التواصل إنقطع.. جابتنا المحبة
 

بسم الله الرحمن الرحيم

الأعزاء الكرام/ الكريمات
الافاضل/ الفضليات،،
بمنبر سودانيات العامر..

السلام عليكم /عليكن.. اتينا بعد غياب قسري، و غبنا طويلا ، و اليوم اتينا للسلام على صديقنا الاخ العزيز عكود "شيال التقيلة" و أصحابه / أصحابنا الكرام الافاضل ، بابكر مخير، حسن فرح، شوقي بدري، معتصم الطاهر الذين صمدوا مثابرين ليستمر هذا المنبر متالقا، كما نحي الأعزاء النور يوسف و ناصر يوسف و كل الجنود المجهولين الذين يعطرون هذا الصرح ببذلهم و عطائهم الثر ، و نحي الأعضاء الجدد، و على المحبة نلتقي..

و نترحم على أخونا المالك المؤسس، طيب الله ثراه ، و أكرمه بواسع الرحمة و المغفرة..

يا ألف مرحب بالعزيز الباذخ
جيدن جيت، والجابك يجيب عقابك، من ذكرتهم وغيرهم.

نزلت أهلا والميدان مفتوح.

تحياتي

ند الشبا ولا جبل علي 😂😂
حياك الله أيها الرجل المفخرة!!!

مرحبتين حبابها طلتك يا فيصل يا صديقي

كلنا غبنا بأسبابنا الخاصة ، أو قل بظروفنا الضاغطة ،، و عدنا ثم غبنا ثم عدنا من جديد . عسانا أن نقدم لهذا الصرح بعضاً من الدين الذي علي رقابنا

رحم الله الأخ الحبيب خالد الحاج الحسن الحسين واسع رحمته


ياخي حتي العمدة عكود ده ، المفترض الواحد يرحب بيه و يقول ليه

حبابها عودة قلمك هنا

الجميل فيصل سعد
غمرتنا محبتكم ونحن نخطو خطواتنا الأولى فى واحة سودانيات الوارفة الظليلة
وشرقنا الجمال المنثور فيها . . وغبنا وحاولنا العودة مرة ومرات .
وإذا كانت سودانيات قد نثرت الجمال ودعت لقيمه فأولها كان مناهضة حكم القبح والرداءة . . والآن بلدنا أحوج حتى من ما مضى لإعلاء هذه القيم وترسيخها والدفاع عنها . .

السلام و التحايا الطيبات عزيزنا الدكتور عايد عبد الحفيظ ، و مرحبا بك في دارك.. نعم الوطن يحتاج سواعد أبناؤه الحادبين، و معا ننطلق للامام، و أي كوز ندوسوا دوس 🦶🦶

الحبيب النسيب
وإنطال غيابك ديمة إتا قريب
شكرا ليك ذكرتني وسط كوكبة من المحاربيين الصابيناها "من أحلى الكلامات في موسوعة ثورة ديسمبر" ...
نحنا هنا وسوف نظل على عهدنا "لخلودي" صادقيين، مصابرين وصابرين الي عودة كل الطير الهاجر وإغترب...
تعرف من ما قربت سودانيات الوصول لنصف المليونية وأنا متابع هذا الرقم الي أن يصل الخمسمية الف. عشان تتختا باقة نضرة جميلة على نصب شهيدنا القديس الحبيب "خلودي"


http://www.sudanyat.org/vb/uploaded/851_1579859045.png

[youtube]https://www.youtube.com/watch?v=lWmTgCuIwHo[/youtube]

[youtube]https://www.youtube.com/watch?v=gbDllYHUd7s[/youtube]

الحبيب الحسيب النسيب
نان شوف ليك جنس حالة
وكيف التواصل ضعف
ناسنا لافيين في الحلة لمن بقآ؟!
زوارنا أكتر من حضورنا وبقت علينا..
البيت محروس وستهو تكوس


http://www.sudanyat.org/vb/uploaded/851_1579942855.png

[youtube]https://www.youtube.com/watch?v=9lXFfCU5Xbs[/youtube]

حبابك يا دوك، حادي الركب و عميد الألفة و التواصل و المحبة و المحنة،، يديك العافية 🌷 💚

كنت داير اسهب و استرسل في مدحك، و اديك عمادة البكاء و النخجي، لكن خفت مع الكبر 😜😜 تزعل مني، و انت ياكا عارف ما بدور زعلك..
لكن لو مقسمين معاك ،، شيلهم هوادة و كدا..

الحبيب أبو رحيق ما تتحسس، و اعذر الزهايمر 😅😅😅 علي بالطلاق ما شفت مداخلتك ،، إلا بعد تنبيهك و مداخلتك دي 🌷🌷و عليه معزوم شية في سوق الناقة أو سمك في الموردة في أول لقاء لنا إن شاء الله.. و عذرا جميلا إنت ما الزول البفطوه يا صاحب..