سودانيات .. تواصل ومحبة - عرض مشاركة واحدة

imported_مرافي · 07-08-2011, 08:53 AM

اقتباس:

المشاركة الأصلية كتبت بواسطة نبراس السيد الدمرداش

يا ستهم رمضان كريم

ضربتي مكان الوجع يا مرافي
امس دخلت السوق المركزي شمبات مع الوالده
يعلم الله قلبي وجعني و دمعتي فرت من عيني
الخضار ما بتهبش
كيلو الطماطم 20 ولو تكرم عليك بديك ليهو ب 16
ربع الفول بالشيء الفلاني يعني الناس تاكل شنو
دا كان اكل الاسر البسيطه و الفقيره طماطم و دكوة و شوية موية فول
اما اللحوم فحدثي ولا حرج
عارفه الوجعني شنو يا روفي منظرين

الاول :
مره معاها بتها عمر 10 سنوات و ولد عمر 7 سنوات
ولافه بتشحد بيهم وجعني منظر الولد وهو مكسور و البت و هي مستحيه

التاني:
راجل عمر 60-65 جا يشتري مكعب مرقه
لقاها ب جنيه و نص و رجع خلاها لانو حق المرقه ما عندو

ويقعدو يفتوا في اغاني و اغاني

رمضان كريم يا نبروسة
ينعاد والبلد تنعم بالرخاء
الحالة مؤلمة الخضار استعصى على الناس والحالة نحنا دولة زراعية !!!
اراضي خصبة نيل مزارعين السبب البيخلي الخضار يغلى شنوو ماعارفة !!!؟؟؟

التسول بعد شوية ح يبقى ضرورة هو زاتو القادر ينفق منوو؟؟؟
ديل نشفوها الله ينتقم منهم..

البلد بتموت هووووي يا اخوانا عطش وجوع الفضل شنو..؟؟؟
اعتقد غالبية الشعب السوداني مصاب بفقر دم....
بيصوم ويفطر على بصلة..
واسوداناه...