شاهد شاف كل حاجة:الانصار يا ولدى مسكوا الخواجه تكو وضبحوا شخخخخخ..
 

*- بذّكر في واحد من الأنصار سكَّ ليهو عسكري، العسكري تلّ جوّه البحر، الأنصاري تلّب وراهو، لليوم الليله ما مرقو.
*- ختوني مع 14 زول في زنزانة ضيقة خلاص، لو عاوزين نتقلب نقول للزول الأول اتقلب.. بعدين كلنا ننقلب.
[frame="7 80"]
http://sudanyat.org/vb/imgcache/61.imgcache.jpg
يتوكأ على عصا غليظة، اصبحت له رجلاً ثالثة، بعد ان وهن العظم واشتعل الرأس شيبا، (92) عاما تآمرت على عنفوان البطل عبد الرحمن احمد الزين، احد قادة احداث مارس 1954م؛ تلك المظاهرة المشهورة التى سيرها انصار حزب الأمة نكاية فى قدوم الرئيس محمد نجيب الذى قيل وقتها انه يتأبط مشروعا لوحدة السودان مع مصر، والبطل عبد الرحمن كان والده من اقرب ثلاثة رجال الى قلب السيد عبد الرحمن المهدي المفطور فى الوطن واستقلاله، وقد قال فيهم: (ثلاثة بريدن كان رادونى بريدن وكان ما رادونى بريدن) وهم عبد الله ود جاد الله (كسار قلم مكميك) والأمير ود نوباوى وأحمد الزين -والد عبد الرحمن- الذى كان خزنة مونة الأنصار بعد احداث الشكابة وقتل أولاد المهدي باستثناء السيد عبد الرحمن الذى كان أصغرهم سنا.
والبطل عبد الرحمن المولود فى العام 1916 كان من المسؤولين عن تأمين مظاهرة مارس، بجانب قيادته للبوكس (فورد) موديل 46 الخاص به والذي يتقدم المظاهرة وعلى كاهله مكرفون يردد هتافات تنادي بـ(السودان للسودانيين)... (عاش السودان حراً مستقلاً) و(يا قوم لا استعمار بعد اليوم) مصحوبا بدقات النحاس اللاهبة من على ظهر البوكس، ومن خلفه صفوف متراصة من الأنصار قدرها بأكثر من عشرين ألفا، كالجنود الفاتحين، يرتدون جلابية الأنصار الشهيرة (على الله) وعلى رؤوسهم عمامات مسدلة على اكتافهم يقال لها (عذبة)، لم يكن فى نية الأنصار عنف مكتوم حتى انهم جمعوا اسلحتهم البيضاء فى مخالي (جمع مخلاة) وأودعت فى دار الصحف الاستقلالية، غرب زنك الخضار سابقاً، متجهين بموكبهم نحو المطار، وفى موكبهم رسالة يريدون توصيلها الى الرئيس المصرى محمد نجيب ومن كان فى ركبه، ولكن الموكب تم اعتراضه... وبعد داك عينك ما تشوف الا الدم.
سألت العم عبد الرحمن مستفزا خلايا ذاكرته للعودة بعجلة الزمان الى اربعة وخمسين عاما للوارء، وقد نجحت...
*- انتو خططتو كيف لإخراج المظاهرة؟
- نحن قبل عشرة ايام من الزيارة الكانت لافتتاح البرلمان، قررنا مقابلة الناس الجاية للافتتاح وعلى رأسهم الرئيس المصري محمد نجيب والضيوف المعاه باستقبالات شعبية كبيرة لإظهار قوة التيار الاستقلالي، وما نخلي الاتحادين ينفردوا بالزيارة.
فبدينا اجتماعات بقيادة الأمير نقد الله، وحضرنا لاستقبال الأنصار الجايين من الأقاليم في حوش كبير جنب الإسطبلات، وجهزنا اكلهم وشرابهم.
*- أها وبعد داك..؟
- اها قمنا اتنظمنا، ما نحن عندنا نظام لربط الصفوف، النظام دا زي حق العساكر، ببدأ بالمجموعة وبكون فيها 8 افراد، وعندها ريس، وكل اربع مجموعات بعملوا فرقة، وبكون عندها ريس بمشي بجانب الطابور، وكل 3 فرق برؤساء بعملوا مئة.
- وفي يوم الزيارة –الأول من مارس- قمنا من الدغش اتحركنا بنظامنا داك، ومشينا على المطار.. وكنا في الشارع قاعدين نردد في شعارات الاستقلال، وناس الشارع بقولوا معانا برضو. ونحن ماشين في نظام ما عندنا اي نية سوء.. لمن وصلنا بوابة المطار، اعترضونا، وقالوا لينا ما بتمروا.
