إمام مسجد: الممثلين والمخرجين والمصورين كفااااااااار
ما هي صحة ما قاله إمام مسجد بأنَّ الممثلين والمخرجين والمصورين ،،،
كفااااااااااااااار ولا يجب دخولهم إلي المساجد ؟؟؟ هذا ما يدور الآن في السودان ،،،، إمام مسجد يطلب من جمال فرفور أن لا يجلس في الصفوف الأمامية لأنًّه مجرد مُغني ولا يجوز جلوسه علي الصف الأول ،،، وذات الفعل يتكرر مع الفنان حمد الريح بشكل آخر ،،، وبعض أعضاء ما يُسمي بهيئة علماء السودان تأتي بالقول الفَسِل بتكفير الكودة ،،، ورئيس الهيئة يقول بأنًّ كل من مشي علي جنازة الفنان محمود عبد العزيز يُعتبر كافر وزنديق وفااااااسِق إنتو البلد دي ما فيها رئيس ولا شنو ؟؟؟ عموماً كده أظننا في مفترق الطُرُق ما بين هو إسلامي إسلامي ،،، وما بين هو مجرد هوس سياسي إسلاموي ،،، وإمام المسجد هنا يقول بأننا مجرد كفار حطب النار |
ناصر حبابك ياخي
ياها مفترق طرق الذكرتها دي المشكلة إنو في ناس بسيطين و بسمعوا كلام الفكيا ديل بجيك تاني |
اقتباس:
تسلم يا محمد ،،، والشئ البغيظ إنو في ناس كتاااااااااار المكنة دي شايلة فيهم ياخ إنا لله من الجهل ومن الظلاميين ديل ياخ في إنتظار عودتك |
انا غايتو مخرجه صغيرونه :D
الاسلام السياسي دا كرهنا عيشتنا دي ساااي وحات الله الناس ديل خربو حياتنا دي وسمموها وانا عن زات نفسي بحب الافلام وبشتغل فيها ومابخليها:D |
فى الحالة دى انت كافر لمان بهناك الاخ مخرج ومصور وممثل لا حولالالالا من كفرك:)
|
اقتباس:
كيفك يا ناصر؟ |
كان كده دير بالك آآآب رويس ما يلحقوك لينا الغُتُس. غايتو نحن بنشجع ساي ما أظن تجينا عوجة:p
|
حبيبينا ناصر
اقتباس:
قمت قلت معقولة ناصر دا بقى ليبرالي للدرجة دي لمن يقعد يدافع عن الجماعة ديل؟! gap المهم ياخ كدي اسأل لينا امام الجامع دا عن (المذيعين والشعراء وكتاب القصة القصيرة) وما حكم الشرع في زول جمع فيه كل الرذائل اعلاه (مذيع وشاعر وكاتب قصة قصيرة) ويعمل في سفارة دولة عميلة ويقيم في بلاد الكفرة الفجرة ويمتلك صلعة كمان gap؟! * * يا اخوانا حد يصحي الرشيد ^_^ |
يا ناصر
على حسب الاسلام الصحى كااااااااااافر |
اقتباس:
يا كافر يا زنديق يا مارق .. يا مرتد .. أو .. تستتاب و تحفظ 3 أجزاء و تصوم 99 يوم .. و تجاهد فى افغانستان .. انت يا زول لا تلفون لا اسكايب .. دا اسع ما كفر .. |
اقتباس:
وصورو ماليه الفيس بوك ... |
اقتباس:
يا ريت لو وريتنا، هو مذيع إذاعي ولا تلفزيوني، عشان نحصر الاحتمالات، وبالمرة ناصر يمشي للإمام بالنجيضة:D:D |
اقتباس:
|
نص وصحبه الميامين
محبة وسلام واشواق مظفر النوّاب قال شنو؟؟ مولاي أنا في الصفّ الكافر مادام الصفّ الآخر يسجدُ من ثِقل الأوزار... -- هي الهيئة المستحمية دي ماتوري الريس الشغال هِز ياوِز ده..:D ولو ماعايز يناصحو الريس اليطلعو فتوى فيهو عشان نعرف الدين ده بيخاطب الرئيس والتعيس ...تُقرأ الرئيس التعيس برضو:D او يستوردو لينا حبال وجنازير زي البيربطو بيها هلب السفينة ديك عشان يكتفوهو لمن تشيلو الهاشمية عشان مايتناقضو في خطابهم المهووس ده انا واللهي وبجد شفتا شريط فيديو الريس بيغني فيهو... ومع جكس وفي المسرح القومي.... ووقف مع محمود عبد العزيز ده زااااتو كتف بكتف وكان بيحت حت شديد ... عادي إمام المسلمين يكون كده؟؟؟ ويحرمونا نحن؟؟ الا نسرق ونقتل حتين يحللو لينا الرقيص ولا كيف يعني ؟؟ عموما الرسالة واضحة... من يمارس التقتيل والسرقة والنهب والكذب والخيانة واكل أموال الناس بالباطل ...مسلم والمغنين والممثلين والمثقفين والباحثين عن الخير والحق والجمال كفاااااار معقول الله يكون عامل كده ياهيئة الزور والضلال؟؟ يا الساجدين من ثقل الأوزار؟؟؟ ---- ناصر حبيب ألبي مشتاقيييييييييين يافردة جناحي |
