جو سوي أباس ... لعنة عباس تطاردني...
في الثمانينات من القرن المنصرم
الفصل الأول ثانوي... كان من نفحات مايو "النادرة" أن أحضرت بالاتفاق مع وزارة الثقافة الفرنسية أساتذة يعلمون طلاب الثانويات اللغة الفرنسية.. كان الأستاذ "ماثيو" من نصيب مدرستنا النموذجية ... اجتهد الرجل والحق يقال لتعليمنا إلا أننا علمناه العربية قبل أن ننطق بالفرنسية وهذه من معجزات جيلنا لم يسبقنا عليها إلا ابن ود الجبل في الحكاية الشعبية . يدخل الأستاذ ماثيو الفصل صباحا وهو يبتسم قائلا : bonjour نرد جميعا : bonjour monsieur كان الطلاب في الفصل يتفاوتون في الاهتمام بدراسة هذه اللغة الجميلة وربما لغرابة النطق وندرة من يتحدثونها في السودان فشلت التجربة لكن أسباب فشل التجربة في مدرستنا لم يكن أحد هذين السببين.. كان عباس هو سبب فشل تعلمنا الفرنسية ... عباس كان أكبرنا عمرا وكان يقارب في عمره معظم الأساتذة بالمدرسة شديد التهذيب حتى ونحن نمارس شقاوتنا عليه لا ينفعل ويواجه كل ذلك بابتسامة ناضجة وواثقة ... جاء عباس ليتعلم ، غير ما هو الحال مع بقيتنا فنحن جميعا جئنا المدرسة كي نتلقى التعليم ولكنا كنا نفعل ذلك كواجب لا مهرب منه أما عباس فقد كنت أشعر أنه يستمتع بالعلم وبوجوده في المدرسة ... اهتم عباس باللغة الفرنسية وشعر الأستاذ ماثيو بذلك فاهتم به هو الآخر وكنا نشعر وكأنه يدرسه وحده ثم يلتفت إلينا كتمامة عدد.. كان يضحكني وقد كنت لا أخفي ذلك ببجاحة وشقاوة .. يبدأ عباس بثقة في ترديد الجمل الفرنسية : Bonjour Mon nom est Abas صباح الخير اسمي عباس, أو Je suis Abbas اسمي عباس. صوته الضخم يتردد في الفصل وله صدي.. يلاحظ الأستاذ ماثيو ضحكي فيطلب مني الوقوف وترديد الجمل الفرنسية أردد بخبث : Je suis Abbas اسمي عباس. يغضب ذلك الأستاذ ماثيو فيقول غاضبا ... vous nommé n'est pas des abas que votre nom est khalid ثم يطردني خارج الفصل بجملته الشهيرة : sortir لم اتعلم الفرنسية وأظنني لست الوحيد إلا أن عباس تعلمها وأجادها.. وتمر الأيام .... العام 2007 رورموند شركة (Rockwool) حيث أعمل الآن ... قامت الشركة بإفتتاح فرع لها في كل من فرنسا وبولندا.. جاءوا بعدد من الموظفين للتدريب عندنا في رئاسة الشركة .. كنت من ضمن الذين وقع علي عاتقهم تدريب هؤلاء الموظفين.. ..... ........ اسمها روزلين ... فرنسية خلاسية ... حسن الفرنسيين نسلهم من خلال استعمارهم للشعوب.. جميلة بالجد !!! دون مكياج أو ظلال للعين .. تلبس الجينز وكأنه فصل علي مقاس جسدها ... تجلس دون تكلف وتاخد راحتها بالكامل... وأتبعها أنا كظلها بعيني.... تسألني ..ما هو اسمك ؟ وجدتني دون أن أشعر أقول : Je suis Abbas لعنة الله عليك يا ماثيو ما كان يضيرك أن تحملت شقاوتي ... كان نصيبي أحد البولنديين أصلع بكرش ضخم وفرنسي لا يعرف معني حمام ولم يتكرم عليه الله بهواية النظافة .. يلبس بدلة "شيك" ولكن أكتافها تمتلئ بقشرة شعر رأسه ورائحته لا تطاق... هل لأنهم يتحدثون الإنجليزية كانوا من نصيبي أم هي لعنة عباس؟ لا زلت أتبع روزلين وتهز رأسها لي بالتحية : monsieur Abaas bonjour هي لعنة عباس دون شك... |
