أبوا لى ...بى اللبن!
فى تمام السادسة من صباح الأيام ..
خمس طرقات "مشبعات" على باب منزلنا "الحديد"... يتبعها صوته الفخيم بعبارته الخالدة "حجسما ...اللبــــــــن!!".. معلناً والدتى "حجة أسماء" أنه هنا "على" ...العربى الشامخ ..."سيد اللبن" على "صهوة" حماره الفحل.... يا بت شيلى الحلة من فوق السبت أحملها يتبعنى أخى الصغير ...وأناولها لعلى ...بينما عيناى تلاحقان تحركات حماره المريبة نال أخى تذكار خاص من ذاك الحمار.....جرح مستدير غائر على خده الأيسر أهداه إياه "حمار على" ..إثر رفسة غاضبة لم يقصد أخى الإسأة للحمار!..فقط قام برفع زيله ليلقى نظرة "مقارنة" سريعة بين "ذكرى" كلاهما على ..مازال محتفظاً بطرقاته الخمس وصوته الفخيم ومازال يأتى فى السادسه ...ولكن على "صهوة" بوكس محمّل بصفائح اللبن فضرورة المرحلة تتطلب مواكبة سريعة البوكس......سريع جداً ...حتى فى رفعه لأسعار اللبن زيادة خرافية مثيرة للإغماء 1400 الى 2000 فى أسبوع سياسة "رفع الدعم" عن البنزين...تتبعها حتما "رفع الدعم" عن الجازولين....ثم بالتالى "رفع سعر" اللبن والسلع الأساسية ....والتى بالتأكيد تهدف "لرفع" المواطن شخصياً .... |
سلامات ميسون مطر ومفتقدنك؟
لو ال2000 دي بقت سعر الرطل؟ دا بيعني انو اللتر بأكثر من 3 دولارات (حسب سعر بنك السودان) وبخلي لبن "عمك علي" أغلى لبن في العالم! الحكومة دي لو ما إنهارت خلال شهر تبقى مصيبة! هامش: الحمار ما رفس أخوك عشان المقارنة، رفسو لانو أخوك داقس وما بعرف مكان المقارنة! ورفع الضنب فيهو تهديد! |
اقتباس:
هههههههههههههههه قلت لي خلال شهر واحد بس تنتهي هذه الحيكومه ؟؟!!! بابكر إنتَ بي صِحَك ؟؟ يا زول مسألة ذيادة الأٍعار دي بقت عندنا هنا زي الشئ العااااادي واليوم ما يكون فيه ذيادة في سعر أي شئ .. بنكون مندهشين والله إنَّا للهِ ياخ ;) |
بدايات:
اللبن الخبز اللحم والمحروقات.
بدايات النهايات. الجوع الكافر. وهذا المحرك الأخطر للمشاعر وبداية التفلت والإحتجاج . عند هذه النقطة ستسقط كل الولاءآت ولا عزاء لإحزاب مهترئة ولا خوف من حزب حاكم. إذن الربيع قد بدأ يرسل الزيفة وربما يبأ الرشاش. |
اقتباس:
كيف "اللبن السودانى" ما يكون أغلى لبن فى العالم!!..إذا كان رئيس حكومته "المبرجل" يهدى الشعب المصرى خمسة ألف رأس من البقر ...لتوطيد "بتاع" علاقات...!!! ويقال 20 ألف رأس من الخراف!!...فى حين أن بعض فئات المجتمع السودانى تقاطع اللحوم لأكثر من 3 شهور...عشان الأسعار! نبقى نباتيين يعنى ولا شنو؟؟ -- موضع المقارنة وين نان؟ looool ;););) |
اقتباس:
أنا بهدى أغنية "إنتى مدهشــــــــة" بتاع الفنان "مجلود" عبد العزيز ...لحكومة الامغاص الوطنى |
اقتباس:
الله يحضرنا تلك النهاية الحكومة تتفنن فى إستفزاز الشعب السودانى.....ولا حياة(كرامة) لمن "تستفز" |
أحسن زاتو عشان تعيشوا مع الرجل السوداني العازب معاناة حرمانه من اللبن ^_^
ويكون الحرمان واقع على الجميع الرجال والنساء المتزوجين منهم والعزاب ازيك يا بت يا فقرية وحاط الله موشتاقين |
اقتباس:
إنَّا للهِ ياخ من أوجاعك يا موجوووووووووع وعطشان للبن لوووووووووول |
اقتباس:
واللاي يا فردة الظاهر ربنا ح يكرمني كرم شديد في الجنة ^_^ |
اقتباس:
خلاص أبقي مارق في سبيل الله قمنا نبتقي شنو كده ما عارف اللواء و ........ جهاااد نصر شهادة وليك علي أعمل ليك داك يا عرس الشهيد المووووووو خمج لووووووووووووووول ههههههههههههههههه وجدي ياخي مشتاقين والله .. وبـــــــــــس |
اقتباس:
ياخ والله حننتني تدفع كم واكسر ليك تلج زي التلج:p |
ميسون
ازيك وكل سنة وانتي طيبة وطولتي الغيبة شديد:cool: |
ميمي
أخوك "الفضولي" دآ،، قولي ليهو: ما يمشي يقول يشوف الرئيس "بيرقص" ذيهو ولا لآ،، بعدين تبقى "رفسة" الحمار،، "أقول هولا وعِظماً" مما سينوبه من "الفسفائي دآ"............ |
اقتباس:
|
| الساعة الآن 01:54 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.