سودانيات ... الحالة .... تسجيل خروج نهائي
فلترقد أخي الحبيب خالد الحاج في سلام
و أعتذر اليك يا أخي الحبيب وعدتك بأن أكون واحدا من جنود هذا الصرح العظيم ولكن ... وجدتني لست قادرا علي المضي قدما هنا وجدت نفسي كما الهوان وجدتني بلا قدرة علي التواصل هنا فالذين ظننتهم احبابا قد تركوني وارتحلوا الي أين ؟ لا أدري فلربما كان بي مرض عضال يعدي الآخرين عذرا أخي الحبيب ود الحاج سأغادر بيتي غير مأسوف علي سأغادره لأجلك و لأجل البيت الكبير سودانيات سأغادر لكي يأتي الآخرين فلربما قد غادرو لوجودي عذرا لمن فتحوا ابواب الروح وسكنوا بين مساماتها وعذرا للذين كان وجودي بينهم مرهقا ومتعبا ومؤلما لهم أيها الحبيب خالد الحاج أود أن أفيدك .. بأن قراري لم يأتي متعجلا بل بكل تأني ودراسة عميقة للغاية .. لقد ظللت أبحث و أفكر كثيرا جدا حتي وجدت أن وجودي هنا منفرا لأهلك أهل سودانيات والله أسأله لك الرحمة والمغفرة و لسودانيات ... أن تزدهر بأقلام اخواتك واخوانك يا أخي الحبيب و قبل أن أغادر عبر بوابة الخروج النهائي أعتذر هنا للجميع لكل من تسببت له في الألم لكل من أخطأت في حقه أعتذر لكم جميعا مع فائق احترامي للجميع و السلام عليكم ورحمة الله وبركاته |
بسم الله الرحمن الرحيم
يا شاب ما بدرى ياخ :D:D |
أعترض على هذا القرار الجائر
يعني يبقى علينا رئاسة ترامب ومغادرة ناصر كمان؟!!!! Crying face |
اقتباس:
اقتباس:
النور يوسف وجدي الأسعد أعذروني أزفت مواعيد إغلاق هذه الكوة نهائيا و هذه آخر أحرفي إليكم هنا أبقوا عافية الأسبوع القادم سأحل بينكم ضيفا في الرياض عابرا و سأبقي لبضعة أيام قلائل ليتنا نلتقي إلي لقاء عفوا بيتي سودانيات عفوا حزينا |
ههههه
قامت عليك الحالة والله يا ناصر ذكرتني الايام الحلوة في سودانيات ياخ انت لو ماحردت زاتو ما كنا اطمأنينا عليك والزول مابيحرد من بيت ابوه ثم يازول يا جميل خلي باب الريد متاكة الوفاء والمحبة ماعايزة ليها لمة ما شفت عمك حسن دا الله يديه العافية على قول هناية ديك ياخ قوم لف ..ًً . .وتعال تلقانا نحنا يا نا نحنا |
اقتباس:
على العموم اخد حردتك وازعل زعلك وقول العاوز تقولو، وسوي الداير تسويهو... لكن كونك تعتزل سودانيات! YOU CANNOT :D |
سلام يا ناصر،
قرار مؤسف وأتمنى أن تراجع موقفك؛ الحردة مقدور عليها، والفزعة واجبنا كلنا .. السردبة ده وقتها، رغم الإحباط، والبشيلوا الشيلة .. في. تحياتي |
قراءة مع ...
http://sudanyat.net/vb/showthread.php?t=28500 فيك البركة .. يَا أَيُّهَا الَّذِينَ آمَنُوا اصْبِرُوا وَصَابِرُوا وَرَابِطُوا وَاتَّقُوا اللَّهَ لَعَلَّكُمْ تُفْلِحُونَ ... |
لله فى خلقه شؤن..