*- الحصل شنو بعد الاعتراض..؟
- وقت نحن ما بنتحاجج مع العساكر في المطار، كلمونا بى تحت تحت انو الاتحاديين هربوا محمد نجيب ودوه القصر بشارع النيل..
*- عملتو شنو..؟
- اتحركنا مشينا على القصر لمن وصلنا المكان الفيهو وزارة المالية هسع اعترضتنا قوة من العسكر فيها حكمدار انجليزي ومعاه زي 30 عسكري وقالوا لينا يا تتفرقوا يا نضربكم..!
*- اتفرقتو..؟
- قال وهو يبتسم ساخراً من السؤال: نحنا أنصار المهدى ما بنخاف البنادق والرصاص، رفضنا نتفرق او نتراجع، فانهال علينا الرصاص من فوق بناية وزارة المالية حاليا ومن القوة المعترضة، الأنصار يا ولدى مسكوا الخواجة تكو وضبحوا شخخخخخ.. وارتجل شاعر من الحلاويين ما بذّكر هسّي اسمو قصيدة بدايتها بتقول:
لُكها يا كريم
بدّل نداها سخانة
حكاما الصقور
والأرض جبخانة
الرصاص المنهمر على المظاهرة خرب النظام العاملنو، فجاطت الأمور، خاصة انو في قيادات بتاعت فرق ماتوا زي ود عثمان صالح. وبذّكر في واحد من الأنصار سكَّ ليهو عسكري، العسكري تلّب جوّه البحر، الأنصاري تلّب وراهو، لليوم الليله ما مرقو.
*- (بشوق وترقب سألتو): وبعد داك..؟
- بدينا في نقل المصابين بالبوكس بتاعي دا، وبوكس تاني حق امير انصار مدني محمد نقد الله.. والمستشفي اليوم داك إتملت بالناس، لمن رقدوا الناس في الواطة. وبرضو البوليس اعتقل ناس كتار.
*- انت اعتقلوك..؟
- انا لما رجعت بالليل وقفت البوكس في بيتنا بحي ود ارو بأم درمان، وبيّت بره البيت، الصباح العساكر جُو البيت واتحفظو على البوكس، وسألوا مني.. ناس البيت قالوا لي ما تجي، وحقو تسافر بره الخرطوم. لكن انا راسي قوي ابيت ما اسافر. وكمان مشيت للقسم وقلت ليهم ادوني البوكس بتاعي. قاموا قالوا لي: وين انت؟ نحن بنفتش عليك، وقبضوني، وختوني مع 14 زول في زنزانة ضيقة خلاص، كنا لو عاوزين نتقلب بالليل، نقول للزول الأول اتقلب.. بعدين كلنا ننقلب.
وبذّكر من الناس الكانو معاي في الزنزانة الشيخ مصطفى الأمين، عوض صالح، عبداللطيف صالح، وعثمان احمد دفع الله... كنا قاعدين نتواصل مع الناس البره بعمود الأكل البجينا كل يوم، كنا بنكتب فيه بعد الأكل الرسائل.
عددنا كان كبير جدا، عشان كده حققوا معانا بسرعة بواسطة محقق انجليزي، فتمت تبرئتي مع الكثيرين وتم اطلاق سراحي بعد اسبوع من الحبس.. لكن ما فكوا لي البوكس.
*- ورجعت البوكس كيف..؟
- مرقت من الحراسة مشيت سراية السيد عبد الرحمن كان هناك اظن اجتماع للقيادات الحزب، فلقيت عبدالرحمن علي طه، الشنقيطي، امين التوم، عبدالله خليل، والمحجوب، وآخرين ما بتذكرهم. لمن جيت الجماعة قالوا لي انت ما تمشي تكلم عبد الله خليل بقصة البوكس، مشيت ليهو وكلمتو، كتب ورقة صغيرة لعناية حكمدار الخرطوم (ابوشرا) وختاها في ظرف. وصلت الظرف لأبوشرا قرأ الخطاب، وكتب للقسم (اطلقوا سراح البوكس).
*-.....؟
- جاتنا تعليمات بتهريب الأنصار الجوا للمظاهرة خارج العاصمة، بعد الأوضاع الأمنية ما اتعقدت. فذهبنا لموقف اللواري، ولقينا السواقين خايفين، لكن قدرت اقنعهم، والتزمت ليهم بدفع القروش، وكانت علاقاتي بيهم كويسة.
بعد ما طلعنا الأنصار خارج العاصمة، بدينا في تفقد الناس الهنا والقيادات.[/frame]
[align=left] حوار: محمد عبد العزيز[/align]

