المُجادعة والقصيدة القصيرة : دعوة للمشاركة
المُجادعة والقصيدة القصيرة : دعوة للمشاركة
فن ( المجادعة ) من فنون أهل الريف ، وهو من فنون الارتجال المبدع . المناخ جلسة تحت الشجر الظليل في العصرية أو الضحوية في أزمان الراحة والأعياد . المشافهة هى اللغة المتداولة ، والمباريات يتجمع من حولها المستمعون في حلقات ، يقيِّمون فصاحة الردود وبلاغتها . على ضيافتها الشاي والقهوة أو المُتيسر من الشراب . هو ضرب من السمر الجماعي ، يتتبع أثر الفصيح من الوصف، والبليغ من التعابير ، مع السرد القصصي الذي يتبع القوافي أو يفارقها . تحتمل الهجاء والمدح والرثاء والغزل والمداعبة والفكاهة والمرح أو غيره . يتبع الرد الشِعري القوافي التي يختارها الشاعر ، كما يختار بَحَر الشِعر الذي يناسب إختياره للردود . غير مُقيَّد إلا باتباع القافية التي بدأ بها الرد . المقاطع الشعرية قصيرة توجز المعاني ، ولكنها مكتملة التصوير . عندما بدأت المجادعة مع دكتور توفيق الطيب قبل الهجمة الكالحة على سودانيات ، كانت تلك أول تجاربي الشِعرية ، وفنون الشعر باللغة العامية لها أساطينها ، ومن يطوعون عجين المعاني فيبدعون أيما إبداع . رغم إنني ما خبرت مداخِله أو دروبه الشائكة إلا أنه كان عليّ أن ألبس لبوس الزمان والمكان الذي يتفق والبيئة التي نشأ في كنفها شِعر ( المجادعة ) . ربما ينفصل الراوي عن بيئته ، ويبدأ التخيُّل في مناخ الريف السوداني ، يعُب من ثرائه ، وينهل من بساطة الحياة في كنفه ، ويتتبع فيضه الاجتماعي الدافق . وهنا ينهض النقيض الذي يقُض المضاجع . كيف يتسنى أن تلبس لبوس الريف من الخيال ؟. إذ لا تدعمني سوى ذاكرة بعيدة ، عبرت دروب تلك الرؤى منذ زمان بعيد و على عجل . لم أختبر تفاصيلها الحياتية بما يتيسر لشاعر المنطقة ، الذي يستنشق هواءها ويشرب ماءها ويستطعم ( فريكها ) . ترفد روحه شرايين الشعر الطَلِق و خواطره التي تأتي بلا ميعاد . نبدأ الآن سرد كل ما كتبنا من قبل في ( المجادعة ) التي استفتحها الدكتور توفيق الطيب ، وليس لدي سوى بعض من تلك القصائد القصيرة التي اشتركت بها ضمن المجادعة ، أو القصيدة القصيرة ، والتي أرفدها ود الحسين بالكثير : ـ ) (1) ود الطيب هَنَاك إتْ بالأدب كَمَلتَ بالذوق والعِلِم في وِجيهَك إتجَمَلتَ جَلّ الإله وإتْ بى رِضَاهُو عَمَلتَ النَصَاح عِندَك ، وأظِني اتهَبَلتَ (2) ود الطيب مَرَق بِِلحيل فَردتَ سَنِينَكْ العَرْقُوب فِتِر والدُنيا راجية طَحِينَك السِكة القديمة ارجاها ما بِتهِينَك إت وَلَد البَحَر عُومتُو بتَرَوي حَنِينَك (3) في الغربةَ الصَعيبة قَعَدنا وإتَمَحنا التَلَفون ضَرَب في بَلدنا إتْلَجَّنا في شوك الكَتِر جَلَسنا و إتمَهَلنا وريِنا الحَلَل ما تَرَانا إتحَسَرنا (4) يا توفيق أخُوي الرَاحة لايقَة عليك كان قَرّيتْ أَخُوي أصبُر على الرَاجِيكَ نومَة قَليَة البُنْ مع القَرَّاص ينَتِفْ فيِكَ حَبوبة أم حُجُول تَمرُق تَنادي عَليكَ ( 5) يا توفيق أخُوي أرجَاهَا مويةً فَاترَة الشَاي السَمِح بِدور رُجَال السَاترَة الطَيب كِبِر ما بسَاعدُو غير الفَاردَة أُمك مَعاو تَحَلِف تَصُد الشَاردَة (6) سُهُولَك وَاحَة للشوق ألمُسَوِّس فِينَا وحُسنَك رَاحَة هَجِيع و النَسمَة هَابَة عَلينَا مِن روحتَك خَلاص الدُنيا ضَاقَت بينا في غِيابَك كِتِلنَا و عَضّ الصِبيع راجِينا ( 7) الدُخَان مُويقِد وَ الدَعَاش راح طَشَّ مِن شوفة الغَزالة السِحاب قَام رَشَّ والصَفَق ألمُصَّفِر نَام بعد ما ِإتعَشَى ومِن نومتُو خَدَّر بَرَّد غَبينتُو إتفَشى (8) النُوَّارة قامت أريَاحَا هَبت وُ فَاحَت حُمَّة جِسيمِي مِنُو طَارَت رَاحَت بُقاقة الجِلِّد تَلقَاهَا مَاحَت سَاحَت مِريكِب جِدَّك الرَاجيَاني كَاسَت وذَاعَت ( 9) كان شَافَا الشِتا صَفَق الشِدر ما بِحِتُو الشاي المَبَخَّر لَفَح البَخُور مِن سِتُو شايلاهو اللِدينة معاها الخَبَر بِتفِتُو الغَايِب كِتِل ، والحَضَر حَضَر لى مِيتُو ( 10) كَتَلنِي الشُوق هَجَّدتَ عِندَ الجَدوَل الرَقرَاقْ دَمع الفُرَاق بَحَر غَطى القَدم وَالسَاقْ ضَيَك صَحَّى المَتَوَّك كَان مُغَبِي وفَاقْ الخَلِق بَارُو اللَتَر صِبِح الدَرِب سَاسَاقْ ( 11) ود الطَيب شَرَد دِي الفِيكَا ما حَاريهَا لَهَفان للبَلد إِتْ شوكةَ القَدَم حَاسِيهَا وَلا الشوق سَكَر والدُنيَا ما دَارِيهَا ( 12 ) وَد الطَيب يِسمَع خَبَار العاشِق المَجنُون هُو الشَقيَان يِبَارِي الرَايحَة وين ما تكُون وهُو المَبرُوك يِشَاوِر للمُصِيبة تهُون والرَاي العَنِيد يِنُطِط من رُويسُو قرُون ( 13 ) هَتَك بَي عِنيقرِيب … هُو شِن الصَنعَة مَاك عَيدان وُحَبَل ..كَرَّبوك يوم جُمعَة الرَّبَطَ عِصيبَاتَك فقد النَصَاح والسُمعَة النَار التَهَرْدَك ، َنَنَسى اللَتِق و الرُقعَة ( 14 ) سَرحَان أهِش بعَصاتِي غَنَم إبلِيس وأحلم بى مُنَيةَ الرِفقَة الحَنينة جَليس قِدامِي شَيَّة.. كَفْ لَفَحها كَدِيس ! ونواصل عبد الله الشقليني 09/10/2004 |
هذا البوست
مُستفرَع من بوست طمَرته دعوة تجديد المنتدى ، وصار أمر نقله لكم مسألة وقت . نشكر الإدارة و نرجع للملفات ونشترك بالجديد : هذا هو اللنك السابق . http://sudaniyat.net/forum/viewtopic...FE%F5%ED%F1%E9 نأمل المشاركة من الأحباء ، ومن ثم نواصل |
اقتباس:
الشقليني ..... طيب نبدا كيف هسه ......... ؟ غزل ولا حماسة ..... ولا .... عندي ليك أقتراح ..... نمسك حاجه حاجه الغزل مثلاً نروح فاتنِّو ........ بعدو الحماسه ....... وبعدو الاخوانيات وهكذا دواليب :D :D دا إقتراحي في الأضية يعني ..... |
حبيبنا عبد العظيم أبدأ مما تُحب : لك مثال قديم : كتب عكود : الطيّب أخوي غشواتك دي ما بنرضاها بندورك تقيّل وفوق البِكري نغلي تِنَاها فرق أمّات شليخ بعد الوِلف، كتير سوّاها حال نياقاً بعيد سَارْحة وهي فاردة جناها وعليه رددنا : الطيب أخُوك ماسك براهو الدَّفة يجي بعد بَرِد الزَمهَرير يَدَّفَا الباب مَتَاكَا والبشرُد بَرَاو إتْرَفَّا العَاشق النَبيل يطلُب تَجِيهُو العِفَّة |
الأستاذ عبدالله
هل هو نفسه ما نطلق عليه نحن تسمية "زجل"؟ |
اقتباس:
