حنين - (نص بتاع بكا)
===
يا صباحات غايبة لكن فيني في جواي حضورك ذكرياتك فيني باقية ضاوي في أعماقي نورك سَوَّت الليلات غياهب وجعة الزول البدورك بيني ما بينك حنين الفراشات للورود إرتحال الفرحة غيبتك أرجعي لي شان تعود ارتعاش الريده غيرو أيه يكون معنى الوجود غَنِّي للزول المُعذَّب فَرِّحِي القلب الحزين يا مدارات التواصل وانفعالات الحنين مُنتظِر موكِب عبيرك شوفِي راجيك من متين إجترار الذكرى عاوَد بي حكاويهو القديمه يا النهارات البتنزف لسه من بعد الهزيمه زول مجرَّح بالظنون كوني لي شتلاتو غيمه *** ===== * ملحوظة : المشاعر داخل النص لا تعبّر - بالضرورة - عن رأي الكاتب:D:D |
اقتباس:
فالمشاعر ليست رأياً يُتنصّل منه.. بل قيمة تُحسُّ.. و.. حاسِّي بيك، يا ابن الملوّح..:D المهم: الله يصبِّرك ويصبرنا.. علي اجترارات الذكري البتعاود دي. |
"بيني ما بينك حنين
الفراشات للورود إرتحال الفرحة غيبتك أرجعي لي شان تعود ارتعاش الريده غيرو أيه يكون معنى الوجود" يا عمـــــــــــــــــــــــــــــــك بس معالجة للمقطع الفوق دا تبقى غنية زي الورد ونقول للفنان شاعرا واحد اسمو (زغبير) :D:D:D |
اقتباس:
اللهم لا شماتة |
اقتباس:
اسمح لي اسرقك عديل ولوماسمحت برضو ح اسرقك ولا على كيفك وبرضو اسمح لي اسب ليك عشان حتة كدا عجيبة ما إقتبستها وما ح أوريك ليها تخريمة: شكيتك على الله الخلقك وطلقك اقول قولي هذا واستغفر الله لي ............... |
اقتباس:
المشاركة الأصلية كتبت بواسطة الرشيد اسماعيل محمود http://sudanyat.org/vb/images/buttons/viewpost.gif بل يجب أن تعبّر بالضرورة.. فالمشاعر ليست رأياً يُتنصّل منه.. بل قيمة تُحسُّ.. و.. حاسِّي بيك، يا ابن الملوّح..:D المهم: الله يصبِّرك ويصبرنا.. علي اجترارات الذكري البتعاود دي. تحياتي رشيد ،، ياخ إتا الواحد لو داير يكب الزوغة ما بتديهو فرصة؟ :D |
اقتباس:
المشاركة الأصلية كتبت بواسطة بله محمد الفاضل http://sudanyat.org/vb/images/buttons/viewpost.gif "بيني ما بينك حنين الفراشات للورود إرتحال الفرحة غيبتك أرجعي لي شان تعود ارتعاش الريده غيرو أيه يكون معنى الوجود" يا عمـــــــــــــــــــــــــــــــك بس معالجة للمقطع الفوق دا تبقى غنية زي الورد ونقول للفنان شاعرا واحد اسمو (زغبير) :D:D:D ياتو نوع من المعالجة تقصد يا الحبيب؟ ملحوظة: لو قريت (غَيْبَتِك) كما هي في الفصحى حاتحس بالشطرة مكسورة ؛ أقراها زي ما بنقولا في العامية.. والله من وراء القصد :D |
اقتباس:
المشاركة الأصلية كتبت بواسطة سارة http://sudanyat.org/vb/images/buttons/viewpost.gif غايتو دا كلام زول ممكون وغلبو الصبر اللهم لا شماتة ماشي يا سارة ما تدقسي بس .. بختّها ليك :D |
اقتباس:
المشاركة الأصلية كتبت بواسطة زول الله http://sudanyat.org/vb/images/buttons/viewpost.gif والله والله لو لم تقل إلا أعلاه لكفى اسمح لي اسرقك عديل ولوماسمحت برضو ح اسرقك ولا على كيفك وبرضو اسمح لي اسب ليك عشان حتة كدا عجيبة ما إقتبستها وما ح أوريك ليها تخريمة: شكيتك على الله الخلقك وطلقك اقول قولي هذا واستغفر الله لي ............... بسمح ليك تسرقني يا زول الله بي شرط : توريني الحتة الريّحتك وما اقتبستها :D غير كدا لو سرقت ، ما اشوفك في سوق الله أكبر بجيب عسكري واجيك :D |
كلام ما فيهو أي شخشخة والله
يا قيس والله زول الله دة بكون لحنها وغناها و قبض عدادو زاتو فطالب بي حقك إني لك من الناصحين والله:rolleyes: |
اقتباس:
:rolleyes::rolleyes: مافي كلام والله ..انا لقيت ليك اللحن:p |
اقتباس:
|
صباحك خير يا قيس
عندي ملاحظة في مدخل القصيدة حين تقول: اقتباس:
عبارة ( فيني في ) مربكة بعض الشئ فلو أنها كانت على سبيل المثال : يا صباحات غايبة لكن أنتِ في جواي حضورك أو : يا صباحات غايبة لكن ضج في جواي حضورك وخيارات أخرى كتيرة. رغم اني ليس بناقد غير أنها اي العبارة ( فيني في ) كانت تنادي .. !! تحياتي |
* أميري :
يعني أنا أتألم (وأتجشأ) مشاعري شعر ويجي زول الله ياخد تمنو كاش؟ :D دا حتى يبآ حرام.. * آيات : ممكن تسمعّيني مقطع من اللحن .. كيف؟ ترسلي لي رقم فونك في الخاص أو أرسل ليك ماين ؛ ما فرقت :D:D * جيجي الجميلة : أنتِ أعلم منهم جميعاً بفعل الذكرى لمين تعاود .. الواحد خشمو يبقى ملِح ملِح |
او ممكن تكون
ديمة في جواي حضورك او ضاوي جواي بحضورك...على اساس انها صباحات |
| الساعة الآن 09:31 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.