كايس لى طايوقة
 

والله العظيم
العندو ما يبخل علينا

والله يا حسين مشتاق ليك جد.
ياخ والله تقول شنو الواحد سرتو مدفونة هنا لكن الفيس بوك بشيل الزول. كنت أتمنى الناس هنا تواكب الزمن لكن قصة الأصولية دى باين عقدة دايمة. الفيس موفر الحرية الكان بحلم بيها النور يوسف بتاعت (لسانك حصانك كن صنتو صانك وكان خنتو خانك) لكن الحرية المحروسة زى بتاعت الشيخ القال ستيان المرأة حرام لأنها ترفع أثدائها لتظهر كالفتاة البكر وذلك كذب خداع وتدليس :D:D:D

أنتى حقو تجى تزورينى قبال ما نسلم الأمانة كان فيك فايدة

هلا بالغالي ليك وحشة
أكان عندنا طايوق كان عاسوا فينا فسادا وإفساد
الله يدينا ويديك يامقدس

وجيدة الشديدة ليكى وحشة قدر الليلة وبكرة أخبارك شنو

شوفت كيف يا عزيزه القاريء؟!
أهو عمك الكافر دا كايس ليهو طايوقة، وكأن الطايوق دا حكر فقط على غنم السودان، مع أنو بامكانه يمشي اقرب مسلخ في بلاد الكفر، ويطلب نخاع شوكي لغنماية انضبحت، ولكن الأمر ليس بهذه السهولة التي نتصورها، وكأن الجزار في سويسرا زيو وزي الجزار في الكلاكلة، بحيث أنك تطلب منو طايوق زي الكأنك بتطلب كبدة أو قلب !!

وأهو دا بالضبط (حرفيا ومجازيا) حاصل معاي انا في مسألة الزواج، فأنا وكما تعلم كايس لي طايوقة اعوس بيهو عجينة روحي والتي خمرت وخمبخت عديل كدة، واجعل من هذه الروح (طرقات) علشان اكل بيها لقيمات يقمن بها صلبي...
لكن مشكلتي أني حاكر ومأطر نطاق بحثي عن (طايوقة العمر) في (بنات) السودان، مع أنو بامكاني امشي اقرب اسرة كافرة، واطلب منهم طايوقتهم، ولكن الامر ليس بهذه السهولة، وكأن الاسرة في بلاد الكفر زيها وزي الاسرة في السودان، بحيث انك تمشي تشرب شاي مغرب وتتقدم بطلب يد بنتهم، وكأنك قاعد تشتري كراكيب قديمة منهم!

على العموم، المسألة على ما تبدو (مسيرة بخيار محدد)، وبالتالي أنا لو ما لقيت طايوقة اعوس بيها عجينتي الخمرت دي، ح اتصالح مع الواقع واعملها عصيدة عاااادي، وابقى زي براد بيت وانجلينا جولي*...

*طبعا لو تلاحظ انو الجوز دا، كانو عايشين حياة حلوة جدا جدا (كاصدقاء عندهم اسرة) واستمرت العلاقة دي لأكثر من ثمان سنوات سمن على العسل، أول ما قرروا يتزوجوا طلع ليهم الشيطان وحول حياتهم إلى فيلم كرتوني (توم وجيري)، واتكتب النهاية على الفيلم دا:D

بسم الله الرحمن الرحيم

:D:D

يا ستهم أخبارك وعلومك

الخواجة ده إتعلم العواسة على كبرو gap

يازول سيبك من عزيزك القارئ وشوف ليك مرة. وحاتك فى الفة ما بتلقى غيرا الوليدات بطفشوا أسألنى أنا

فى نكتة قديمة لود نفاش سايق ليهو عجلة بدون فرامل وتوش قد الصريف وما وقف الا جوة التكل لقى مرة بتعوس أتهجمت فقال ليها (أمى قالت ليك أدينى طايوقة)
فأها دخلت بدون تابلت فممكن يقولوا لى عايز شنو :p

انتهيت من النملية خلاص قبلت علي الطايوق قرضتو:D

:D:D:D

اشتقت ليكم وللشية ونجيلتكم الكلها حصحاص ديك
الخواجة دا ما فضل ليهو الا شراب السجايرgapgap