الطيش
 

بوست هدية لأسرة فتحي مسعد حنفي بالقاهرة.
أول نسلم و نبارك رمضان للسيدة الفضلى حرم الرجل المتعب جدا فتحي مسعد حنفي،
و في هذا المنحنى (يا عملات منعم) داير أديك رخصة لإفطار شهر رمضان و في حالة إصرارك على الصيام، أرجو ان تتبرعي لي بالأجر، فأنتي ما محتاجة ليهو!
تاني هام نسلم على الأستاذة آلاء و بنتها الصغيرة و أقول ليهم برضو رمضان كريم.

عليك الله يا آلاء طالبين منك خدمة صغيرة:
السيد الوالد دا، فاضحنا فضيحة كبيرة في المنتدى دا. و ليهو أكتر من سنة غالبو يرتب كمبيوترو عشان يتعلم الإقتباس و طلع الطيش من غير منازع!
يا أخي أميري الفكا حردتو أمبارح دي إتعلم!
رأفت ميلاد نديدو إتعلم!
بابكر مخير برضو نقش القصة!
صاحبتي المطرطشة* ديك إتعلمت!

يرضيك يا آلاء يكون هو الوحيد في المنتدى الما بعرف يقتبس؟!

* كل الإحتمالات مفتوحة

يا سلام يا بابكر .. ومنى كل التباريك للسيدة الفضلى أم أحمد وعائلتها الجميلة .. تحيات لأمينة ومصطفى ومبروك الباكورة وتتربى فى عزهم .. وسلام مربع للصنديدة آلاء ومبروك عليها جنابو .. ربنا يبارك فى أيامم .. وسلام لأحمد وزوجتو الما أتشرفت بلقائهم ..

تعرف يا بابكر عمك فتحى فى البيت ماشى على العجين ما يلخبطوش .. فلاحتو هنا علينا بس .. والراجل ده داخل منزلو متمتع بديمقراطية فوق الوصف .. وتشعر بعلاقة (أخوية) بينو وبين بناتو بصورة حميمة .. وأم أحمد تتمتع بهدوء مريح ماسكة الدفة بسلاسة فائقة ..

ربنا يحفظم جميعاً ويبارك فيهم

سلام يا رأفت و رمضان كريم
عليك الله يا رأفت لو لاقيت أم أحمد بالتلفون إقترح ليها نديها الأمانة العامة بتاعة المنتدى!

التحية ليك و الأسرة

ليه..؟
إنت المنتدي دة مؤجرو مفروش..؟؟

بوست بطيييخ:p
رغم المحبة الفيه:cool:

أرجو عدم تحويل مسار البوست الخاص دا.
انت بطريقتك دي بتغتس حجر "خاص بالأعضاء"

رمضان كريم يا مرافي
قبل يومين في برنامج أغاني و أغاني
و قبل ما يُنتقد تبادل الصور في الخاص،
عبد الله البعيو و منار و المجموعة غنوا: صورتك الخائف عليها
و أنا راقد في الكنبة جاني ليك "فلاش أمامي*" انو الصور دي ح تعمل مشكلة

أرجو عدم تحويل المسار

هامش: فلاش أمامي هو معكوس
flash back

و الله ما قاصدك

برضو رمضان كريم
أميري برضو كرمنا ليهو لرمضان

والله انا برضو ماشكيت انك قاصدني
بس برضو بطيييخ:)

لو كدا عليك الله أعفي لي
أنا كنت قايل تقييمك فيهو رد فعل

بطيخ بطيخ
هو فتحي طعمو شنو؟

اقتباس:
المشاركة الأصلية كتبت بواسطة سارة http://sudanyat.org/vb/images/buttons/viewpost.gif
بابكر رمضان مبارك عليك وعلى فتحى المجننا وعلى اسرته الجميلة
الغالية ام احمد والعزيزة الاء وكل بقية الاسرة ومباركم ما جاكم يتربى فى عزكم

هسى عليك الله فتحى دا لو لقيت لى طريقة شاكلتوا ووقفوهو شهر تمام ما بريحكم منو






تدفعي كم وأنا أوقف ليك نفسي شهر. ونص زيادة جدعنة مني..

اقتباس:
المشاركة الأصلية كتبت بواسطة بابكر عباس http://sudanyat.org/vb/images/buttons/viewpost.gif
بوست هدية لأسرة فتحي مسعد حنفي بالقاهرة.
أول نسلم و نبارك رمضان للسيدة الفضلى حرم الرجل المتعب جدا فتحي مسعد حنفي،
و في هذا المنحنى (يا عملات منعم) داير أديك رخصة لإفطار شهر رمضان و في حالة إصرارك على الصيام، أرجو ان تتبرعي لي بالأجر، فأنتي ما محتاجة ليهو!
تاني هام نسلم على الأستاذة آلاء و بنتها الصغيرة و أقول ليهم برضو رمضان كريم.

عليك الله يا آلاء طالبين منك خدمة صغيرة:
السيد الوالد دا، فاضحنا فضيحة كبيرة في المنتدى دا. و ليهو أكتر من سنة غالبو يرتب كمبيوترو عشان يتعلم الإقتباس و طلع الطيش من غير منازع!
يا أخي أميري الفكا حردتو أمبارح دي إتعلم!
رأفت ميلاد نديدو إتعلم!
بابكر مخير برضو نقش القصة!
صاحبتي المطرطشة* ديك إتعلمت!

يرضيك يا آلاء يكون هو الوحيد في المنتدى الما بعرف يقتبس؟!

* كل الإحتمالات مفتوحة




يابابكر انت بالذات حأرد عليك بعد الفطور عشان كان رديت عليك هسة بعوقك;)
بس ممكن أشرح حكاية الاقتباس..ياجاهل أنا بستعمل جهاز بتي ولازم أفتح سودانيات بالاكسبلورر ودا بيسمح بالاقتباس في كل المنتديات فيما عدا سودانيات..

أخذلك يا بابكر .. أنا رجعّت الإقتباس للإختيار التقليدى بتوصيتكم .. لكن لقيت نفسى رايح أتخلف فى المواكبة .. وأنا بحب التقدم للأمام .. يستحيل أبقى سلفى متخلف وأتعلق فى زمن أنتهى ..

أنا (والكلام لى فتحى) بشتغل مع الإكسبلور .. بعمل أقتباس وتانى أدوس (معاينة الإقتباس) .. الصندوق الوهمى داك بختفى .. بعد أمسح ما كللمة إقتباس البتظهر فوق .. بظلل النص أدوس إقتباس فى الصندوق الماسى .. وأكتب ردى عادي