تحية لكِ ، نعم هذا يشبه الزجل ، وهو نظم شعري باللغة العامية ، وتتلون العامية في كل وطن ، وفي الوطن الواحد تتعدد العاميات . يمتاز هذا النوع من الشعر بأن يغلب عليه الإرتجال ، ويُجيد الشاعر فيه ، بقدر ما يتمكن من حذق وزن الشِعر بناء على الموسيقى الشفاهية . وتلحظين بعد أن يترك المُتبارين الساحة تظهر عيوب الإرتجال في المبزان الشعر ي مثلاً عندما أوردنا من إرتجال عكود : الطيّب أخوي غشواتك دي ما بنرضاها بندورك تقيّل وفوق البِكري نغلي تِنَاها فرق أمّات شليخ بعد الوِلف، كتير سوّاها حال نياقاً بعيد سَارْحة وهي فاردة جناها تجدين البيت أدناه يحتاج لبعض الضبط فرق أمّات شليخ بعد الوِلف، كتير سوّاها |
الشقليني الحبيب ،، سلامات يا ضو ... بشوفك للكلام الزين رجعت موالف والفت الحروف وبيهن للجميع بتآلف مُرَبِعْ قولك بي سمح الكلام السالف جيتك دغري وماااااا اظني ليك مخالف الشقليني ،، كلامك بيريح ومربعاتك سمحة راجيك يلا قول نمك واوصف اللوحة ام ديسا مكبكب والعيون البرحة ياخ انا جنني الخجل وما تقول لي لفح الطرحة مرفق : كل المودة بـــــادي |
شقليني الحبيب،
سرحت كتير وأنا أراجع قراءة البوست السابق من اللنك المرفق لك الشكر آلاف عشان أقدر أحفظ ما ورد فيه عندي في الكمبيوتر وحتى أرجع ليك مرات ومرات، أقول لك ما قد كنت قلته لك هناك: [align=center]شادّين الرِّكَـاب لو نلحق عجاج حَادِينَــا كاربين السَـرِج شان القافية ما ترمينَــا إنتوا أهل الجَدْعَة..ملوك القوافي الزِّينَــة بِهَضْلِم الفانوس كان ضَوَّى وحِدَاهو رَتِيَنة [/align] يا رتينتنا الضاوية، |
كتب مُهند : بشوفك للكلام الزين رجعت موالف والفت الحروف وبيهن للجميع بتآلف مُرَبِعْ قولك بي سمح الكلام السالف جيتك دغري وماااااا اظني ليك مخالف ولحبيبنا مُهند نرُد : (15) من مويةَ الدمير يا مهَنَّد هِنَاكَ رِوِّينَا ومن نَسمَة صَباح تَغَشى الحَبيب وُ تجِينا ومن طيرة الجَنايِن تَغَرِّد تَرِف جَنْحينا راجيك يا الرفيق يا الخيرَك مُبَين فِينا |
وكتب عكود : شادّين الرِّكَـاب لو نلحق عجاج حَادِينَــا كاربين السَـرِج شان القافية ما ترمينَــا إنتوا أهل الجَدْعَة..ملوك القوافي الزِّينَــة بِهَضْلِم الفانوس كان ضَوَّى وحِدَاهو رَتِيَنة ونرد لحبيبنا عكود : (16) مُتزاملين زمان من شهَر( وَحيد ) الفات عكود أخو السَمِح في الحَارَّة ما لَفَّـات مُباري الكُورة دة شَات ، ودَاك ما شَات كَرمو المُدَفِق :ضَبِح والشيَّة ديمَة سلات |
شقليني خوي شايفك فتحت الطاقة
بتدرو الكلام ينزل جمال ولباقة لاكين الزمن الفينا زمن الفاقة فرّقنا البعاد فرق الحوار للناقة * * * * الشين شن بشوف غير شنة الشوتال والبكريك بدور يكرب كلامو كُتال إن دُرت العشق نيلنا بيجيك أرتال وإن درت الحماس ، حبل الرجال فتال |
شقليني العزيز الحب وسيلة وغاية
في جوة القلوب متّن شجونو رعاية أسلاكو بتجيب العاشقين نقاية تعمل في القلوب زي عملة الغوغاية |
عاشق النيل كتب : شقليني خوي شايفك فتحت الطاقة بتدرو الكلام ينزل جمال ولباقة لاكين الزمن الفينا زمن الفاقة فرّقنا البعاد فرق الحوار للناقة ونحن نرُد : (17) العَاشِق كَلامَك إتْ ما زول زِراعَة رَبَاك القَلَم ..أبُوك العِندُو بَاعَة أم رُشيماً أُمَك ما بتفَارقُو ساعَة يا ابحديثاًً ناعِم إت ما زول شلاعة |
