الذكرى الأولى.. للشاكوش الأول
،،، طاخ .. طرااااخ ....
.. ودوى صوت الشاكوش عاليا .. و ،،، الحصل شنو ؟.. ونطت حليمة بائعة اللبن قائلة - وهي تعدل ثوبها بعد أن بان من خلف الفستان الخفيف ، صدرها المترهل - : دا علي ود حاج عثمان فركش خطوبتو من سماح بت عبد الله .. * من يوميها أصبح علي ود حاج عثمان لا يطيق سيرة حليمة بائعة اللبن .. ولا يقرأ إلا أشعار نزار قباني الشريرة .. وقيل أنه كتب على واجهة جدار غرفته بالفحم : ليس هناك شعور أكثر لطفا من الإحساس بالضياع! * تصادف هذه الأيام الشتوية الذكرى ألأولى للحدث المعني ... ورغم مرور عام لم ينتهي العزاء بانتهاء مراسم الدفن... * ملحوظة أخرى : يوجد عند ناصية صيوان العزاء دفتر ملون لاستلام برقيات التعازي ،، والعاقبة عندكم في التجارب! |
يا ابن الملوح :D
سلامات ياخي وصف لي صيوان العزاء أقصد بيت السنوية أقصد مكان الشاكوش المصدئ ده النمشي أكلم المشوكش ، يمسح (مكان الالم) بي مرهم اسمو NASAYAN ويفسح المجال لآخر ، يمكن بدل طاخ طراااخ نسمع طلقة عقد القران تحياتي ليك ولكل المعزين ولصاحب الذكرى ، بمناسبة صحو الذكرى المنسية والعاقبة عندكم في الطلقات ، ما قاصدة حاجة والله ، بقصد طلقة عقد القران :D |
جاء في موجز الصباح
لإيلاف قيس إيلافه شاكوش الشتاء والصيف فقد صرفنا له عدد إتنين برميل جازولين وكل شتاء وإنت مناسب للحب و توابعه |
[QUOTE=لحن الحياة;419529][COLOR="Purple"]يا ابن الملوح :D
سلامات ياخي النمشي أكلم المشوكش ، يمسح (مكان الالم) بي مرهم اسمو NASAYAn المذكور جرب المرهم الموصوف أعلاه لكن اكتشف بعد استخدامو انو منتهي الصلاحية .. وجرب وصفات بلدية أخرى من قبيل الحلبة ا عليها مقدار ملعقتين من مخلوط (دايره تبقى خوه) على الريق .. وكان مفعولا حسب ما ذكر مصدر مقرب أنه أصبح يتجشأ طعم الذكرى ملح ملح |
اقتباس:
برميل جازولين يا مفتري؟ بتدور تحرقو زياده م الله يحرق ديشك يا اميري ياخ |
اقتباس:
شايفك بقيت ختري في الإقتباس:D |
الذكرى الأولى.. للشاكوش الأول
الشاكوش الاول يشيء بان ثانيا قد حصل .... اما زال الرجل يتلظى من الاول ؟ وَلُبِعَ ثانيا ؟ ام ان التانى لايُحسب من دوخه الاول ؟ ام ان العاده تتقِل الجِلِدْ ؟ ام زي ما قال محمد صالح قولته الشهيره حول التعود على الغربه اصلو اصعب حاجه العشره سنوات الاولى !! نسأل باعتبارك قريبا جدا من المشوكش حد التماهي ، قيس كل سنه وانت طيب وسليم ياخ |
:D؟
أميري .. ياخ سحرتني.. الE63 أبى ينسخ كويس .. قلت يا ود تقوم تخش بأيقونة (إضافة رد) .. شفت النباهة؟ |
* منعم ..
