مكتبة (حمدي السمر) الغنائية والشعرية !!!!
اولاً بعد اذن الادارة الكريمة حبيت اعرض واوثق ماتجود به هذه النفس المتواضعة من شعر وغناء ولكم المودة :):):) |
|
[frame="9 60"] ماتنكرش ... !!! ماتنكرش !!! النسمة جات تضفر معاك ضفة حنين الليل برش يانسمة بس الصُور كمل والباقي هارداهو الشمش إنا عارفك إنتي حنينه كيف لكن مزاج الشوق طرش انا مش زمان كان قلت ليك بطن الشجن سوت كرش أهو هسي ماسكين الحساب وصبرنا في القرض القرش يانسمة علمني الاسف إتوسد اللحظات فرش وانضم أذا ما طاف خيال عينيها في مرق العرش فرحانه هذه الامنيات زي شافعة تاكل في تبش إتفرجخت فوق التراب نادت علي أخوها الصغير والبلي كان صوتو الطقش فرحانه هذه الامنيات وانا في متاورت الجروح يوماتي ياليل مندهش يانسمة شيشك بي شديد أنا جلدي مافيو حته بس ماجرحا الشوق بالخرش داويني كان عندك دواء ولميني كل مافي الغياب هومت وانا لسع بطش يانسمة إنتي مشيتي وين وانا لسه مانام لي رمش مش بينا كان الإتفاق نرسم حواف الشوق نقش اهو لسة يانسمة الحنين طاقة شتاء وانا دون غُتا متلحف السماء ارتعش يانسمة انتي مشيتي وين وانا لسة مانام لي رمش *** حمدي السمر 2010 [/frame] |
حمدي
ســـلام .. يا سلام عليك نتابع بالجد حاجة رائعة صوت وكلمات وأداء لما تجي تاني قول لينا عوووووووووك :D تحاياي |
اقتباس:
تسلم كتير |
|
|
اوحيك فى بعدى يا نجمى يا سعدى
يا سلام على النشاط |
ود بقروسى يا فنان
متابعين باهتمام واستمتاع واصل يا حمدى |
اقتباس:
الاستاذ الجميل ابراهيم شكراً يازول يافنان اقتباس:
|
حمدى يا زول يا فنان
والله شغل جميل جدا جدا متابع وبحفظ واصل |
البدخل عرينك يا الاصم كضاب كلمات : مزمل خليل بشير لحن واداء : حمدي السمر حفلة من هنا ملحوظة : الرابط يدعم الهاتف المحمول |
|
|
رقصيهن === الغمامات البتلعب في السما المفتونة بيهن رقصيهن ما المدن مشتهية تلبس رقتن ٠٠ ذوقن ٠٠ حنانن وروعة الخطوة البتفتح ألف سكة علي مشيهن رقصيهن وخلي شوقي معاكي يسرح في العيون الناوية تفرح بالغنا المدسي فيهن وكلميهن عني مايرحل شروقن وضحكتي وبهجة مروقن وأبقي في نص المتاهه يشغلني واشتهيهن رقصيهن ما الرقيص سوهو ليهن غني ليا وزيدي إيقاعك مساحة داوي للايام جراحا وصبي نخب الحب سماحة طرزي الأحلام محنة وألبسيهن في المسافة البين صباحك ومدت الضل قعديهن بالاماني الفيكي هايمة وبسمة الحن طعميهن وامزجيهن منهن يطلع نهارك لونو زي سمرة وشيهن رقصيهن في الخطاوي ورنة إحساس الغناوي ولمسة الشوق البيعرف كيف يغفلني ويجيهن زخرفيهن وأدي عيني زاوية أقدر أني أشوف أحلامي فيهن لملميني إذا إنجدعت وماتقولي كتلني تيهن ياتو شارع ياتو حته أقدر ادخلك واجيلك ولما تسقي البال نداوتك وسلسبيلك ينتني الزمن البشيلك والنغيمات تسمعيهن وتاني ترجعي ليا نسمة في الليالي الضلمة بسمة بسمة شان خاطر ضفاير أدت الليل المساير لذة الحرف البيطلع أسمراني علي إيديهن وتاني لو عندك معزة ليا ياشوق رقصيهن _ _ _ _ _ _ حمدي السمر - أرشيف ٢٠٠٩ م |
| الساعة الآن 02:13 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.