أسوأ عناوين للبوستات... وأجملها ...
سلام كتير...
قبل سنوات أنزل أساسي بوست في س.اونلاين يعلم النشء كيف يتفننون في كتابة عنوان لبوستاتهم وكان بوست جميل الله يطري أساسي بالخير... تذكرت الأمر الأيام الفاتت وأنا يدي ماكلاني وما قادر أتفشي :mad: قريت للباش قصيدة "ولا أجمل" وقلت يا أخي دي قطع شك تستاهل تتخت عنوان كبير في رأس الصفحة وقد كان لكن بعد تردد والله :rolleyes: العنوان كان (أوع) وبدون تشكيل طبعا لو تم التشكيل بتتبلع لأنو قاصد فعل الأمر.. لكن جات زي الزول لما يكون بطنو طامة ويكتب أوووع وقد فعلها ناصر :D أي والله .. لكن أسوأ عنوان قابلني حتى الآن رغم روعة الموضوع هو عنوان بوست أخونا دكتور مخير: سامحني يا رب لعلاقتي برجل لوووووووووووووول بدون تعليق :D أما أخونا ديامي فقد كان عنوان (يخوف) خاصة للمستشرقين ومتلقي الحجج (الحبش الحبش الحبش يا بتاعين الحبش) ودخل شوقي بدري المنافسة بعنون يناقض المضمون : (ظاهرة الظلامية دكتورة بيان والمزعج ملاسي) يقال أن الصحفيين يعلمونهم أن العنوان "تعرض فلان الفلاني لعضة كلب مسعور" يعتبر عنوان عادي لكن "قام فلان الفلاني بعض الكلب بوبي في أذنه" فهذا هو العنوان :cool: يدخل تاج السر الملك المنافسة ب (محنة النبى لوط) واعترف أن الفكرة غير تقليدية والموضوع ممتاز ويشبه تاج السر المبدع بحق . إشراقة حامد تدخل المنافسة ب (هيا الى غرفة الولادة......) والبيقرا العنوان لازم يطلب الإسعاف وده في حالة وجود القارئي في الغرب أما لو كان في السودان فلازم يصحي عمك أبوشوك الساعة أربعة صباحا طالبا منه الذهاب بالبوكس التعبان وجلب حاجة الصبر الداية ده لو البوكس ما بقي زي حمار أبوي الحسن عليه الرحمة حسب تعوده علي الطريق يقوم يمش المقابر :( نأتي بعون الله للبقية وهنالك بوستات عناوينها جميلة لدرجة التأمل .. |
حبيبنا عصمت العالم زول كتاب مافي شك
بكاي مافي شك:) لكن إختياره للعنوان سلبة بس :D نماذج : (ليلى المغربى...ذلك التحليق.الارتقاء... على اجنحة المدى المسافر فوق زمان الشوق!! ) أو : (وكم تتحلق بنا رغبات الاشتهاء .ووجه القمر سافر.وسميره دنيا على متن إرتحال) أو : (ونحن فى اغتراب ريدك.مهاجرين بلا هويه و بلا وطن...إلا عيناك البحر...!! ) وطبعا متعة إنك تقرأ لعصمت خاصة وأن المناديل علي مسئولية القارئي ونحن نفر نعشق البكية أينما ذهبوا :D لكن لما تخلص من العنوان بيجيك إحساس إنو عصمت كتب البوست في العنوان وتاني جوة مافي شي بيتقري :D وينافسه فيصل سعد بمسافة كم ميل كده :cool: |
ياخال سلاماتك كتار ،،، لكن مش قالوا انت الايامات دي بيربطو ليك الفوطة ؟؟!!!!
