[شبارقة]

المشاركة الأصلية كتبت بواسطة كيشو

طيب ما تزيد عليهم: العبار

[align=justify]ههههههه .... عارف يا كيشو بمناسبة العبّار دي قالوا ليك كان في فكي (أيام الجاهلية في السودان قبل 50 سنة ) كان الناس بتبركوا ويتمسحوا فيهو ... أها الفكي ده كان بيشرب المريسة وعشان مريدوهو وأتباعو ما يشوفوهو كان بيحتفظ بيها في الإبريق بتاعو ... أها في يوم من الأيام أحد مريديه (وكان بالقرب من الفكي) أمسك الإبريق بقوة ويريد أن يشرب من موية الإبريق عشان ينال البركة ... بركة موية إبريق الفكي !!! (بالله شوف الجهل ده كان كيف) ... وطبعا الفكي تمسك بالإبريق خوفاً على إكتشاف أمر المريسة التي بداخله ... ولما شعر بأن الزول سيغلبه ويخطف منه الإبريق قام طوالي إستخدم الدهاء والمكر مستغلا ً جهل الرجل وقال للرجل : إن شاء الله الموية الفيهو تنقلب مريسة .... وقد كان .... عليك أن تتخيل مدى دهشة الرجل من سرعة إستجابة الله تعالى لدعاء الفكي ولك أن تتخيل إزدياد عدد المريدين للفكي بعد تلك الحادثة ..... [/align]