خالد غالى....!!!
 

سلام من الله يغشاك، ومن معك ومن حولك، ان شاءالله،(فحين إنو متاكد مافى زول معك او حولك،!!) لانك من زمرة البايرين المتحدين!:gap::gap:
المهم:
عاين لى يا حبيب،
زى مابقولوا الفلاسفة، الانسان فى سعى دائم حول ما ينقصة، وما لم قسمة الله له!...يعمل السبعة وذمتة عشان يكمل هذا النقص! ولن يكمله! ولو كسر رقبتو!...المهم، دا كلام كبير وانا ما قدرو، وعاوز ليهو بوست مُنفصل!

مهم المهم;
دائماً اشوفك حضور ومتواجد!! online،!! ولا تُشارك، هل هذا بخل منك؟ ام كورتك فكت؟ وبقيت تشجع من المدرجات؟!
عارف يا ود الغالى،
الواحد فينا - واقصد شخصى النحيف - بيحتاج يكمل النقص الفيهو، كما ذكرت اعلاه!...كم مرة اعيد قراءة كتابتك الادبية ونصوصك وحكاويك المُسردة بلغة سهلة ومُسترسلة وشيقة، اعدتها اكثر من دشليون مرة!!
انا ابحث عن الطيب صالح ونجيب محفوظ بين احرف خالد غالى!!!
انا ابحث عن الادب .. لانو ينقصنى الادب، بل انا عديم الادب!
هل اصبحت مثل ; شكوكو وسمراء وكابتن خالد، وميما، حضارات ادبية سادت ثم طشت!
ام كورتك فكت؟

إتّا يا البديري، قاعد تحاول تتقرب مني بتقربك من أصدقآئي

طيب ما كويس كدا و تمامين، خليو زي ما قال المثل
"في جاه الملوك يلوك " :biggrin::biggrin: انا غايتو بتخيل لي
الحرابة البين البديري و بينك دي ما ليها أي أساس و مقومات
و ركائز، عداوة بس و السلام،، و في احتمال كبير انه اسلوبك
الساخر و بعض انكشاحاتك المباشرة ما بتلفق مع كل الناس،،
بعدين طالما بقيت سيادي مفروض تراجع و تختار جيدا مع من
تسخر و مع من تكون طبيعي و مع من تخستك و تبهلها :biggrin::biggrin:
و ذلك لا ينقص مشروع الوعي و التنوير و الاستنارة مقدار شبر
و لا ينتقص من شفافيتك بتاتا.. مع التأكيد بأن تعفى لينا لو الكلام
دا ما صاح و ابتعد عن ناصية الحقيقة ..

البديري ياصديقي

تعرف انا فعلا كورتي فكت، ياخي بقيت مابقدر اقرا اي حاجة خلي اكتب كمان

اما بخصوص البورة، فأنا ماباير لكن الحقيقة انا شايف نفسي كتير علي اي بنت، ولمن القى واحدة تستاهلني بعد داك بفكر :biggrin:

وياخي دي ذاتو فرصة الزول يشكرك على بوستاتك وانا غايتو رأيي بدون مجاملة انها امتع بوستات في الساحة حاليا، وااكد لك انو الجميع يستمتع جدا بالبوستات حقتك بمافيهم بابكر ده ذاتو ماتشوف حركات المستنيرين دي


من ناحية تانية عايز اقول ليك انو بابكر ده زول كويس على ضمانتي، فياخي حاول اقراهو براحة وصدقني حايعجبك جدا

لك الف شكر يا حامد ياصديقي :cool:

ما لاقى لى سبب ولا مكان أنزل الفيديو ده

أها لقيت لى حتة مقعدة كدة بين البديرى وغالى ود أختى

ياخ إتلهي!

يا فيصل، انت بتنفخ فى قربة مقدودة!

