النبيذ الأحمر
"قليل من الخمر يشفي البدن"
(السيد المسيح) أي زول يخت العشاء يوم الخميس و ما يخت معاهو النبيذ الأحمر في السفرة، طوالي تعرفو زول نكت و غير راقي بغض النظر عن مقدار ثروته*. * مسألة انو زول فقير يتحسب راقي، دي شيلوها من ريسنكم المدردمين ديل. وقع في يدي عدد قديم من مجلة المجلة، طوالي مشيت ليك لصديقي الوجيه الكان مستمتع جدا بالدنيا: الطيب صالح موضوع آخر صفحة كان حضوره لمهرجان أصيلة و جمال أصيلة و الفندق و الحسان و عرج على لقاءه بالملك و أصحابه المترعين من الخليج... ما في زول في الدنيا حسدتو على كيفية إستمتاعو بالحياة غير الطيب صالح دا.. العاجبني في الزول دا انو أصلو ما عندو شغلة بالرجرجة، ممكن يكتبن في رواية، لكن، لا بتبنى قضاياهم، لا بصاحبن و لا شئ, زمان كتير جدا أشتري مجلة المجلة و أقرأ فيها الصفحة الأخير فقط، و يوم واحد الزول دا ما خذلني! أصلو ما قريت ليهو موضوع فيهو نكت.. المرة الوحيدة الكتب فيها موضوع مختلف يوم كتب: من أين أتى هؤلاء؟ اليوم داك إشتريت المجلة من داون تاون هانوفر - ألمانيا و قريت الصفحة الأخيرة داخل المترو، إستغربت و عضيت ضفر الإبهام بتاع يدي اليسار! لحدي ما فوّت المحطة بتاعتي! من الزمن داك مستغرب من السؤال دا! أمس كنت معزوم عشا مع صديق "راقي"، أول ما رصّوا العشاء، فكيت ضفر الإبهام و دقيت "جبهتي" ببطن يدي "اليمين" و قلت: ود الكلب* داك، أتاريهو كان بتحسر على عشا أصحابو بالخرطوم! * مرات لو قلت: و الله الزول دا ود كلب خلاص! و هزيت راسك و حركت أصبعك السبابة اليمين قدام و ورا، قطع شك مبسوط منو.. |
|
الخواجات مقابل السودانيين يعتبروا راقين جدا.
الناس ديل النبيذ دا عرفوا صناعتو من ميات السنين و عرفوا كيف يعتّقوهو نحن لو داير ليك قليل من الخمر و داير تعمل بوصية المسيح، إلا تترس بطنك بتيبار مريسة و تلقى بطنك إتنبلت و كل دقيقة جاري الحمام (دا لو في أصلا حمام بكان المريسة). صعب جدا تعيش راقي جنوب النيل الأزرق! |
أنت عارف كيف بعصرو النبيذ قدينا في اوروبا?
|
اقتباس:
|
:D
انت يابابكر المسيح (عليه السلام) دا مالقيت عندو الاّ موضوع النبيذ دا؟! ... تقول: اقتباس:
-تعرف ياعادل: أهلك الشايقية ديل بالجد أنا بعتبرم من ارقى الناس! سالتو السبب شنو البخليك تعتبرهم ارقى الناس؟! قال: -قريت انو قبل سنوات ماكتيرة كان أي بيت بيجهز زيرو قبل عيد الضحية ويملاهو من احسن انواع البلح ويدفنو استعدادا لعيد الضحية... بس الناس يضبحوا وتتفتح الأزيار والناس ياكلوا ويجغموا والطنابير تشتغل ياخي بالجد دا رقي شديد ياخ (العبارة الأخيرة هي ماختم به صاحبي ذاك ولست أنا) :D تسلم |
النبيذ:
- بوسع الشرايين* - مذيب للكوليسترول المترسب - منعش و مبهج - سريع الامتصاص و بدي طاقة سريعة * المرجع: http://eurheartj.oxfordjournals.org/content/21/1/74 |
اقتباس:
شوف يا عادل أنا بقت عندي سياسة جديدة داير أكون زول مبتهج و من الليلة دي بطلت الغلاط و السياسة و المواضيع الدينية لو خرمت لي لغلاط بجي أغالط "قمر دورين" |
بابكر..
وأنت في إنتباذك المخمور، سلام ترى هل كان يمكن أن نقول في إختمارك المنبوذ!؟ لا، لا يصح لنا ذلك..رغم علمنا أن لا فرق لديك! فأنت يا صديقنا لا يعنيك من الكلام سوى المعنى .. وأنت صيّاد المعاني الماهر. حدثني قبل يومين رجلاً سبعيني عن طقوس القعدات قديماً في مدني قالني كلاماً كثيراً، ومن ضمن ما قالني إنهم كانوا يستبدلون المسكوب من عرق النهار بـ"عرق" الليل الواحد منهم يستعرق ليلاً بمقدار عرقه النهاري ! قالني وبالحرف الما واحد: ما أن نفرغ من صب قزازات العرق في كروشنا، حتى نتفرغ لصب دفاتر الشعراء في رؤوسنا. أنظر يا بابكر كيف إنهم لا يتركون ساعتها شاعراً ولا شِعراً لينام؟ لكم أشفق على القصائد طالما هي في مدني! كان يتحدّث بمتعة وكأنه يحتسي كاس في الماضي دون أن يبرح مكان حاضره! حينها فقط عذرت الذي قال في غمرة إحتفائه بالنبيذ: شربنا شُرب قومٍ ظمئوا من عهد عاد! |
هسع يا مُبر ناس حوار الأديان ديل لو بدو بالنبيذ دا ما لو؟
يوحدوا الأديان السماوية دي، و البختلفوا عليهو زي النبيذ دا يصوتوا عليهو و النتيجة بتكون تو أقينست ون يا عملات وجدي (2/1) المريسة و العرقي خليهم يطلعوهم من التصويت كحل وسط للاسلاميين حرام حرام رضيانين |
اقتباس:
ناس محبة ساكت شراب نحبو و شراب نحبوا |
التأثير النبيذي الاوربي على شعر بشرى الفاضل:
حلوة عينيك زى صحابى عنيدة كيف ... تشبه شريحتين من شبابى حلوة عينيك زى صحابى وزى عِنب .. طوّل معتـّق فى الخوابى وسمحة زى ما تقول ضيوفاً .. دقـّوا بابى .. فرحى بيهم سال .. ملا .. حتى الكبابى |
شنو يعني معتّق؟
|
يا ناس الإدارة و المشرفين عليكم الله غيروا لي عنوان البوست إلى:
النبيذ الأحمر |
اقتباس:
|
| الساعة الآن 07:31 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.