رحل فراق و عن بلداً رحل فراق عن ولداً رحل فراق و عن علماً رحل فراق غنانا الفينا ما بشفع حديثنا الجوة ما بنفع تعالي نشوف تعالي نطوف تعالي نعلم الشفع تعالي نعلم اليفع - يحي فضل الله - الود و التحايا للاحباب رأفت و ضيوفه الاعزاء .. |
اقتباس:
المحمر ده هدية من أخوك لقيتو بستعدل البيت بعد اذنك طبعاً:) --- جميل يا صديقي الجميل وأجمل أكتر الشطر ده: اقتباس:
|
اقتباس:
|
اقتباس:
والله العظيم مشتاق ليك |
اقتباس:
|
اقيفوا نبكي مهرجاناتنا ونقفل اسواقنا وملجاتنا ونكيل التراب فوق كلجاتنا ونتحسر علي حاجاتنا وللوعدتنا وما جاتنا ولا رسالة اعتذار منها ما جاتنا يا ربي عشان افريقيتنا؟ ولا عشان ظلم خواجتنا؟ ياخي تعالي نخلي مكاجراتنا ونتصالح ونلم حاجتنا وعشان يا السمحة نصلح تلاجتنا ونعصر ليك ليمون ونرمي فوقو تلجتنا وكان ما جيتي يبقى الرماد كال دجاجتنا منو بعدك منو البرجع لينا فرحتنا؟ ومنو البرجع لينا حاجاتنا؟ و.أ.أ لشبونة حيزران 2012 |
اقتباس:
غايتو كلجاتكم ما بتذكر كانوا فى حاجاتنا :D .. غايتو فى ليالى لشبونة الصاخبة دى لسانك أتفتل وكتبت جداداتنا غلط .. نيسيت تكتب الساعة كم صباحاّ :p |
gap
|
اقتباس:
|
اقتباس:
اها معاك وجدي الاسعد الشهير بي وجدي غنيم الثورة المصرية دي قايلها اسلفتها من وين؟! gap |
اقتباس:
|
...
.. ياروفي هل ياتري .. لو .. ادوك .. ( اخر ايد ) ... :D:D:D .. بتقدر .. ( ترجع ) .. حاجاتك .. .. كل الحب .. |
رأفت ياغالي ...دخلني الشوق
ومرقني التوريط عموما انا قصايدي مابتنفعك لاني كائن ممنوع من الصرف :D وبراك عارف البير وغُطاهُ جيت اسالمك واتفرج في الناس البتشعِر دي واقول ليك انه لي في ذمتك امانات شفيهة بقيت مستعدة اسمعا.... وقبل اي شي انا ميتة شوق لسعادتكم فادركني محبتي |
اقتباس:
|
اقتباس:
|
| الساعة الآن 02:44 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.