monsieur Khabbas Ha ha ha ha ha till I come back to you in Arabic |
مرحبآ بالعودة يا ابالزمل
هل إلتصقت جو سوي بعباس؟ أم أن البنية الخلاسية....أنستك إسمك لقلمك وحشة |
:eek:
اقتباس:
انت يا خرابة ما عندك قصص فيها أب زرد و فضل الله و حمد؟؟ بس كاتلنك الخلاسييين ديل؟ بالطريقة دي راح تفسد أخلاقنا ;) لكن جميل مقلب عباس :eek: قلت لي طلعت من المولد بدون رزوالين كيتن كدي . |
هلا يا أيوبي
ننتظرك يا صديقي أنا وعباس تبقي تجي :D |
اقتباس:
الله بيشهد الفرنسي ما بعرف فوقو غير بنجور وجسوي عباس والبنية دورت فيني بنسوار رب رب رب رب ذكرتني أيام القراية أم دق عاد أكذب علي الله ما ياها جسوي عباس أجيب من وين يعني |
اقتباس:
شوق والله أب زرد يطير :D والله يا طيب ما بقصد الحكاية لكن أهو بتحصل كده أما عباس فالشكية لله بس تشكر للطلة |
كيفك يا عباس
:D :D :D أتذكر فترة المعلمين الفرنسيين . كنا فى مدنى وكانوا شابان وفتاة يركبون عجلة واحدة بثلاثة مقاعد . فشلوا أيضآ معنا وتركوا المدينة . تلاهم أستاذ واحد للثلاثة مدارس وكان متوسط العمر و (مثلى) . لم ينجح معه عدا تلميذ واحد مثله و أخذه معه فرنسا . ونحن لم نخرج حتى Je suis Abbas بالله شفت الخواجات لما يكون وسخانين كيف |
اقتباس:
والله يا رأفت لي أسه أذكر بعض الجمل وأحفظها عن ظهر قلب مثل : جو ما بل خالد كومون تابيل تو و .. أي إلا في إل سابل أمينة أي إلهام وحاجات كده لكن جسوي عباس هي المفضلة عندي :D أما عن وساخة الخواجات فهذه لا يعرفها إلا من عمل بينهم يا أخي حكاية (الله يخلي الخواجة) دي أكبر إشاعة . كم أضعنا من فرص يا رأفت والمؤلم أن الزمان لا يعود |
اقتباس:
جو سوي ملاد .. اسكو سمير ألا ...؟ و .....جو تيم .... كانت هذه المفضلة لدينا ...! اشرق هكذا دائما ..! .... |
salut monsiuer Abas
عارف يا استاذ خالد فى الثانوي نقلوني من مدرسة نظامية جدا - منهجها منهج شريعه كأننا فى خلوة ما بنعرف العلوم الا عن طريق الايات والاحاديث - المهم انتقلت لمدرسة فى العمارات بنات سمحات جدا اسلوب اللبس مختلف لغة الكلام ( معطشه ) وانا يا زول جايه داقشه قروية جدا مرتبه جدا حتى فى السلوك والحديث مع الاستاذ العين ما بتترفع الصوت منخفض وما الى ذلك .. المهم اكتشفت انه بدرسوهم اللغة الفرنسية من السنة الاولى وانا جاية فى السنة التانية فكانت بالنسبة لي عبئ اضافي حتى اللغة الانجليزية الدرسناها وقتها يا الله .. فكان بروفيسور زكريا أحد المساهمين فى منهج اللغة الفرنسية للمرحلة الثانوية - متعه الله بالصحة والعافية- مُصر جدا انه لمن يجي وقت القرايه بقول malaz , lisez le texte ملاذ اقري .. وانا مسطحه تماما المهم فكنت بقرأ سريع جدا وباكل الكلام واعمل فيها البت خطيرة عشان اخلص فكان بعاين ليا بقعر عينه كدة واسكت مسافه ويقول لي ( اقعدي ورجغتي سمممممممح ) وهنا الفصل بكون اخر ضحك وسخرية لانه ولا كلمة من الانا قلتها بتكون