إهداء إلى الأحباء هُنا : بعض مما كتب الراحل الشاعر المُخضرم : أحمد محمد الشيخ ( الجاغريو ) في إحدى قصائده والتي تغنت بها الرُكبان : [align=center]يا جَاهِل نفورَكْ مَمزوجْ بالحَنانْ طَرفَكْ فِطْرَة فَاتِر واسْهَامَكْ سُنَانْ حِينْ ما نَظَرتَ خَدَكْ لي قُدتَ العنَانْ مِن نَظراتَكْ صرتْ زي شَاربَ الدِنانْ [/align] |
كتب الشاعر أحمد محمد الشيخ ( الجاغريو ) : يا جَاهِل نفورَكْ مَمزوجْ بالحَنانْ طَرفَكْ فِطْرَة فَاتِر واسْهَامَكْ سُنَانْ حِينْ ما نَظَرتَ خَدَكْ لي قُدتَ العنَانْ مِن نَظراتَكْ صرتْ زي شَاربَ الدِنانْ ونحن تلامذته نقول : (18) من نَفرت خُدودك وَدَعتَ الجِنان ومن نظرت عُيونَك حَفَرت بالسِنان لَمن بَقَّ بَسمَك لَي قُدتَ العنان من شُوفتَك غِرِقتَ أشرَب بالدِنان |
اقتباس:
[poet font="Simplified Arabic,4,black,bold,normal" bkcolor="coral" bkimage="backgrounds/1.gif" border="solid,6,black" type=0 line=200% align=center use=ex length=0 char="" num="0,black" filter=""] الحب يا صحاب حمناهو طفنا دروبو والواحد هجع بعد السهر يا دوبو وإتلاقى القلب فرحان مع محبوبو فوق فرعو النحيل علق عبايتو وتوبو [/poet] |
[align=center]كتب ود البدوي :
شقليني العزيز الحب وسيلة وغاية في جوة القلوب متّن شجونو رعاية أسلاكو بتجيب العاشقين نقاية تعمل في القلوب زي عملة الغوغاية و كتب عبد العظيم الطاهر : الحب يا صحاب حُمناهُو طُفنَا درُوبُو والواحِد هَجَع بعد السَهر يا دوبُو واتلاقى القلب فرحان مع مَحبُوبُو فوق فَرعُو النحيل عَلَّق عِبايتُو و تُوبُو[/align] [align=center]ونحن نرد عليهما : (19) الحُب اللذيذ شاكِك سِهامُو مُغَـرِز لا بِعَرِف صَبي لا عَجُوز بيفَــرِّز ود الطاهر مَرَق رَبَط الدَرِب مُتحَرِّز شُوف أُم خِشيمَن نَبَتْ شَفَايفُو تَكَرِّز[/align] |
ما قدرت اتفرج من بعيد
الحب سرف نفسي من قدميها لا حد راسا وكت الخلق نايمين بين النجوم جلاسه للشوق والغرام والله ما دساسه ما حمل النّوى لينة قلب حساسه |
كتبت مي هاشم : [align=center]الحب سرف نفسي من قدميها لا حد راسا وكت الخلق نايمين بين النجوم جلاسه للشوق والغرام والله ما دساسه ما حمل النّوى لينة قلب حساسه [/align] وكتبنا الرد : (20) [align=center]للملايكة دروب جابُو العرائس نايرة من كف كلامِن شِربَت نُفوسنَا الحايرة والآذان بِتَسمَع رَغوَة حَديثِن فايرة حَكَاويهِن تَفَرِّح ، رَاكبَة الرواحِل سايرة[/align] |
كتب ود البدوي : [align=center]شقليني العزيز الحب وسيلة وغاية في جوة القلوب متّن شجونو رعاية أسلاكو بتجيب العاشقين نقاية تعمل في القلوب زي عملة الغوغاية[/align] ونرد لود البدوي : (21) [align=center]ود البَدوي الوَجيه إنتَ الأدب كَمَلتُو تَغَرِف بالقُفاف ،خيرَك كَتير حَمَّلتُو تَربُط في الصبيط حَازم النَخل حَيَرتُو واقع الريد شَبَع كِمل الطبيخ بى كِسِرتُو يا العَزابة هُوي في عَريسنَا إنتو كِتِلتُو[/align] |
فنانا شقليني اب كليمتن وننضما رزين
