العالم بابكر عباس
 

كدي تعال اشرح لينا الفتوة دي
إوالله محنتنا ياخ
حسب مافهمت انه اي حد عنده فلوس وماعايز يصوم يفدي
ودا معناه وجود طبقة غنية فاطرة رمضان بقروشها
وبي كدا انتفت حكمة صيام رمضان
وانتفى العدل
وحاجات تاني نربأ ان نخوضها لمجرد تفسيرك هذا

:D:D:D:D
عجبنى للمرقوت

تحياتي "آنسة جيجي"
أيواااتك، سألتيني؟ وأخوك بحب نوع الأسئلة الساهلة دي.
أول حاجة تخلي روحك رياضية وما تزعلي، لانو لو زعلتي ممكن يطق ليك عرق، ولو طقّ ليك عرق نحن ممكن نفقد لينا لاعب حريف.
حول هذه الآية ثلاثة مدارس، ح أشرحهم ليك شرح بتاع ونسة سودانية من غير الإقتباسات بتاعة كتب التفسير الصعبة ديك، بس خليني أفطر وأشوف أغاني وأغاني وبجيك براحة.

قلنا شنو؟
الروح الرياضية يا "آنسة جيجي"

على نفسها جنت براقش:D


وبالمرة، لو تكرمت يا دكتور، ما تنسى الجيلي معاك برضو عشان نختبر روحو الرياضية:D

عندي يا قيس، مقترح للإدارة بحجب الباسورد بتاعة الجيلي أثناء الصوم وإطلاق سراحها بعد الإفطار وبعد نتاكد انو ختا السفة.

علي فكرة يا "آنسة جيجي"، حسب "العالم" بابكر عباس، الصعود لا يفسد الصوم، فهو لا يقع ضمن شهوتي البطن والفرج بالإضافة إلى انو الصعود بصلح مود الصائم.

براقش دي منو:)
كويس انه حددت فريقك من هسه
عشان النطيط مابنفعك بعدين
غايتو عباس دا اقلاها يوديك ايران اعمل حسابك
اركز اجنا:p

يا بابكر انت من وين استوحيت عدم رياضتي
يعلم الله انا دار الرياضة زاتها
ثم انه ياخ انت سامعني وعارف اني بعيدة عن التشنج صاح بقول الفي راسي لكن بكل هدوء
ثم انه خليك في صلب الموضوعlooool

سلامات يا نديد و بالمناسبة العشرة الاواخر راشحة معاك بمزاج !!
شي "عالم" و شيتا "نبيل" زائد الشفافية الثابتة الاوتاد; و العكلتة البائنة النواجز;
ممكن تنافس لجائزة العضو المميز للعام 2012 و حظوظك في السماء :D:D
قلتلي التمباك ما بفطر :confused::confused: طيب ما تباصر لينا الشاي و القهوة ينوبك ثواب :p:p

والله يا نديدي، تستاهل، بس طلبك دا، شوية صعب، لكن لو لقينا شاي وقهوة مسوح، بتتباصر

"في الحرب بينك وبين العالم .. أدعم العالم" أو كما قال كافكا
يا أخوانا، نحن في هذا السجال القديم المتجدد، نعلن دعمنا للعالم ومقاطعتنا للعبة الحلوة!

تحياتي للجميع :

{أَيَّاماً مَّعْدُودَاتٍ فَمَن كَانَ مِنكُم مَّرِيضاً أَوْ عَلَى سَفَرٍ فَعِدَّةٌ مِّنْ أَيَّامٍ أُخَرَ وَعَلَى الَّذِينَ يُطِيقُونَهُ فِدْيَةٌ طَعَامُ مِسْكِينٍ فَمَن تَطَوَّعَ خَيْراً فَهُوَ خَيْرٌ لَّهُ وَأَن تَصُومُواْ خَيْرٌ لَّكُمْ إِن كُنتُمْ تَعْلَمُونَ }البقرة184

من تفسير الجلالين ( السلف ) :