هسي الله يسألك ده بوست زول بربطو ليهو الفوطة وللا لابسا عدييييييييييل ؟!!! بعدين تعال واحد : موضوع السلبة والعناوين الطويلة انت مامقصر فيهو مشيت بعدك بلاد الشوق لقيتك لسة في الخاطر في مرقة شمس باكر هسي عليك الله ماكان تنزل الغنية كلها كتابة :eek: بين خالد الحاج الارهابي وخالد الحاج المغني وخالد الحاج المليونير والشكية لله . وهاك يانفس اتقطع:D بعدين تعال اتنين : الديمقراطي للعماري الجيد ماشايفو في التصفيات :D:D ريدة وشوق |
اقتباس:
هاك يا حبوب ادينا رايك في العنوان دا : * بين "خالد الحاج" الإرهابي و "خالد الحاج" المغني وخالد الحاج المليونير والشكية لله * نمرة تلاتة مالو ما بشبه اخوانوا عشان مليونير يعني؟ :D:D اتفق معك بان عنوان البوست مهم جدا و أي لكن :D:D |
توارد خواطر يا رباطابي و حياة خوتك و خوة خالد
و امسكوا الخشب :D:D:D |
اقتباس:
يعني الفوطة دي لو أخدناها بي لهجة أولاد بمبة تكون لبست خالك بمبرز يا رباطابي :mad: سمح أصبر لي بس.. أما (الديمقراطي للعماري الجيد ) فهذا عنوان "فذ وعبقري ومجود " علي قول شيخنا بولا :D لكن بتاع خالد وخالد وخالد قبضتني فيه :( |
اقتباس:
قر قر ارفع راسك النور مابسوي ليك شي:D;):D;) |
اقتباس:
إنت ما تستعجل أنا جاييك يا رشا:D |
اقتباس:
|
اقتباس:
حسي بالله بيدك المواجعاك دي ما لقيت ليك شيتن تكتبو فيهو فايدة،،، إلا دا بس برضو سماح لي سببين الأول حكاية روعة الموضوع والتانية حكاية أخونا،،، بي دي مسحتا ال 61 والجوكر بايظ شكرن على التعليق والمرة الجاية بلقى ليا عنوان أحسن بس بي موضوعى مخسدق;) |
أكون؟؟؟؟؟ أمس كنت بعد ما بعد التني؟؟؟؟
اقتباس:
طوالي طلبتا الإسعاف، شنها الحكاية؟؟؟ ما أنا، أنا وما الياني أنا ذاتي نفس طويل، هدوء، ظرف، برود، يعني مبالغة عديل كدي المهم لقيت الحكاية تغيرات 2008 لكن خلود يا أخي ما في فرق بين أسوأ وأقبح وغير موفق دحن هو يكون الأسوأ وفي نفس الوكت؛ رغم روعة الموضوع بقنص ليك ذي قنصت الرباطابي وفيصل وسلم لي على البامبرز:eek::eek: |
اقتباس:
كتر خيرك،،، منصف ما ذي بعض الناس،،،، بيدو نفسهم دبابير ساكت للمعلقات بتاعتهم (أوبس :eek: قصدي عناوين البوستات) لا يا الرباطابي بالله خلي بالك،، بس جعفر نميري،، ملا ليك كتف البوست بتاعو بي خمسمية دبورا،، ما بس يعني المشير خلودا والكلام دا ما مني،، لكنو موثق أنظر الصورة المرفقة [img]http://www.l44l.com/up/uploads/393fff6da8.png[/img] :mad: غايتو في حالة واحدة ممكن نتراجع بعد ما البوست ينشال وسيدو يتراجع :D:D:D |
اقتباس:
يا أخي المسألة كلها محاولة للمرح ليس إلا وما دمت قانص لي بتلقي فيني فرصة بس إنت ما تبقي حمقي وتزعل نحن زعلك ما بنرضاه |
هذا ايضا عنوان من اياهم:
