الكيزان والشيوعيين .. وكلام القصير
عندما بدأت جناية ثمرات (الربيع العربى) ظهرت أصوات ضعيفة .. منها صوتى الضعيف جداً .. تحذر من دسوسة الأسلاميين لسرقة عرق غضبة المقهورين من الأستبداد .. عندما أرتفع صوت (الله أكبر) مع خبوات صوت المتجبر .. وظهرت أسنان الأسلاميين المكشرة فى كميرات قناة الجزيرة ولعلعت تصريحاتهم القاطعة بنصرت (الله ورسوله) .. نفسى إعرف مالذى أضعف الله لكى يحتاج هذا الدعم القوى
وعموماً أستوى الأمر للأسلاميين (ديمقراطياً) :D:D فى مصر وليبيا وتونس .. (ديمقراطياً) أضحكتنى على تلك الشعوب التى مارستها بدون دراية جسراً من دكتاتورية الى دكتاتورية أسوأ منها .. وستتحول الديمقراطية الى (شورة) فى بلاط السلطان .. حزرت فى أكثر من موضع بأن السلطة الأسلاموية أسوأ أنوع الشمولية بعد الكرملن .. ولم أنال سوى (لن يرضى بك النصارى) .. هل ينقذنا الشيوعيون من ظلم الكيزان الى بئس المصير :cool: والله وتالله يا أهل البصرة والكلاكلة .. ما الصراع بين الأسلاميين والشيوعيين إلا ضياع لثورة مرتقبة وقودها النار والحجارة وهبودها الديمقراطية |
:confused:
carry on |
ياخ ازيك في اﻷول
بعدين عجبتني وصحكتني حكاية البصرة والكﻻكلة، الظاهر عليك قهران قهر شديد:p:):D طبعا حأكون معاك في البوست دا |
اقتباس:
اقتباس:
|
حبيبنا رافت سلامات ياخ وعلك طيب مع الحوليك،
تانياً; كلامك فيهو عنصرية سياسية! الاسلامين* اوالبدعو الاسلام ديل جو للحكم راكبين دبابة ولا راكبين فوق صناديق الانتخابات..مُش دى الديمقراطية والانتخابات الفالقننا بيها؟! ولا انتم عاوزين الانتخابات بس تكون فى صالحكم!..:confused: على فكرة ياحبيب عشان ماتفتكرنى معاهم! *الاسلامين الموجودين فى الساحة الان فى (دول الربيع العربى وغيرهم) والمالين الفضائيات والفيسبوك وتويتر،الدين برئ منهم.لانهم شوهو لاجل السُلطة. |
اقتباس:
على كوبا صحبى دكتور .. لقيتو حزنان شديد على وفاة أقرب خيلانو لى قلبو .. قال لى (والله العظيم زول فهمان وصاحب طرفة ذكية وواسع مدارك وصاحب حنكة) القصة عندو سكرى .. (ما عارف أقنعوه كيف) والكلام لى على كوبا .. ودوهوا لفكى فى نيالا ولّ الفاشر ماعارف .. أسمو أبو برميل .. عندو علاج لكل حاجة بس يدخل يدو فى البرميل .. الخال أخد نصيبو من هنا ودخل فى كومه تلاتة يوم .. وطوالى غى ذمة الله .. يعنى ريحو تمام وقصر المشوار موش برضو وجهة نظر يا مولانا |
اقتباس:
سلامات يا البديرى ياخ بصراحة كدة .. أنت هسة قاعد بتقنعنى ولّ بتقنع فى نفسك goood ياخ من قصرو كدة أصرف لى واحدة (لن ترضى بك النصارى) وأرتاح نفسياً .. أصلو المعادلة معقدة شديد .. الحلل عند أبو برميل كان غلبك تقنع نفسك :p |
تحياتي يا جميل ...