184 - (أياماً) نصب بالصيام أو يصوموا مقدرا (معدودات) أي قلائل أو مؤقتات بعدد معلوم وهي رمضان كما سيأتي ، وقلّله تسهيلا على المكلفين (فمن كان منكم) حين شهوده (مريضاً أو على سفر) أي مسافر سفر القصر وأجهده الصوم في الحالين فأفطر (فعدة) فعليه عدة ما أفطر (من أيام أخر) يصومها بدله يصومها بدله (وعلى الذين) لا (يطيقونه) لكبر أو مرض لا يرجى بُرْؤه (فدية) هي (طعام مسكين) أي قدر ما يأكله في يومه وهو مُدٌّ من غالب قوت البلد لكل يوم ، وفي قراءة بإضافة فدية وهي للبيان وقيل لا غير مقدرة وكانوا مخيرين في صدر الإسلام بين الصوم والفدية ثم نسخ بتعيين الصوم بقوله من شهد منكم الشهر فليصمه ، قال ابن عباس: إلا الحامل والمرضع إذا أفطرتا خوفا على الولد فإنها باقية بلا نسخ في حقهما (فمن تطوع خيرا) بالزيادة على القدر المذكور في الفدية (فهو) أي التطوع (خير له ، وأن تصوموا) مبتدأ خبره (خير لكم) من الإفطار والفدية (إن كنتم تعلمون) أنه خير لكم فافعلوه .
*
وفي اللغة :

الذين يطيقونه : يجدون عُسرة في صيامه.

و لكبر أو مرض لا يرجى بُرْؤه (فدية) : اجتهاد الجلالين

*
( بيت بيت زنقة زنقة ) وجه ضاحِك

*

عليك الله، يا جيجي، شوفي تفسير الجلالين الجابو أخونا الشقليني دا، مليان جغمسة كيف!
إبن عباس يقول نسخت ويرجع يستثني المرضع والحامل من النسخ!
مرة يضيفون لها "لا" مقدرة قبل يطيقونه لتصبح: على" الذين لا يطيقونه"، لكن لو واصلت تمامة الآية تلقاها أجازت الإطعام للذين لا يطيقونه وجات قالت ليهم وان تصوموا خير لكم إن كنتم تعلمون؟!
عليك الله، دي، ما جغمسة؟

بجيك راجع لمدرسة النسخ ومن بعدها مدرسة شحرور

شوف يا مُبر، كافكا العظيم بتاعك دا، عاش ليهو أربعين سنة بس، متأكد لو كان بدأ في الأربعين التانيات، كان عكس المقولة دي.
يا أخي، الدنيا دي، عبارة عن لعبة حلوة (حتى لو كانت فِرد واحدة)، وللعالم رب يحميه.

اقتباس:
المشاركة الأصلية كتبت بواسطة رأفت ميلاد http://sudanyat.org/vb/images/buttons/viewpost.gif
أنا مع جيجى من هسة .. غالب مغلوب .. على أمرى


حبيبنا رأفت ميلاد
( بيت بيت زنقة زنقة ) وجه ضاحك !

*

قال سقراط: ما سيقوله إفلاطون الأن خطأ
قال إفلاطون: ما قاله سقراط الأن صحيح
يا بابكر، ها أنت - ودائماً - سادراً في تضري عيشك، وقد جاء في الأثر: البضري ليهو عيش يتحمل شراو!
فياخوي، مع شرح الجلالين ده، إتحمّد شرآك، ولا مخرج لك/لنا حتى نخترع من الشاي والقهوة مسوح!

