ود أب ضرس نفعتو النصيحة !
ود أب ضرس دا صاحبي ، منصوري ظريف يسكن ضواحي كريمة ، حلو اللسان و حسن الهندام و يعمل في مجال السمسرة .
تزوج امرأتين و طلّقهما قبل إكمال عام مع كلّ واحدة منهما . قبل شهور و نحن نشرب الشاي في قهوة أبو عرب في السوق التحت بكريمة قال لي : ناس فلان ديل عندهم بنية سمحة خلاص ، و حديسا ينقط عسل بس مشكلتا قصيرة شوية ! باقيلك شنو ؟ فقلت له مازحاً إن الحجاج بن يوسف قال (من تزوج امرأة قصيرة فوجدها على غير ما يحب فعليَّ صداقها) فقال : كان كدي ياني المعرِّسا ! قلت له : يا زول دا راي الحجاج ، ما رايي ما تقوم تعرس بت الناس و تجي تطلّقا و ترمي اللوم فوقي ! قال : يا زول انا أخدت بي كلام الحجاج تب ! ثم تزوجها و سافر بها إلى المكابراب حيث تقيم أسرته و مكث بها أشهراً هناك ثم عاد إلى كريمة حيث قابلته قبل يومين و أنا متوجس من أن يكون قد طلقها ... - أها عامل كيف مع المرة الجديدة ؟ - يا زوووول ... علي الطلاق لقيتلك الحجاج دا مافي أنجض منو ! ، أتاري أنا كنت مضيع زمني ساكت !!! المشكلة الآن هي أنني أصبحت أفكر بجدية في تطبيق كلام الحجاج ، لا سيما بعدما أفضى لي على ود أب ضرس بما لا أستطيع نشره ههنا ، كما أن زوجتي على النقيض تماماً مما ذكره الحجاج ! ملحوظة / الكلام دا أنا كتبتو في (خاص بالأعضاء) لأنو المدام مرّات بتجي تتشمّر و تشوف أنا قعد اكتب شنو ، و هنا ما عندها طريقة لأنو ما عندها باسويردgap |
:D:D
هههههههههه... وكما قيل: القصير يا حكمة.. ويا فتنة... |
اقتباس:
دلوقت انا خياراتي انحصرت ما بين 145 إلى 150 سنتي و جاري البحث على قدم و ساق و اللقاها علي ود اب ضرس أكيد أخوك بيلقاها يسعد مساك يا أشرف |
اقتباس:
:):) كان كدي آن لبعلة أحمد سليمان طه أن تمد رجلها |
اقتباس:
( هتف القلب من أعماقو التغيير واجب وطني ) و أنا بي صراحة بغران من ود أب ضرس ! قواسيب التحايا |
سلام يا أحمد،
رايك شنو أنا البوست ده أرفعو بانر، والما يشتري يتفرّج. :D:D الحجاج وود اب ضرس، جابو خبر والله! المعنى يعني الزول يشيل مترو ويقع السوق ... وكدي؟ |
اقتباس:
ماتوسعها شوية يا شيخنا:D |
اقتباس:
|
اقتباس:
عينك سرك ، القصة ما محتاجة لي متر القصة محتاجة قوة قلب و إرادة حرة :D و حتسمع بي قريب عملتها و البانر ماني خايف منو مادام برضو بيقروهو الأعضاء فقط ثم لك التحايا و الأمنيات الطيبات |
اقتباس:
أكتر من مية و خمسين بتمرق من صفة القصيرة و تدخل تخوم صفة المتوسطة ، و أقل من 145 بتمرق من صفة القصيرة و تدخل تخوم صفة ( البعيوة ):D رمضان كريم و كل عام و أنتم بخير |
اقتباس:
طيب كدي يوم ادقس وخلي كمبيوترك فاتح وسودانيات وش تلقاها داخلة وبالباب الكبير كمان غايتو للضمان اعمل تغيير للإسم من هسه:D اقول قولي هذا واستغفر الله لي......................... |
اقتباس:
قالك كدي .. ؟ زولك ما رقد قفا .. يا ود طه علي الطلاق شهيتنا قهوة ابو عرب دي وناسا .. اسال الله يلمنا معاك تحت ضل نيما .. تقبل الله صيامك وعيدك مبارك مقدما .. |
اقتباس:
و هي ذاتا ربنا اليومين دي شدها بي قناة اسمها فتافيت ، وانا خليت ليها التلفزيون تب كفاية علي الراديو و اللابتوب عيدكم مبارك (مقدماً) |
اقتباس:
تعال قص البلد و ارجع -- تعال ادي الغبش طله بقالا الليل غتي و مقنع -- سترتك يا صباح الله مودتي التي تعلم |
اقتباس:
اقتباس:
عارف يا ابو حميد .. بعد رديت لك رقدت وسرحت .. لقيت نفسي ملخبت بين قهوة ابو عرب وابزيد .. لما قريت حكايتك بالي راح لي قهوة ابزيد ام نيم الفي السوق الفوق .. شفت الحال العلينا .. عشان الطوفيش دا كان تقولي .. "اجيكن ماني زاير .. اريت رزقا يغرب سيدو طاير.. يسوقني الشوق " نان هو داب شوق .. !! |
اقتباس:
طبعا قهوة أيزيد لا يعلى عليها ، حيث النيم كثيف الظلال و الونسة ذات المذاق الخاص و التعليقات الفكهة التي تنتزع البسمة من قلب الحزين أبزيد قال لي بشير : ما شاء الله قالولي ولدك قبلوهو في جامعة دنقلا ! بشير قال : أي الحمد لله قال : دحين أخوهو الكبير مو هناك برضو ؟ - أيّ هناك ، يتخرج السنة الجايي - علي الله ... أصلو الورر كلو يمشي مع العرق :D |