امس احتجت لرقم تلفون لصديق قديم ولم اجد من سيوصلنى به سوى الحبيب ناصر يوسف ...ثم تذكرت سودانيات ..ولقيت نفى فى الحته القال فيها الشاعر .. سالت دموعها .. وفتشت على الباسورد.. وجيت لقيت ناصر خاتى البوست ده .. معقوله ياناصر ..؟ اهديك اغنيه حمد الريح تعال لى اهلك الطيبين |
سلام للجميع
ياناصر دي ما المحريه فيكم عموما انا لو لقيتك لافي بجاي تاني بعوووووقك قوم لف بلا حردة بلا بطيخ |
اقتباس:
:L:L:L:L:D:D |
شنو ؟؟؟
|
[youtube]https://www.youtube.com/watch?v=tYkmicXvb-E[/youtube]
|
اقتباس:
أشوف السبب ولقيت بس أنك يابا؛ ما معبرنا إحنا البنحبك ولا مقيمنا إحنا الرايدنك ولا مراعينا وإحنا الرافعنك ليييييييييييييييييييييين مقام الأخوة ومكان الصداقة ولا هامنك الإتا ليهم ذي جناهم والإتا بيهم متمم وفيهم مكمل وبينهم شعاع منور ... إن كتا زعلان زعلنا بي زعلك أكبر ومن زعلك زعلنا آكتر... إن قلتا فينا القْصر ولا إتلوم.. طيب ما إحنا ما كنا ولا حسي سوينا ولا إن شاء الله مسوينها... لا قصرنا ولا ظنيتنا إتلومنا.......... نصوري أبو رحيق يا رحيق زهور وورود روضتنا.. إتا الحكمة والمعرفة والبتشوفهو ما بنقدر غير نقول: في حقنا قرارك حآآآآآآآآآآآآآآآآر وصعب :(:(:(:( |
ههههههههههههه بركة الرفعت البوست ده يا بوكو عشان أشوفو. خلى بالك ناصر بدا يدخل فى الزون حولوا بوست (الكبر حاجة كعبة) :D:D:D
. يكون بقى يشرشر فى الحمام وداير يجى يفكها فينا ودو الضل زى ما بقول الكوز بدرالدين :p |
اقتباس:
ياخى انت نوارة المكان ده ونوره . . وزى ما بقول شيخنا الطيب صالح . . محور الانتباه ومركز الدائرة . . كدى انت براااك اتخيل سودانيات وما فيها ناصر يوسف . . شكلها حيكون غريب . . مش؟؟؟؟؟؟؟؟؟؟؟ |
طبعا ياعايد من الله خلق سودانيات ناصر دا ياهو حالو..
بياخد ليهو حردة جامدة كدا, وبعديها بيرجع تاني.. مع انو مع الكبر بقي يوحل شوية.. لكن ياهو الكونفو باندا البنعرفو, يطقطقنا كلنا وياخد حردتو ويرجع بسماحتو القديمة |
اقتباس:
حبيب الكل ناصر زى الاختار الوقت الما مناسب لحردته طلة حبان سودانيات بتفك الزعل وبتهزم الاحباط . . |
معقول يا جماعة
ناصر يوسف وكانديك بابكر عباس امال الشيخ لنا جعفر وآخرين فعلا فى مشكلة والله استر ما نسمع غدا العمدة بعد ناصر يوسف كل شى جائز وكيف العلاج؟؟ شى موسف انهيار سودانيات |
المبروك ناصر يوسف..
وكان المساء قد هبط عنيفا بعد المغربية في تلك البلاد البعيدة.. يتعرق الرمل والحجر والبشر والأشجار, حتي الأفكار والاحلام والرؤي تتعرق.. هي الكلاكلات بزحمتها المعتادة.. كانت في الزمان السابق مجرد سوق صغيرة عليها نسوة يبعن الطعام اثناء المساء, وبكل أريحية وطيبة أكشاك جرائد ومحلات تعدها بالأصبع, كانت تجلس جميعها في المثلث الصغير الموجه نحو الكلاكلات بتفريعاتها.. القبة.. صنقعت.. شارع كوستي وتمشي فيهو قدم لحدي يدخلك الوحدة أو تبقي شفت وتخش الوحدة عن طريق صنقعت.. بعض الناس يفعلون ذلك عبر الكلاكلة القبة ويختصرون المسافة لحدي مايمرقو في ود العقلي بي هناك.. بي طريق ورا بقيت الحكاية أسهل بالذات للناس الدايرين يصلو (الجابك أجلك) أو مايسمي بالقادسية الآن.. وتسمية الجابك اجلك أطلقها أهل المنطقة عليها لأنها كانت أرض جرداء, فيها الكمبو والخلاء الذي تستوطنه الوحشه ويخشاه مرتادي المدن الجدد.. وناصر في طريقه إلي بيتنا بعد يوم يوم مضني وطويل _ أب شلاليف ياخ والله ماكان في داعي _ تيت تيت تيييييت _ تكسر أي حاجة حايمة بت الشيخ صوتها يأتيني بعيدا وانا لاذلت تحت شجرة الليمون, أستمتع بتك الكندشة الطبيعية, قبل أن تلقي محاضرتها المحفوظة.. زح من الشدر بالليل, وتقول بصوتها ذاك, الكتب ديل بودرن نظرك.. سمح يما وأتي ناصر نهاية الليل.. وأراح ظهره المثقل بأعباء الآخرين ل لحظة.. ثم ل لحظة أخري نسي الكون, وتمدد وهجع قليلا.. المساء خارج من قلب الإله.. النسيم.. نعم أصبح السموم نسيما.. شئ يخرج من الخيال لاسواه, ليس معقولا أن يكون حقيقة.. تدركه حين تلامس يدك الملاية وهي تتموج هذه سماء بنجوم.. الانسان الكارثي ناصر يوسف تيستا دي مينجيا |
السلام عليكم
يا جماعة انصرفوا شوفو ناصر يوسف وين مختفى. حنسو الراجل اقنعوا اعملو اى حاجة لكن ارجع. مستحيل إنسان بحجم ناصر يوسف اختفى. حتى المدخلات قليلة.فى موضوع خروجه . |
| الساعة الآن 03:35 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.