انا شايفة تعصر على الشحرورة احسن يمكن تلقى ليك مخرج:p

انت ما بتعرف تتدافس
مش في مثل بيقول المابدافس مابنافس:D

ليك حق ياستي
مادام مارقة ليك بضراع:p

تسلم يامقدس:cool::cool:
كيتا في سارة

يا أخوانا، دا، شنو؟ كلام الجلالين ضعيف جدا ولا يرقى لزنقة أو بيت! دا كلام غير مقنع! كيف يعني رينا يقول: "على الذين يطيقونه" ويكون قاصد الذين لا يطيقونه؟
أوكي نفترض انو في: "لا" محذوفةـ
كيف يديهم رخصة في أول الآية لعدم الإستطاعة ويرجع يقول ليهم: "وأن تصوموا خير لكم إن كنتم تعلمون"؟
ما تقولوا لي زنقة زنقة و"إتحمّد شرآك" و"تعصر على الشحرورة" وتمشوا تقتبسوا لي من كتب التفسير؟ هو سبب كلامنا دا شنو؟ ما هو دغمسة كتب التفسير دي.
وجه مقعقع كبير!

والله يا ابوى دى الدغمسه ذاته :eek:

أخونا بابكر عباس
دة اجتهاد السلف ...
وراينا بالطبع يتقدم على السلف

( ممكن تسلفني قروش ) ولا إنتَ ما سلفي ؟

دغمست عدوك
لكن انا لابدة ليه لمين يتم محاوره كلها

تحياتي يا بابكر ورمضان كريم

أتفق معاك في إنو تفسير الجلالين ل (وَعَلَى ٱلَّذِينَ يُطِيقُونَهُ فِدْيَةٌ طَعَامُ مِسْكِينٍ) ما مقنع لأنو (لا) ما موجودة في الآية.
في رأي بدعم رأيك موجود في معظم التفاسير التانية (القرطبي، الطبري، ابن كثير...الخ)، إنو فعلاً الآية 184 مقصود بيها الزول القادر يصوم (الذين يطيقونه)، وممكن يصوم أو يفطر ويطعم مسكين، لكن الآية 185 نسخت الكلام دا.

أسئلتي:
رأيك شنو في الآية 185، هل نسخت الآية القبلها (184)؟
ولو ما نسختا، تفسيرك شنو لتكرار النص الملوّن بالأحمر؟

أَيَّامًا مَّعْدُودٰتٍ فَمَن كَانَ مِنكُم مَّرِيضًا أَوْ عَلَىٰ سَفَرٍ فَعِدَّةٌ مِّنْ أَيَّامٍ أُخَرَ وَعَلَى ٱلَّذِينَ يُطِيقُونَهُ فِدْيَةٌ طَعَامُ مِسْكِينٍ فَمَن تَطَوَّعَ خَيْرًا فَهُوَ خَيْرٌ لَّهُ وَأَن تَصُومُواْ خَيْرٌ لَّكُمْ إِن كُنتُمْ تَعْلَمُونَ} [البقرة: 184]

شَهْرُ رَمَضَانَ ٱلَّذِى أُنزِلَ فِيهِ ٱلْقُرْآنُ هُدًى لّلنَّاسِ وَبَيِّنَـٰتٍ مِّنَ ٱلْهُدَىٰ وَٱلْفُرْقَانِ فَمَن شَهِدَ مِنكُمُ الشَّهْرَ فَلْيَصُمْهُ وَمَن كَانَ مَرِيضًا أَوْ عَلَىٰ سَفَرٍ فَعِدَّةٌ مّنْ أَيَّامٍ أُخَرَ يُرِيدُ ٱللَّهُ بِكُمُ ٱلْيُسْرَ وَلاَ يُرِيدُ بِكُمُ ٱلْعُسْرَ وَلِتُكْمِلُواْ ٱلْعِدَّةَ وَلِتُكَبّرُواْ ٱللَّهَ عَلَىٰ مَا هَدَاكُمْ وَلَعَلَّكُمْ تَشْكُرُونَ} [البقرة: 185].

ومنتظرين رأي الأستاذ عبد الله الشقليني المخالف للسلف
..

