انتخابات مجلس إدارة سودانيات - دورة المرحومة غيداء -...
تحية للأحباب..
حسب الوعد نطرح اليوم عضوية مجلس الإدارة لنيل ثقة العضوية. كان الجزء الأول من هذه المنظومة هي انتخاب الأمين العام ونائبه. اليوم بفتح باب التصويت نبدأ خطواتنا الأولي في إكمال الجزء الثاني. كانت درجة المشاركة في انتخاب الأمانة العامة محبطة ، ولا أدري حقيقة لما الإحجام ؟ أتمني سماع رؤية الإخوة والأخوات الذين لم يشاركوا ربما يكون هنالك قصورا ما نستفيد من رؤاهم لمعالجته. طرح الأخ الجيلي رئيس مجلس إدارة سودانيات فكرة أن تعرض تعديلات الميثاق للتصويت في تزامن مع انتخاب مجلس الإدارة لكني أري تأخير الأمر قليلا لمزيد من الحوار . كذلك أرجو بحث أمر العضوية الخاملة مرة أخري . هنالك أكثر من 180 عضو مشاركاتهم (0).. هؤلاء عند عمل أي إحصاء للنشاط في المنتديات يكونون خصما علي المنتدي. بعض الإخوة يري حسهم علي المشاركة .. كيف السبيل إلي ذلك وأنا لا أتأخر في إرسال بريد جماعي من حين لآخر لكل ما يستجد في سودانيات ولا مجيب؟ المرشحون لمجلس إدارة سودانيات هم/ن : آمال سليمان لنا جعفر منال محمد أمير الشعراني عادل عسوم معتصم الطاهر هنالك عرف في سودانيات أن يخصص مقعدين للنساء في مجلس الإدارة . هو عرف جيد وأنا هنا أذكّر فقط فما نتمناه للمرأة في سودانيات أن تكون فاعلة ورائدة ومشاركة. نسبة النساء مقارنة بعدد الأعضاء الرجال قليلة جدا. لذا كان هذا العرف. أوصيكم بهن خيرا ... [align=center]http://sudaniyat.net/up/uploading/vote144.jpg[/align] بالتوفيق إن شاء الله . |
اقتباس:
وحظاً قادم لغير الموفقين بالفوز .. والي الامام اها يا خال ..صوتنا .. لم نقول كما يقول جيراننا يا لهويييييييييييييي.. بل أدلينا بدلونا ومارسنا حقنا.. |
خالد
كل سنة وانت طيب صوّتنا بالتوفيق للجميع |
التهنئة الحارة و عميق الاحترام و التقدير لجميع الاحباب المتنافسين هنا على خدمة منبرهم مواثيقا و لوائح و نظم وتطوير، و الذين ارتضوا المشاركة الطوعية في مواصلة و متابعة البناء و التشييد و البذل و العطاء، ملتزمين بالديمقراطية و المؤسسية و الشفافية ديدنا و منهجا و ركيزة:
لا شك بان الجميع فائز هنا، و اتمنى نجاحات مكثفة من اجل إعلاء سودانيات والارتقاء بها الى محافل تزدهر و تزدان وترتقى الى ذلك الاعتلاء الفخيم.. و اؤكد سعادتي و فرحتي بعبق ممارسة الديمقراطية فى ارفع اشكالها، فى دفء ومحبة وحرية بلا تدخل ولا تحيز ولا اشارة.. و التهنئة للفائزات والفائزين بشرف هذا التكليف المسئولية، و اظل معكم على الدوام عونا و سندا بنفس الحماس و الاندفاع. والى الامام ،، مع باقات من الحب والود والاعزاز. |
بالتوفيق للجميع
كلنا هنا سودانيات وليس فينا مهزوم اوخاسر فكل واحد مننا يمثل الكل في هذا النسيج المتميز فقط مزيد من المشاركة في هذه الممارسة وهذا التمرين الجميل للديقراطية لنكون جميعا في قيادة هذا المركب الذي يسعنا بكل تنوعنا وتباين رؤانا واختلافنا الذي لا يقود الا لمذيد محبة وعميق تواصل |
كل عام وسودانيات بخير ... عيد سعيد
الأمنيات الطيبات للزملاء و الزميلات و قدماً الي الأمام |
كل عام وسودانيات بألف خير ومليار عافية..كل الأمنيات الطيبات بالعيد السعيد ونسأل الله أن يكون خيرا وبركة علي الجميع.مع خالص امنياتي لجميع المترشحين بالتوفيق والعمل الحر من أجل سودانيات..
|
كل عام وهذا المنبر الشفيف في صعوده المستمر نحو المعالي وأحلام الشقائق والرجال ... !!!
