[imported_رأفت ميلاد]

اقتباس:
المشاركة الأصلية كتبت بواسطة هشام ديدي
يا هواء انشاءاله نسوك بعد الشاي ..انت جاييي عشان الشايي ..خلاص اشرب شايي.. يا رافت ولا اعملك اسبنازي ..يا بتاع السبانخ

سلامات يا هشام

ياخ بصراحة أنا بوستات زى دى ما بداخل فيها لخضوعها لمعتقدات وقناعات غير قابلة للمغالطات زى بوست ياجوج وماجوج داك .. ولامن خاطبتك والله أفتكرتك صاحبى البديرى المدمن معاكستو ومعاكساتو.. ونحن ما بقينا عقاب عمر لكن أخترنا الطشاش على العمى

لكن طالما لقيت نفسى هنا إلا أقول وجهة نظرى خاصة عسوم مسافر .. تعرف قصص المسيح أو المسيخ الدجال أو الأعور ما مهم التسمية .. وردت بطريقة أو أخرى فى الكتب .. فى الكتاب المقدس فى (سفر الرؤيا) وردت قصص كلها رمزية مثل الأحلام .. الترجمة الحرفية لمثل هذه الأشياء موصوفة بالدقة للشكل وللحدث تجعل الرواية مثل الأساطير وتبعدها عن الواقع الموغل فى الماديات .. لكن لكى نوائم الدين بالواقعية يمكن الأستفادة من رمزية هذه القصص .. والفساد والأفساد والجماعات المتطرفة بكل أشكالا هى الأعور فى عينو ..
والجماعات المتطرفة ديل ما ينط لى زول ويفتكرنى بقصد الإسلامية فقط .. يوجد الكثير مثل الجماعات التى تدعو للإنتحار الجماعى أو التى بثت السموم والغازات فى الأنفاق فى اليابان أو الذى يعاشر عشرات النساء فى منزل واحد فى أمريكا أو أو أو

ده ما ياهو (خلفية) الدجال ونبوئة دعوته فى كل روايتها .. ورجوع المسيح نفسه لمحاربة الدجال ربما أيضاً رمزية تعنى رجوع الإيمان أو العودة الى الفطرة السوية ..

معليش على المقاطعة .. لكن ضحكنى والله بهناك فى زول ناس ياجوج وماجوج البرقد فى أضان ويتغطى بالتانية .. تعرف أبوى الله يرحمه كان بقول (ياجوج وماجوج ياهم الصينيين ديل)