بنيه سميحه قميحه
زول فيكم شافها بنيه ؟؟
بنيه سميحه قميحه الدهبى اللهبى دا لونها الجمرى التمرى نضيمها العسل النقط ريقها الشمس الضوت عينها والناس القامت حيلها تنتاوق تفلق طيرها تعبانه تدودر سيرها ...................... ياربى تكون بى خيرها ننلاقى تكمل سيرها هماها الهم فريقها الفاقه الدخلت بيتها العينه الصبت خيرها دى بنيه سميحه قميحه والدهبى اللهبى لونها |
هماها الهم فريقها
الفاقه الدخلت بيتها العينه الصبت خيرها ---- والله لو انك سقفت على كدا لكفى أم خيراً جوة وبرا ياسلام ياديكور على الأساس الفارهـ حروف توزن وتعبيء والله يسلم يمينك اقول قولي هذا واستغفر الله لي............. |
يازول الله ياخى مشتاقين على اليمين ياخى كيفنك والدنيا معاك
انا طيبين والناس طيبين |
جمال السهل الممتنع ..
و حلاوة . |
ممكن مقترح تعديل تحرير ..
زول فيكم شافها بِنيّة ؟؟ بِنيّة سِميحة قِميحة الدهبي اللّهبي دا لونها الجَّمْري التَّمْري نِضيمها العسل النـَـقَّط ريقها الشمس الضوّت عينها والناس القامت حيلها تَــتــاوِق تفلّق طيرها تعبانة تدودر سيرها ...................... ياربي تكون بى خيرها نتلاقى تكمِّل سيرها همّاها الهمَّ فريقها الفاقة الدخَلَت بيتها العِـينة الصبَّت خيرها دي بِنَيَّة سِميحة قِميحة والدهبي اللّهبى لونها __________________ أظن الوزن فى البيت كذا أفضل والدهبي اللّهبى دا لونها. |
اقتباس:
طبغا لك مطلق الحق والحريه اخى الفاضل فى الوزن والتعديل وانا فرحان تب الوزن كدى عديل وهاك منى ليك دى حصريا من الفرن ريح الصباح الفاح جابْ لِى طيبه خلى عِينى يتاور صَبِيبا نَّزَّ شوقا قديم فك ضيقا وجانى صاد بالنار الوقيده يانسيم الريد جيب لى ريده شيل معاك الشوق عقدو جيدا ورص هواى فى بكانو البِعيِده وسوقو سيل دمعى على الحريقه يطفى نار قلبى الحد وقيده |
| الساعة الآن 05:50 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.