طلب مساعدة
سلامات يا اشرف
النت بتاعي بي وصلة، يعني ما ويرلس، اها بتاع الآيتي عندنا في الشركة قال ممكن تعمل اللابتوب نفسو كجهاز ويرلس ووصف لي خطوات كده اعملها، اها عملت خطواتو دي والمسألة مانجحت لمن كلمتو كده قال انو اللابتوب بتاعي المفروض يكون ويندوس 7 ، وبصراحة كده يعني وبلا خجل انا ماعارف يعني شنو ويندوز 7 !! فياخي كيف اعمل اللابتوب بتاعي جهاز ويرلس بحيث اشغل اجهزة تانية قريبة؟؟ او بالعدم كيف انزل ويندوز 7 في اللابتوب؟؟ تسلم ياجميل |
اقتباس:
دي أوّل مرّة تحنِّني طبعاً، خصوصاً الختام (تسلم يا جميل):D:D |
اقتباس:
انا اشرف السر ده والله معذبو عذاب، وسالتو الف مرة قبل كده المشكلة انو مهما شرح ماقاعد افهم ليهو :D |
سلام يا خالد
حسب ما فهمت من مداخلتك الأولى انك عاوز تربط جهازين او اكتر في شبكة واحدة عشان تعمل (شير) للانترنت فيما بيناتهم... أولا: ما شرط الويندوز يكون وندوز7 ولا حاجة.. الشرط الأساسي عشان تعمل شبكة ويرلس (بدون اسلاك) انو في كافة الأجهزة لازم يكون في كرت شبكة ويرلس عشان الشبكة تشتغل... فمهمتك الأولى انك تعرف هل الجهازين فيهم كروت بتاعت ويرلس ولا مافيهك!!! لانو لو مافي كرت ويرلس الا تعمل شبكة بوصلات ساكية ولازم يكون عندك Hub عشان يربط بين الاجهزة... ---------------------- ونمشي معاك خطوة خطوة لتحقيق الموضوع دا.. 1- غالبا في سطح المكتب بتلقى ايقونة جهاز الكمبيوتر (My Computer) انقر عليها بزر الماوس الايمن، واختار خصائص Properites .. يلا مربع الحوار البظهر ليك.. بتلقى مكتوب نوعية اصدار الويندوز سواء كان اكس بي او ويندوز 7 اوغيرو.. (وغير الطريقة دي.. عند تشغيل الجهاز.. بيظهر ليك لوقو ويندوز ومكتوب عليه اذا كان ويندوز سفن او اكبي او اي اصدار اخر) 2- عايزك تعاين لي في سطح المكتب تحت (في شريط المهام) بتلقى ايقونات الصوت واللغة والانتي فايروس اذا عندك .. وبتلقى ايقونة لشبكة الاتصال المركبة في الجهاز) فتش شوف اذا في اي حاجة في ايقونة الشبكة بتشير لوجود ويرلس ام لا... وطريقة اخرى لتعرف اذا كان في ويرلس او لا (في لوحة مفاتيح اللابتوب) بتلقى مفتاح عليه شعار الويرلس لتشغيله واغلاقه) وطريقة تالتة.. امشي لوحة التحكم.. ومنها الى Device manager عاين في الحاجات الكتيرة المكتوبة في القائمة بتاعت مدير الأجهزة اذا مكتب موجود كرت ويرلس ام لا... اما طريقة ربط الجهازين فسهلة... لكنها تختلف... حسب نوع النظام الموجود في الجهازين.. (طبعا ويندوز 7 وويندوز 8 اسهل في الربط) بس كافة اصدارات الويندوز ممكن تتعمل... فدورك بقى تعرف لي كل جهاز فيهو ياتو اصدار من الويندوز لان الشرح بختلف حسب نوع الويندوز... بانتظارك........... |
سلامات يا ابو الشوش
انا اصلا عندي نت في اللابتوب وعايز اشيل من النت ده لجهاز تلفون سامسونج جلاكسي اس 4، اها الفكرة انو اخلي اللابتوب يرسل ويرلس بحيث اقدر اخش النت عن طريق الواي فاي من التلفون، بتاع الاي تي عندنا في الشركة قال ممكن ووصف لي خطوات معينة كده لكن كانت بتفشل في اخر خطوة، اها انت اسي بعد كلامك ده انا فتشت في الكيبورد ولقيت المفتاح بتاع الواي فاي وقمت شغلتو وبعد داك عملت خطوات بتاع الاي تي ونجحت الحركة وعملت شبكة ويرلسس عندها اسم وباسويرد وفعلا كانت موجودة مع الشبكات في اللابتوب ومكتوب فيها في انتظار مشتركين لكن لمن فتحت التلفون مالقيت الشبكة دي من ضمن الشبكات ماعارف لييه، اها اسي بس عايز اعرف كيف القاها عشان ادخل ليها الباسويرد وبي كده يحصل الكونيكشن ياخي فكرة المفتاح بتاع الواي فاي الفي الكيبورد دي ماكان ممكن تجيني لو قعدت الف سنة :D |
خالد ازيك
فى طريقه تانيه ساااهله امش لي اقرب مركز اتصالاات جمبك وقول ليهم انا داير اعمل ويرلس اها بجيبو ليك الحهاز بتاعهم ويتم توصيله ويدفعوك تمنو بى الاقساط فى الفاتور الشهريه اها كده اللاب توب والجالاكسى 4 يشتغلو واى فاى وممكن جارك الفلبينى كمان |
يا خالد ما دام هو موبايل.. فاختلاف الويندوز مع نظام الموبايل بحتاج لبرنامج لاكمال الربط والتعريف.. برنامج (كونكتفاي)
والكثير منا عانا من مشكلة توصيل جهاز اندرويد بالوايرلس الخاص بالابتوب او الكمبيوتر العادي و السبب ان اعدادات ااجهزة الاندرويد لا تتوافق مع الشبكة التي يوفرها نظام التشغيل ويندوز يمكنك من توصيل النت بجهاز اندرويد عبر وايرلس اللابتوب او وايفاي الكمبيوتر كما يمكنك مشاركة الواي فاي مع اجهزة الكمبيوتر الاخرى في المنزل .. شرح برنامج connectify http://alkoonsoft.com/wp-content/upl...Untitled-1.jpg اضغط على الزر التالي http://alkoonsoft.com/wp-content/upl...nnectify-2.jpg اضغط على start service http://alkoonsoft.com/wp-content/upl...nnectify-3.jpg اضغط على الزر الموضح في الشكل و اختار شبكة اللان الموجود بها الانترنيت تم اكتب الباسوورد لدخول الشبكة تتكون من احرف انجليزية و ارقام على ان تتعد 8 احرف http://alkoonsoft.com/wp-content/upl...nnectify-4.jpg اضغط على Start Hotsport حتى تنشيء الشبكة الخاصة بك مزايا البرنامج تفعيل الانترنيت و الواي فاي على جهاز اندرويد بدون الدخول في تعقيدات اعداد الشبكة تشغيل تلقائي مع بداء الجهاز تحويل جهازك الى موزع للاتصال بالإنترنيت بدون الحاجة لتركيب محولات اخرى يلا نجي لتحميل برنامج (كونكتفاي) من هنا http://downloads2.connectify.me/?src= بعد تتبيث البرنامج و تشغيله تظهر لك رسالة من الجدار الناري لتعطي البرنامج تصاريح الوصول للانترنيت |
| الساعة الآن 02:10 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.