اقتباس:
أضحك الله مساك يا حبيبنا. غايتو ود اب ضرس عصر عليك والله:) |
اقتباس:
|
اقتباس:
يا زول على بركة الله ... و كان كلام الحجاج طلع صاح معاك برضو ...إن شاء العلي القدير أنا و كانديك أخوي ده بندبل في يوم واحد !! :D:D:D |
اقتباس:
عليك الله شفت غتاتة عكود دي؟:D غايتو كان صدقت مع ود سليمان زي ما قلت، أصلو ما بنكلم زول،نموت بيها برانا:D:D |
اقتباس:
وفي الخاص ده، ماك قادر تقول حديث علي ود اب ضرس. والله بعد ده إلا نطلع معاك الخلا عشان تتفشّ وتفش ناس كانديك والبروف ديل! :D |
اقتباس:
أسعد الله مساءك |
اقتباس:
كلهن أسبوعين تلاتة و آتيك بالخبر اليقين الشرك قررررب يقبض غايتو الفي بالي دي يا بروف لو صدقت معاي بكون أسعد زول نسخة من زولة ود اب ضرس قول الله يقوي النصيب لكن حكوماتكم حتتصرفوا معاهم كيف :confused: |
اقتباس:
|
اقتباس:
عيد مٌبارك خيرات مُبارك (علي قول الباكستانيين) يا أحمد طه زمان أوي، كنت مكيس لي واحدة بالظبط 150 سنتي قول لي عرفتها كيف؟ أنا طولي 186 سنتي، وهي كانت في طول كتفي، أمس بعد البوست دا، مشيت قست رقبتي وراسي المربع، لقيتم 36 سنتي أها نرجع للموضوع الأساسي: كان في واحد بلدياتنا من النوراب، كلما يلاقني معاها في الكافتريا يهمس لي في أضاني أثناء السلام: "من تزوج بالقصيرة فوجدها على غير ما يحب فعليَّ صداقها" لكن كان بقول لي الكلام دا، قالو الإمام الشافعي المفيد: لو كنت عارف انو الكلام دا، قالو الحجاج وما قالو الشافعي؛ ما كنت أهملتو؟! رجال الدين عندي تجربتم سماعية كل يوم بزداد يقين يا أحمد طه، انو عرفتك متأخر. |
اقتباس:
الحجاج تزوّج كثيراً و تسرّى أكثر ، لذلك - كما أشرت - تجربتو عملية فعلا و ما سماعية . وهذه الحكمة أوردها الجاحظ في كتابه (المحاسن و الأضداد) و نسبها للحجاج بن يوسف ، و كذلك في (محاضرات الأدباء) تجدها منسوبة للحجاج ، و ربما غير ذلك من كتب الأدب ، وتأمل معي قول شاعر قديم يصف فتاة : أبتْ الروادف و الثُدِيُّ لقمْصِها -- مسّ البطون و أن تمسّ ظهورا و إذا الرياح مع العشيِّ تناوحت-- نبّهْنَ حاسدةً و هِجْنَ غيورا النهود دافرة لي قدام لذلك القميص لا يمس البطن ، و الكفل دافر لي ورا لذلك لا يمس الظهر . أظنك تتفق معي أن هذا الوصف يلائم القصيرة أكثر من الطويلة !! كان ما قاطع الشك أسأل بدري الياس ، فهو خبير موفور المودة يا صديق |
يا أحمد طه ... أنا شايف الموضوع ما داير مدسة ... البوست ده عليك الله ودي منبر الحوار عشان الغير أعضاء يستفيدو !! :D
|
اقتباس:
أخوّل الإدارة نقل البوست لمنتدى الحوار إنت يا بروف قايلني رافع الراية البيضا ؟ دي حركات مني ساكت :D |
اقتباس:
يلا يا إدارة بالله جيبو لينا البوست ده بهناك عشان نخرب بيت أحمد طه و كانديك و بيوتنا كلها !! :D |
اقتباس:
عليك الله يا كانديك شوفو لينا طريقة أنقلو البوست دا لمنتدى الحوار عشان نشوف البكب الزوغة منو ;) |
اقتباس:
دكتور كانديك ودينا الضل ... الحاكمننا هسي عيال السيسي !! :rolleyes: |
اقتباس:
خلاص ، الطلب محوّل لعناية الأخ مهند تعرف يا بروف ، مصر دي كانت زي الجمل الهايج و معقّل ( مقيد بي عقال) و بينطط في مكانو ، قام جا السيسي قطع العقال و الجمل انفلت و طشّ ! دحين مصر دي طشت ، ما معروف تجمع ولا ما تجمع |
اقتباس:
بالنسبة لمصر أخت بلادي، فجملهم طش و كان قريب هسي في الجزاير !! العسكر ديل كمان بهظرو ؟!! |
اقتباس:
:D:D |
غايتو يا ود سليمان، البروف ده أظنو ناوي يغتس حجرنا:)
بس الموت مع الجماعة عرس، أرحكم بهناك والله يكضب الشينة:D:D |
اقتباس:
بعدين قال ليك الفلم ده مدور من زمن الحجاج ... ياخي تبا لنا الما لقينا زول كلمنا !! :rolleyes: |
اقتباس:
أضحك الله مساك ياخي. اقتباس:
|
اقتباس:
والعجب لو بتترتر:D كل سنة وانتم طيبين |
اقتباس:
|
اقتباس:
الترترة مال لينا للى القصيره:D |
| الساعة الآن 08:53 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.