إستشارة يا صحاب .. ساعدوا اخوكم الصغير
ياناس السلام جاكم
ثم للوالد -حفظه الله- مسجد وخلاوي تحت الانشاء في منطقة اسمها السليت شمال الخرطوم وهي قطعة ارض كبيرة أهداها له جمع كريم من اهل تلك المنطقة بعد تسببه في علاج بعض الناس هناك بتوفيق من رب العالمين والحمدلله. لكن كان خريف هذه السنة عنيفاً ولأن المباني لم تكتمل فقد تسببت السيول في جرفها. الآن اعزم انا على إعادة بناءه بـ طوب البلوك الاسمنتي وجدتُ سعر الألف قطعة من البلوك =3500ج بالجديد وحيث ان الايدي العاملة متوفرة لدينا بأعداد كبيرة من مريدين و حيران للوالد وهم بصدق يرغبوا في انجاز هذا المسجد وقد انجزوا قبله مسجدين تقرباً وطاعة... فقد فكرت في شراء ماكينة لصناعة البلوك داخل حوش المسجد تنتج مانحتاجه من الطوب وايضاً تساهم مع سكان المنطقة في اعادة بناء كثير من بيوتهم التي دمرتها السيول. لذلك ارجو من الاخوة العالمين بهذه الاشياء ان يفيدوني بأسعار وانواع ماكينات صناعة البلوك وأفضِل البسيطة منها حسب إمكانياتي المتواضعة ومن ثم افيدوني ان كانت هذه الفكرة غير مجدية. يديكم العافية اقول قولي هذا واستغفر الله لي................... |
وصلتني معلومة انو اسمها مكابس وليس ماكينات
وهو بالضبط الانا قاصدو البينتج اربعة بلوكات او في الحدود دي وقالوا انها بتصنع محلياً في السودان ومابتحتاج لجهد كبير في التشغيل بالاضافة الى تجهيزاتها من حوض للمياه لـ ري البلوك وقوالب خشب(ماعارف لشنو) وطبعاً أرض فضاء للتصنيع ودي موجودة اصلاً --- اذن انا في حاجة لإفادتي عن اسعار المكابس دي ويلقوها وين وهل في منها مستعمل؟ يالعارفين افيدونا ينوبكم ثواب اقول قولي هذا واستغفر الله لي................. |
- - - - - اقول قولي هذا واستغفر الله لي.................. |
سلام يا زول الله
ياخ حسب علمى السليت فيها جامع ومحتاج صيانة يمكن المساهمة فى ذلك .. والخلاوى دى ياخ تعذيب للأطفال ساكت ما تقترح على الوالد يعمل شفخانة ومشاريع زراعية أو صناعات خفيفة تفتح بيوت وهكذا |
زيادة فوق اقتراح رافت الجميل دا، اعملوا بدل الخلوة روضة اطفال يدرسوا فيها بالاضافة لسور القران الصغير، ة يدرسوا فيها الحروف العربية والانجليزية
|
سلام يا ولدنا عليك وعلى عمو رأفت وبكه
والله كلام عمو رافت فيهو منطقيه لو اتحول المشروع لمشروع انتاج يستفيدو منو اهل المنطقه بكون احسن يعني الحيران والمريدين يتعلمو الصنعه ويشتغلوا ويستفيدو ماديا والعائد ممكن يتوظف في اشياء تانيه مفيده |
اقتباس:
واغلب نشاطها في الاجازات بعدين اهل المنطقة نفسهم هم الطلبوا جامع او بمعنى ادق "مسيد" وجهزوا الارض وكان شغال تحفيظ وذكر رغم عدم اكتمال مبانيه لغاية موسم الامطار الحالي شكرا على التوصية اقول قولي هذا واستغفر الله لي.................... |
اقتباس:
الحكاية في الاخر عمل خير تعثر وارغب في اكماله مش تغيير خطه وحتى لو وافقتك هو ليس ملكي كي اقرر تغييره شكرا للاهتمام اقول قولي هذا واستغفر الله لي.................. |
اقتباس:
المشروع ملك لأهل الحي القرروا سلفاً انه يبقى مسجد وخلاوي "مسيد" وبقى واشتغل. الحيران والمريدين مهنيين واكاديميين يعني ماعطالة وتعاونوا على بناء اثنين قبله بمالهم وجهدهم ولم يبخلوا بشيء و ح يواصلوا تعاونهم حتى يكتمل البناء. وربك يهونا بس اقول قولي هذا واستغفر الله لي................... |
الفكرة غير ربحية ولا انتظر منها عائد مادي
الملخص اني تكفلت بالأمر وساعي لإنجازه بطريقتي وحسب الاستطاعة بعد اكتمال البناء ان شاءالله ح افرغ المعدات لإنتاج البلوك لمساعدة اهل المنطقة في بناء منازلهم الاتهدمت وكل المطلوب منهم توفير المواد الخام للانتاج ويشيلو بلوك جاهز لبيوتهم بدون تكاليف اضافية بي كدا اكون ساهمت معاهم في توفير تكاليفهم وساعدتهم بطريقتي الانا شايفا بس تخريمة: شكراً لأخ عزيز بالجوار فقد اتت افكاره مطابقة لفكرتي اقول قولي هذا واستغفر الله لي............... |
اخونا زول الله سلام ..
