العيد في دبي
سلام
وكل عام وانتم بالف خير وربنا يحقق الاماني من هسي وكان ربنا مد في الاعمار نحن معيدين في دبي دار الحي منو المعانا ؟ ومنو مع الخيانه ؟ ومنو مع غانا ؟ |
نحن غايتو (غانا) دي مااااا بنفرط فيها .. !:)
كل عام وانتو بخير ياخي |
اقتباس:
:D |
سلام يا فخري؛
أتمنى لكم إجازة سعيدة وكل عام وأنت والأسرة بخير. بكل أسف سأقضي العيد في السودان لو ربّنا هوّن، وده من سوء حظّي؛ فقد كنت أتمنّى لقياك. تحيّاتي. |
اقتباس:
انت قايل انا ماشي دبي ليه ؟ والله من عدم الناس ياخ دي بلد فااااااااااااضيه كل عام وانت والعيال بالف خير ياحبوب |
اقتباس:
لكن معوضه باذن الله تحياتي واجازه سعيده وكل عام وانت بالف خير |
اقتباس:
والله انا زاتي ادين واستنكر واشجب واعمل اي شي ........ انت وين ياخ ؟ كل سنه وانت طيب |
يعني مافي زول معيد في دبي دي غيري انا وحمدي ابوجقادو ؟
طيب ولا الامارات عموما ؟ ......................... يعني نحن نجيب ناس من وين ولا ياربي نمشي السودان ؟ والله بقينا نفتش لي خلق الله تفتيش ومالاقين ( منعول ابوك غربه ) |
اقتباس:
وحبابك ألف لو ما شالك الراس تشيلك العين والعيد أحلى بيك انت والأسرة ;) |
اقتباس:
كل سنه وانتي بالف خير اسلم راسك وتسلم عينيك نحن باذن الله بنكون في دبي من يوم 27 رمضان وتلفوني ياهو زاتو حق الامارات تسلمي ياملكه |
اقتباس:
العزيز فخر الدين والعيد حيكون بيك احلى فى دار الحى الف محرباباك |
اقتباس:
كل سنه وانت بالف خير وربنا يحقق امانيكم شكرا ليك يا حبيب لكن رمضان دا ما دخل العضم بس دا اظنو دخل ليك في الشوف :D تحياتي |
سلامات يا فخري و عيد سعيد ان شاء الله ..
تركت لك رسالة و ايميل و منتظر رد منك يا ابن العم و عذرا للازعاج .. ابقوا طيبين .. |
اقتباس:
كل عام وانت والعيال بالف خير وصل وبتلقي الرد في الخاص يا حبيب تحيات من هنا لي عندك |
مرحبا
مرحبتين بيك في دبي
والله مشتاقين يافخرى وعذرا للانقطاع الفترة الفاتت لكن لظروف خارج ارادتى ونحنا في انتظارك والعيد بيك حيكون احلي كتير ودبي حتنور بيكم |
عزيزنا فخرى
كل سنه وانت بالف خير وحبابك فى دار الحى اصلنا بس وخلى الباقى علينا وكان تميت جميلك وجيتنا فى جبالنا (الفجيرة )فى اقصى شرق الامارات تكون اصلو ما قصرت تعال شوف ناس الاقاليم الزى حالتنا |
ياناس الامارات كل سنة وانتو طيبين وتتلموا ان شالله في كل زين..
أخوكم مجدي مسعد حنفي من أقدم السودانيين في دبي وماخد في خاطرو عشان مافي زول بطراهو في أي لمة وكأنو ما منكم..عموما ياريت المرة دي التجاهل ما يتكرر ورقم موبايلو هو: 0505841114 للعايز يتصل بيهو ولو متلميين ياريت تكلموهو وتوروهو وين عشان يجي يشاركم فرحة العيد ويتعرف عليكم.. |
اقتباس:
عمنا فتحى سلامات عوافى وينك مختفى ياراجل غايتو اللوم حاصل لو مننا ولو منو ولوم لى الركب ما لوم ساى جارى الاتصال بالاخ مجدى |
اقتباس:
والله انا باذن الله بحاول اصل كل الناس لكن لو شفنا لينا يوم واتلمينا كلنا مع بعض بكون احسن تحياتي لحدي ما نتقابل |
....
حبيبنا فخرى الزين تتشرف دبى و كل الأمارات بحضورك الميمون أهلا بكم و سهلاً و نسعد كثيرا بلقائكم و معرفتكم و كل عام و أنت و أسرتك الكريمة بألف خير و عساكم من عواده كما يقول أهل الخليج تجد رقم الموبايل خاصتى فى رسالة داخلية تحياتى. ..... |
| الساعة الآن 09:40 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.