[imported_كيشو]

المشاركة الأصلية كتبت بواسطة Sana Mursi

يعني حسي افهم شنو ؟ ما مرحبين بعودتي الطوعيه،،،،،ولا الحاصل شنو،،،،، معقوله تطنشوني قدر ده،،، عارفين كلكم اني ان وصلت السودان مع نهاية الاسبوع الاول من يناير،،،،،، ومشيت لابرا لغاية مكتبه القديم والجديد كمان،،،،،، وبعد لو قاطعتكم،،،،،،، زول يجي يقول بغم ماف،،،، ولو اعلنت جهويتي وعنصريتي ودخلت غابة منتدياتنا النوبيه وشلت السلاح زول يلومني ماف،،،،،،، غايتو بالغتو بوليغ شديد......اللليله يوم 6 فبراير فاضل يومين واقفل شهر،،،،،، وبعد اليومين حارفع الفراش وما عايزه لا زياره ولا ومكالمه ولا اي نوع من انواع العلاكات الدبلوماسيه وبرجع ليكم سفيركم وحاسحب سفيري ذي ما بتاعين الركشات لما يسحب البتاع داك الجيربوكس ولا شنهو.......الوحيد الاتصل موهند و هو ذاتو اليصبر لي......بستثني بورداب الخارج من قرار المقاطعه لحين اشعار اخر......
وبث خلاث بلا تواصل بلا بطيخ معاكم
انها الحرب اذن......ديش الببيعرفكم وديش البحبكم
خوه فرتق،،،،،، محبه بببببح

يا سناء
الحمد لله على السلامة يا أختي الكريمة، وأتمنى ليك إقامة طيبة، وربنا يعينك على المسئولية
أنا غايتو لو لو حكاية والله خاتيك في بالي ومنتظر ظهورك وتطمينك لينا بالوصول، لو الحكاية دي بتنفعك كان نفعتك لأنو دا الحصل بالجد، ومن (البوست) بتاع قرار الرجعة ما نسيناك
شفتك قبل كم يوم بتتكلمي عن القاهرة كخيار
أها أخوانك ولّ ما أخوانك؟