توثيق شنو ياخالد أنا متين نكرت سني بل بالعكس أنا مستمتع باحترام الناس الأصغر مني ولابد ورا الكبر دا ساعة الحارة..وأنا الأجبرت الجكس يقولوا لي عمو لكن امشي شوف ناس حسن فرح الجبنا اعترافاتهم بالدردقة..قال متزوج ليهو 45 سنة يعني بعد شوية ما بعيد تعملوا لينا منبر خاص تسموهو منبر المعاشات لكن حندخل في مشكلة منو اليرأسو ( العملية حسابيا بسيطة ..أنا مولود في 4 مارس 1944 والأحداث كانت في مارس 1954 يعني عشرة سنين بالتمام والكمال وخمسة وخميسة زي ما المصريين بيقولوا وعيني باردة يا خال :D:D:D

يا فتحى سعد بالله اتاريك مبارينا من حوادث مارس 54--
اولا ما تجننا-- اما خلاص- قلنا اكبر منك ب سنه--تخيل يازول انا برضو ذهبت مع اخى المرحوم عمر وشفنا محمد نجيب-- كان واقف فى شرفة القصر المقابلة لوزارة المالية---وفجأة ظهرت جموع الانصار-- شايلين فراريرهم من جهة شارع الجامعة حيث كان يقف غردون على جمله ودخلوا على الناس المتجمعين بين المالية والقصر والنيل ووقعوا فى الناس ضرب ومن طرف-- حتى ابنهم ود عثمان صالح دبحوهوا --تصدق يا اخى قريبنا- وداعة عثمان رحمة الله يرحمو كان معاهم ورفع فرارو على عمر اخى حتى صاح فيه عمر- وداعة انت جنيت ---وداعة ابيض زي الخواجه والدتهم من اصل تركى من عائلة المهندس وابوهو رباطابى انصاري===اما العسكرى الوقع فى النيل اظنو الصول ابو شنبا روب ولا اظنه كان هاربا انما دفعت به الجموع دفعا--الهربنا نحن-- والله لم اتوقف الا عند القهوة التى بجوار جامع فاروق-----

أللع يجبر بي خاطرك ياعادل وصدقني أنا كم مرة فكرت أبطل كتابة لكن وجود الناس الزيك كان دايما بيخليني أرجع في قراري:) بس ياخ متصالح دي ما كان تخليها صالح ساكت عشان راسي يكبر:D:D

لله


ياحسن أفتكر حقو بعد ما الاتنين وقفنا قدام بعض عرايا زي في حمامات الداخلية في أوروبا حقو نربط الكفاح ونكون جبهة هيئات بدل الطقيع في بعض:mad:
الحمدلله انت كنت هناك وحضرت الحاصل وشفت بي عينك وما حكوا ليك ويجي زول انصاري عمرو 92 سنة يقول ختوا السلاح في مخالي..أها دا راجل مخرف وللا لأ والخال الشاب خالد يقول ليك تاريخ يمشي علي قدمين والتاريخ دا اكيد جابوا من الكراع التالتة اليتعكز عليها ودا للعلم من أكبر مساوئ الأنصار وقصدي طبعا التعصب الأعمي والدفاع عن الخطأ بالكذب وتزوير التاريخ علي العلم هم ما محتاجين لأنهم ناس سودانيين بيحبوا البلد بس باسلوب البلد بلدنا واحنا اسيادا والشكية لي ألله ياخالد:D:D:D

