خواطر فيس بوك
 

أسامة أخو ياسر وأخو صلاح ، طبعاً صلاح الكبير ، ديل ناس جميلين شديد ، من ناس مدنى ، ساكنين غبيرة ، غبيرة دى رغم أنها غَبَره ترهقها قَترة ، لكن حلوة بى ناس ياسر ديل ، ويكفى أنو فيها ناس خليل ، نسيب ناصر ، ويكفى أنو فيها صاحبى الجميل الفاتح التلب وفيها كسلا وفيها طارق ود ناس الخليفة طه فى القضارف ، وفيها تونى من كركوج وفيها رُشُو الدرويش ، وبصراحة بصراحة أحمد عبدالمنعم أحد أجمل من عرفت بغبيره ، مناسبة الكلام ده الفيس بوك قال لى مالك يازول؟ بتفكر فى شنو؟ فى الوقت الكنت بفكر فى جماليات ناس غبيرة ناس شبشة وأبراهيم أحمد وعصام والطيب عكاشة وود عمى الجميل أبراهيم حسن ، ناس عُمر وناس عباسية وقهوة مصطفى وعيال الموج لا يعلى عليهم وكمان جارى أحمد عبدالرحمن وزارنى فى غبيرة أبراهيم على صديق الفيس لما كنت قاعد مع ناس ود الشيخ وصاحبت فيها حمد النيل وطارق ويا سلام عليك يا دفع الله الإمام ويا سلام عليك يا عاطف حسبو ويا قاسم عبدالمعبود والزوق والظرافة يخلوها لى عبدالله ، أها يا الفيس ارتحت ده البفكر فيهو هسع ، ويا صحاب اعملو فكركم زى ما دايرين الفكر ما محظور على أحد ونهاركم سعيد