مذكرات زوج...
ياولية وين الشاي..؟؟؟
هو انت صحيت.!!!! ياخ انا مارق خلاص تقولي لي انت صحيت :mad: خلاص خليهو نومي نوم العاقية (وكظم غيظه) قوت ليك الليلة ماشة السابعة بتاعت البكا بمرق بدري فلما تجيء الاكل في التلاجة سخنو اعمل الغدا اكل انت والعيال... هي نسيت ماسورة الحمام من امبارح محلوجة جيب معاك واحد يشوفا تاني شنو...؟؟؟؟( وهي تبحث عن مهمة اخرى للزوج ) رد بغيظ عليك الله بدل سوي وسوي كان قمتي سويتي الشاي ما كان احسن..!!!! اسوي هي... ما نسيت الغاز قاطع من امبارح..!!! شيل معاك الانبوبة املاها يا الله بالله كان قعدت بلا عرس ما كان احسن من جنس الحالة دي...قال عرس قال (وكظم غيظا وغيظا) وسار لا يلوي على شيء سوى ان يفش غله على اول من يصادفه يتبع... |
يا بوي عاوز رسوم الامتحانات الليلة آخر يوم الما بجيبن ما بخلوهو يمتحن,,:(
رسوم تطلع زيتك ياخ انا ناقصك ولا ناقص رسومك ماتمتحن شنو يعني انت مغفل كرهتونا المدارس وكرهتونا الولادة ياخ القاها من وين ولا وين.. الغاز ولا المدارس ولا الخبيثة ..ولا... يطرق الباب .. منوو المن الصبح مصابحنا دا كمان..؟؟ منووو...؟؟ النفايات ....:eek: يتبع.. |
ذهب للمحطة قاطعا المسافة مشياً و...هو يفكر
ادفع الغاز ولا الرسوم ولا النفايات ولا الايجار كيف يعني والله لو الراتب بقى مرارة ما يكفي.. رن الهاتف... زوجته عبس وكظم و...اتى صوتها ... قت ليك ماتنسى ال...(انسى!!:() انفجر ياخ انت ما بتشبعي من جيب وجيب ياخ حرام عليك مشتهي تقولي لي كلمة كدا واحدة حلوة بدل جيب وجيب مشتهي تحسي بي معاناتي شوية مشتهي يوم يكون ما فيهو سوي وسوي مشتهي....و كل المارة كانوا ينظرون اليه بكل استغراب وفضول انهى مكالمته غضبا تهتز له سماعة الهاتف و... في شنو..يازول بتعاين خليك في حالك..:mad: هي كمان الحافلات دي طارت وين تطير ماترك..ولا انا فت المحطة..!!! اييييه ...يتبع |
دفره من أبي أماني ....
ووصل المكتب .. بعد عناء شديد .. متأخر يجي نص ساعة من الدوام .. وكلمتين حلوين من المدير .. وقع على الدفتر بآخر نفس .. وتواصل المسلسل .. وحل المدير محل المدام .. وهاااااك يا قرف لحدي نهاية اليوم .. شال الجرائد والنضارة ونسى الموبايل الفاضي .. في المكتب .. ومرق ينقنق .. نمشى للهم والنكد اليومي نزل في المحطة وحنك.. بتاع الغاز على أساس يديهو القروش بعدين .. وبي جاي بي جاي جازف ليهو عيش من الفرن بتلاتة ألف .. وشوية سلطة خدرا .. ومن بتاع الطبلية .. استلف ليو علبة برنجي.. ثم رماها ليو ..وقال ليو جيب إتنين لورد .. أبو جنيهين الواحدة .. ومن باب الشارع .. لاقته بتو الصغيرة بابا جاء .. سوفت يا بابا ..الليلة الكهلباء كاطعة من الصباح بعد مشيت .. وجات المراءة من المتبخ لقت الراجل في جيهة والأنبوب حق الغاز في جيهة والشافعة تبكي ,, وهاااك يا ثكلي ... وووووب على ... الراجل مااااااااااات ... شويتين كده رفع راسه من الواطا وقال ليها يموت حيلك إنشاء الله حالا دايرة تجيبي خبري .. ما تخليني معاك تتسلي بي شوية .. ويلا .. يا مرافي .. واصلي بعد الدفرة الكاربة دي .. تشششااااوووو :cool:
|