خلاص يا فتحى--اقترح ةنكوون فرقة سرية داخل المنبر نسميها فرقة العجايز المتصابية ونفتح باب التسجيل---عندك مرشحين---
لكن خلينا فى الجد عمنا دا فعلا خرف-- الجماعة ديل جووا هاجمين على الناس وسلاحهم فوق رؤوسهم يرقش تحت الشمس-- الناس ديل عبوهم من الجزيرة ابا لكتلة الخرطوم وجوا ناس موت وان كل الجموع التى فى الساحة هم اعدإ ويجب قتلهم-- سلاح شنو الكان مخبأ فى الجرابى-- هذا محض كذب وهكذا سالت الدمإ فى الخرطوم--وبالمناسبة فى تلك الايام كانت تحدث المصادمات بين شباب الانصار وشباب الختمية-- يعنى كانت هناك مليشيات لكنها غير مسلحة بسلاح نارى--الدم فعلا سال فى اول مارس 54 وكان مخطط له-- لا تلعبوا على عقولنا ىا قوم--

الاخ امير الشعراني
والاخوة المتداخلين
السلام عليكم ... توثيق التاريخ وحفظه مهم جداً للاجيال ( صحيح انا ما من جيل تلك الاحداث لانني من مواليد منتصف الستينيات ) ولكنني استمتع بقراءة التاريخ ...حدثت في ذات مرة الخال المرحوم ابوالقاسم هاشم ( 25 مايو وهو من الناصريين في ذلك المجلس العسكري قائلاً له يا خال انت ما تكتب مذكراتك ؟؟ لانه فيها تاريخ يوم لابد من الرجوع اليه ..خاصة وانه المكتبة السودلنية تخلوا من التوثيق المحكي ..أجابني قائلاً : الكلام العاوزوا انت عني كمذكرات بتلقاهوا في الونسة التوثيق ده كلام تاني ما عندنا ليهو زمن ؟ .. ثم توفي بعدها بعام ..كان ذلك في القاهرة في شقة المرحوم عصمت حسن زولفو والحمد لله انه قد وثق لمعركة كرري .
ما قصدت ايصاله هو انه بقراءة ما جاء علي لسان عبد الرحمن المولود فى العام 1916 والذي كان من المسؤولين عن تأمين مظاهرة مارس وبمداخلات السادة فتحي مسعد حنفي وحسن فرح كشهود عيان ومن قراءتنا كا تحاديين ديمقراطيين لتلك الاحداث ..تنجلي حقيقة ذلك التوجس الذي لازم علاقة الانصار وحزب الامة بالشقيقة مصر والذي ما انفرجت اساريره الا في منتصف التسعينيات وبوجود السيد الصادق المهدي مقيماً بمصر.

الحبيب بابكر مخير نهارك سعيد--اولا وقبل كل كلام ندعوك انا وود دفعتك للانضمام لفرقة العجايز المتصابية --
ثانيا انت قلت اليوم داك كنت هناك برضو---الوداك شنو--برضك حبيت تشوف محمد نجيب---اما نحن فكنا متشعبطين فى الشجر--مين الكان متوقع المصايب دى تحصل----

عم فتحي

والحالة دي كنت حاضر مارس 54 ؟؟!!!

لنا جعفر

لومك بي اردم ليك المنبر ده كلو خرسانة :D:D:D:D

[frame="7 80"]http://sudanyat.org/vb/imgcache/41.imgcache.jpg[/frame]

[align=right]تسلم يا أمير ..[/align]


[align=right]حكاياتك أعتبرها من أجمل مايتم طرحه فى هذا المنبر .. عارف ليه .. لأنها قاعد تنفض غبار كتير متراكم على الحاجات .. وبتذكر الناس بى العايزين ينسوهو وما مفروض ينسوهو .. وتخلى الكلام يمرق من جوة الناس براهو بى صاحو وغلطو .. وحرّوا ..و حريرو .. والعبرة كلها فى المداخلات الثرة الحصلت فى البوست ده من بعدك ..


شفت يا شعرانى العلال والكتاحة القاعد تسويها حكاياتك ..