تحياتي |
بحمد الله ورضاه
قمت بعملية التصويت وأنا كنتا ما عايز، لكن لأسباب؛ خرمة لي أيام القراية والإنتخابات إشباع لي رغبة ممكن ما تتوفر ليا تاني (الإنتخابات في السودان مشوارها طويل والعمر لئيم ما بيديك فجة) خلق نوع من التوازن في قائمة المترشحين (هنا لو شاوروني، كان يكون واحد "عشان نسميهو رئيس حسب السايد في العالم، أغلب الرؤساء هم"،، عدد 2 نواب،، واحدة وواحد وتلاتا أعضاء) ولو قالو منو يكون الرئيس؟؟ نقول: الكبير في العمر!! "يازول والله تلقى قائمة المرشحين ما فضل فيها إلا المربعات وين تخت علامة الصاح" مبروك للحيحظو بي رضاء الأغلبية ومبروك للما ححيظو برضاء الأغلبية لأنو الناس في قلوبهم معاهم بس راتينين عليهم من الشغلة دي وما ينسو الأغلبية الخاملة؛ كانت صوتت ليهم وقلبت القصة....... مبروك لسودانيات وشكرن خلودي على خلق مكانة نتفشى فيها، نضمي ونقة وديمقراطية.. محبة وريدة يا الستة العظماء،، صوتا ليكم كلكم، مجموعة عشان تشيل الهم ومجموعة عشان ينشال منها الهم |
اقتباس:
إحترنا في التصويت؟؟ نصوت لي آمال ولا لي AMAL يديك العافية يما والدعاية الإنتخابية بتاعتك دي؛ رقيقة، رقة كل نسمة هابآ من طرفك وراقية رقيّ كل نظرة كاحلة من طرفك عليها تستاهلي تلمي كل الأصوات تختيها في طرفك.. ليك مودة ليكي!! إتا بالذات AMAL أو آمال |
اقتباس:
شكرا ياعميد المحبة بس عارف لو صوتا لي حازعل لانك حسبتني من الداير تشيلم الهم الابيت تشيلو انتا ;) عموما انا علي راي اي من المترشحين يمثلني تماما وكل الناس زيك محتارة تدي منو وتسيب منو بس دي الديمقراطية التي ارتضيناها هنا تميزا وتفردا وتجربة رائدة ومثالا يحتذي لغيرنا من المنابر التي تشكو من سلطة الفرد وتحكم المالكين والكرة الان في ملعب العضوية الصاحية والنايمةgoood المشاركة المشاركة وياشباب ما تمسكو باسويرداتكم وتنوموا:mad: وتبقوا بتاعين بنوك ذي ما قال الغرقان:D يا شباب واسع المدارك يلا صوت شان تشارك لسة قدامك معارك شعارات الحزب الشيوعي انتخابات الديقراطية الثانية |
[align=center]كل عام والجميع بخير ..[/align]
|
....
[align=center] لِى قِدَّام ... [/align] .... |
الأعزاء
كل سنة وانتو طيبين معليش يا خال جينا متأخرين بسبب إجازة العيد لكن صوتنا أمنياتنا للفائزين بالتوفيق ولسودانيات مزيد من التقدم والإزدهار (بالمناسبة صورة استاذنا ود مخير الجديدة فأل خير) |
[align=justify]العزيز بن عمي الحاج عيدك سعيد وخبرك عندي ;);) ..
دخلنا وصوتنا وأنا كم فَرِحٌ بهذا الفهم الديمقراطي الراقي وليتهم يتعلموا من سودانيات معليش علي التأخير الشينات التلاته (شيّه / شَطّه / شربوت) ودي تسعة أيام يا مان :p:p[/align] |
| الساعة الآن 12:39 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.