صحيحة . سبحان الله لمن جيت ادخل الجامعه نسبتي كانت ما بتدخلني اقتصاد كرغبه قمت دخلت اداب وفى اداب لغه فرنسية .. فلقيت بروفيسور زكريا وهو بضحك علي فى المعاينه وانا متتعضة واقول ليا ( اها .. اقعدي سوي لي ورجغتك الزمااااان ديك ) .. وبعداك انجبرت وبقيت انجعص فى الواطه واكتب نطق الكلمات بالعربي عشان اباسي فى الامتحان .. هل تتخيل اني عشقت اللغة الفرنسية واتفوقت فيها لكن اول ما جاتني فرصة تصعيد لكلية اقتصاد جريت جري وخليتها .. بس واصلت فى المركز الفرنسي وفاءاً للبروف لانه مرة قال ليا عبارة ( يا ملاذ اللسان الفصيح .. ما بتغلبه اللغة بس انتى امسكي طرف الخيط ( بقصد الفرنسي) ) .. فيا سيدي نحن تحت الخدمة لن تستعصي عليك هذه الخلاسية :D bon courage .. الله يقويك |
اقتباس:
بى شنو ..؟ الأمهرة !!!! |
خالد يا جميل
أجمل ما فى هذا القص أنك عرفت بِنْية القصة القصيرة موقف صغير تخلق منه اقصوصة .. واستخدمت الاسترجاع ( فلاش باك) لتجيد الحبكة .. كان يكون أجمل لو بدأت القصة بروزلين لترجع لنا الى عباس ... لكن فى هذه ستكون ورطتك فى أننا سنصدق أنفسنا فى أنك نسيت اسمك وتأتي بالأعذار بقصة عباس عليك الله فى كم عباس فى الفصل دا ( المنبر دا ) .. |
Dobro utro chovek
kako idi kod vas kakva negov zena i deco i mislim neki dan da doze kod vas tamo za nekoliko dana sa zenom imoj deco imati li mesto za sve ???? vidicemo |
[align=center]حبيبنا خالد الحاج ،[/align]أمتعتنا ..
وتقول كمان .... لماذا تُخفي عننا كل هذا القص الجميل ؟ ( ما تقول إدارة وما إدارة ) ( ما تقول لي حكومتي وما حكومتي ) ( ما تقول لي شغُل جِنس شُغُل ) أنتَ سيدي مغموس في ( مُلاح ) قَص ببرِّك رُكَب الرُطوبة . ألحقنا يا ود الطاهر : جُر صاحبَك علينا جَاي وقول ليهُو زمان ود إبراهيم نُقد قال ( إنتو قايلننا تَمُومَة جِرتِق ) |
اقتباس:
ما تقول لي بعد دا كلو .. البوليس ما قبضــو !!!!! |
je t'aime
j'adore كانت و ما زالت..كل ما أملك من كنوز فرنسية ...:o :rolleyes: لكني اليوم ... أضيف إليها.. je suis Abbas :D :D :p !! |
اقتباس:
اقتباس:
عندى احساس بالنقص .. نقص الحكوة وليس النص .. |
اقتباس:
ده ملح سااااكت ترجما يمكن نستفيد نحنا زاتنا من خبراتك :D :D Dobro دى بعرفا بس باليوغسلافى |
اقتباس:
دخلت هذا البوست تقريبا اول زول فى المنتدى ولعنة عباس تطاردنى وقلت اللهم اجعله خير ويا ربى خالد مالو مع البوليس .؟ وطبعا عباس ده فى راوية اخرى ياهو البوليس ظاتو:D :D :D المهم قريت وضحكت واتخارجت وجيت راجع تانى وبدات البوست من بدايته وقلت الحمدلله جات سليمه ولامن وصلت جنابو حارس فضائنا ضحكت كثيرا جدا وقلت حتى الطيب بشير فاتت عليهو حكاية عباس ........... قايتو والله يا سعادتك قلبنا بقى رهيف فى المنافى دى وما عارفين الحل شنو ياجنابو . شكرا لك اخى خالد وانت تمدنا بالضحكات والابتسامه وهى زادنا فى المقاومه والصمود ........ |
اقتباس:
bonsoir Ishrag يكتمل شروقي بوجودك هنا يا إشراق... |
