اقتباس:
المشاركة الأصلية كتبت بواسطة Wad Elbeck
اقتباس:
المشاركة الأصلية كتبت بواسطة الطيب موسى الطيب
الاخ ود البيك كيف حالك وازيك انت كل الناس ما زيك متابع ومعلق ظريف وكريم تستقبل ضيوف المنتدى وتقف على محطات الوداع لبعضهم واول المشاركين في افراحهم واحزانهم حفظك الله ورعاك وعبرك لكل اسيوطي عابر البحر قاصد الاهل حملتو اشواقي الدفيقة ليهم وللوطن وهو يلبس سواد احزانه وغدر جيرانه .....
الطيب يا صديق .. تسلم على الكلمات الطيبة ..
أما عن أحزان الوطن فلا عليك يا صديقى .. يقينى بالله أنها مسألة زمن وتنكشف هذه الغُمة وتعود هجليج إلى حضن الوطن ..
أما عن غدر الجيران فلا غرابة .. فناس الحركة لا زالت تتقمصهم شخصية التمرد هروباً من التحدى الحقيقى وهو أن تسوس شعب وتخلق تنمية وتبنى مدرسة ومستشفى .. ولكن ما أسهل أن تشعل حرباً ..
هذا بالطبع لا يعفى حكومتنا الرشيدة من كونها أُس البلاء والبلاوى وأنها قدمت تنازلات جسيمة بلا مقابل ملموس ..
ولكنى هنا فى مقام" أنا وإبن عمى على الغريب" ..
سلام لعموم الاسايطه
ياسلام عليك يا ود البيك زي ما قلت ليك في التلفون انو المغترب بيفيد السودان اكثر من الموجود داخله فكلامك الجميل في حق الوطن واسترجاع الغالي منو اكد لي موقولتي والكثييرين في الداخل كأن لم يحدث شيء والله يرحم الوطن ويوحد كلمتو ضد الاعداء ويسترجع لينا كل شبر منو سواء حلايب او الفشقه او هجليج
وماتنسوا وصية جدودنا زمان
والماعندو قديم ما عندو جديد