طبعا اؤيد بالعشره كلام رافت ميلاد ...خصوصا انه كلام ده كبار كبار جدا ..ووراءه كلام كتير جدا .. المهم ياريت تعلموا الاولاد يعملوا البلك خصوصا انه الحبه بتكلف 3500 جنيه وتشتهر المنطقه بصناعه البلوك ...وياريت لو شفتوا بديل للاسمنت ...زباله مازباله ورق جرايد معاه صمغ عربى ولا شويه مريسه من بتاعه (تام زين ) المهم حاجه تتكبس مع الخرصانه والرمله تتطلع بلوك انشاء الله يتلوى زى الكستر المهم بلوك .. نرجع لموضوعك ...وانت جاى من ساريه ماشى جبره فى صينيه تؤدى الى الكلاكله والى السوق الشعبى ...هذه الصينيه شمالها توجد ورش لعمل صناديق اللورى والبصات الاهليه ...تالت دكان من الركن رجل متخصص فى صناعه نوع المكابس التى تطلب ..ولدى صديق كان ينتج البلوك فى منزله ارسل لى رساله على الخاص ساعطيك رقم تلفونه .. |
اقتباس:
ومرجوعة فى مسماها .. ربنا يوفقك فى بر الوالد والبلد |
اقتباس:
المشاركة الأصلية كتبت بواسطة زول الله http://sudanyat.org/vb/images/buttons/viewpost.gif الفكرة غير ربحية ولا انتظر منها عائد مادي الملخص اني تكفلت بالأمر وساعي لإنجازه بطريقتي وحسب الاستطاعة بعد اكتمال البناء ان شاءالله ح افرغ المعدات لإنتاج البلوك لمساعدة اهل المنطقة في بناء منازلهم الاتهدمت وكل المطلوب منهم توفير المواد الخام للانتاج ويشيلو بلوك جاهز لبيوتهم بدون تكاليف اضافية بي كدا اكون ساهمت معاهم في توفير تكاليفهم وساعدتهم بطريقتي الانا شايفا بس تخريمة: شكراً لأخ عزيز بالجوار فقد اتت افكاره مطابقة لفكرتي ------------------------------------------------------------- هيييييع...... تلحقنا وتسندنا يا شيخ الدرديرى.... والله طلعتوا فى الكفر يا ود اختى... جمال الوالى بتاع مين وكاردنال بتاع مين ....بلوكاتكم ان شاء الله خالك يكون ليهو فيها نصيب... الحقونا بيها فى الجزيرة اسلانج بطريق الوادى السيل شال نصف الحوش |
اقتباس:
طمنا يابابا البوسته وصلت ولا نمشى نطير شكله تحياتى |
اقتباس:
كفر مين والناس نايمين ياخال:D ود اختك يادوب بحاول يمد لسانو للظروف المعفنة دي بلوكاتنا ونحن زاتنا حلالك بلالك هو نحن لاقينك وين ياخال اقول قولي هذا واستغفر الله لي...................... |
| الساعة الآن 09:03 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.