:):):rolleyes:


يا خ الله يديك العافية ومسجلين حضور فى كل الحكايات ..[/align]



[align=right]تخريمة :

قلت لى عمنا قال ليك الخواجة ضبحوهو كيفن ..؟!
:rolleyes::rolleyes:

[/align]

اها يا الحبيب بابكر--رايك شنو فى الكلام دا و ما تنسى نحنا برضنا انصار بالوراثة-- وجدى فرح حارب فى حملة ود النجومى واستعاد حبوبات بطون الرباطاب من الأسر---




أنا شوقي بدري أنصاري بالنشئة والتربية نشأنا وكل ما حولنا ينطق بالأنصارية والآن وأنا لست بالشيوعي أقول بملء فمي أن الشيوعيين يعدوا في مجموعة شرفاء السودان لهم حسناتهم وغلطاتهم مثل الآخرين واجهوا كل الوقت ولا يزالوا يواجهون اقسي التحديات . لا يصير الإنسان شيوعيا إلا إذا قرر أن يطلق الراحة والدعة وراحة البال (والترطيب) .
المتوقع من الشيوعي أن يضحي وان يكون متجردا وان يتقبل النقد ويمارس النقد الذاتي
من المؤكد أن كثير من الشيوعيين يشتطون ويحتدون في عداوتهم لان المخاطر والمواجهات التي يواجهونها يوما خاصة في أيام العمل السري تتطلب مقدرة عالية من الانضباط والالتزام والتضحية . وعندما يتقاعس البعض او يغير جلده يكون رد الفعل قويا وأكون كاذبا إذا قلت أنهم لا يمارسون اغتيال الشخصية والتجريم والتجريح ككل قطاعات المجتمع السوداني.

المؤلم جدا أن الجميع مطالبين بمقاطعة ومعادات الشخص المجمد أو المحارب ولكن هذا ليس برنامج الحزب وهدفه في الحياة . فعندما يقررون تطبيق الشريعة الإسلامية لا يفكر الناس إلا في الحد والقطع والجلد والسجن والتعذير .
الشيوعيون والذين هم مدرسة مهمة من مدارس الاشتراكية يدعون إلي العدالة الاجتماعية والوقوف مع حقوق المرأة والقضاء علي الظلم والتفرقة العنصرية والشوفينية ،وكل ما هو جميل ، أوروبا التي تقف الآن أمام أميركا وستكون القوة المخلصة من السيطرة الأميركية تحكمها الأنظمة الاشتراكية . والكلام علي أن الاشتراكية قد انتهت هذا كلام خاطئ فالاشتراكية تكسب وستكسب كل يوم وهاهي لاتين أميركا قد كسرت أغلالها . وصار مونرو دوكترين في حكم المنتهي .
وهذا خط سياسي استراتيجي رسم بعد الحرب العالمية الثانية جعل لاتن اميركا منطقة نفوز امريكي لا ينازعوا عليها.
لقد كثر الهجوم مؤخرا علي الحزب الشيوعي السوداني وممارسة الشيوعيون لاغتيال الشخصية نعم لقد حدثت تجاوزات بخصوص اغتيال الشخصية . ولكن ليس هذا خط سياسي شيوعي يدرس في مدرسة الكادر .
اذا كان الشيوعيون قد مارسو قتل الشخصية فقد مارس حزب الامة قتل البشر .