وفي الادب والذوق وخلقو كمال الدين وحروفنا ماتقدر توصف الخزين وفي الحارة ابدا ما بلين 2 مواضيعو بيها ابدا ماتستهين كتب للتوثيق وامانة العارفين ودخري للجاييين كتب للادباء الليهم ناسين وكمان جاب السياسين عن الشرفاء والجلادين والمجادعة الليها عاشقين |
[align=center][font=Simplified Arabic]
الشقليني كتب :- الحُب اللذيذ شاكِك سِهامُو مُغَـرِز لا بِعَرِف صَبي لا عَجُوز بيفَــرِّز ود الطاهر مَرَق رَبَط الدَرِب مُتحَرِّز شُوف أُم خِشيمَن نَبَتْ شَفَايفُو تَكَرِّز[/font[/align]] [align=center] قمنا نحنا قلنا :- الحب فيهو باب يفتح عديل في الجنَّة وفيهو وَتَر حنين جواك تحسَّ بو رنَّة يا إتهنيت بو جِيت مالياك ضَرِيرَة وحِنَّة يا اتململتَ فوق مَلَّة عذابو مُعَنَّى :D :D :D [/align] |
الغالي جداً أُستاذي الشقليني ورفاقه الكرام...
مساكم الله بالخير والرضا... سلام أهل الديار الغالية شوق دفَّاق... أهل السَندة في زمن الحِويل الضاق... أهل البسمة وِكتِين تَوصَل الخَنَّاق... وأهل الفزعة وُكْت الناس يَرُقُدوا دقاق... منَّ أبريدة يَغشَاكم سلام واُشواق... لكم جميعاً مودتي ومحبتي قواسيب قواسيب... وإنشاء الله نتواصل معاكم وآسفين على القطعة الكانت دي... أبو الحســـــــــــين... |
[align=center]
كتبت قوت القلوب : (1) فنانا شقليني اب كليمتن وننضما رزين وفي الادب والذوق وخلقو كمال الدين وحروفنا ماتقدر توصف الخزين وفي الحارة ابدا ما بلين (2) مواضيعو بيها ابدا ماتستهين كتب للتوثيق وامانة العارفين ودخري للجاييين كتب للادباء الليهم ناسين وكمان جاب السياسين عن الشرفاء والجلادين والمجادعة الليها عاشقين[/align] [align=center]و نحن نرد : (22) قوت القلوب جَاتِك نِسيمةَ العافية يلهَج حَديثِك دايماً بالدَعاوي الشَافية عُشرَتكُم سَمَاح تَحَلِف تَقول هي الكافية نَشرَب مِنَكُم مويةً النقَاع الصافية [/align] |
[align=center]
كتب ود الحسين : سلام أهل الديار الغالية شوق دفَّاق... أهل السَندة في زمن الحِويل الضاق... أهل البسمة وِكتِين تَوصَل الخَنَّاق... وأهل الفزعة وُكْت الناس يَرُقُدوا دقاق... منَّ أبريدة يَغشَاكم سلام واُشواق... [/align] [align=center]ونحن نرد : (23) ود الحسين من نَمَّك كتير طَوَّلنا القعدة حِلوة بوجُودَك أها إتحَكَرنا ظَنيتَك شَرَد ، مين نَبَهَك تَفكُرنا كان المَكَن بَطَل مِنُو البِقيف يِدفُرنَا[/align] |
محاولة اولي
وأظنها خرقاء [align=center] الحب الكثير بيقولو آخرو شقاوة والشوق لو يفيض يهّلك ويزيدنا قساوة الزول البعيد زادت غلاوتو غلاوة ياريت لو يعود ويفرد حنانو طراوة[/align] |
[align=center]كتبت إشراق :
الحب الكثير بيقولو آخرو شقاوة والشوق لو يفيض يهّلك ويزيدنا قساوة الزول البعيد زادت غلاوتو غلاوة ياريت لو يعود ويفرد حنانو طراوة[/align] ونرد عليها : (24 ) الريد إن دَخَلْ ضَرَب القَلِب رصاصة البِستمَع غُناو تقُص اللتَر قَصَاصَة الشَرَك إن قَبَض تجري الرويح لخَلاصا كان جَاعَت نِفيستِكْ ما بتنفَع القُراصة |
شقليني لا تفتح مجاري السيل
ونطرى سماحة البسمة التضوي الليل كفانا بعادنا من قصبة جروف النيل وشوق شاوينا شويا باقي راسو عديل |
كتب الأخ عاشق النيل...
