السودان.... في شنو ؟؟؟
حالة غريبة ... بالجد غريبه... من اين اتينا ؟ هل اصبح السودانيون (هولاء) الطيب صالح ؟ ام حكم الزمن علي السودانيون بان ينسلخو من جلدهم وتتغير طبايعهم ....
علي بعد عدة كيلومترات من شرق النيل والمناطق المنكوبة بالفيضانات حيث اهالينا يفترشون الطرق والارصفة ويلتحفون السماء , في خضم هذه المعانة نجد علي قول حميد (ناس حالا زين) ينتشرون في مطاعم الخرطوم ال 5 استارز ويتوزعون في الحدائق والمنتزهات بغير ادنا احساس ولا مسئولية اخلاقية اتجاه اخوتهم في الوطن . عند مرورك بهذه الاماكن تتوقف لديك بوصلت المكان فلا تدري باي ارض حللت من مظاهر الترف , هل هو سوداننا ؟ هل هي ارضنا ؟ هل هم ناسنا ؟ المطاعم ممتلئة لحد الوقوف , المنتزهات ممتلئة لحد الضياع , والمعاناة ممتده لحد النسيان . انعدم فينا الاحساس بالاخر, تبخرت منا الانسانية . لعند هذا الحد نحتاج لوقفة مع الذات , هل هولاء السودانييون المرجوء منهم التغيير أذا فالنبدا من عند انفسنا . كل التحيا والتقدير الي المنظمات والتجمعات الشبابيه التي لا تدخر مجهود ولا وقت ولا مال في سبيل اهلنا المنكوبين وشدو حيلكم طبعا ما جبنا سيرة الحكومة لانو قنعانين من خيرا فيها مع تقديري |
الاخ معتصم كل سنة وانت طيب التغيير بدأ منذ عقدين كنار الهشيم تأكل في كل ما هو سوداني جميل.. التغيير بدأ من فوق.. والعودة تكون بنفس الطريق مودتي |
الخال عزيزعيسي
كل عام وانت بخير ... وينعاد عليك بالعافية فعلا لمن قالوا اعادة صياغ الشعب السوداني ما كانو كضابين كنا الغافلين نحنا ... و من السودان سلام |
اقتباس:
عزيزي محمد معتصم كل سنة وانت طيب.. شاءت الاقدار أن يكون عيدكم هذه السنة مصحوبا بكارثة السيول.. نسأل الله لطفه يارب.. التمكين واعادة الصياغة هي جرائم ارتكبت بواسطة الاسلاميين مع سبق الاصرار والترصد.. قصدوابها تدمير الشعب والدولة فخطوة العودة للوطن من غربته الماثلة هي في كنس عفن الانقاذ وتطهير البلد من كل جيوب الاسلاميين والسلفيين.. مودتي |
الخال عزيز ...
عساك طيب خطوة كنس الاسلامين مفروغ منها وكان ما الليله باكر وهي في رايي الخطوة الساهلة الكلام في ارجاع السودانيين من حالت الا وعي العايشن فيها ... دي بالجد المعترك الحقيقي . ضياع الثورات والموارد جريمة تتقزم عند ضياع الهوية الجامعة, ونحن نعيش عصر من الاستعمار الفرنسي في صورته الحضارية. ودوركم انتو الصعب لانكم تمثلون الجيل الرابط بين قبل وبعد ( مخضرمين وكدا ) وذاكرة وجدان الوطن امانة عندكم (ابقو عشرة ) , وما تقصرو مع جيلنا دا ولك ودي |
| الساعة الآن 07:06 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.