اقتباس:
طبعا يا بت أخوي سعيد بوجودك هنا وسعيد بأنك تمدين لي عمك يد المساعدة:D نحن يا ملاذ نعيش علي الذكريات وبطبعنا نحن للماضي ، نراه دوما أجمل من الحاضر وأظن والله أعلم أن هذا الإحساس يحرمنا متعة الآن ... جميل أن أثرت ذكريات جميلة عندك والتحية للبروف زكريا ، له أن يفخر بك وما عارف إقتصاد شنو العليك ؟ لغتك تحدث عن أديبة. |
اقتباس:
وأنا يا باش ما قاعد أكوس لي عذر بكتب وأقول "محل رهيفة تتقد" ود البشير قال أنا بوظت أخلاقو :eek: الشكية لله إرتياح كبير أني نلت رضاك ألم أقل لك أني استفدت من نقدك.. نعود لموضوع تحسين النسل ... أنظر يا صديقي للتليان والإسبان ! هم في رأي أجمل أهل أوروبا ثم أنظر لأهالي الجبال حيث يصعب الغزو والإحتلال ... البوسنة ويوغسلافيا السابقة هؤلاء يشبهون الغجر بهم بعض جلافة ... أما الفرنسيين فصدقني أجمل من فيهم هم الخلاسيين (خاتف لونين ) :D يديك العافية يا باش |
اقتباس:
إنت يا دوك قايلني هندي؟ أيوة أنا ما بعرف فرنسي لكن الكتبتو إنت ده يشهد الله ماهو فرنسي نحن يا دوك المقابر شقيناها .. أقول ليك ملاحظة كدي حاول تكتب كلامك ده بالحروف العربية بيبقي شين يا أخي :D |
اقتباس:
دخولك في بوست عنوان نجاح أو قول شهادة. تعرف يا صديقي الجميل لم أفتعل الكتابة يوما أكتب حين أكون رائق المزاج وعفو الخاطر. تتعبني الأكاديميات في القص وكم مرة كتبت وقمت بمسح خواطري أفشل حين أكتب وفي خاطري أن ما أكتبه يجافي علمية النص نحن هواة نتعلم منكم ونادرا ما تجتمع الموهبة مع الأكاديمية فلا تبخلوا علينا بالنصح. أسعدني وجودك هنا . |
الحبيب خالد
أول شئ أضم صوتي لحنينة الرحبت بيك (يا ابو الزمل) وأنا بقول: ليك بالشامي (أهلين يازلمي) أنا برحب بيك بالرجوع البيت وتكون الحكومة (السيدة أم العيال) سمحت ليك بعد أن قضيت عقوبة المبيت في الخارج بعد أن قرأت قصة (صاحبة الجينس) الغنية قالت: الجينذي شدا ويكونو يا صاحبي شدو راسك شكرا ليك والتحايا لزميلك عباس وأخص بالسلام الحبيب عالم عباس |
اقتباس:
شفتي كيف يا ممكونة ! يعني أهو استفدتي من ثقافة أخوك "عباس" اللغوية هلا بعودتك ويا ريت نقرا ليك الجديد ... |
اقتباس:
تعرف أنا ما انتبهت للنقطة دي والله رغم أنه حقيقي أنا متظلم من (عباس) مشيت أمستردام لحضور فعالية الخفاض الفرعوني.. بعد الحفل كلفوني بتوصيل أسرة لعدم وجود موصلات عامة ولوجود عدد ثلاثة أطفال صغار (ما شاء الله ) ... وتحركت يا عبد الباقي يقوم عباس يوقفني .. : ده شنو إنت ما عارف ممنوع حمل أطفال في العربية من غير الكراسي المخصصة لهم؟ أيوة عارف . : طيب ما دمت عارف بتشيلهم ليه المسألة دي فيها خطورة عليهم ؟ أيوة عارف . "طبعا عباس لا يعرف حكاية عدم قدرتنا علي قول لا في مثل هذه المواقف وان شرحت لهم لن يفهموا " . : المرة دي سنكتفي بالغرامة المالية لكن احرص علي عدم تكرار ذلك . وقشطني عباس بي 150 يرو غرامة مالية، وشنو ؟ خلوني واصلت المشوار بالأطفال رغم كل التحذيرات من خطورة عليهم ونقة فارغة ؟ شفت محن عباس :D يديك العافية يا باقي |
