ماتو في كرري
1 / 1 / 2000
بت الناس يا السمحة أنا جاييك عريس لكن إنتَ قصير صاحباتي يقولو شنو علي لمن نجي في الصالة سوا 1 / 1 / 2001 يا بتي ... ود عمنا علي جا وقال دايرك لولده صالح وهم الاثنين ما شاء الله عليهم يا أبوي ... قرايبك ديل انا ما بعرفهم ... العرس دا ما موضوع ساهل كدا 1 / 1 / 2002 يا بتي ... جارتنا سميرة قالت ولدها عايزك يا أمي .... ما بحبه 1 / 1 / 2003 دا مفلس ، ودا كلامو كتير ، ودا ما بيتكلم ، دا نخرتو شمال ، ودا عينه اليمين زايغة شوية ، دا ما عنده شنب ، دا كراعه اليمين 43 والشمال 42 ، دا ما بتفاهم معاه ، دا ما رومانسي ، ودا ما بيعرف يسمعني ، وانا مختلفة مع دا فكرياً ، ودا .... 1 / 1 / 2004 لسع صغيرة أنا دايرة أقرا 1 / 1 / 2006 الأمان والضمان في الوظيفة احسن لي اكمل الدكتوراة والقى شغل كويس 1 / 1 / 2008 أعرس زول مؤهلو التعليمي أقل مني كيف ؟ 1 / 1 / 2009 لازم أكون نفسي وأضمن مستقبلي برصيد كويس . . , 1 / 1 / 2015 كلهم كضابين ما بيستاهلوني . . . 1 / 1 / 2017 هو وينهم الرجال ؟ الرجال ماتو في كرري . . . لا يبنية ... الرجال قاعدين لكن يسووا ليك شنو ؟ ما قلنا ليك كل شي في وقته (كان) حلو |
:D:D:D
طيرة فى اليد وطارت مع أخواتا |
سلام يا هاني وعساك بخير ..
مشكور ياخي على الإسكتشات اللطيفة المرتبطة بالواقع. تحياتي |
هاني عربي
سلام مشكلة العزوبية والعنوسة لو حكمناها بعين محايدة حنلقي النسبة المئوية الكبيره لدي النساء البنات وطموحاتهن الما ليها حد والأمهات وتدخلاتهن الكتيييييييرة الما ليها حد برضو في شئون بنياتهن أو اولادهن العاوزين يتزوحوا |
اقتباس:
عشرة في الشجرة ولا طيرة في اليد |
اقتباس:
حبابك ومرحب بيك الواقع احياناً اصعب من الخيال |
اقتباس:
سلامات مجتمعنا كله محتاج اعادة توعية ،،، ما عارف هل الحل في ربطه بالماضي او في استشراف مستقبل جديد ومختلف |
| الساعة الآن 07:20 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.