مغــــــادرة ســــــودانيات
دخلت ، عملت LOG IN مســـــتخدمآً إســــمي و كلمة الســــــر الخاصه بي
كتبت مداخلة في بوست و رديت علي رسالة خاصة و قرأت كم موضوع و أردت الخروج بحثت عن كلمة "خروج" كما في السابق، أو كلمة "تسجيل الخروج" كما بعد التعديلات ... ولكني لم أجد أي منهما قلبت كل الصفحات، فلم أجد مكان الخروج ....... ولم أعرف كيف أغادر المنتدي ومازلت عامل LOG IN إلي حين إشـــــعار آخر ......... فهل عندكم مشكلة زي دي ؟؟؟؟؟؟ |
بالحيل يا أخوى
هسة أن كايسة للطريقة التمرقنى ما لاقياها خلى بالك دى واحدة من حيل معتصم |
|
العزيزة أســـــماء والله صاحبتي كلامها صاح ... حسع إنتي ســـلمتي ولا قلت دســـتور .... داخلة توووش دا حســــع ما مهم . بس إن شــاء الله تكوني جايبة معاك مخدة و بطــانية الظاهر الحبســـــــة هنا حتطول لحدي ما يجي واحد من عســاكر الإدارة يفتح لينا |
إزيك يا الأيوبى وسلامات
يعنى كان فى داعى تشمتها على:D لكن عرفت ليك المخرج بعد وقت وجيز سودانيات براها بتطلعك وبالرغم من دخولك قبل نص ساعة مثلا لا يسمح لك بالمشاركة إلا بعد أن تعيد كرة الأسم والباسورد. |
تحياتي خالد الايوبي ..
طبعا نتيجة للاختلاف البسيط بين الشكل الجديد عن القديم للمنتدي تجد موقع الخروج قد تغير قليلا .. فقط ارجع خطوه للوراء .. الي ( منتديات سودانيات ) وانظر اسفل الصفحة سوف تجد ايكون الخروج من المنتدي ومكتوب بخط عريض .. امكن نحن عاوزين البدخل المنتدي تاني ما يطلع .. في حب يا اخوانا اكتر من كدا ؟ :D احترامي |
ايوبي
سلامات بصراحة غير عنوان البوست ده لانو قطع قلبي افتكرت ماشي من سودانيات قلت اكيد عملوها الخوالدة:D :D وانت المارقك شنو ؟ خليك قاعد مرابط على طول:) مودتي |
سلام ليكم كلتكم
ود الأيوبي أتو ناس التكنولوجيا الحكاية طفشت منكم أها نحن ناس قريعتي راحت نقول اللوووووووووووووووووول ولا الرووووووووووووووووووووووووووووووووووووووب عنوانك هو الكان أكتر أثارة وخلاني نعرق ونجف مالو ود الأيوبي الحصل ليهو شنو عاوز يغادر ؟؟؟ أم سهي زاتا شايفا نططت عويناتا وعرقانة وتتخازز من عنوانك الخلي قلوبنا كلها تتراقط وترجف بس شيلو صبر تلقو جبر وعمنا تنقو عندو المثير الخطير والحلول حلة بلة يديكم الصحة والعافية |
الاخ خالد الايوبي ,,
يا ريت لقيت بوستك دة قبل ما أحاول أمرق و قمت زي المجنونة أفتش على باب الشارع ,, و ما لقيتو و أصابتني حالة قريبة من الهلع :) و قمت عملت باك و باك تاني و لقيت باب الشارع أخيرا .... كانت تجربة مخيفة بيني و بينك :D |
عجبني ليك يا أيوبي..
تغادر تمشي وين؟ خليك هنا...و بلاش تفارق:p !!! |
:p
خالد ازيك و الله انا غايتو ذاتى ما بخرج ترانى فارشه بسطتى و قاعده لكن شايفه الاخوان ما قصرو |
اقتباس:
يا بسملة ما قلتو بقيتو نوبة اها هاك حنقوق عكود دا أو شملة سارة ... |
اقتباس:
سلام اسماء .. شلعوها الخوالدة ديل كلهم ما شايفهاهم بس فالحة فى اليتيم دا .. |
اقتباس:
والله نفس القصة دي واقع فيها هسع .. لكن دي ذكرتني بالبحث عن فضولي .. |
|
| الساعة الآن 08:32 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.