الزوج يطلع الشغل الزوجه نايمه .. ويرجع ....يلاقي الزوجه نايمة
يجي من الشغل يلاقيها عملت كل حاجة جهزت الغدا نضفت البيت واخدت ليها نومه الحكاية دي غايظاهو شديد هو طول اليوم تعبان في الشغل ومتمرمط وهي نايمه . المهم في يوم والموضوع شاغل بالوا فجأة ظهر ليهو جان... شبيك لبيك ... قال ليهو جيت في وقتك انا عاوزك تقلبني مرة وتقلب زوجتي راجل ... المهم تم الاتفاق انو بعد اربعة شهور الجان يجي ويتفقد الاحوال .. صاحبنا من الصباح سرعة سرعه يظبط البيت والغدا ويديها نومة الضهيرية يخت الغدا والشاي وهاك يا مسلسلات تركية لغاية انصاص الليالي. الشهر الاول عده والشهر التاني عده صاحبنا زهج من حكاية زوجه ونوم وطبيخ وغسيل وووو.. الشهر الرابع ظهر الجان ... اها يا زول الامور ماشه معاك مظبوطه ... مظبوطه وين .... اسرع بس رجعني راجل تاني حكاية مرة وزوجه دي ما نفعت معاي الجان ضحك ضحكة طويلة جدا في شنو ؟ يا اخوي ما ممكن ترجع راجل ؟ ليه في شنو؟ اصلك حامل ........ |
اقتباس:
فيروس غسيل عدة ولا وريق خُدرة ولا إنسان مسطول:D |
اقتباس:
كفيت ووفيت..... وقالوا سمح الغنا في خشم سيدو... شكراً على الدفره :D |
اقتباس:
يسعد مساك يا يحيى ياخ:p بس غايتو الجان دا لو منصف يخليهو يضوق وجع الولادة ويا الله لي يا الله لي...:D |
اقتباس:
غايتو باين المذكرات دي وقعت لناس كتاار في جرح...:D احسن حاجة الراجل يكون بحب غسيل العدة دا يبقى مريح بشكل...looool |
اقتباس:
الأصحاب في (بيت العذاب) بصحوني لحلة الجمعة عشان أعمل حاجتين أقطع البصل وأنضف التوم وتاني لو فكرت بس أقرب من حاجة ممكن عادي يجيني حجر أو شبشب طائر يعني بالله بعد هذه التجربة المرة في حياتي الجميلة السابقة أنفع بعد العمر دا اتحمل لي مُفراكة مثلن ولا مقشاشة فوق رأسي كافي خيري شري ومع فئة المستهلكين فقط...gap |
اقتباس:
خليك مع المستهلكين الحبة اابتجيك.. يعني بذلت الجهد لدى العُذاب وللمدام عامل فيها رايح..:D |
هو : صباح الخير يا حياتي
هي : صباح الخير يا روحي .. يلا على بال ما تستحم اكون حضرته ليك الفطور هو : لايا حبيبتي لوتعبانة خليك أنا بحضرو هي : لا لازم تفطر قبل ما تطلع ومن إيدي:D هو: تسلمي لي يا روحي في مائدة الفطور فطور + شاي + عصير ( وبعض السندوتشات ملفوفة بورق السلفان) هي : الليلة برنامجك شنو هو :الليلة حيكون يوم مضني من العمل هي : ربنا يعينك يا رب إنتهى الفطور وطلع الزوج هو : عايزة حاجة يا روحي هي : لا سلامتك يا عمري مع السلامة مع السلامة ياخ أدونا شوية أمل :D |
اقتباس:
ديل شكلهن لسه في شهر العسل...باااين ..:p احلمي يا بت امي هو الحلم بي قروش قال يا عمري (عملت حركة كدا بي خشمي غلبني اكتبا...) باين عليك متاثرة جداً بالتركي :cool: |
الزوج كروب فتح الباب
دخل اوضة النوم يلاقي ليك مرتو مفنقله في السرير ومعاها راجل جري على المطبخ وجاب سكين فجأة ظهروا ليهو تلاته رجال ابتسم انت في برنامج الكاميرا الخفيه الزوج : معقول الشهر ده تلاته مرات الكاميرا الخفيه في بيتي :cool::D:cool::D |
اقتباس:
|
| الساعة الآن 04:51 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.