اقتباس:
سلام يا غالي عاشْق النيل... وشرَّفْت الديار بي طلَّتك بالحييييييييييل... من دوحة حبيبنا الهابْ نسيما عليل... نغرِف ونستجِم لا عِنْ هوايْدَ الليل... الشوق للأحبة أكيد بِزيد باللييييييييييييييل... لكم جميعاً مودتي كلها بلا حدود... أبو الحســـــــــــين... |
اقتباس:
الشقليني كتب :- الريد إن دخل ضرب القلب رصاصة البسمع غناو تقص اللتر قصاصة الشرك إن قبض تجري الرويح لخلاصا كان جاعت نفيستك ما بتنفع القراصة :D :D :D :D :D :D :D :D ونحنا ردينا :- الريد إن دَخَلْ قَسَم القلب قِسمين في القسم اليمين يزرع فرح إسمين ويزرع في الشمال دوحات من الياسمين ويبقوا إتنين دوام للدنيا مبتسمين[/align] |
اقتباس:
ليلك يا الحنين بالضو يراري جميل وشوقك للحبيب شوق الضفاف للنيل موجو فرح لقاك يوماً سعيد وعديل ونرقص زي غصن عانق سبيط ونخيل أرقد عافية أخوي أبو الحسين |
اقتباس:
جاكا أبو الحسين بى مودتو المعهودة دفَّقها ليك بحر ما بتلقى زاتو حدودا طلتو سمحي تب وإيدينا ليك ممدودة يا الزول الرزين مِي فَاضِي شايلا ورودا :D :D ............................ :D :D [/font[/align]] |
جيناكم..
[align=center]الريد زين سمح وبيدور طباع مدروسا ماهو الشئ الخشن بل ناعما ملموسا كليمي صغيري ترفعو من قعاد وجلوسا وتعشيقة ان نزلت غلط بتحت للكرونة تروسا..[/align] الله ينجينا من حت الكرونة.. حميد.. |
اقتباس:
رصيت الحروف من كل جمالاً ظاهر وأديت الحسين جملة وصوف ومفاخر دي المحرية فيك قولة الجميل الوافر وأصلك يكفي قول عبد العظيم الطاهر |
اقتباس:
عاشق النيل حبابو المو خمج دوبيتو يا أب نضماً سمح زارع الشِعِر في بيتو أطربني ومَسَكْ طمبوري قُمْ دَقيتو مَركُوبي إتمَلَص دنقرتَ أكوس ما لِقِيتو :D :D :D :D :D :D [/align] |
[align=center](25)
ود الطاهر مَرق وإشراق هَديك بى عقابو عاشق النيل ورَد قايد الكَرَم حَلابُو شوف ود الحسين ماسك النفير جَلابُو ود حميد رَاوي القَصيد الليلَة نتهَنَابُو صَحي الليلة الغَرام حَرَّك علي دولابُو [/align] |
اقتباس:
وفرحك بعاشق النيل شمَع عليهو حكايتك لايبقى العشق مكنك خلاس لخبت عليك حياتك خلاك تفتش للحزاء وكرعيك لابسي وحاتك..[/align] :D :D :D |
اقتباس:
ولي أحفاد ولادك آمين تحضر الحنَا ترحيبك كتير وجميل ومنو نحن قسمنا وفي دولاب الغرام ختينا العقاب خزنًا[/align] |
اقتباس:
:D :D :D وخت جنب ديل تااااااااااااااااااني تلاتي ... :D :D :D جاييك .................. جاييك |
اقتباس:
لى الليلي الكبر بى جنبي ما فات عدا كاملات السنون والحيل نصيح ما إتهدا ولا زال الشباب ما بيني بينو مودة أبرك في الأكل لقماتي ماب تِتعدا :D :D :D |
| الساعة الآن 04:38 PM. |
Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.