عضوة جديدة من كندا وجريمة سعال ديكي: لماذا يبدأ عصمت العالم عناوين بوستاته بــ: واو" العطف" والتي تسمى لدى بعض النحويين بــ :واو "العاطفة"؟؟ وهل تخطت..اعمارنا..زمان الحب..؟؟ وكم تتحلق بنا رغبات الاشتهاء .ووجه القمر سافر.وسميره دنيا على متن إرتحال ونحن فى اغتراب ريدك.مهاجرين بلا هويه و بلا وطن...إلا عيناك البحر...!! ويشلينا..مد الشوق..فى ترحال محبة المشتاق..وبلل من ندى..الاحساس.....! والعام يلفظ انفاسه الاخيره..انا يا طير بشوفك....!..عاصم والمجموعه وايقاعات التانغو الاخير لعام 2007...والتجنى..واسرار.بابكر..!! ولا يزال..فراقك..-يذبحنا..مثل فداء العيد.فى عيد الحزن عليك واحترقت ..اوراق..الذكريات.....!! واذا .اسبلتى..الرمش..على غفوه...!! والايدز ..هو السبب..!! الذى دمر صبايا المستقبل...!! ...ويملأوجدانى..عشم ذلك الاشتهاء..هل تسمعيننى..عبر زمانات البعد والفراق.. وهـــــلم عطفا وعاطفة... |
اقتباس:
الكتكوتة يخلوها ليك !!!!! |
اقتباس:
يازول الزعل شن نفرو، غير إفرق الحبان، يقرف الخلان دا إحنا سبناهو زمان هو الحبيب يعني أنا رباطابي حتى النخاع وما بعرف الهزار، يا أخي هو الرباطابي بيعرفو لك المودة ودون زعل فراق وقراف |
اقتباس:
و برضو بابكر زعلان :D:D:D |
اقتباس:
|
وصلة
الفول المظبط في أبو العباس ولا الجان ولا حتى البربري، بعد ما الواحد ينشف ريق الصحن،،،، يقوم يطلب وصلة حسي دحين دي وصلة لمداخلة تابعة لبوست (Controversial مجال الإختلاف والنقاش والحوار) والله لازعل لا شي،،:mad::mad::mad::mad: لكن قلت أرجع للبوست دا تاني حكاية عين الرضا دي طبعن حقيقة وما في زول بينكرا قال ليك سألو إمرأة عن أكتر واحد في جناها بتحبو منو؟؟؟ قالت: الغايب لين يجي والصغير لغاية ما يكبر والعيان لحدي ما يطيب وسألو راجل نفس السؤال وقال: البسمعني وبسمعِني وما بسمعنِني وعرفها، ب: البسمع كلامي إن صاح إن غلط، وبسمع كلامي وبيجيب ليا البطلبو، وبسمِعني الكلام السمح وحتى إن بغش فيني وما بسمعِني القول الشين حتى إن بقى حقيقة والله لا زعل وشي :D:D:D http://sudanyat.org/vb/showthread.php?t=7044 القصد من القول دا:confused::confused: عين الحبيب ونتم البيت وكدا:D:D |
اقتباس:
|
اقتباس:
ابو عاقلة.. احساسك مضروب |
اقتباس:
لا إنشاء الله هو خلاص معانا تمام التمام وصحة وعافية لكن حكاية البزيانوس البارد دا رفعتك عندي مقامات زيادة من محلك الخاتيك فيهو فوق رسيين البيوت وناطحات السحاب والله أكاد أجزم أنو الإكتشف البزيانوس دا حيتساوى في الأجر مع الإكتشف البنسلين البنسلين يا تمرجي نادو الحكيم ياتمرجي لي خلودا الرزين يا تمرجي وللصلعة ما دايرين يا تمرجي ما أصولو بقينا ما محتاجين يا تمرجي وحلاقة الصلعة يا تمرجي لمن نجي من العمرة راجعيين يا تمرجي |
غايتوا :D:D اكتر زول كان بجغمس بعناوين البوستات اخونا و حبيبنا طارق الحسن محمد
الله يطراو بالخير و يجيبوا لينا سالم غانم :D:D |
اقتباس:
والله ياخال اتذكرتا برضو لمن قالو لي الخال داير يعمل عملية ويبعد شهر;) ،،،،،، هسي البمبرز القلتو ده حيشككني في الخطاب الرسمي برانا شاكين فيهو :p;);) ،،، انت يازول الحكاية كتف؟!!!! بعدين قطع شك ياخال البمبرز ده انت ماعرفتو الا مع الجنيات يعني فرصة تجرب:rolleyes: |
البوست سمح يا خال وممتع . .
