إنتو المظاهرات دي بتطلع بالـ(كُرُب) وللا شنو ؟؟!!!
شابكننا مظاهرات مظاهرات
قدر مالفيت في العاصمة (المثلثة) وضواحيها مالاقتني أي مظاهره الناس ماشه وجايه تقضي في اشغالها وتنجز في مهامها اليوميه بشكل أكتر من طبيعي . والتحركات البدرت من (قله قليله) من الطلبه لم تبلغ بعد (نصاب) المظاهرة يبقى الوضع عادي واتمنى الناس تقدر إنو حزمة السياسات الإقتصاديه دي أمر لابد منه لتجنب حدوث موت سريري للوطن وليتعافي إقتصادنا ليصبح أفضل مما كان عليه . نحيي البشير على إتخاذ هذه القرارات الشجاعه ونحيي الدستوريين الذي تقبلوا إلغاء مناصبهم بصدر رحب وقد تقدم عدد كبير أيضاً بإستقالات جماعيه لتنفيذ سياسة تقليص المناصب الدستورية . مالايقتلك سيقويك بكل تأكيد وأثق (تمام الثقة) أن هذه الأزمة فيها الخير كل الخير للسودان لأننا سنخرج منها ونحن أقوى وأفضل من السابق بكثير وستكون بدايةً لإصلاح عريض يشمل كافة المحاور . |
اقتباس:
ولم تكن فقط من الطلبة بل شارك فيها مواطنين ماتنسى لدينا (اهل) داخل السودان وكانوا شهود عيان وبعضهم مشاركين فيها وبعد تحريك آلة القمع بتاعتكم إفتكرتم أنها إنتهت لكن بعيد عن شنباتكم فالشعب يغلي وغليانه لن تسكته حباتكم المسكنة فالألم أكبر من ذلك يا رجل حتى البشير لم يكن مقتنعاً بما يقوله وكان بادياً عليه الحيرة والقلق والكذب وشخصياً لا اتمنى ان اقف موقفه يوماً الموت السريري مرحلة تعداها شعبنا ولاحاجة له بمحاليل مؤقتة ومنتهية الصلاحية السؤال : إذا كانت المناصب الملغاة غير مؤثرة اساساً من إستفاد من تشكيلها بدايةً؟؟؟ واين ذهبت مخصصاتها وكيف السبيل الى إستعادتها؟؟ محمد فرح قول كلام تاني يمكن يزبط معاك وحاول غير النغمة بتاعة (الإصلاح العريض) دي أو نزلها بـ فيرشن جديد اقول قولي هذا واستغفر الله لي............. |
اقتباس:
الناس الطالعة في الشوارع في الصور والفيديوهات في البوست ده بنجزو في مهامهم برضو. http://sudanyat.org/vb/showthread.ph...190#post466190 قلت لي ما بلغت النصاب ؟ مستعجل على شنو ؟ هذا النظام زائل مهما ارتفعت ( قيمة النصاب) عند مناصريه. |
الشعب مالو
الشعب السوداني داير يعمل ذى مصر وتونس المهم يخلوا الكسل بيقدروا يقودوا مظاهرات ناجحة لان الشعب السوداني اكثر شعوب العالم وعي وثقافة بس ينقصهم توحيد الرأى عشان يكونوا يد واحدة
|
أركب عربيتك دي تعال سوق امدرمان وبداية شارع الأربعين مدورنها هسي ب(الكرب)...
بوق واحد |
بعدين انت غايب عننا هنا ليك زمن ان شاالله المانع خير؟
وللا حوبتك يادابا جات؟ ياخ جيت دي زاتا أكبر دليل انها مابالكرب.. بوق واحد |
اقتباس:
تتصور يا مهند الصباح شفت العنوان فكرت طوالى القصة ماشة فى خطورة من ما الزول ده رسلوهو .. وبعدين شوف أول حاجة جات الشخصية الأولى (سلافة التوم) وبعدين جه هو .. يا ربى هم الأتنين ما جو فى فعاليات سودانيات الأخيرة :p:p |
انا غايتو عندي امتحانات
طلعت اول امس ماشه الامتحان ، وما ناقشه اي حاجه ، لاقتني ليك المظاهره غايتو عربات ناس ال....... ، اقلها 8 عربات كبيره والبمبان مدوخ الخلق والبنات جاريات وناس ال....... ساكينهم :(:mad::mad::mad: اها اكون مشيت بالكرب؟؟؟؟ الكرب ده شنو؟؟؟goood |
سلام للجميع ٠٠٠
لا تستخف بالعقول ياصاحب البوست لو اردتا ان تنتصر ، ولا اظن ! |
وحياة نفيسة بت أب علي يا عم رأفت كلو بالكرب .....
وفي رواية بالضرا يا أب شرا ..... |
اتفرجوا على كذب محمد فرح فى الاونلاين:
قال: عندما (إلتحم) قائدنا الملهم البشير بالجماهير في جاكسون (صورة) ونزل الصورة دى: http://www.sudanyat.org/upload/uploads/ih8x8dvp.jpg |
لكنه طلع كضاب...الصورة دى ما عندها علاقة بميدان جاكسون....
http://www.sudanyat.org/upload/uploads/8529118.png |
محمد فرح قال: الصورة أعلاه إلتقطت أول أمس من ميدان جاكسون
اخ اسمو الفاتح التوم قاليهو: غايتو صورتك دي الا تبلعا ناشف ولك مطلق الحريه في اختيار طريقه ميسره ان لم تكن تعاني من الام البواسير http://www.sudaneseonline.com/cgi-bi...msg=1340099837 |
من يدعي لا توجد مظاهرات في السودان ولا أقول الخرطوم فقط
يستخف بعقله قبل عقول الآخرين .. وبطبع الحياة في السودان لا تستطيع أن تخفي حتى ما يدور داخل القصر الجمهوري. |
قد تنكر العين ضوء الشمس من رمد وينكر المريض طعم الماء من سقم
|
| الساعة الآن 10:50 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.