لقد اعتدي علي الأستاذ عبد الله رجب رئيس تحرير وصاحب جريدة الصحافة وهو العصامي الذي علم نفسه, و تعلم الانجليزية بنفسه ومترجم وثيقة حقوق للعربية وخلق مصطلح أهلنا الغبش، ومحمد احمد دافع الضرائب وسمي الأبيض عروس الرمال وعندما لم يرعوي تقرر قتله وهاجمه تيم كامل من أشداء حزب الأمة بقيادة صديقي البناء ياء الدين (ود فاطنة) وتركوه لأنهم حسبوا انه قد مات وذهب (الدين) للسجن بتهمة الشروع ف القتل السبب أن الأستاذ عبد الله رجب أورد اسم الصديق المهدي الصديق أفندي عبد الرحمن المهدي وهذا هو اللقب الرسمي لكل من تخرج من كلية غردون . وزعم أن وصف حفيد المهدي بالأفندي إساءة . صديقي الدين كان من سكان ود نوباوي لا يصلي ولا يمارس أي شعائر دينية ويرتكب كل موبقات الأرض.
في بداية سنة 1963 تعرض العالم المعروف السراج زوج والدة الصادق المهدي لعملية قتل بشعة فلقد قطع إلي قطع صغيرة وهو لا يزال علي قيد الحياة ولقد سمعت من الدين انه يعرف أولاد الأنصار الذين قطعوه وان الشيخ السراج يستحق القتل وأكثر لأنه تطاول علي أهل المهدي.
في سنة 1956 اعترض المحامي شمس الدين عبد الله بدوي علي احد قرارات الهادي المهدي او في الحقيقة لم يبدي رضائه التام فاحل والده العم عبد الله بدوي دمه فهرب المحامي شمس الدين من الجزيرة ابا وعاش منبوذا خائفا طيلة حياته .
احد أبناء الغرب واسمه كلول لم يقبل يد احد أبناء المهدي فسمع والده واحل دمه
لقد أتي حزب الأمة بجموع الأنصار عدة مرات إلي الخرطوم في 1954 الأول من مارس وقتل رجال البوليس وكثير من الأبرياء احدهم ميرغني عثمان صالح لأنه كان لابسا أفرنجي وعندما صرخ أخيه بعد ذبحه ده أنصاري كان الرد إلي جنة الخلد وعندما طالب الوزير ميرغني حمزة من أزهري أن يقدم الصديق المهدي إلي المحاكمة هلع الأزهري وقال له أنت جنيت؟ وقدم آخرين منهم الأمير نقد الله الرجل الشجاع وتقبل الحكم بشجاعة ثم الغي الحكم بعد الاستقلال وصار وزيرا للدفاع ووزيرا للداخلية . الفيتوري الذي لا يزال عائشا كتب قصيدة لم تعجب رجال حزب الامة فبعثوا بأشداء حزب الأمة وكان الفيتوري قد هرب من الجريدة وتدخل السر قدور الأنصاري زميل وصديق الشاعر الفيتوري المعروف
واتصل السر قدور بالفيتوري قائلا الناس ديل حا يكتلوك . تسوي ليك قصيدة سمحة تشكر فيها الأنصار وبعد يومين ننشرت قصيدة في نفس مكان القصيدة الأولي تمجد الأنصار . افيتوري ولسر قدور لا يزلا عائشان .
وكما ذكر الفيتوري في مقابلة تلفزيونية قبل سنتين أن الصادق المهدي قال له أنا لو ما كنت راجل ديمقراطي كنت أرسلت ليك ناس دقوك
الإنقاذ ذاهبة إذا أردنا ديمقراطية يجب علي كل حزب أن يلتفت إلي أخطاءه قبل أخطاء الآخري


.

يازول هو الشي كتير
لكن النقول
1 - الجمل ما بشوف عوجة رقبتو
2 - دس كروك خليني الننبز بت أم كرو

خلينا نبدا صفحة جديدة ونشوف لينا مخارجة من اولاد ال........ ديلا

وبعدين نمضى إتفاق الدفاع عن اليمقراطية، نسخة (أي حتة بس ما مدني، ما داك ترطشق)

يا حسن فرح

سلام

الفرق فرق السماء والارض بين الحوار الاجراه امير الشعراني والعم عبد الرحمن وبين قصص شوقي بدري .. امير ياهو ده عايش وعمنا وجدنا عبد الرحمن ياهو ده عايش وربنا يمد في ايامو وينعموا بالصحة والعافية

يعني لو اي زول عاوز يتحقق من الكلام ده يشيل شريط الكاسيت بتاعو ويمشي يقابل عمنا وجدنا عبد الرحمن ...

لكن شوقي بدري بيكتب عن عن ناس انتقلوا للدار الاخرة ولا يمكن التحقق من كتاباته خاصة في وجود كتابات اخرى تنفي بالحجة كل مزاعم واباطيل شوقي بدري

يعني انتي حسع ممكن تمشي وتقابل عمنا وتسمع منو مباشرة

الدين بتاع شوقي بدري ده تلقى وين ؟؟



تم تعديل ما لا يليق
الأمين العام لمنتدى سودانيات بالانابة

كتب ود العمدة:
لكن شوقي بدري بيكتب عن عن ناس انتقلوا للدار الاخرة ولا يمكن التحقق من كتاباته خاصة في وجود كتابات اخرى تنفي بالحجة كل مزاعم واباطيل شوقي بدري

يعني انتي حسع ممكن تمشي وتقابل عمنا وتسمع منو مباشرة

الدين بتاع شوقي بدري ده تلقى وين ؟؟
بعدين ياخ البكتبو شوقي بدري ده ما تاريخ دي قلة ادب وخوض في عرض الناس ونسبهم وتستوجب الضرب شرعا لانها خوض في العرض فهمت يا اخ ؟