واصل فيهو بمزاج الله يرضى عليك. إتذكّرت بوست فتحتو زميلتنا الأستاذة حليمة بعنوان (لوطنة العالم) في س اون لاين. البوست ناقش موضوع في غاية الأهميّة وأدارته حليمة بمقدرة فائقة، رغم الإنتقادات وتكسير المجاديف الواجهتم بسبب عنوان البوست. أختنا ممكونة مشغولة بموضوع البوست وأرادت مناقشة المحتوى هنا في سودانيات مع تفادي ما أثاره العنوان في س اون لاين، قامت، بحرفنتها المعروفة، فتحت بوست بعنوان (شذونة العالم يا حليمة). :D على جنب للرباطابي: يا زول الحكاية كتف وبعييييد. :D |
سلامات يا عمدة
طلعت "أوشاعة" مغرضة في خالك أن العملية لم تكن في الكتف وإنما بواسير:( وأنا ما عارف العيب شنو يعني لو الزول عندو بواسير ؟ ما أهو ناصر عملها وقاعد في أمانة الله ؟ جدعوا يعني ؟ :D علي العموم لو التأكيد هنا بفيد (يسألني الله بي صمتها ) :o والحكاية كتف ولو حبيتوا أنشر ليكم التقرير الطبي :D عالم وهم :mad: أما البوست يا عمدة فبطني طمت منو جابت ليها زعل وكده وأنا ناس عمك مخير ومن لف لفه من أحبابنا العجائز ما بدور زعلهم لكن بحاول أواصل والشكية لله . |
اقتباس:
دى كديستك ؟ |
اقتباس:
يعني يا باش الحقارة بس بي خالك ؟ بعدين تعال شفت ليك بواسير بجبصوها :eek: |
اقتباس:
أهو سَــمَــع ..أضان ..بس .. وصدقناك أسع بعد كلام عمو نصدقك انت و نكضبو .. داير تاني ترجعنا للخانة صفر .. |
اقتباس:
عشان نخلص من موضوع "البواسير" المزعوم هذا هو التقرير الطبي : [align=center]http://sudanyat.org/Khalid/report.jpg[/align] وعشان مافي متلقي حجج يجيني يقول لي ده بالهولندي هنا صفحة للترجمة الفورية للعربية : http://www.appliedlanguage.com/free_translation.shtml فقط عليك بإختيار (Dutch to English) ووضع الكلمات الفي التقرير . جاتكم نيلة :mad: |
اقتباس:
يا الحبيب، قال ليك: إن ما متنا شقينا المقابر 17 سنة في أم الديمقراطية ما تكون أكسبتنا تقبل الرآي الأخر؟؟؟ وحتى بوستك ما هو رآي أخر هو نفس الرأي الأنا ذاتي بحملو،،، بس إتا إستعجلت وصارحت بيهو مداخلاتي القصد منها حريرة الدلوكة يديك الصحة وتنعم بيها ويديك العافية وتوزع منها |
اقتباس:
هذا وان دل على شئ فيدل على انو حرقو :p:p وكان مافيها حاجة ياخال وعملا ناصر (الله يكشف حالك قال ليها الكاشف السألك منّو منو؟ :D ) مالك ناكرا كده ؟;):rolleyes: عارف ياخال الـ(Medical Report ) ده ياما طلعنا زيو لامتحانات الجامعة وكمان مختوم لكن ياالله كان كتف؟!:D:D أرقد عافية يازول ياجميل ومجبص .. |
خلي روحك رياضية يا خال ....
البوست جميل جدا واصل فيهو ... يديك العافية . أبو قصي |
اقتباس:
[align=center]كل الناس هنا ما بتخبر زعل تزعل من منو و تزعل في شنو كل الناس هنا كل الناس صحاب كل الناس اهل و الما هم قراب قربم العمل[/align] و الشكية لله :D:D تخريمة : تعال يا بابكر اخد ليك نقلة ،، سيد الزبدة قال اشوها :confused::confused: قلنا ليو دايرينها شوربة و تحمير و سليقة تكفي الضيفان و ناس البيت. و قطع شك بوافق :D:D |
اقتباس:
اقتباس:
مالك عاوز تولع نيران القلتو كلو من قبل السطور دي مسحوب وإن بي سبب أو دون أسباب |
ياود الحاج
ياأخى انتا بتخجل من شنو؟ البواسير ماعيب يااخى..:D فى النهاية مرض واذى تم استئصاله.. وبعدين الverslag الجايبو دا مابحلك, هسى لو داير انا بظبط ليك واحد زيو.. حمد الله على السلامة وقلل من الحركة:D:D |
الحبيب ود الحاج..
الفكره معطره..ولها شذى فواح..تسم بخفة الظل..وروح المرح...وبالطبع انا متمنى ان يكون ان لى فرصة ان اصعد للعلالى فوق..لكن ما باليد حيله..لان الموضوع اخضع للقياسات والمقاسات....وقانون الطول والعرض.....ونحن ننتظر فى الصف لاندرى متى وكيف...!! اما بالنسبه لعنواين السلبه . والطول..فهذه لها قصة طريفه وهى تعنى الشرح والتدليل ..تهيئة للدخول فى صلب الموضوع..وهو تكنيك قديم للفت النظر بشكل يستدعى الاغراق.. نسال الله الهدايه للجميع.. واقول قولى هذا واستغفر الله لى ولكم... وكل الاعزاز |
عودة لزمن و لحظات جميلة مليانة الفة و مودة و محنة ..
و الذكرى ناقوس يدق في عالم النسيان .. [rams]http://sudaniyat.net/up/uploading/center_alkhartoum.mp3[/rams] |
| الساعة الآن 10:17 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.