يا شباب ويا شابات
جايكم بمهلة |
اقتباس:
و ما تسلم على الحريم ( خاصة لنا ) الزنديقة بتاعت مظفر النواب و باقى الشعراء البتاعين .. |
اقتباس:
لكن ما قلتي لي مخرجة صغيرونه وين يا بت العم النعمنو كدي يعني ما حصل واتلاقينا في بحور الإخراج العاوزة تودينا جهنم دي ياخ :p |
اقتباس:
|
اقتباس:
ياخي المعازف دي أنا قريتها المعارف ياخ انا كويس ،،، إنتَ كيف ،،، وبلاد الجد سام كيفنها ياخ نعلو الأمريكان كويسين بس ؟؟؟ |
اقتباس:
منو القال ليك يا صاحب الــ 78 بعد المائة ،،، ياخي في الخمر مش قالوا ليك ،،، لعن الله الشارب والجايب ؟؟؟ الجايب ده الجابها وكدي ،،، والنعمنو كدي يا ود العم عاااااااااادي جداً يتشتشوكم بلهيب نار جهنم ربع يوم كدي في شان تشجيعكم للكفار بالفرجة وكدي looool |
اقتباس:
ياخي كدي أرجع لي لي إسمك الزماااانك داك ياخي عشان أقدر أعرف أرد عليك ياخ ،،، قلت لي شلت ليك ميم ؟؟ لوووووووووول أكان كدي سجمنا والإمام هجمنا :p |
اقتباس:
وصحي دي مشكلة وفيها شَدَّة علي الصاد ولا فتحة ؟؟؟ |
اقتباس:
هههههههههه ،،، توقع مني رسالة علي الخاص يا باش اليوم ،،، مهمة وعاجلة ياخي لكن المعلمة بالأحمر دي كيفتني في حناني ظاتو ياخ looool |
النور ود أبوي يوسف ،،، والرشيد ود عمي سُماعين ،،،
كيفنكم ياخ ،،، يعلم الله صاحبي أبو صلعة ده وكتين كلمتوالبارح القريبه دي بالموضوع قال لي ،،، ياخي قول ليهم يلموا في فتواهم دي الطيور المهاجرة ،،، النعمنو كدي اللخو ،،، ( طيرة ) إعلامية مهاجرة لوووووووووووول :p:p:p |
اقتباس:
يا شيخي عندي مسألة ،،، حنبلي ؟؟!!! أيكون قلبي حنبلي ؟؟!!! ما المشكلة لونا يا بت ،،، مشتاق ليك أنا ظاتي بكفري ده ياخ وعن الرئيس بقولوا فيما معناه ،،، البرقص ما بغتي دقنو ولا مو كدي ؟؟ |
اقتباس:
حالتي مجرد كافر زنديق ساكت ياخ ،،، يا سيدي لنا دي يعلم الله انا ما برضي فيها تب ،،، قلت لي لنا حريم ؟؟؟ لووووووول :p :p |
اقتباس:
تعرف يا سعادتو هذا الكائن الاصلع ومعاو واحد تاني (لا يمتلك عزيزة قارئة)* كانوا بجملوا جمعتي الكئيبة بونستهم الزاهية فتكتسي باجمل الالوان يا حليلهم واللاي ^_^ * أتمنى ان يكون الزول دا جمع في عزيزته القارئة هذا والا ح يخوم ويصور لمن الله يغفر ليهو ^_^ |
اقتباس:
لو ناصر فصل للإمام اكتر من كدة انا خايف الامام يقول ليهو (أحيييييييي أنا منو ، زولك دا موش ياهو اسامة معاوية المقيم في النرويج ويعمل في السفارة القطرية وكان مذيع في الرادي وعامل فيها شاعر وكاتب، اها زول دا كافر كفورية جنسها براها) أها الامام لو قال كدة نحن بنكون بهتنا اسامة معاوية ساااااي gap |
اقتباس:
عملت فلم وثايقي اسمو ضل الحيطه قريبات دي:) نسيت ان اقول الفلم من انتاج كونكوردس واشرف ع تدريبي استاذ الطيب مهدي |
اقتباس:
يا زولة إنتي بالنسبة لي هنا مكسب كبير ياخ ،،، يلا تعالي معانا في هم الكُفُر الجد جد ياخ ،،، مشروع كِدَه بتاع خدمة تلفزيونية عبر النيت ،،، تعالي نسوقو مع بعض وخليكي من ناس وجدي البقي أسعد ده ياخ looool |
انا صحى كنته بشغل مكنه السينما ...لكين المكنه ما حقتى ..