أبو الزهور، انت من زمان وين؟
أسئلتك فيها منطق قوي جداـ وخاصة حجة التكرار، لكن عشان الكلام دا، يكون صحيح، لازم تكون الآية 184 و185 نزلن متباعدات زمنيا ويرضو تكون 184 نسخت 183 لانو الله قال فيها: "كتب عليكم الصيام" ثم نسخو قي 184 برخصة الإفطار وعاد ونسخو في 185 بقوله: "فمن شهد منكم الشهر فليصمه"

183 "يَا أَيُّهَا الَّذِينَ آمَنُواْ كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِن قَبْلِكُمْ لَعَلَّكُمْ تَتَّقُونَ"

184 "أَيَّامًا مَّعْدُودَاتٍ فَمَن كَانَ مِنكُم مَّرِيضًا أَوْ عَلَى سَفَرٍ فَعِدَّةٌ مِّنْ أَيَّامٍ أُخَرَ وَعَلَى الَّذِينَ يُطِيقُونَهُ فِدْيَةٌ طَعَامُ مِسْكِينٍ فَمَن تَطَوَّعَ خَيْرًا فَهُوَ خَيْرٌ لَّهُ وَأَن تَصُومُواْ خَيْرٌ لَّكُمْ إِن كُنتُمْ تَعْلَمُونَ"

185 "شَهْرُ رَمَضَانَ الَّذِيَ أُنزِلَ فِيهِ الْقُرْآنُ هُدًى لِّلنَّاسِ وَبَيِّنَاتٍ مِّنَ الْهُدَى وَالْفُرْقَانِ فَمَن شَهِدَ مِنكُمُ الشَّهْرَ فَلْيَصُمْهُ وَمَن كَانَ مَرِيضًا أَوْ عَلَى سَفَرٍ فَعِدَّةٌ مِّنْ أَيَّامٍ أُخَرَ يُرِيدُ اللَّهُ بِكُمُ الْيُسْرَ وَلاَ يُرِيدُ بِكُمُ الْعُسْرَ وَلِتُكْمِلُواْ الْعِدَّةَ وَلِتُكَبِّرُواْ اللَّهَ عَلَى مَا هَدَاكُمْ وَلَعَلَّكُمْ تَشْكُرُونَ"

لا لا يا حُسين
ما ممكن يكون ربنا يقول للذين "يطيقونه بمشقة" (حسب تفسيرك)، لو صمتوا أخير ليكم! لانو الله ببساطة يريد بنا اليسر ولا يريد بنا العسر.
حالتك دي، تندرج تحت المرض ولو بقت دائمة مع الصيام (وبرضو ناس السكري) تفطر وليس عليك إطعام.

طيب البوست دا يا خي ما كان تفتحوه من بداية رمضان .... مصومين الناس لحد يوم 25 و دايرين تجوا تنظروا؟

و كما قيل اختلاف العلماء رحمة بالأمة

أنا غايتو حأخد رأيك العالم بابكر عباس

جيجي ازيك يا خي

طيب يا جيجي،
حكمة الحج شنو؟ برضو مربوط بالمستطيع ماليا!

أعتقد والله أعلم، انو رخصة الإطعام للذين يطيقونه سوف تؤدي بالفرد صاحب الرخصة في النهاية إلى صوم وإطعام

آها يا حافظ، مشروعك بتاع حق الفطور لقينا ليك ليهو وجه شرعي، قصرنا معاك؟

اولا صباح الخير
طيب يابابكر
خلينا نمشي معاك خطوة خطوة زي ما انت عامل اولاا
- الزامية القضاء لمن كان مريضا او على سفر مابتنفي تفسيرك ليطيقونه دا
وخليك مركز شديد في يريد الله بكم اليسر ولا يريد بكم العسر اذ واضح انه حتى اليسر مافيه تخيير الاطعام
- خلينا نجيب الاية كاملة
- امرالوجوب في فليصمه وايضا في ولتكملوا العدة بتفتتكر انه غير ملزم
-على حسب تفكيرك مابتفتكر انه في خلل في تخيير القادرين على الصوم والزام المريض والمسافر على القضاء ولا شنو رائك