لقاء مفتوح مع حسن فرح
 

التحيا والتقدير لعمنا حسن فرح.
عم حسن بيكتب بوستات كتيرة فى الشأن السوداني.
كل الناس بيحسو بيهو مهموم أكتر من اللازم!!

من هو حسن فرح؟

((كل الناس بيحسو بيهو مهموم أكتر من اللازم!!))
جيلى سلام
كترتها يعنى؟ معليش سامحونى غلطان

ابدا والله.
انت فخر للأسافير وهمك الشايلو للبلد ياريت كل الناس تشيلو زيك.

كدي كبداية أدينا لمحة من مولدك والنشأة وطفولتك.
لى قدام جاييك بأسئلة كتيرة😉

سلام الجيلي والتحية لدكتور حسن
حسن فرح في بوست قديم حكى كل شيء عن حياته ودراسته بالسودان وعمله كمدرس بمناطق جبال النوبة وذهابه لروسيا واليمن والجزائر.
ارجو من د. حسن جلب البوست المعني.

ايوا بتذكر البوست بالحيل يازين.
علا لكن جااي لعمنا الحسا بأسئلة وخفسات جديدة هنا😉

التحية و الإحترام لكبيرنا و تاج راسنا د. حسن فرح



المنبر محروس بيك يا دكتور و بأمثالك من الغيوريين علي سودانيات



لك مني الإحترام






دكتور زين عبد الله



بركة بشوفة قلمك يا حبوب



تقبل أشواقي و احترامي




تعال بجديدك يا قول بسم الله يا ابشلاليف و انطلق

بسم الله الرحمن الرحيم

يا سلااااااام ياخ

والله يا دكتور حسن ع طول تبادر لفهمى توضيح الجيلى ههههه ،
وقلت ياخى دى فرصة ( نسولف ) مع دكتور حسن اصلا طولنا منو ،
وطبعا الجيلى زول جميل وقرأ من كترت البوستات عشقك للسودان وانسانه

ياخى مشتاقون وكيفك وكيف الاسرة والغيبة الطويلة دى ، ان شاء الله يكون عندك جية قريبة للخرطوم المدينة الباكية التى تستميت فى الدفاع عن انسانها ولسانها ونيلها الجريح ،

عموما البوست ده فرصة ناخد ونديى معاك

تحياتى بلا حدود

التحية والتقدير الى الأستاذ حسن فرح والتحية لنضاله الطويل فى الاسافير .
اتمنى ان نتعرف عليه اكثر وان يحكى لنا تاريخه المشرف.

وراجينك كمان يا إنسان كيغالي السمح🌹

عم حسن عندو مقدرة كتابة وحكي تفوق صورنا، مزيج بين العوالم، اتقان للغات مختلفة، أب وجد وباحث ومناضل لايفتر.
دي كلها عايز أسألو منها.

سمحة الشوفة نور الله البضوي

التحايا ليك أستاذ فتح العليم

نبدأ حوارنا مع عم حسن.
زمنكم داك كان التعليم صعب شديد.
قريت وين لمن كنت طفل؟
والمجايلين ليك (أصدقاء الطفولة) أين هم الآن؟