سلامات ياحبيب البلون الاحمر دا انت متاكد منو؟ انا لا اظن ،امس إتضح لى المنتدى دا عبارة مراكز قوة وهيمنة وتسلط وحجر! دا غير انو عبارة عن كيزان وشيوعيين وعلمانيين مسيطرين على المنتدى والاراء، يصفقوا للبعجبهم ويحرقوا الما متمشي مع هواهم!!
يا زول انا ندمت والله على فتح البوست دا زاتو، خليك كما كنت!
فى امان الله تركتك

انت زعلت يا دكتور :biggrin::biggrin:
ياخي ما تقنع من خيرا فينا على الأقل
اكراما للحبيب كيشو الذي يؤكد و يجزم
بانك صاحب الكثير من الإشراقات..

أرقد عافية..

البديري كورتو فكت

هههههههههه

دخلت هنا ساااااكت كدي بلا أيتها شغله غايتو

:tongue: :tongue:

يا حبيب الكلام دا بالتعميم دا غير صحيح إطلاقا و لا يجانبه المنطق و الصواب من أي ناحية،، منبر سودانيات ليست فيه مراكز قوى ولا مراكز ثقل و الجميع هنا سواسية كاسنان المشط أمام الميثاق و اللائحة، الناس بتحاول جاهدة لم الشمل و العودة للبيت الكبير، بعدين ما ممكن تقنعني أن كل البوستات هنا بوستات كيزان و شيوعية،، أعد القراءة و تصفح جيدا ستجد الأمر مختلف جدا عن ما تظن و تعتقد..

يديك العافية..

سلامات فيصل وناصر،
اعيد شنو؟ واقرا شنو؟ يا فيصل!
العلمانين والملحيدين هنا، ينزلوا بوستات هبطرش فى النقد والتهكم والاساءة لله سبحانه وتعالى والتشكك فى وجودة! ومافى زول بقول ليهم حاجة! وبخلوهم باسم حرية الراى!!
ولمن انا اعرى وافضح الحكام الجرب اقصد العرب، يصادروا كلامى!
يخافون من الحكام ولا يخافون من الله!!
هل فى سبب يخلينى هنا؟
خليتكم بعافية وامان الله

عندي واحد صاحبي زمان في نياجرا اسمه "ناصر الحلبي" جاء كندا قبالنا بخمسة ستة سنين، كنا زملاء بنشتغل "بيتزا دلفري" عز الجليد و في نص الاسبوع الشغل نايم بنتونس في عرباتنا في الباركنج خارج المحل، قلت ليو يا ناصر انت جيت البلد دي كيف؟؟ قال لي ساكت كدا.. قلت ليو بالله عليك لو كنت فكرت شوية كدا كان مشيت وين :biggrin::biggrin:

يا بديري يا خوي المقام كان مقام موت و حزن يجب احترامه،، و انت لم تختار الظرف و التوقيت المناسب لتوجيه نقدك و إمتعاضك.. بعدين يا اخوي نحناعندنا اخوانا و اهلنا عايشين هناك و ما من مصلحتهم الإساءة و التحقير
لرموز سيادة مهاجرهم،، لماذا نسعى إلى الضرر و المضرة و تسميم الأجواء؟؟؟ تريث يا رجل و لا تستعجل و تركبك الحماقة و الزعل و السخط و تغادر لهذا السبب.. يا زول لو أي زول سحبوا ليه بوست و مداخلة بيزعل و يفرتق و يفك البيرق انا القدامك دا كان فرتقت زمان بدري و ما كان تشوفني و اكتب ليك المداخلة دي في هذه اللحظة..

