استراتيجية ... السحليه ...
يقال ان الشاعر ابي تمام عندما اراد مدح الخليفة قال : اقدام عمرو في سماحة حاتم في حلم احنف في ذكاء اياس فقال حاسدوه وهو امام الخليفة ... ما هذا ما زدت علي ان شبهت الامير بمن هم دونه ... فارتجل ... لا تنكرو ضربي له من دونه مثلا شرودا في الندي والبأس ... فالله قد ضرب الاقل لنوره مثلا من المشكاة والنبراس... سرعة البديهة والتصرف مهمين جداً عشان الزول يطلع من المطبات البتودي التوج ... وبرضو استراتيجية السحلية اهم من سرعة البديهة عشان كده مرات كتيره بتمنى اني اكون سحليه بس سريعة البديهة ... يعني اتنين في واحد ودي مهمة ... ولا شنو توضيح مهضرب.. استراتيجية السحلية للناطقين بغير لغة السحالي هي ... ان السحلية عندما تدلف الي مكان من اول نظره بتحدد المكان البتطلع بيهو ... وبعد ما تامن باب الخروج بعد كده بتدخل .. شفتو كيف ... واحنا هسي حكينا قصة الجنيه دي لييييييي ... عشان نقول نحن في الجوار وكده :biggrin: |
البنية نولا
السلام مليون وحمد لله علي سلامة الرجعة لي سودانيات ... وان شا الله استراتيجية السحلية دي ما تمارسيها هنا في سودانيات منوووورة عبد الله جعفر |
مرحبا بك يا نولا و بهذا الإياب الجميل،،
و زي ما قال ليك الوالد يديكم العافية، أنسى موضوع باب الخروج و السحلية، فأنت في دارك و بين أهلك تب.. |
نولا شخصياً.. ياخ معقولة ... :wink::wink::wink: شوفي ليك درب من هسي زقاق : أشواق وفقد ليك ولكل الأسرة جميل هو الإياب مرفق: ............ بــــادي |
تحياتي لك نوﻻ:
طبعا انت ست البيت ونحن ضيوف عليك...مرحب بك.. في صياغ الهضربه: السحليه وهي تأمن باب الخروج.. ينبغي أن تبحث عن مخرج للطؤاري... رمي الخليفه المتوكل طيرا فلم يصبه فقال وزيره:أحسنت فرد الخليغه:أتهزا بي؟ فقال الوزير أحسنت الي الطير ياموﻻي. . ومن هنا بدأ التسليك . |
الاخت نولا
تراحيب المطر وعودا حميدا مستطاب |
الاسم نولا .....والتعاليق كلها ترحاب ...لكن الموضوع زاته ...ياهو كلام اسعد ..الخالق الناطق .. ده كان هو ماقالوا قبل ده فى المنتدى ..
فى النهايه ...مرحب بيك ...يابتى .. |
الغريبة انو واحد صاحبي حرامي برضو عندو نفس الاستراتيجية دي
ماعلينا هلا وغلا بالسحل اقصد نولا وحبابك الاااف وعودا حميدا اقول قولي هذا واستغفرالله لي................. |
نولا ياخ جاية بى قطر كريمة وبتتلفتى للمخارجة
على بالطلاق مافى طلعة تانى شوق شديد ياخ |
http://images.wildmadagascar.org/pic...ornis_0137.gif
السحلية الحرباء نوع من السحالي اخذ عن الحرباء قدرتها الفائقة على التلون حسب مقتضيات البئة اخضر اخضر اصفر اصفر اها يانولا انتي ياتو لون |
أها قفلنا الباب وراك
|
قال الشاااااااااعر
ولربما اتتكم سحلسة رقطاااااء من وادي ليس زي زرع و قاااااامت خبطت عليكم الباب كو كو كو ففتحو ليها الباب الاصلا كان متاكي علي نواصي القلب وتوووووووشك كده قامت انقشطت واتحكرت بينات ضلفات القلب وقالت شنو شنو شنو ؟ انا ماااااارقه فقسل لها هيييييت لك او ... كما قال الشاااااااااعر الناحل بن نقشطووووويه |
اقتباس:
المهم،،، سلامات يا نولا وحمد الله علي السلامة! |
اقتباس:
و نولا بتتكلم عن سحالي تانيات و كدا :biggrin::biggrin: |
إستراتيجية تأمين خط الرجعة أو باب الخروج أو إستراتيجية السحلية ما دايماً بتدي النتائج المرجوة
كيف؟؟؟ يعني لمن طارق بن زياد أحرق السفن وقال لجنودوا البحر خلفكم والعدو أمامكم ... دي أكيد نظرية عكس نظرية السحلية ولكنها جابت نتائج ممتازة. تحياتي يا نولا |
| الساعة الآن 12:56 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.