رائعة الفنان طه سليمان (أنا جبت عيش) مع الترجمة
يقوم الفنان طه سليمان بتقديم الحب باسلوب جديد ومختلف، حيث يعمل فتة لي حبيبته ... ولكن كانت النهاية غير سعيدة ... لذلك لا ننصح المشاهدين بتجربة هذا العمل في منازلهم ...
[youtube]https://www.youtube.com/watch?v=YFyhsoTRQb8&feature=youtu.be[/youtube] |
:D:D:D
دا كلو من عدم العرس، ثقافتك بقت عنصرية.. كلها فتة وموية فول وجبنة.. عيب ياوجدى.. عيب أحترم أصحابك المتزوجين أحترم شعورهم ياخ وأمشى عرس |
|
اقتباس:
على العموم قد الحقناك بدعوتنا التي دعوناها على كل من يشعل نار العنصرية ويسخر من أخوانه العزابة مرة بقول لي واحد صاحبي -عزابي سيم سيم- انو لو يعلم المتزوجون ما نحن فيه من نعمة لجالدونا عليها بالسيوف... بس مشكلة العزابي تكمن في أنو مرتاح أكتر من اللازم، ودي اللي ينبطق عليها القول (النعمة التي اصبحت نقمة)... ثم انو اعتقد ان الزواج هو عقاب دنيوي يصيب به الله من عباده لكي يخفف به عنهم عذاب يوم القيامة، بينما نجد الرب يحفظ عباده الصالحين من شر هذا العقاب، لأنهم ناس كويسيين وطيبين أوي أوي أوي وما بيستاهلوا يتورطوا مع كائنات فضائية غريبة تنفسن عليك عيشتك وحياتك وتجهجهك.... وخير مثال على ذلك حبيبة طه سليمان في الكليب أعلاه، الراجل تعب ومشى الفرن واتمرمط في الصفوف عشان يجيب ليها العيش وقطع العيش وقطع السلطة ويشيل ويشرح ليها عن مدلولات الحب في صناعة الفتة، يقوم هذا الكائن الفضائي الغريب وبي نفسنة منقطعة النظير تكشح ليهو الفتة؟ "فتة حبنا" تكشحها بالسهولة دي؟! عليك الله دي كائنات الواحد يقعد معاها اكتر من نص ساعة، خلي تعيش باقي عمرك معاها؟! على العموم يا الجيلي يا صاحبي إن شاء الله زواجك في ميزان حسانتك، وقدر الله وما شاء فعل، ولتعلم أنه ما اصابك من مصيبة في هذه الدنيا الفانية إلا وكانت لك شفيعا يوم القيامة... وح تلقاني منتظرك في الجنة هناك واذكرك بي كلامي داgapgap |
اقتباس:
|
أنا غايتو الترجمة - فنيا - عجبتني خالص
بس في حتة (نمصر الليمون دي) أعتقد المترجم خان النص ودا طبعا بيثبت نظرية الترجمة خيانة للنص لكن الباقي الحقيقة فيهو أمانة واضحة |
طبعا يا اساكة دي ملاحظة عظيمة ما بتطلع إلا من ود حلة سااااي كان أديب سابق...
فعلا ترجمة "نمصر الليمون" لم تكن موجودا في النص الأصلي، حيث كانت موجودة "نشتت الشبس"، ولأن المترجم لم يكن مترجما معاصرا لزمن اضافة الشبس للفتة، لذلك دعته أمانته المهنية إلى استبدالها "بتمصير الليمون"... وبصراحة بصراحة، لو المترجم خلاها "نشتت الشبس" كان هو زاتو كشح الفتة دي |
| الساعة الآن 01:02 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.