سلامات ياحامد

انا غايتو ما حا اقول ليك اهدأ او ارفع رجلك من الابنص شوية، لانك لو عملت كده حاتكون افقدت كتاباتك نكهتها وطبيعتها التي احببناها
اسي انت كتابتك في البوست ده ياها كتابتك البنعرفها وبتعرفنا وبنقراها، لو اتحولت لي رومانسي من زمرة الرومانسيين انا غايتو طوالي حا ابطل اقرأ ليك :biggrin:

وعلى هذا الاساس انا اتراجع عن دعوتي ليك بانك تقرأ بابكر عباس براحة، بل اطلب منك بالمقابل ان ترشه رش غرائب الابل حتى تكون الاشياء هي الاشياء

كن بخير وماتطول الغيبة لانو شايفك بديت تودع في الناس :)

سلامات يا خالد و لعلك بخير،، حقوا كان تكتب ليو بابكر عباس الكافر الملحد الزنديق العلماني مدعي الرسالة الثالثة المضروبة و المشوش الأعظم ليقين الناس و توحيدهم لخالق الكون :biggrin::biggrin: يمكن صاحبك يرخي شوية و يفك حرنته و كدا..

تحياتي..

وداع بس،، وداع بدموعو قاليك :biggrin::biggrin:

سلامات ياعبدالمنعم

الحصاحيصا هاهنا (واشار الى قلبه)

البديري وبابكر الاتنين شخصياتهم غير عادية ، بابكر انا قابلتو وهو اكثر استنارة بكثير على ارض الواقع ومتسق جدا مع نفسو، اقدر اقول ليك بضمير مرتاح انو انا مالاقاني اي زول زي بابكر ده طوال حياتي وما اظن يلاقيني، ودي فرصة الزول يترحم على روح خالد الحاج ويشكرو ان وفر لي فرصة الالتقاء بشخص زي بابكر ده ( كده كيف معاك يابكة؟ :gap: )
البديري لسة ما لاقيتو على الطبيعة وان شاء الله نلتقي قريبا، بس هو يجي جاي شوية من بلاد الصقيع العايش فيها دي :biggrin:

الجفوة البيناتهم حسب تقديري غير شخصية، وهي جفوة من النوع المنتشر جدا في كل مكان، بابكر زول مستنير وشديد الاعتداد والثقة بقدراتو العقلية والتحليلية، ومابيخت حدود للافكار
البديري بيشوف انو الدين خط احمر لايجوز الاقتراب منه ويجب اخذه كما هو بدون اي تنظير
لكن غير كده صدقني انهم ممكن يضربو صحن الفول عادي مع بعض ويقومو يصلو العشاء جماعة، ده لو كان بابكر بيصلي طبعا :gap:

بابكر يافيصل عندو رسالة جاهزة
لكن ما اظن عندو الشجاعة انو يجعلها جهرية


احلى حاجة في البديري انو بياخد وقتو تماما في وداع الناس :biggrin:

مع انو فشل على (أرض الواقع ) في إقامة حفل عام بالفنان زمراوي!!

كيف يا حبوب،، غايتو احقاقا للحق الموضوع دا اجتماعي بحت و لا دخل له باستنارة بكة و علمه الراسخ و رسالته الثالثة و كدا.. لكن احتمال يضرب على خفيف كدا في عدم الجاهزية و حسن التدبير :biggrin::biggrin:

في الحتة دي :biggrin:
بكة دا ضرب مثال سامي جدا في ال(شفافية) وأثبت جعولية منقطعة النظير...
فبالله أذكروا للناس محاسن افعالهم

ده كلام عار من الصحة تماااااااما يا البديري يا اخوي
الذكرتهم فوق ديل انا ما فيهم .. اها رأيك شنو ؟
ومن حق اي انسان هنا يكتب الهو عاوز يكتبو وما بالضروره ان نتفق مع ما يكتبه كل قلم هنا
و لا شنو

ثم إنو مداخلتي الفوق ديك كانت مجرد مزاح
ولو زعلتك مني بعتذر ليك قدام الناس ديل كلهم وامسحها لي في وشي الشين ده ياخ

واظنك ت6لم معزتك عندي يا حبوب

فشنو ..