اقتباس:
أما عن الحيكومة فأظنها ختت في محلي طوبة من زمان بعيد:) يديك العافية |
اقتباس:
[align=left]Tres bien, Monsieur Khalid, c'est superb! Comment s'apple? monsieur Khabbas[/align][/align] [align=left]Ha ha ha[/align] هذه حكاية بديعة يا خالد لكن حكاية عباس دي أجمل تعليق ليها كانت بتاع خالد الأيوبي (مسيو خباص(س)! مستمتع معاكم للآخر! حبيبنا المخير (الماك محير)! سلامك، وتحياتك وصلتني وأبهجتني وطالت قامتي حين التقيتك لكن (عباس "بتاعنا" الله يجازيه، سأعود إليك لاحقاً، بما أنت أهله ويا خالد الحاج، كمّل مشوارك، وحكاياك، تعجبني حكاياك القصيرة، وسلاستها، سنلتقي مجدداً، إن شاء الله في المزيد (بس أعمل حسابك من (Khabbas) |
اقتباس:
أنا نسيت حكاية الإسم دي يظهر أن اسم عباس ليس كله شر after all :D :D أسعدني وجودك هنا والله حد الطرب نجيت من نقد الباش معتصم ونلت إستحسان من شقليني وزارتني إشراق ..ونالت أحد قصصي إعجابك ... إني إذن لسعيد يديك العافية |
اقتباس:
وهو انه الزول يتداعى وبعد كدة التقد بيعدل الخطوة والله انا سخسيا بستتمع بكتاباتك جدا وبالذات شخصيات من حلتنا مودتى يا جميل[/align] |
اقتباس:
تسلم يا زول يا جميل طبعا نفسي أقول ليك أتمني دائما أن أسعد "سخسك" الغالي لكن أنا بقيت "مقنطر للنقد " في بوست الباش دحين أخير أخلي الفصاحة شوية اليومين ديل وألبس ثوب التلاميذ :D |
اقتباس:
انا من الناس البيكتبو قصص قصيرة وبستمتع بكتاباته جدا وهو الصديق عادل القصاص واجمل نص فى رائى هو ذات صفاء ذات نهار سادس اخضر ساحاول البحث عنها واذا وجدتها سوف اقوم بانزلها فى المنتدى وحتى ذلك الوقت كن معلما وليس تلميذا :D مودتى |
اقتباس:
كم وكم أمتعني هذا السرد وأدار صندوق التروس نحو الخلف عقدين ونصف من الزمان ياااااااااه يا الله تعرف يا حبيب يبدو أننا اولاد دفعة أو من جيل متقارب فمدرستي الثانوية (الأهلية العليا الثانوية أمدرمان) كانت من ضمن المدارس النموذجية التي خاضت تلك التجربة. اقتباس:
بمدرستنا كان هناك أستاذان وذلك لتعدد الانهر بالمدرسة لا اذكر أسماء الاساتذة أحدهم كبير في العمر يمتلك عربة رينو (وكأنما جاء مغلوب على أمره). والثاني شاب صاحب دراجة بخارية (صعلوك زمانه) يومياً في حالة عراك مع الطلاب داخل الفصل وخارجه يصل حد ( البنيه). أما التجربة السالبة ففي إعتقادي قد خلفت عقدة مع اللغة الفرنسية في ذلك الجيل إن لم يكن أصابي (الزهايمر):D على كلٍ فلك التحية للعاطر من الذكريات مودتي إسماعيل حميم |
اقتباس:
خليها دفعة يا حميم يا أخي وبرضو بسمح ليك تقول لي يا خال;) أما العقدة فهي متواجدة لكن يا حميم أقول ليك سر أنا بديت أتعلم فرنسي مع سارة بتي :D بس أديني ستة شهور ... يديك العافية |
ازيك ياخالد
بالفعل زول جميل زيك لازم يكون بكاااااااااااااااااي |
اقتباس:
والله ليك وحشة إنت بتغطس وين ... تشكر علي وجودك المفرح |
يرفع بطلب من صديقة
|
اقتباس:
|
| الساعة الآن 07:43 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.