هذا فراق بيني وبينك ويبدو انني كنت أنفخ في قربة مقطوعة:(
ويبدو ان هدفك كان يتلخص في استغلال الفرصة للاساءة لشوقي بدري ولو كنت تقف أمام شوقي بدري لما تجرأت لقول كلمة واحدة من ما كتبته عنه هنا وقلة الأدب هو ما أوردته أنت ولعلمك شوقي بدري مؤدب أكثر من كل حزب الأمة بما فيهم زعماء الأنصار وعلي رأسهم الصادق المهدي وشوقي بدري مكانو معلوم أمشوا أضربوهو لو فيكم راجل بيقدر وردي دا مفروض تفهم منو انو قلة الأدب ما بتجيب غير قلة أدب وثق تماما ان شوقي بدري لن يرد عليك لأنك أقل شأنا من أن تستحق الرد عليك وأنا أعلم تماما اسلوبك العاجز في الاساءة لمن هم بعيدين عنك ولن أبرد لك بطنك بالرد عليك مهما كتبت وان كان هناك عقلاء في حزب الأمة لصدر أمر بمنعك من الكتابة باسم الحزب حتي لا تتسبب في اساءات هم في غني عنها..

بعدين ياخ البكتبو شوقي بدري ده ما تاريخ دي قلة ادب وخوض في عرض الناس ونسبهم وتستوجب الضرب شرعا لانها خوض في العرض فهمت يا اخ
نعم فهمت يا محمد حسن العمدة--وانا فاهم من زمان-- من عام 54 ان هذه هى اساليبكم-- شوقى بدرى لا يحتاجنى لكى ادافع عن ما قاله --أسأل الناس حولك قبل ان تنفعل--أسأل الاحيإ منهم الذين استشهد بهم--اما اذا قررتم اللجؤ للعنف فهذا ليس بشئ جديد منكم--روحوا وجربوا اذا كنتم رجال- لكن وفى نظرى قمة قلة الادب ان يتجاسرالواحد على رجل فى عمر ابوهو ويصفه بقليل الادب لسماعه حقائق لم تعجبه-

الحبيب بابكر مخير--انا مقدر مدى المك ومعاناتك لكن يا اخى زولكم دا فقد اتزانوواعلن افلاسو-- لو عندو حجة فليقدمها للناس -- شنو نازل فى الناس شتيمة وتهديد بالضرب-- الاخت الفوق قبيل مش نصحته ياخد حربته ويغادر المنبر---انصحوهوا يا اخى ربنا يهديهو