بطل عواره وتعال راجع سريييييييع ياخ
بلا فتكم بعافيه بلا بتيييييخ

لا يا صديقي يجي راجع .. البيت بيتو حيسيبو ويمشي وين يعني

حيبيت وين ما لازم الزول بجي يبيت في بيتهم ولا شنو ؟

بتذكر يا زول الله في يوم من الايام حكي لي صديقي الشاعر الجميل الصادق الرضي

انو كان ليهو وقت طويل بيجي بيتهم في امبده متأخر
وفي يوم من الايام اتأخر شديد
وصل بيتهم ولقي الباب مقفول
خبت علي الباب .. بعد شويه جاهو والده فتح ليه البتب
حاول يدخل ابوهو وقف ليهو في الطريق وقال ليهو


داخل وين ؟ اكش نوم في المكان الاتأخرت فيهو ده

علي طول ابصادق رد علي والده وقال ليهو

انا ما داخل بيتنا يا ابوي .. داخل انوم في بيتنا امش انوم ليك وين وده بيت ابوي ؟ :tongue: :tongue: :tongue:

البديري ده حيجي راجع يعني حيجي راجع .. بس خلوه ياخد راحتو ووقتو

الله يقدرك تضربو لينا في الأندراستميشن:biggrin:

ماعندك مشكلة
بس (واصل) لينا ظهورك الجميل دا بالنهارات كدا بدل تلبت انصاص الليالي الفات داك

العكس؛ كدا حيقع ليهو في الأتو بتاعو وعينك ما تشوف الا الاستنارة!

ظهور الرشيد بالنهار يعتبر تجسيد حقيقي لي مقولة (بوريك النجوم عز الضهر)
لذلك اعتقد ان نهاية العالم Soon
الرشيد ومرق من السودان
بعد كدة باقي شروق الشمس من الغرب

كنت داير اصدقك، لكن من بقيت تغالط الناس في (نصف الكوب الفارغ)؛ ما بقدر!

انا اتعديت مرحلة النزاع على نصف الكوب الفارغ
حاليا في مرحلة الصراع على نضف الكوب المكسور


عشان كدة ينتابني حسد وحقد كونك طلعت من السودان واتساويت معاي في النقطة الوحيدة الكنت المتفوق بيها عليك!!

تباً ياخ

هو بالله مرق من السودان؟
طيب مالو لسة شغال بالتيران والكلاب في امثالو

غايتو كلام رأفت صحي، لما تجي قالع ومن غير سياقات واعتوارات بتكون بهجة عديل كدا :)
بالرغم من انو مداخلتك دي فيها أندر استميشن لحضرتنا لكنها كيفتني في حناني وبعتبر نفسي مطقطق ستة صفر! لكن لو طبقتها لي، حيجيني إحساس بالدونية على طول!
المهم،،،
الكاجوال يليق بك

هو باللاي السعودية برة السودان؟!

جميل اني اتأكد انك فاهم المعنى الأنا قصدتو هناك من الأندراستميشن وانو مامقصود بيهو الإحساس بالدونية مباشرة
إما قصة انك عاوز تدرعو في رقبتك (براك) دي فشكلها دي (عواهن) الاغتراب بدت فيك من بدري شديد عشان كدا انا شايف حالتك حتكون متأخرة اكتر من حالة أسعد إلا أن تدرك نفسك وتعرس...
و(في الحتة) دي لابأس من أن تبحث (ايضا) عن قول المسيح من زاوية الأبواب الضيقة ديك طالما (مرجعيتك) طلعت مادمازينية:biggrin:




ماتنس تجدع لينا التلفون في الخاص

هسة في ذمتك مفرداتك الاتنين ديل ما
اخير منهن القاورما و العكو و الكشح :biggrin::biggrin:
بالله زول ساكن المعمورة دي لهجتو :tongue:
غايتوا لو استمريت في البري و الربربة بطريقتك
دي، مفروض تعيد النظر و خلف در طوالي ترجع
و تمشي تسكن في قوز نفيسة :biggrin::biggrin:

زول الله هوى ما تتكلم في السياسة :biggrin::biggrin:
خصوصا و انت سيادي، عشان ما يبقى عليك
"باليل تسبح و بالنهار تضبح"..

يا زول معناك ما بناباهو؛ إلا ترجمتك اتعرفت!