كروم
 

جاتني رسالة في الخاص من ود عثمان قال لي فيها: "بكور، يا أخي، أنا مشغول شوية الأيام دي، وما بقدر أتواجد بالمنتدى؛ دحين تولى مؤقتاً الوعي الفني، فأنا (أي ود عثمان) أخاف عليكم إن فارقتم الموسيقى والفن؛ أن تسودّ قلوبكم وتزداد غلظة"
قلت له: ليس لي بالفن معرفة وذوق
قال لي:"ما لها إلا أنت يا بكور"

أها وأنا بتصفح في سودانيز لقيت لي زول جميل اسمو عبد المنعم سيد أحمد كاتب ليهو بوست عن بت تشبه الشربوت رابع يوم في عيد الضحية، وبعد سمعت الأغنية الأولى لها؛ حسيت انو أنا داير أبلعتها جب
بسم الله نبدأ الإستنارة الفنية:
الجميلة مكارم بشير الشهيرة عندي بكرومة أو كروم أو ك رومية
الأغنية الأولي لفيصل سعد:

الغريبة قبل كدا سمعتها كانت عادية، لكن المرّة دي؛ كسرتني تح تح تح

بعد نجاح تجربتي الفنية مع زمراوي بدبي؛ في إحتمال كبير أبدأ تعاون فني مع مكارم بشير وفاطمة عمر.

لعلها عربون/ثمرة الصداقة...!:075:

انا كان قالو لي ابلع، ببلع اللابسة التوب ديك :biggrin:

عليك الله، يا فيصل، ركز في المقطع دا: "قلبك رغم الطيبة الفوقو أنا بستغرب كيف يتبدل"

أو الحب بدون عربون

مشكلتك يا غالي، داير تبلع بخشمك ونحن بنبلع بأحاسيسنا الدفاقة
عشان تعرف ليش الجكس مكسر فوقي يا ما رقيق

الفنان زمراوي في ضيافة المستنير أبو بكر عباس

يا مستنير،،
إنت ود عثمان دا رسّل ليك رسالة ولّ زارك في المنام؟

ايوة خليك كدا بلا رسالة
تالتة بلا جن احمر :biggrin:

عارف قلبك وافي و مخلص
و انك تقسى دي حاجة بعيدة
ه
يا سلام عليك يا بابكر ياخي، هذه إحدى درر الشاعر الرقيق "محمد علي أبو قطاطي " شاعر المرسال و شن بتقولوا و الاماني العذبة و درب المحبة،، خلد زكي عبد الكريم هذه الاغنية في خارطة الغناء العاطفي.. الفنانة مكارم أدت الأغنية بتطريب جميل و حضور مميز و أضافت لها رونقا و القا ببسماتها الساحرة، و زي ما شايف كل الحضور معها في الاستوديو "نجوم كوميديا " مكسرين و دايرين يبلعوا زي خالد كدا :biggrin::biggrin: شكرا للاهداء و نهديك برضو فنانة لها صوت رخيم و حضور جميل.. سنساهم معك في هذا البوست الذى نزل عليك وحيا و الهاما من صديقنا العزيز ود عثمان و هو قطع شك سيأتي و يعود للديار و سنكسب تحدي معتصم الطاهر و نفوز عليه و نتفوق في المحبة..

هدية للشفيف بابكر عباس و هو يحاول ترجمة و تحقيق
شعار العودة للبيت الكبير واقعا يمشي علي الارض :

هــاجر كبــاشي
"قول كلام تاني"


http://youtu.be/WHQ43D70Cng

لاحظ يا بكور عمك ابجلابية في فيديو الفنانة مكارم،
قاعد مستمع شديد في هذه الاغنية برضو، يا زول الفن
و الطرب بسحر الالباب و بخلي الزول في قمة النشوة زيو
زي الراح تماما و الدليل :

"نشوانة من خمر الفنون السامية ما خمر السكر"


http://youtu.be/bgIR8o4nYco

و الله يا نديدي يا شفيف نجاح تجربتك الفنية
الدقست تطلع تصديق حفلتها ديك، اخير منو
ترجمة عادل عسوم لكلمة اندرستميشن و كدا :biggrin:

و لو بتقصد نجاح تجربتك الفنية معاو في مجال آخر
مستتر غامتنو و نايمين بيو براكم انت و زمراوي عليك
الرسول تعفى لينا و ما تزعل و تسحب اللقب :biggrin:

الشفيف قال أبلعتها يا خالد أبلعتها ما أبلعها
فخليك دقيق و كدا :biggrin::biggrin: و ما تنسي تدوا
الرشيد معاكم بلعة بلعتين عشان يبطل رقرقة
العيون و التلفت و الاندهاش :biggrin::biggrin: