سودانيات .. تواصل ومحبة - آلفنى فى البرهة القليلة......!

سودانيات .. تواصل ومحبة (http://www.sudanyat.org/vb/index.php)

- منتـــــــــدى الحـــــوار (http://www.sudanyat.org/vb/forumdisplay.php?f=2)

- - آلفنى فى البرهة القليلة......! (http://www.sudanyat.org/vb/showthread.php?t=27770)

آلفنى فى البرهة القليلة......!

غناء اخر الليل...:rolleyes:

عبيد عبد الرحمن

[rams]http://up.nilelove.org/uploads/1370602030.mp3[/rams]

لينك للحفظ و الاستمااع

خطرت لى والخاطر يجيله
بين قلبي المُعنى
وبين رُوحى الوجيلة

يا أخوي البنتظر ليك الليل منو؟:D

ياسلام عليك ياخ اشتقنا للجلوس بين يديك منصتين لجمال الحرف واللحن والأمنيات.

تسلم يا مايسترو، وبعدين برضو بنجو ويمكن مع العفش :)

اقتباس:

آلفنى فى البرهه القليله

نظمت هذه القصيدة فى يوم شم النسيم ، وطبعا كان يوم عطلة خرجت من المنزل بدون أن يكون لى هدف ، فركبت الترام وعندما وصلت الى المكان الذى به حدائق المقرن الآن ، فى انتظار الترام الثاني اذا بأحد الأصدقاء حامد حسين بكير يركب عربة فنادى على وركبت معه وذهبنا الى حدائق الحيوان ، وفى أول مكان وقفنا فيه وجدنا فتاتين لم تكن لنا بهم سابق معرفة وكن يعلقن على كلامنا ، ومكان ما وقفن يقفن معنا ، وفى ذلك الوقت حسيت نحوهن بألأفه، فخرجنا أنا وصديقى وتركناهم وذهبنا الى اماكن كثيرة ، واخيرا ذهبنا الى شمبات فوجدنا مجموعة من معارف حامد فوجدنا معهم نفس البنات الاتى وجدناهم فى حديقة الحيوان فجلسنا بالقرب منهن فنادى على حامد بانهن من أهله فدخلت عليهن فقالت أحداهن التقينا ثاني فمكثنا معهم الى ان حان وقت الرحيل وطلبن من حامد ان يوصلهن الى مدينة أبو روف ، ولما كانت العربة صغيرة تخلفت انا وذهب حامد معهم الى المعدية فشعرت باكتئاب شديد لفراقهن ، فلم أنتظر عودة حامد ذهبت لوحدى الى أمدرمان فنظمت هذه القصيدة ولم التق بهن مرة ثانية.

آلفنى فى البرهة القليلة
وفارقنى ما بين يوم وليلة
صادفنى فى داخل خميلة
هتن الطل سقاها
بعيونو الهميلة
والأوراق تداعب اغصانها وتميلها
وثغر الفجر ضاحك
والزهرة الجميلة
تختال لى انا لازال أخيله
فى ظاهر عيونى
وفى داخل الخميلة
روضة رشح نداها
يفوح طيبه ونجيلة
بى باسمات زهورها
وبىباسقات نخيله
خطرت لى والخاطر يجيله
بين قلبي المعنى
وبين روحى الوجيلة
الصدفة العجيبة
والفرقة العجيلة
والقعدة اللذيذة
فى تلك النجيلة
***
صدفة وكان معناها ودليله
رأت العين حبيبه
وروت الروح غليله
***
مشهد كان يمثل
قيس يوم لاقى ليلى
بالحب المولد والعاطفة النبيلة
***
فارقنى وماباليد حيله
ساب الروح يتطلب رحيله
ياخدوده الندية
ويا عيونه الكحيلة
هل من شوفه لى
أم هى مستحيلة

المصدر: موسوعة التوثيق الشامل

اقتباس:

المشاركة الأصلية كتبت بواسطة طارق صديق كانديك (المشاركة 542746)

نحنا جينا و العفش فى الدرب...:)

شكرا ياا عمك على الحكاايه و قصه الاغنيه و غايتو عبيد عبد الرحمن
دا بيبالغ يمشى المستشفى يعمل قلبى تاه يوم الزياره و يمشى حديقه الحيوان يعمل
و القعدة اللذيذة فى تلك النجيلة ....شكلو كان بكّاى شديد..:rolleyes:

تسلم ياا صااحب...

اقتباس:

المشاركة الأصلية كتبت بواسطة wadosman (المشاركة 542788)

شكلو كان بكّاى شديد..:rolleyes:

عليك الله هو ومن في حكمه، لو ما بكوا .. بقدروا يعذبونا كده؟ :)

مساك جميل يا حبيبنا

اقتباس:

المشاركة الأصلية كتبت بواسطة طارق صديق كانديك (المشاركة 542793)

عليك الله هو ومن في حكمه، لو ما بكوا .. بقدروا يعذبونا كده؟ :)

مساك جميل يا حبيبنا

يسعد مسااك ياا صااحب...

انت عارف واحد من الاسباب الرئيسيه لصمود اغنيه الحقيبه كل هذا الزمن
لان كلماتها خرجت من انفعال صادق و بدون تكلف و تحكى عن مشاعر حقيقيه
غير مزيفه...

غايتو عمك عبد الرحمن الريح خالف عبيد عبد الرحمن و مشى حديقه الحيوان
و قعد يعاين من الصباح لغايه ما مغربت فى الطاؤوس و طلع لينا بــ ملك الطيور,,
يااخ شعراء ما بيتكرروا ابدا..

تسلم...