الحبيب بابكر اولا انا في غاية الأسف لانسياقي وراء غضبي وتصرفي بنفس الاسلوب الذي رفضته من ود العمدة الذي يعلم الله اني أعزه دون أن أعرفه شخصيا والدليل علي ذلك دفاعي عنه كشخص في أكثر من بوست.الا أني قد أعماني الغضب بعد أن قرأت مداخلة ود العمدة التي عاد فيها للاساءة مرة أخري بطريقة شخصية الي شوقي الذي تعرف العلاقة التي تربطني به بعد أن كنت قد اعتبرت ان الموضوع قد انتهي في وقتها.خاصة وأن شوقي قد كتب هذا الموضوع قبل الخلاف بينه وبين ود العمدة في المرة الأولي..
كان من الممكن أن يرد ود العمدة بموضوعية ويكتفي بقوله ان كلام شوقي منقول عن آخرين منهم من هم أحياء ومنهم من قضي نحبه وكنا سنحترم رأيه ولكنه عاد وبدأ في اتباع نفس الاسلوب الأول الذي طلبنا منه أن يتركه وقام هو مشكورا بتنفيذ طلبنا وتوقف عن اسلوب الاساءات الشخصية فأنت حينما تقول لي انعل أبوك يمكنني ان أرد عليك بانعل أبوك انت ويمكنني أن أقول لك عيب وألله يسامحك والرد الثاني أكيد أقوي من الرد الأول ويجعل من بدأ بالاساءة في موقف الضعيف ونكون قد رددنا عليه وأريناه خطأه أمام الجميع وكسبنا تعاطفهم ولكن أن نعود مرة أخري لنفس الاسلوب فهذا ولله خطأ وهو ما اخرجني عن طوري..
أنا يابابكر عندما حدث موضوع السر بادي كنت في غاية الغضب واعتبرت ما حدث من اساليب البلطجة المرفوضة ودخلت في مشاكل جعلتني أذهب في يوم من اللأيام الي داخلية بودولي حيث قمت بضرب ابراهيم موسي وعبد العظيم زمراوي الذين أقحما نفسيهما في الموضوع دفاعا عن الشيوعيين وقمت بضرب أمين محمد أحمد لنفس السبب بعد أن تم الاعتداء علي المرحوم فارس رغم انو فارس شقيق يونس الذي اعتدي علي السر بادي:confused:يابابكر الشيوعيين ليسوا ملائكة ولهم أخطائهم وهي كثيرة ولكن لا يعني هذا أن أشيل سكينتي وأسن لساني للدخول في حرب بسبب قلة جاهلة لا يستحقون في الاصل أن ينسبوا الي الحزب الشيوعي..
أما هجومي علي ود العمدة فقد كان لاثبات ان الاساءة لا ينتج عنها الا اساءة مثلها أو أكثر منها وعلي الباغي تدور الدواير..وقد اسئت اليه والي أشخاص لا علاقة لهم كرد فعل لاساءته لشوقي علي الرغم من أني لم أتدخل اطلاقا في كلام شوقي ولم أقل بأني أصدق علي ما قاله وبل علي العكس كنت قد قمت بتغليط شوقي وهو لم يأتي بجديد وكل ما ذكره سبق وسمعته منذ زمن بعيد بل سمعت أكثر منه ومن أطراف لا علاقة لشوقي بهم وهذا هو حال السياسة في السودان وهو شيئ مؤسف ...وأنا أقولها هنا بكل شجاعة اني آسف علي ما وجهته لود العمدة ولقيادات الأنصار من اساءات ما جاءت الا كرد فعل علي ما كتبه ردا علي شوقي وبالمناسبة الموضوع الذي نزل تحت عنوان محن سودانية8 هو موضوع قديم كان قد توقف بعد أن اتخذ الموضوع منحني آخر نتج عنه الخلاف بين ود العمدة وشوقي وخالد الحاج ولا أعلم لماذا نزل هذا البوست الآن ومن الذي أنزله وأنت تعلم ان شوقي لا يكتب مداخلاته بنفسه في المنتدي بل يعطي ويكلف أحد الأصدقاء بالكتابة علي الكمبيوتر نيابة عنه بعد أن يعطيه المادة كاملة وأنا علي يقين من أن شوقي لم يطلب من هذا الصديق انزال هذه الحلقة في هذا الوقت بالذات..
يابابكر مشكلة شوقي انه يكتب بعفوية تامة دون أن يحسب ردود الأفعال ويعطي ما يكتبه لجهة لا تتجرأ علي انتقاده أو نصحه قبل أن يقوم بالنشر وهذا هو أس البلاء..
أرجو أن أكون قد وفقت في شرح وجهة نظري والحمدلله ان ردي عليك قد جاء قبل أن يرد ود العمدة حتي أبين وجهة نظري قبل أن أن يمارس حقه المشروع في رد اساءاتي له ولغيره وأنت تعلم تماما ان أسلوب البحث عن المشاكل ليس اسلوبي..
دمت يا صديق أقرب الي قلبي من شقيق:)

وهل الصادق المهدي يا ايها المدعو حسن فرح نديدك ولا رفيق دراستك ؟
من المدعو حسن فرح الى المدعى محمد حسن العمدة---
يا زول انت ما بك--- حسع انت شفتنى جبت سيرة الصادق المهدى-- انت مالك بقيت تهضرب --يا زول عيب عليك الله يهديك--- ؟

[frame="7 80"]http://sudanyat.org/vb/imgcache/57.imgcache.jpg الاعزاء دوما ليس لى تعليق عن المداخلات الجانبية فقط اريد ان اقول فى الحكى ساعة اخرى لمزيد من التوثيق ... [/frame]

من المدعو محمد حسن العمدة الى المدعو حسن فرح

وقت الناس تكتب كلام ما تنكرو .. اوكي ؟؟

انت وقت كتبت فوق مقال شوقي بدري المهبب ما كنت بكامل وعيك ؟؟

ياهو دي مداخلتك كتبتها بيدك الا اذا كنت بتسلف زول الباسوورد حقك http://sudanyat.org/vb/imgcache/58.imgcache.jpg

ولكن كما يقال ان الشينة منكورة

شوف يا المدعو حسن فرح انا لا اعادي انسان من فراغ ابدا
انت اعدت كتابة مقال شوقي بدري وعليك تحمل تبعات ذلك