المكنه ملك لشركه سودانيه شركه مساهمه اسسوها مجموعه من السودانين ...اها ديل برضه بتشملهم الفتوى ... وبعدين رافت ميلاد العامل ليه بوست راسه عديل اسمه الفن السابع...وبروج لللافلام مع سبق الترصد والاصرار .. موقفه شنو يوم الحشر العظيم .. |
ابورحيق ياكااااااااافر
اصلا انا من يوم لاقيتك عرفت انك -دينياً- ماراكب عدلك:D بالله قلت لي طلعت كافر عديل كدا حمدا لله على السلامة والله - يازول الناس ديل بي دينهم القاطعنو من راسهم دا خليهم اليكفرونا دي زاتا شهادة انو الواحد ح يقابل ربه بالدين الاصلي البنعرفو عالم وهم اقول قولي هذا واستغفر الله لي.............. |
اقتباس:
ود ميلاد اصلا موضوعو مستحمي من قبل الفتوى وبعدها الخازوق لولقيناهو اليوم داك واقف قدامنا ويلوح بي ايدو ويبتسم ابتسامتو المشهورة ديك المغسة حتكتل ناس كتار هنا اقول قولي هذا واستغفر الله لي........... |
اقتباس:
المشاركة الأصلية كتبت بواسطة ماريل http://sudanyat.org/vb/images/buttons/viewpost.gif فى الحالة دى انت كافر لمان بهناك الاخ مخرج ومصور وممثل لا حولالالالا من كفرك:) ---------------------------------------------------------------- والغنايين قال فيهم شنوياماريل..... الكلام دخل الحوش |
اقتباس:
انا معاك ولو اني ماشديد شديده في القصص دي بس سجلنيgap |
اقتباس:
عمنا قرقاش تحياتي واحترامي |
اقتباس:
مُش كِدَه بالله يا صاحب ؟؟ |
اقتباس:
سجلناك وحبابك وحباب كاميرتك معانا ،،، |
اقتباس:
والله زى رافت ده طوالى يوديك لما قاله الصادق الامين ...لرب اشعث اغبر لو اقسم على الله ...لابره .. يعنى بصدقوا ليه طلبه بدون لكلكه .. حتى لوقال فى طلبه عائز يدخل الجنه مع ناس قرقاش فى زول جابت سيره دين ..هنا ...؟ المافاهمنا ه ناس السيناريو والحوار موقفهم شنو من الفتوى.. بالله رائك شنو فى قصه سيدنا يوسف القران الكريم ..؟ |
اقتباس:
الله يدخلك الجنه معانا انشاء الله يعن لكين فى زمتك عليك الله مافرجتكم على ناس حلوين يفتحوا النفس ناس زى ...مارلين مونرو وجين مانسفيلد وصوفيا لورين ..وراكيل وولش ... وتقول الحكايه ...ان الدكتور النفسى قال لمريضه .. ياابنى لاشى يدعو الى القلق ..فهما امران اما ان تكون مريض او تكون معافى ..فان كنت معافى فهذا جيد . .وان كنت مريض فامران اما ان تموت واما ان تعيش فان عشت فهذا جيد وان مت فامران اما ان تدخل النار واما ان تدخل الجنه فان دخلت الجنه فهذا جيد وان دخلت النار ..فستلتقى هناك بكثير من اصدقائك القدامى ..فلاشى يقلق .. |
| الساعة الآن 12:19 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.