إتا ياخوي جاي تعزي وللا تشمت؟ (وجه ضاحك - أبى يتنزل معاي ياخ) * وانت طيب .. ومطعم ضد الأمراض الستة |
اتدري ياقيس
لااعرف ان اهديك ام استهدى بك لا اعرف اانصحك على ضياغ سنينك ام استننصح بك ااعزيك ام امسح دمعاتي التي نزلت غصبا عني دوس هنا http://sudanyat.org/vb/showthread.php?t=12577 |
اقتباس:
المشاركة الأصلية كتبت بواسطة جيجي http://sudanyat.org/vb/images/buttons/viewpost.gif اتدري ياقيس لااعرف ان اهديك ام استهدى بك لا اعرف اانصحك على ضياغ سنينك ام استننصح بك ااعزيك ام امسح دمعاتي التي نزلت غصبا عني دوس هنا http://sudanyat.org/vb/showthread.php?t=12577 جيجي يا جميلة .. أنتي أشجع من علي ود حاج عثمان .. على الأقل بُحتي بما يعتمل في حناياك بلا مواربة أو تذويق .. ولم تكوني مثلي جبانة فيحترق الوجدان أسىً ولوعة وشجونا (وكمان أميري المفتري بزيد فيهو 2 برميل جازولين).. مالك معاي يا جيجي ياخ ،، أنا كنت ماشي كويس في البوست دا وشيّلتها علي ود حاج عثمان فوق ضهرو .. وخليتو ما يطيق سيرة حليمة بائعة اللبن ويشوفا عشرة عشرة .. تجي تدخّليني في الموضوع وتكشفي حالي ويطلع علي ود حاج عثمان براءة.. عموماً .. علي ود حاج عثمان عندو طقوس بمارسا لسه يوماتي.. بمشي يقعد في طاولة كانت عزيزة عليهو - وما تزال - بستعيد للحظات ذكريات اجترارا مرير ومُرهق.. بتمشى في شارع كانوا بمشوا فيهو خطوات الحلم الزاهر ... ولسه يا جيجي ... لسه ما بقدر يسمع أغنية محمد عبدة (الأماكن) بتخنقو العبرة ياخ.. وهو زول كلس .. ما صاح إنو يتجرس.. الله غالب يا أختاه.. |
اقتباس:
قف . ومن ثم يضع يده اليمني علي موضع الالم ويأخذ جكة حول دائرة حياته ولا يقف حتي يتبين له الخيط الابيض من الخيط الاسود من مشاعره . قف . و لابأس من أن يغير إسمه فهو إسم جاذب للشواكيش و ليلي تجيد الرماية . |
اقتباس:
المشاركة الأصلية كتبت بواسطة حسين عبدالجليل http://sudanyat.org/vb/images/buttons/viewpost.gif للوقاية من الشواكيش عليه بالابتعاد عن ثلاثة: أشعار نزار و الافلام الهندية و أكل الطحنية . قف . ومن ثم يضع يده اليمني علي موضع الالم ويأخذ جكة حول دائرة حياته ولا يقف حتي يتبين له الخيط الابيض من الخيط الاسود من مشاعره . قف . و لابأس من أن يغير إسمه فهو إسم جاذب للشواكيش و ليلي تجيد الرماية . علي ود حاج عثمان ، اسم جاذب للشواكيش؟؟ (وضحك حتى بانت صفرة سنيناتو):D:D |
اقتباس:
قيس بوك .. تحية ود وإعجاب .. وهذا خير من أن يبدأ العزاء بإنتهاء مراسم الحفل .. مية شاكوش ولا ( خازوق ) واحد ... :D:D حاول أن تتشوكش ( مثنى وثلاث ورباع ... ) واكتب على العمود الناصية ذى الضوء الخافت .. وللحرية الحمراء باب بكل يد مشوكشة يدق .... عنده سوف تصالح حليمة بائعة اللبن وتغنى معها ( اللبن أبو لى بى .... أو كما قالت ميسون رضى الله عنها ... والذكرى بتصبح شتوية ..... |
اقتباس:
المشاركة الأصلية كتبت بواسطة النور يوسف محمد http://sudanyat.org/vb/images/buttons/viewpost.gif بسم الله الرحمن الرحيم قيس بوك .. تحية ود وإعجاب .. وهذا خير من أن يبدأ العزاء بإنتهاء مراسم الحفل .. مية شاكوش ولا ( خازوق ) واحد ... :D:D حاول أن تتشوكش ( مثنى وثلاث ورباع ... ) واكتب على العمود الناصية ذى الضوء الخافت .. وللحرية الحمراء باب بكل يد مشوكشة يدق .... عنده سوف تصالح حليمة بائعة اللبن وتغنى معها ( اللبن أبو لى بى .... أو كما قالت ميسون رضى الله عنها ... والذكرى بتصبح شتوية ..... إتا يا النور مافي بند في لائحة المنبر دا يمنع التلاعب عند الاقتباس من الآخرين؟:D * بعدين جيجي الله يسامحا.. بعد ما كُتا متضاري في علي ود حاج عثمان المسكين جات كشفت الغتا:D بقى علي ود حاج عثمان بايظ.. شكلي كدا ح أدكها:D:D |
| الساعة الآن 07:53 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.