انا غايتو الفكره العامه وصلتني تمام ...بس حاسي انو وراء الموضوع في شويه تفاصيل عصيه علي الفهم العادي ...لو تسمح ممكن تشرح ببساطه اكتر عشان نقدر نتداخل معاك ...ولا شنو ..:) |
غايتو انا مادايره اقيف معاك شديد اشان مالي شديد في السياسه من زمن زمان وكت بقبضو ابونا في الفارغه والمليانه وكت تمرق من بيتك دا مقطور نامن تصل محل ماشي وانت محمي في ضهرك من يتبعك:D بس كمان الدين والسياسه ديل مختلفات شديييد خصوصا عند الانت قلتهم ديل اول ناس المعرفه حسب الحاجه وتاني الجهاد ضد الاخر المهم ياريت لو نحلم بوطن وحكومه مدنيه ياخ الدين لله والوطن للجميع كنا حنرتاح من يسار ويمين دي ثم قصة الربيع العربي دي شويه ماراكبه ربيع واسلاميين:confused:
غايتو الا كان ربيع اول ودا مختلف عنهم gooodgoood |
اقتباس:
والله يا محمد على الفكرة فعلاً عصية وعصية جداً .. وعلى الأطلاق وربما علىّ الطلاق ما على الفهم العادى .. عصية على الفهم البقى مغلوط وبقى غلوتية هسة عليك النبى يا محمد على معضلة البلد ناقصة دين ولً ناقصة ماركسية .. هسة الأنقاذ دى ما ماتت وبقت جيفة .. وكتلت نفسها بنفسها ولسة حاكمانا .. تخيل هى كان بقت جيفة يعنى نحن بقينا شنو الحاكمانا جيفة الحاصل ده ياهو قصة (وجعلوا من الملح قضية) ولن تستعدل الدنيا إلا حتى تثبت الدجاجة أنها من البيضة .. أو تقطع الطريق :p ياخى نحن شعب متفرد بجد .. تصدق الفيتنامين بقايا هوشى منّه الأستضافتم الثورة الحرية الحمراء شمس لا تغيب .. لااااا تغيب .. بقوا أعيان أوربا وفتحوا الدكاكين الصينية :eek: وكباريهات وصيرفيات حبيبك .. ونحن لسة فى الثورة الحرية الحمراء شمس لا تغيب .. لاااا تغيب ياخ العراق أتفرتقت مليون حتة وأبشوك مالى إيميلاتى بالشهيد الرفيق صدام .. والرفيق الأسد شغال فى أم حلة السوريين .. والبعث السودانى لا يزال يصرح ويشجب ويتوعد .. وده كلو كوم والبديرى كوم .. أسمع كلامك أصدقك أشوف عمايلك أتعجب .. ياخ طفشنا خلاااااس .. الله يجيب ياجوج وماجوج والأعور الدجال عشان ننتهى من القصة دى ونرتاح .. عندى فكرة أمشى وزارة الرياضة والأرشاد فى الأمن بتاع حلة كوكو عشان أسجل شركة ترنيم أو سكليب عند الكوز المتسامح :p دنيا عجيبة ياخ |
غايتو القصير البخت الكيزان والشيوعين
في مرتبة واحدة اتلوم شديد ازيك ياروفي |
اقتباس:
ياخ الوطن يبقى للجميع كيف لامن كل زول قايلو حقو براهو .. ياخ بلا ربيع عربى ولّ بطيخ .. خليهم يخارجوا روحم .. أهم جربوا الديمقراطية مرة واحدة فى حياتم :p:p |
اقتباس:
والله مداخلتك دى ما شفتها وجاى قاصد الجيلى الخاتى لى حركة بحواجبينو ;) المرتبة دى ياتا .. البختوا فيها المخدة :p يا آمال بالجد كدة وبدون ما تفكرى كتير .. هسة كان الشيوعيين مسكوا .. حيدوا فرصة لغير شيوعى .. ولّ بفكوها بأخوى وأخوك .. غايتو كان أنا غلطان تبقوا ما شيوعين ولا الله قال :p |
اقتباس:
أنا زي حﻻتك كان رضيت أو أبيت، عشان كدا قلع ما تشاء من دبابيري أعتقد إنو في أغنية اسمها الحب والظروف، لكني ما سمعت بأغنية الحب والحقيقة، ورغم ذلك فإنني أكتب حول الحب والحقيقة ممكن أدخل رغم أعراضي دي؟ |
اقتباس:
انت ياعم رأفت مالك خايف من الشيوعيين؟؟ هل حصل فيهم زول رفع عليك عصاية تخويف دينية أو اجتماعية؟ مايهم ياأب شلاليف ناس بحرتو فى القحط وأراضى بور.,لايرتجى منها كسبآ .. , وتجى انت بكل بساطة تشابهم بالجبهة الاسلامية!! انت بتهازر ياعم رافت.. هل فى شيوعى قتلك أو أغتصبك كمواطن سودانى؟ ياأخى أنا كلامى كتير ياعمنا, لو فهمتك غلط قول لى عشان اوقف أذر وايز انت محتاج لتفسير عقلانى يخت الشيوعى والجبهجى فى عنوان بوست واحد!!! |
| الساعة الآن 03:03 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.